Dating No. 1… Andrea, pang-4 sa 100 pinakamaganda sa buong mundo

ni Vinia Vivar @Frankly Speaking | December 30, 2025

Photo: IG _blythe

Inilabas na ng TC Candler ang kanilang taunang listahan ng 100 Most Beautiful Faces of 2025, at nakakatuwa na hindi talaga nagpapahuli ang ating Filipino celebrities.

For this year, Andrea Brillantes landed in the fourth spot at siya ang may pinakamataas na ranking among the Pinay celebrities.

Matatandaang last year ay si Andrea ang nanguna sa nasabing listahan, kung saan ay tinalo niya sina Nancy McDonnie ng K-pop group na MOMOLAND, Rose ng BlackPink, at iba pang international beauties.

This year ay si Rose naman ang number one na last year ay nasa 7th place.

Ang iba pang Pinay celebs na napasama sa 100 Most Beautiful Faces ay sina Alexa Ilacad (37th), Liza Soberano (40th), Hyacinth Callado (49th), Janine Gutierrez (57th), Gehlee Danca (66th), Kai Montinola (69th), Kim Chiu (82nd), Jasmine Helen Dudley-Scales (88th), at BINI Aiah (99th).

---

BILANG pasasalamat sa patuloy na pagmamahal at suporta ng Kapuso fans sa nagdaang taon, handog ng GMA Network ang isang makulay na selebrasyon para salubungin ang Bagong Taon sa Kapuso Countdown to 2026, isang star-studded thanksgiving celebration na magaganap ngayong Disyembre 31.

Gaganapin ang inaabangang event sa SM Mall of Asia (MOA) Seaside Boulevard, kung saan magsasama-sama ang ilan sa pinakamalalaking Kapuso stars para sa isang gabi ng saya, musika, at pasabog na performances. Mangunguna sa pagdiriwang sina Julie Anne San Jose, Rayver Cruz, Christian Bautista, Rocco Nacino, Betong Sumaya, Angel Guardian, Faith da Silva, at Kyline Alcantara.

Para sa mga manonood at fans ng Kapuso stars, maaari nang pumunta ng 6:00 PM para panoorin ang lantern parade na susundan ng pre-show mula sa international singer na si Bonnie Bailey, kasama ang GMA Music artists na sina Plume at Vilmark.

Mas paiinitin pa ang gabi ng mga paboritong former housemates ng Pinoy Big Brother Celebrity Collab Edition (PBBCCE) na sina Will Ashley, AZ Martinez, Charlie Fleming, Vince Maristela, Marco Masa, Eliza Borromeo, Waynona Collings, at Lee Victor. Sila rin ang mangunguna sa kauna-unahang lantern parade, tampok ang makukulay na parol na hango sa mga kilalang programa ng GMA.

Rarampa rin sa entablado si Miss Grand International 2025 Emma Tiglao at mas pagniningningin ang gabi matapos ang kanyang pagkapanalo na isang back-to-back victory sa international stage.

Asahan din ang all-out dance performances mula sa Stars on the Floor Ultimate Dance Star Duo na sina Rodjun Cruz at Dasuri Choi, kasama ang celebrity at digital dance stars na sina Joshua Decena, JM Yrreverre, at Kitty at Kakai Almeda.

Hindi rin magpapahuli ang world-class musical performances mula sa powerhouse singers ng GMA na sina Jessica Villarubin, Hannah Precillas, Naya Ambi, Tala Gatchalian, John Rex, Jong Madaliday, Anthony Rosaldo, at Tanghalan ng Kampeon 2025 Grand Champion Bjorn Morta, na maghahandog ng pasabog na performance para sa live audience at sa mga nanonood mula sa kanilang tahanan. Hindi rin mawawala ang P-pop energy sa Kapuso Countdown stage dahil handa nang maghatid ng kilig ang grupong 1621.

