NATAGPUANG patay sa driver’s seat ng kanyang sasakyan ang 68-anyos na beteranong broadcaster ng dyCM radio station na si Sam Costanilla sa Brgy. Inayawan, Cebu City noong Linggo, Setyembre 27. Napansin umano ng mga batang dumaraan ang masamang amoy mula sa nakaparadang sasakyan at nang silipin, nakita nila si Costanilla sa loob. Wala umanong paunang indikasyon ng foul play, habang hinihintay pa ang resulta ng autopsy. | BULGAR

HINDI pa tuluyang nakakalagpas sa kontrobersiya ang aktor na si Derek Ramsay kaugnay ng Porsche 918 Spyder na nakarehistro sa kanyang pangalan at sinamsam ng Bureau of Customs (BOC) dahil sa umano’y mga paglabag sa pag-angkat nito. Ayon kay BOC Commissioner Ariel Nepomuceno, maaaring ituring si Ramsay na buyer in good faith batay sa mga dokumentong hawak ng ahensya sa ngayon, dahil hindi siya ang importer ng sasakyan. Gayunman, sinabi ni Nepomuceno na maaari pa ring madamay ang aktor kung siya ay maiugnay sa mga taong sangkot sa ilegal na pagpasok ng sasakyan sa bansa. "Sa ngayon, madaling tingnan na buyer in good faith siya but if the importer implicates him, makakasama pa rin siya sa kaso. Based on documents right now, he is not the importer but if implicated, delikado dahil ang importasyon, 'di nagtatapos sa entry sa pier. 'Pag bumii ka, damay ka,” wika ni Nepomuceno sa monthly ‘Balitaan’ forum ng Manila City Hall Reporters' Association (MACHRA) sa Harbor View Restaurant. | Via Mylene Alfonso, BULGAR

PANOORIN | Tuloy ang hanapbuhay ng ilang vendor sa Thailand habang mistulang floating market ang binahang mga kalsada. Kasunod ito ng sunud-sunod na malalakas na pag-ulan na nagdulot ng pagbaha sa Bangkok, na dahilan upang ideklaeang disaster-affected zone ang capital ng Thailand. | BULGAR 📷 ABC World News

ISANG residential area ang nasunog sa Bolaong Uno, Multinational, Brgy. Moonwalk, Parañaque City, madaling araw ng Setyembre 13. Batay sa Bureau of Fire Protection (BFP) Parañaque, natanggap ang ulat tungkol sa sunog alas-1:51 ng madaling araw at itinaas sa unang alarma bandang alas-1:57 ng madaling araw. Patuloy pang inaalam ang sanhi ng sunog at halaga ng pinsalang iniwan nito sa mga kabahayan.

PINASALAMATAN ni dating Pangulo at ngayo’y Pampanga Rep. Gloria Macapagal-Arroyo si Vice President Sara Duterte sa tulong na ipinamahagi sa mga residenteng binaha sa Sasmuan, Pampanga. Namahagi ang Office of the Vice President (OVP) ng family food packs sa 2,244 pamilyang apektado ng baha sa lugar.

UMANI ng reaksiyon online ang viral video kung saan nasagi ng isang fire truck na rumesponde sa sunog ang isang sasakyan sa Macabulos St., Bangkal, Makati City. Makikita sa video na nahirapang makadaan ang fire truck dahil sa mga sasakyang nakaparada o naka-double parking sa lugar. Dahil dito, nagtatanong ang ilang netizens kung sino nga ba ang umano’y “kamote” sa naturang insidente.

UMAASA si Philippine Olympic Committee (POC) President Abraham “Bambol” Tolentino na maagang tatapusin ni 2-time Olympian at Asian Games medalist Eumir Felix Marcial ang kanyang pro fight kontra Mexican-American Ulises Huerta sa Setyembre 19, bilang bahagi ng undercard ng DAZN Premier Boxing Champions (PBC) event na gaganapin sa Pechanga Arena sa San Diego, California. Kapag nagawa niya ito, malaki ang bentahe niya sa kanyang susunod na boxing match sa 20th Asian Games na magsisimula naman sa Setyembre 21. Isa si Marcial sa mga inaasahang boksingero na mag-uuwi ng medalya at maaaring makatulong sa pagtuldok sa 16-taong pagkagutom sa medalya ng national boxing team, kasama ang iba pang Olympic boxers na sina Nesthy Petecio, Aira Villegas at Carlo Paalam. Patuloy na hinahanap ni Marcial ang gintong medalya sa Asian meet matapos kapusin sa silver medal sa nakalipas na 2022 Hangzhou Games kontra sa Chinese boxer na si Tuohetaerbieke Tanglatihan sa light-heavyweight division. Bronze medal naman ang kanyang naiuwi sa 2018 Jakarta-Palembang Asian Games sa men’s middleweight (under-75 kg) category. 📷 Gerard Arce, Bulgar

NAGPAHAYAG ng kaunting pagkadismaya ang dating three-time PBA All-Star na si Paul Artadi sa pagkatalo ng Gilas Pilipinas kontra Bahrain sa kanilang nakaraang laban. Sinabi rin ni Artadi na isa sa mga naging dahilan ng pagkatalo ng Gilas ang kakulangan ng import. Gayunman, full support pa rin siya sa koponan.Sa kanyang vlog, nakiusap si Artadi sa Gilas Pilipinas na ipanalo ang laban kontra Kazakhstan ngayong alas-6 ng gabi upang madepensahan ng bansa ang gold medal nito sa Asian Games. Pinaalala rin niya sa kasalukuyang Gilas squad na mahina umano ang Bahrain noong panahon nila at hindi ito umuubra sa Gilas noong kanilang heydays. 📷 Paul Artadi | Facebook