R&B SINGER FREDDIE JACKSON, PUMANAW SA EDAD NA 70

by BRT @News | October 7, 2026

Photo: Freddie Jackson / FB

Pumanaw na ang Grammy-nominated R&B singer na si Freddie Jackson, kilala sa mga hit na “Rock Me Tonight (For Old Times Sake)” at “You Are My Lady.” Siya ay 70 taong gulang.

Kinumpirma ng pamilya ni Jackson sa kanyang official Instagram account na namatay siya nitong Lunes, tatlong araw matapos ang kanyang ika-70 kaarawan. Hindi naman ibinahagi ang sanhi ng kanyang pagkamatay.

Nagsimula ang career ni Jackson sa New York club scene bago siya nakilala sa buong mundo. Inilabas niya ang kanyang debut album na “Rock Me Tonight” noong 1985, na naging platinum at nagbigay sa kanya ng dalawang Grammy nominations.

Kabilang dito ang Best New Artist at Best Male R&B Vocal Performance para sa “You Are My Lady.”

Naging isa si Jackson sa mga kilalang R&B artist noong dekada ’80 at unang bahagi ng ’90. Platinum din ang kanyang 1987 album na “Just Like the First Time.”

Noong 2024, ibinahagi ni Jackson na siya ay na-diagnose na may kidney disease. Nakipagtulungan din siya sa National Kidney Foundation para makatulong sa pagpapalaganap ng kaalaman tungkol sa sakit.

Ayon sa kanyang pamilya, iaanunsyo sa mga susunod na araw ang detalye ng kanyang mga funeral arrangements.

Naglabas ng feelings sa socmed… SANDARA, AMINADONG PAGOD NA SA 22 YRS. SA SHOWBIZ

ni Julie Bonifacio @Winner | October 7, 2026

Photo: FB Michael Leyva

Nagmuni-muni si Sandara Park sa naging buhay niya bilang entertainer. 

Naglabas ng kanyang saloobin sa X (dating Twitter) si Sandara na bigla lang niyang naisip ang kanyang career.

Inamin ng Pambansang Krung-Krung na pinag-iisipan niya kung hanggang kailan pa siya magpapatuloy habang tumatanda siya. 

Sabi niya sa X, “I've been working almost nonstop for 22 years since my debut in the Philippines, you know. Of course, during trainee days, it wasn't ‘work’ per se, but I was so swamped with practice. Lately, these thoughts just pop into my head out of nowhere.

“How much longer can I keep up this kind of active schedule? What if I get older and my stamina drops, making it tough? Sure, my physical condition's been lousy since I was 20, lol, but I'm hanging in there. A bit sleepy, a bit tired, but happy right now.

Tossing out some sentimental stuff in broad daylight. Hope everyone has a great day!”

Dinagsa ng suporta at pagmamahal ang comment section ng X post ni Sandara.

“Pahinga ka na po, wla ka ng dapat patunayan. You are already a legend.”

“Glad to know as a daraling that you're happy! your happiness is all we want you deserve it,” a fan wrote.

“Kaya hindi nakakapagod i-stan ang nag-iisang Sandara. Kasi naman kahit gaano siya kapagod ibinubuhos nya pa rin lahat-lahat. Nakaka-inspire ka parati, ati.”

Pak!

---

Anak ni Sharon, super talented… 

FRANKIE, BINATI ANG BF SA 1ST ANNIV NILA, FANS TODO-KILIG

UMAAPAW ang tamis sa selebrasyon ni Frankie Pangilinan sa “alleged anniversary” nila ng kasintahang si Daniel Laurel. 

Kilig-to-the bones ang mensahe ni Frankie para kay Daniel, pati na ang mga nakatagong pictures nila at ang video ng super sweet na yakapan nila na naka-post sa Instagram.

Pagbati ni Frankie kay Daniel, “Sweetheart, though I'm certain I've loved you a long long time, I like this particular atom-arrangement quite a bit.”

Dugtong pa ni Frankie, “A very alleged anniversary to Mr. Precedent who accidentally told me he loved me and then un-accidentally drove me to the port of Batangas at the crack of dawn two days later and, as it happens, was always the only one for me. I don't know what is wrong with you but I adore it nearly as much as I adore your sister. Thank you for peeling my shrimp :)”

Komento naman ng mga tuwang-tuwang netizens… 

“Awwwww! Kakiekilig naman!”

