top of page
WINNER - MICHELLE, ATRAS NA SA PAG-JOIN SA MISS GRAND INTERNATIONAL ALL STARS 2026_IG _mic

Huawei at Qualcomm, nagkasundo sa multi-year patent deal

Writer: BULGAR
BULGAR
Oct 7
1 min read

by BRT @News | October 7, 2026



Huawei at Qualcomm, nagkasundo sa multi-year patent deal

Photo: File



Nagkasundo ang Huawei at Qualcomm sa isang multi-year patent licensing agreement na sumasaklaw sa mga teknolohiya para sa 5G, computing, artificial intelligence (AI) at networking.


Bahagi rin ng kasunduan ang pagbili ng Qualcomm ng ilang U.S. patents ng Huawei na may kaugnayan sa computing, AI at networking.


Hindi ibinunyag ng dalawang kumpanya ang halaga ng deal at eksaktong tagal ng kasunduan. Kailangan pa rin itong sumailalim sa regulatory approvals sa mga bansang sakop nito.


Nilinaw na ang kasunduan ay patent cross-license at hindi hardware supply deal. Ibig sabihin, pinapayagan ng dalawang kumpanya ang paggamit ng ilang patented technologies ng isa't isa at hindi ito nangangahulugan na magsusuplay ang Qualcomm ng chips sa Huawei.


Nananatili pa rin ang Huawei sa U.S. Entity List, kaya hindi ito maaaring bumili ng ilang restricted U.S. chip technologies, kabilang ang Qualcomm Snapdragon chips.


Ayon sa dalawang kumpanya, naaayon ang kasunduan sa fair, reasonable and non-discriminatory (FRAND) licensing practices.

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page