Isa sa mga highlight ng gabi ay ang sorpresang handog ng SM Mall of Asia mula sa inaabangang fan-favorite K-pop group na AHOF. Susundan naman ito ng taunang countdown sa Bagong Taon kasama ang lahat ng Kapuso stars na present sa selebrasyon sa isang bonggang fireworks display na matutunghayan sa Luzon, Visayas, at Mindanao.

Isa rin sa mga aabangan ng live audience at home viewers ang pag-aanunsiyo ng mga mananalo sa kauna-unahang GMA Network.com Awards. Kabilang sa mga parangal ang New Kapuso Male and Female Star of the Year, Kapuso Male and Female Teen Star of the Year, Kapuso Couple and Love Team of the Year, Daytime and Primetime Drama Series of the Year, Kontrabida of the Year, at Comedian of the Year.

Damhin ang saya at diwa ng Pasko at Bagong Taon habang sabay-sabay na sinasalubong ng GMA Network at ng solid Kapuso fans ang 2026. Mapapanood ang Kapuso Countdown to 2026 sa December 31, 10:30 PM sa SM MOA Seaside Boulevard, Pasay City. Libre ang admission at magsisimula ang pagpapapasok ng live audience sa ganap na 6:00 PM.

Mapapanood din ito ng home viewers sa GMA-7, via Kapuso Live Stream, at sa ATM’s Office YouTube (YT) channel kasama sina Tim Yap, Sean Lucas, at Cheska Fausto, kasama ang iba pang special guests.

Kasama pa si Mariel at 2 anak… SEN. ROBIN, MAS HAPPY NA SA KARINDERYA KUMAKAIN

ni Mercy Lejarde @Showbiz Talkies | December 30, 2025

Photo: File / Robin Padilla

“Dito ako nagiging payapa,” ito ang pahayag ng aktor na si Senator Robin Padilla sa kanyang Facebook (FB) page post.

Nagbahagi ang mahusay na aktor na si Sen. Robin ng video clip kung saan makikita na namamasyal siya kasama ang kanyang asawang aktres na si Mariel Rodriguez at mga anak nilang sina Isabella at Gabriela sa Zamboanga.

Saad ni Sen. Robin, “Hindi sa mamahaling luho o engrandeng bakasyon ako nakakahanap ng tunay na pahinga. Para sa akin, ang pinakamalaking biyaya ay ang makapaglakbay kasama ang pamilya. ‘Yung sabay-sabay kakain sa simpleng karinderya, magtatawanan sa biyahe, at sabay naming hahangaan ang ganda ng ating Pilipinas.

“Dito ako nagiging payapa, dito ako humuhugot ng lakas. Dahil ‘pag pamilya ang kasama at kultura ng Pilipinas ang tanaw, ‘di lang katawan ang nagpapahinga. Pati puso at pagkatao ay napapaalala na ang yaman ng buhay ay nasa pagmamahalan at pagtutulungan bilang isang pamilya at isang bayan.

“Patuloy tayong magmahal sa sariling atin at sa mga taong nagbibigay-saysay sa ating paglalakbay sa buhay.”

In fairness kay Sen. Robin Padilla, solid ang pagmamahal niya sa kanyang pamilya lalo na sa ating bansang sinilangan. 

Boom, ‘yun na!

---

Walang katahimikan…

VICE, NAPE-PRESSURE SA PAGPAPATAWA SA IT'S SHOWTIME

“MASYADONG mataas ang expectation ‘pag Vice Ganda movie. Kailangan, number 1, top grosser,” ito ang pahayag ng komedyanteng si Ogie Diaz sa kanyang social media post.

Saad ni Mama Ogs, “Congrats, Vice Ganda! Pagbati bilang top grosser ang kanyang pelikulang Call Me Mother. Unofficial pero P49M gross on its first day.

“Dito sa showbiz, lalo na ‘pag Metro Manila Film Festival (MMFF), ine-expect na ng marami na movie n’ya ang nagna-number 1. As always naman.

