MAJA AT RAMBO, BAWAL NANG MAGTAMPUHAN AFTER NG KASAL

ni Julie Bonifacio @Winner | November 29, 2023

Present si Maja Salvador sa bonggang birthday bash ng kilalang owner ng beauty/skin care products, ang Beautederm, na si Ms. Rhea Tan. Isa si Maja sa major celebrity endorsers ng Beautederm.

Bukod sa pagiging endorser, lumalim na rin ang personal na relasyon ni Maja kay Ms. Rhea. Naging isa kasi sa mga ninang ni Maja sa kasal nila ng kanyang hubby na ngayong si Rambo Nuñez si Ms. Rhea.

Pagkatapos mabati at maibigay ang kanyang birthday message for Ms. Rhea ay eksklusibo naming nakatsikahan si Maja sa ‘CelebREIt’ birthday bash ng Beautederm owner.

Tagal na rin nu’ng huli naming nainterbyu si Maja. Kaya natuwa kami nu’ng mabalitaan namin na nagtayo na rin siya ng sarili niyang kumpanya, ang Crown Talent Management.

Witness kami kung paano unti-unting natupad ang mga pangarap sa buhay ni Maja.

Mula sa bedroom package (na ni-loan pa niya mula sa credit card ng dati niyang handler sa Star Magic) para sa kuwarto niya sa inupahan nilang house and lot ng mommy niya sa Cainta hanggang sa pagbibida niya sa mga teleserye ng ABS-CBN.

“Nakakatuwa,” bungad ni Maja sa aming pagbabalik-tanaw sa nakaraan.

Dugtong pa niya, “Dahil siyempre ano, sa mga taong nakapaligid sa ‘yo. Thankful tayo and grateful na rin kasi lahat naman, eh, malaking parte sila.”

For the past months ay hindi muna tumatanggap ng serye at pelikula si Maja.

“I’m doing naman kasi hosting jobs. Season 3 na ng Emojination. Saka siyempre, ‘yung sitcom namin ni Bossing (Vic Sotto). Tapos ‘yung manager, manager (daw)?! Manager sa sarili,” sabay tawa ni Maja.

When we asked her kung kumusta siya bilang misis, say niya, “Parang si Rambo (Nuñez) dapat ang tanungin mo.”

As if namang nakakausap namin si Rambo, ‘di ba? Close kami, Maja?! Waaah!

Seriously, nagpaliwanag si Maja sa estado niya bilang misis.

Esplika ni Maja, “Uh, kaya hindi ako makatanggap (ng serye at movies) kasi adjustments pa, ganoon. Nag-a-adjust pa ako na parang siyempre, everyday kasama mo na. Iba ‘yung magdyowa, bawal na ‘yung magtampu-tampuhan. Alam mo ‘yun?”

Hindi na raw sila nagkakatampuhan ni Rambo.

“Wala na,” diin niya. “Kasi ‘yung tampu-tampo ko, nagpapalambing. Ngayon, parang wala na. Kasal na, eh.”

Wow!

MICHELLE, NIREGALUHAN NI CHAVIT NG BRAND NEW LUXURY CAR

ni Erlinda Rapadas @Teka Nga | November 29, 2023

Dahil mabangung-mabango ngayon ang pangalan ni Michelle Dee at marami ang humahanga sa naging performance niya sa katatapos na Ms. Universe beauty pageant, marami ang nagsasabing dapat ay isama si Michelle sa action-pantaseryeng Sangre: The Encantadia Chronicles.

Puwedeng-puwede raw ang porma ni Michelle Dee sa mga action scenes at babagay na maging isang Sangre.

Isang Air Force reservist si Michelle at nakapasa sa training kaya puwedeng sumabak sa bakbakan. Babagay din kay MMD ang mag-host ng show dahil smart ito at may kumpiyansa sa sarili.

Sa dami ng sumuporta at nakisimpatya kay Michelle Dee, hindi masasabing isa siyang talunan at “Thank You, Girl”. Dumagsa ang offers sa kanya ngayon at maging ang dating franchise owner ng Ms. Universe na si Chavit Singson na isang matagumpay na negosyante ay na-impressed din kay Michelle Dee. Kaya naman, niregaluhan niya si MMD ng isang brand new luxury car.

Labis ang pasasalamat ni Michelle Dee sa lahat ng kababayan natin na nagbigay sa kanya ng moral support.

BUNSO NINA SARAH AT RICHARD, IPINA-DNA RAW NI ANNABELLE

ni Janiz Navida @Showbiz Special | November 29, 2023

May bago palang isyung pinagpipiyestahan ngayon ang mga netizens tungkol sa estado ng relasyon nina Richard Gutierrez at Sarah Lahbati, na wala pa ring official statement hanggang ngayon kung hiwalay na ba talaga o nasa cool-off stage lang.

Kaya naman naloloka kami sa mga comments ng mga netizens na tila naka-monitor sa mga kaganapan sa buhay ng Gutierrez family.

May Instagram post kasi si Sarah ng video ng bunsong anak nila ni Chard na si Kai habang nakaupo ito sa isang chair.

Sa comment section na in fairness, hindi naka-off kaya nakapagkomento ang mga netizens, mababasa ang isyung diumano'y ipinapa-DNA ng nanay ni Richard na si Annabelle Rama ang bunsong si Kai dahil sa unang tingin, wala nga itong kamukha kina Richard at Sarah, kumpara sa panganay na si Zion na mas kamukha ni Sarah.

Komento ng isang desca_31"Ang alam ko, pina-DNA daw 'yang bunso niya, eh, paano hindi kamukha ni Zion, eh, kamukha ni Sarah saka pangalawang anak naman kaya ok lang maging kamukha ng nanay."

Dagdag naman ng isang tinnesarmper, "May nabasa akong post sa b-day ni Annabelle, totoo ba 'yan?"

Galit na galit naman ang isang dear_whimsy kay Tita A, at sabi nito, "Ang kapal ng mukha ni Annabelle. Eh, mas kamukha niya 'yang pangalawa. 'Yung panganay, kamukha ni Sarah.

Pakialamera kahit kailan."

Pero sa tingin naman ni rubzzzz_x, "Hawig na hawig ni Richard, 'yung panganay, hawig naman ni Sarah. Sana hindi totoo ipina-DNA, ang sakit niyan sa bata 'pag lumaki, pati sa nanay."

True! Hindi nga naman biro ang isyung DNA testing na 'yan, ha — kung sakaling true man — dahil kahit sinong babae, maiinsulto kapag hinamong ipa-DNA ang anak niya.

Kaya naman may ilang netizens din na ang tingin tuloy ngayon kay Richard ay mama's boy pa rin daw ito at hindi man lang ipinagtanggol ang kanyang asawa, kaya raw siguro pinili ni Sarah na lumayo muna at mag-isa.

Well, kilala sa showbiz si Tita A bilang doting mother at kahit malalaki na ang mga anak, nandiyan pa rin talaga siya at nakasuporta-nakaalalay sa mga ito.

Pero siyempre, sila-sila lang ang nakakaalam kung ano talaga ang problemang namamagitan kina Sarah at Richard (again, kung meron man), kaya sana, tigilan na ng mga netizens ang kanilang unsolicited advice o opinion lalo't isang walang kamuwang-muwang na bata ang nadadamay sa malisyosong issue, 'no!

Please lang, tigilan na 'yan!