“Guappo naman bf ni Frankie happy anniversary” 

“Happy alleged anniversary lovevirds”

“Cutie couple”

“Happy 1st A Dan and Kakie!!!”

May mga pumuri kay Frankie sa magagandang words na ginamit niya sa kanyang message para kay Daniel.

“You have a way with words”

“Kakie those lines”

“Beautifully written as always”

In fairness kay Kakie, napaka-talented niya.

Patrick, gets mo?! HIRIT NI AIKO: SUSTENTO, KUSANG IBINIBIGAY, ‘DI NA DAPAT HINIHINGI

ni Erlinda Rapadas @Teka Nga | October 7, 2026

Photo: Aiko Melendez - IG

Sa isang interview kay Aiko Melendez, nagbigay siya ng opinyon tungkol sa usapin ng sustento.

Bagama’t wala siyang direktang tinutukoy na personalidad, alam na sa buong showbiz na si Patrick Garcia ang kanyang pinatutungkulan dahil sa sinabi ng aktor sa panayam sa kanya ni Ogie Diaz na hindi na siya nagbibigay ng sustento sa anak nila ni Jennylyn Mercado nu’ng hindi na niya nakikita si Alex Jazz.

Sey ni QC Councilor Aiko, ang suporta ay dapat na ibigay nang kusa at hindi na kailangan na hingin pa. 

Katwiran pa ng aktres-konsehala, hindi na kailangang ipaalala pa o hingin ang sustento. Dapat ay kusa itong ibinibigay para sa pangangailangan ng anak.

At marami namang paraan upang ipahatid ang sustento kung gugustuhin ng isang tatay. At hindi na rin dapat ungkatin pa ang nakaraan. Bumawi na lang ngayon si Patrick sa pagkukulang niya sa kanyang anak kay Jennylyn. 

Samantala, sa isang post naman ni Aiko sa social media ay binanggit niyang pareho nang annulled ang kasal nila ni Onemig Bondoc. Meaning, puwede na silang magpakasal kung gugustuhin nila. 

---

Tulong daw sa mga kaibigan…

ALDEN, NAGPA-BLOCK SCREENING NG MOVIE NINA JOSHUA, JULIA AT BIANCA

BILANG suporta sa mga kaibigang sina Bianca Umali, Julia Barretto at Joshua Garcia ay nagpa-block screening si Alden Richards para sa pelikulang Always Yours, Never Mine na idinirek ni Cathy Garcia-Sampana. 

Sobrang na-appreciate nina Bianca, Julia at Joshua ang ginawang ito ni Alden. Hindi lahat ng artista ay tulad ng Pambansang Bae na gagastos sa block screening ng isang pelikula bilang suporta sa mga kaibigan. 

Ang hangarin ni Alden ay makatulong sa mga kapwa artista at sa industriya ng pelikula. Gusto niyang sumiglang muli ang industriya ng pelikulang Pilipino at kumita sa takilya para maganyak ang ibang movie producers na gumawang muli ng pelikula. 

Kapag maraming  pelikula, marami rin ang mabibigyan ng trabaho. Umaasa si Alden Richards na sisiglang muli ang movie industry kung susuportahan ng mga moviegoers. Kaya, panawagan ni Alden sa lahat ay tangkilikin natin ang mga local movies.

---

SA gaganaping PMPC 42nd Star Awards for Movies sa Oct. 25, pararangalan at iluluklok sa Hall of Fame sina Batangas Governor Vilma Santos-Recto, National Artist Ricky Lee, at Albert Michael Idioma.

Iginagawad ang Hall of Fame award sa mga artista/movie workers na nagkamit na ng pagkilala at parangal nang mahigit sampung beses sa Star Awards. 

At base sa record ng past winners, nakamit na ito nina Gov. Vilma, Ricky at Michael kaya nararapat na silang ma-elevate bilang Hall of Famer.    

Ang 42nd Star Awards for Movies ay produced ng singer-producer na si Jojo Mendrez in cooperation with Playtime.

Ang Star Awards for Movies ay gaganapin sa Winford Hotel sa Oct. 25, 2026.