SCOOP OF DA DAY: Gustong makausap nang personal ang senador... Tagasuporta umano ni Padilla, pinaalis

ni Jeff Tumbado @Feature & Media | June 18, 2026

Isang babae na umano'y tagasuporta ni Senador Robinhood Padilla ang pilit na pinapaalis ng mga pulis at security guard ng Senado dahil ayaw nitong lisanin ang main gate ng gusali habang hindi niya nakakausap nang personal ang senador. Galing pa umano ang babae sa Capiz. (Jeff Tumbado)

---

NEWS SCOOP: Mandaluyong City Police, nagmando dahil sa bigat ng daloy ng trapiko

ni Jeff Tumbado @Feature & Media | Photo Scoop

Maging ang mga miyembro ng Mandaluyong City Police ay nanguna na rin sa pagmamando ng trapiko dahil na rin sa bigat ng daloy sa bahagi ng northbound lane ng EDSA sa nasabing lungsod. (Jeff Tumbado)

---

NEWS SCOOP: Road rage sa Mandaluyong, tauhan ng Napolcom arestado

ni Jeff Tumbado @Feature & Media | June 16, 2026

Emosyonal na humarap sa media si Jaime Flores, ang naarestong tauhan ng National Police Commission (Napolcom) na naging viral sa social media nang manakot ito at pakitaan ng baril ang isang nakaalitang TNVS driver sa nangyaring road rage sa Mandaluyong City. Personal na iniharap si Flores sa press conference ng mismong kanyang hepe na si Atty. Ralph Calinisan. (Jeff Tumbado)

---

NEWS SCOOP: Nawalan ng kontrol... Kotse nahulog sa kanal

ni Jeff Tumbado @Feature & Media | June 15, 2026

Nahulog sa kanal ang itim na kotse na ito matapos mawalan ng kontrol ang driver sa Barangay Barretto, Olongapo City umaga ng Linggo. Pero bago mahulog ay nabangga pa nito ang isang Victory Liner bus na patungong Zambales. (Jeff Tumbado)

---

NEWS SCOOP: Misa para sa pagpaparangal kay Rene Baterbonia, isinagawa

ni Jeff Tumbado @Feature & Media | June 14, 2026

Pinangunahan ni Fr. Karel S. San Juan, SJ, Pangulo ng Ateneo de Davao University, ang isang misa sa Christ the King Chapel para sa pagpaparangal sa kanilang basketbolistang si Rene "Bobet" Baterbonia, na nasawi sa kalagitnaan ng team building activity sa Aurora. (Jeff Tumbado) 

---

NEWS SCOOP: Para pasinayaan ang bagong gusali... Pangulong Marcos, bumisita sa QC

ni Jeff Tumbado @Feature & Media | June 11, 2026

Dumating si Pangulong Bongbong Marcos, kasama sina Education Sec. Sonny Angara at DPWH Sec. Vince Dizon sa San Francisco High School para personal na pasinayaan ang bagong gusali ng Dao Building at Henry Sy Sr Hall sa loob ng nasabing paaralan nitong Miyerkules ng umaga. Mainit naman silang sinalubong ni Quezon City Mayor Joy Belmonte. (Jeff Tumbado)

---

NEWS SCOOP: Dahil sa walang tigil na pag-ulan, national highway binaha

ni Jeff Tumbado @Feature & Media | June 6, 2026

Kabilang sa mga binahang lugar ang national highway sa bayan ng Castillejos, Zambales, dahil sa walang tigil na pag-uulan sa malaking bahagi ng Luzon region dulot ng masamang panahon. (Jeff Tumbado) 

---

NEWS SCOOP: Dahil sa walang tigil na pag-ulan, ilang lugar sa Olongapo nanganib gumuho

ni Jeff Tumbado @Feature & Media | June 6, 2026

Ang isang nakatirik na barong-barong na ito na kabilang sa ilang nanganganib na gumuho sa tabi ng ilog ng Sta. Rita sa Olongapo City dahil sa unti-unting nilalamon ang lupa sa lugar dulot ng walang tigil na pag-ulan. (Jeff Tumbado)  

---

NEWS SCOOP: Arraignment ni Jinggoy, ipinagpaliban muli

ni Jeff Tumbado @Feature & Media | June 5, 2026

Si Senador Jinggoy Estrada habang escort ng mga tauhan ng BJMP papasok sa gusali ng Sandiganbayan para sa kanyang arraignment subalit ito’y ipinagpaliban muli ng korte sa Hunyo 30. (Jeff Tumbado)

---

NEWS SCOOP: Walang piyansa... Founder ng Gawad kalinga dinakip sa kasong 2 counts ng Qualified Trafficking in Persons

ni Jeff Tumbado @Feature & Media | June 1, 2026

Hindi naiwasang maimbyerna ang mga pasaherong nakapila sa ticket booth ng Victory Liner bus sa Cubao Quezon City dahil halos mag-dalawang oras na ay hindi umuusad ang pila. Karamihan sa mga pasahero ay hindi na nakahabol sa itinakdang biyahe. (Jeff Tumbado)