“Pero ang ‘di n’yo alam, pressure kay Vice ‘yun. Magandang pressure kung tutuusin.

“Kaso if I know him personally, pinoproblema n’ya ‘yan kung ano pa ang bago na puwede n’yang ipakita next time at kung paano n’ya masu-sustain ang laging nasa top habang s’ya ay nabubuhay.

“Alam n’yo naman sa digital world ngayon, consistency ang hinahanap nila. Next time, ‘pag nag-number 2 kunwari ang filmfest entry ni Vice, maninibago na agad ang iba.

“Walang ipinagkaiba sa sampung magandang nagawa mo—isa lang ang pumalpak ka o nagkamali ka, nababalewala na ‘yung siyam.

“Masyadong mataas ang expectation ‘pag Vice Ganda movie. Kailangan number 1, top grosser. Punumpuno dapat ang mga sinehan. ‘Pag concert, kailangan, sold-out din.

“Iniangat din niya ang antas ng pagpapatawa sa telebisyon. Sinasamahan n’ya ng wisdom, wit at talino. Kasi nagle-level-up na ang comedy ngayon. Kahit ang It’s Showtime, ‘di n’yo lang alam—araw-araw niyang kasama sa mga iniisip kung ano naman ang bago na puwede niyang ibigay na nakakaaliw, nakakatawa at kapupulutan ng wisdom at realization. Kailangan, ‘di paulit-ulit. Dapat, bago. Dapat sa kanya lang mapapanood o sa It’s Showtime lang unang mapapanood.

“Tingnan n’yo, maaaring marami s’yang pera. Lahat ng bagay, kahit magkano pa ‘yan, kaya niyang bilhin. Kahit saan n’ya gustong mag-travel, kaya n’yang gawin.

“Pero ang lola n’yo, ‘di matatahimik ang isip n’yan nang wala s’yang bagong ihahain sa publiko. Kung paano masu-sustain at ma-maintain, pinoproblema n’ya ‘yan. At ‘yung akala ng ibang tao, minamani lang n’ya ang It’s Showtime araw-araw? Hahaha! Nagkakamali kayo.

“Ang kalaban ni Vice ay ang sarili n’ya. Kaya kung ano ang ginawa n’yang maganda o nakakatawa ngayon, kailangan malampasan n’ya ‘yun bukas. Ganyan si Vice Ganda.

“Kung tutuusin, kaya na n’yang magpahinga at i-enjoy ang pera n’ya, pero ang iniisip pa rin n’ya ay ang inaasahan sa kanya ng mga manonood. Sa lahat ng ito, kulang ang bansag sa kanyang ‘Unkabogable.’ Isa siyang ‘Unkabogable Icon.’”

Very well said, Mama Ogs. Pak na pak ka d’yan, as in tumpak!

Best Actor ng MMFF, tinalo si Zanjoe… VICE, HIRAP NA HIRAP UMIYAK

ni Janiz Navida @Showbiz Special | December 30, 2025

Photo: IG _praybeytbenjamin

Namugto ang mga mata namin sa premiere night ng MMFF entry nina Vice Ganda at Nadine Lustre na Call Me Mother kasama ang batang si Lucas Andalio.

Diretso naming sasabihin, sa lahat ng pelikula ni Vice taun-taon, ito ang pinakagusto namin kung saan gumanap siyang ina sa batang si Lucas na ang totoong ina ay si Nadine.

Kaiba sa mga naunang movies ni Vice, mas mabigat ang mga drama scenes dito lalo na ang confrontation nila ni Nadine sa ospital.

Nagawa ni Direk Jun Robles Lana na mag-level-up ang acting ni Vice para hindi lang puro comedy ang kayang ipakita, puwede ring magdrama.

Pero nang panoorin uli namin ang movie after Christmas, may napansin ang mga kasama naming nanood na hirap daw umiyak at magpatulo ng luha si Vice. Parang medyo kulang pa raw ang emosyon nito sa mga drama scenes.

Well, maaaaring hindi lahat ay ma-please ni Vice sa kanyang acting. Pero kung kami ang tatanungin, deserving si Meme sa Best Actor award niya dahil napanood din namin ang iba pang entries sa MMFF at kung iko-compare ang bigat ng role niya rito at ang effort na kanyang inilabas kumpara sa bigat na inilabas nina Zanjoe Marudo (UnMarry), Piolo Pascual (Manila’s Finest), Richard Gutierrez (Shake, Rattle and Roll: Evil Origins), Gerald Anderson (Rekonek), Carlo Aquino, Rocco Nacino, Enzo Pineda at Kean Cipriano (Bar Boys 2: After School), Earl Amaba (ImPerfect) at Will Ashley at Dustin Yu (Love You So Bad), mas angat pa rin ang naging performance ni Vice.

Pero dahil gusto naman ni Vice, laging may bagong io-offer sa kanyang mga fans, baka naman mas may ile-level-up pa ang acting niya depende sa ganda ng role.

At sabi nga ni Vice, kahit Best Actor na siya ngayon ng MMFF, hindi pa niya maituturing na peak ito ng kanyang career dahil si Lord lang daw ang makakapagsabi nu’n. Everyday is a learning experience for him.

So, sa mga nagdududa pa rin sa galing ni Vice Ganda sa Call Me Mother, watch na lang kayo para kayo na ang magsabi kung pasado ba ang acting niya sa standards n’yo.

Ang nakakabilib ay ang kaseksihan ni Nadine sa CMM, perfect ang figure niya to be a beauty queen. May mga nakapansin lang na tila nabago na ang ilong ng aktres at mukhang nagparetoke raw, gayundin ang kanyang lips.

Well, kung nagpa-enhance man siya, at least, bumagay sa kanya.

Bilib na bilib din kami sa galing ng batang si Lucas Andalio na pamangkin pala ni Loisa Andalio. Hindi lang super cute at lovable ang bagets, napakagaling pang umarte. Deserved niya ang Best Child Performer award sa Gabi ng Parangal ng MMFF.

Congrats to the whole team of Call Me Mother. May mga nagre-request na nga raw ng Part 2 pero mas gusto yata ni Direk Jun Lana na ibang story naman ang gawin nila ni Vice Ganda.

---

Barbie, inilalantad na in public…

RICHARD, MASAYA ANG LOVE LIFE

NAKITA namin si Richard Gutierrez sa 51st MMFF Gabi ng Parangal last Saturday at napakasipag niya talagang mag-promote ng kanilang entry na Shake, Rattle and Roll: Evil Origins dahil aniya, kahit nu’ng Pasko ay naglilibot sila sa mga sinehan.

Noche Buena lang daw talaga ang pahinga niya at bonding with the family dahil maghapon nu’ng December 24 at kinaumagahan ng Dec. 25, nag-cinema tour na sila to promote SRREO ng Regal Entertainment.

Kaya naman ang nilu-look forward ni Chard for 2026 ay magkaroon naman ng quick vacation bago simulan ang teleserye nila ni Gerald Anderson at another movie with Regal Entertainment.

Hiningi namin ang reaksiyon niya sa pagiging open na nila ni Barbie Imperial in public na tipong soft launch na rin ng kanilang relationship dahil wala pa talaga silang inaamin.

Napangiti ito at napatango at ang matipid na sagot, “Yeah, of course. Next time na, i-save natin ‘yan for 2026.”

Pero nang matanong kung happy ba ang love life niya, ‘di naman ito nag-deny, “Happy, happy. Dapat kayo rin, ha?”

Oh, ‘yan, ha? Mukhang may pasabog si Chard sa 2026 kaya abangan ang hard launch nila ni Barbie Imperial.

Palabas pa rin ang Shake, Rattle & Roll: Evil Origins kung saan kasama si Richard sa third episode na 2050.