---

NEWS SCOOP: Walang piyansa... Founder ng Gawad kalinga dinakip sa kasong 2 counts ng Qualified Trafficking in Persons

ni Jeff Tumbado @Feature & Media | May 31, 2026

Hindi na nakapalag si Tony Meloto (gitna), ang founder ng Gawad Kalinga na dinakip ng mga tauhan ng Bulacan Provincial Intelligence Unit (BPIU) sa Angat, Bulacan, kaugnay ng kasong 2 counts ng Qualified Trafficking in Persons na walang piyansa. (Jeff Tumbado)

---

NEWS SCOOP: K9, katuwang ng mga rescuer upang matagpuan ang natabunang biktima sa gumuhong gusali sa Pampanga

ni Jeff Tumbado @Feature & Media | May 29, 2026

Ang isa sa mga K-9 dog na katuwang ng mga rescuer upang matagpuan ang ang natabunang biktima sa gumuhong gusali sa Angeles City, Pampanga. (Jeff Tumbado) 

---

NEWS SCOOP: Panalangin inialay sa ground zero ng gumuhong gusali sa Pampanga

ni Jeff Tumbado @Feature & Media | May 27, 2026

Pinangunahan ni Rev. Fr. Alvin Modesto Manalang, parish priest ng Immaculate Conception Parish ng Balibago, ang pag-alay ng mga panalangin sa ground zero para sa mga biktima ng pagguho ng itinatayong gusali sa Pampanga. (Jeff Tumbado)

---

NEWS SCOOP: Senior citizen, inabutang walang malay sa loob ng nakaparadang sasakyan

ni Jeff Tumbado @Feature & Media | May 20, 2026

Isang senior citizen ang inabutang walang malay sa loob ng kanyang minamanehong Toyota Avanza kung saan nakaparada ito sa tapat ng isang mall sa National road Rizal Ave., Brgy. East Tapinac, Olongapo City, pasado alas-3 ng hapon ng Miyerkules. Agad namang naisugod ang biktima sa ospital at patuloy na inoobserbahan. Inatake umano ng heat stroke ang biktima dahil sa tindi ng init ng panahon. (Jeff Tumbado)

---

NEWS SCOOP: Lalaking sinita sa checkpoint, sugatan matapos makipaghabulan

ni Jeff Tumbado @Feature & Media | May 20, 2026

Nakahiga pa sa kalsada ang lalaking ito at sugatan na umano’y lasing at sinasabing sumemplang matapos makipag habulan sa mga pulis sa pagmamaneho ng walang helmet nang sitahin sa checkpoint sa Brgy. Zabarte, Caloocan City madaling-araw ng Martes. (Jeff Tumbado)

---

NEWS SCOOP: APCU, tinalakay ang epekto ng Trump-Xi Summit sa Pilipinas at ASEAN, kaso ni Bato at impeachment ni VP Sara

ni Jeff Tumbado @Feature & Media | May 19, 2026

Dumalo sina Atty. Raul Lambino, chairman ng Association for Philippines-China Understanding (APCU), at Noy Benedicto, pangulo ng APCU, sa “Pandesal Forum” sa Kamuning Bakery Cafe kung saan tinalakay nila ang pag-aanunsyo ng mga nagwagi sa 2026 APPCU Awards, ang epekto ng Trump-Xi Summit sa Pilipinas at ASEAN, at mga napapanahong usaping pampulitika kabilang ang impeachment ni VP Sara Duterte at ang kaso ni Sen. Ronald "Bato" dela Rosa. (Mars Santos)

---

NEWS SCOOP: 500 PDLs, nailipat na sa Iwahig Prison and Penal Farm

ni Jeff Tumbado @Feature & Media | May 18, 2026

Nasa 500 PDLs ang nailipat na sa Iwahig Prison and Penal Farm (IPPF) sa Puerto Princesa, Palawan, nitong Sabado, Mayo 16. (Gina Pleñago)

---

NEWS SCOOP: Isang mall dinagsa... Mga kabataan humabol sa pagpaparehistro para sa BSKE

ni Jeff Tumbado @Feature & Media | May 17, 2026

Dinagsa ng mga kabataan ang isang mall sa Caloocan City para humabol sa pagpaparehistro sa Barangay and Sangguniang Kabataan Election (BSKE) bago pa ang itinakdang deadline ng Commission on Elections (Comelec) bukas, Mayo 18. (Jeff Tumbado)

---

NEWS SCOOP: Airport worker tiklo sa umano'y ilegal na droga sa NAIA

ni Jeff Tumbado @Feature & Media | May 16, 2026

Ang airport worker na nakitaan ng security guard ng umano’y ilegal na droga sa Ninoy Aquino International Airport Terminal 3. (Gina Pleñago) 

---

NEWS SCOOP: Tama ng mga bala tumambad, matapos ang umano'y barilan sa pagitan ng NBI at OSAA

ni Jeff Tumbado @Feature & Media | May 15, 2026

Tadtad ng mga tama ng bala ng baril ang salamin na ito na sinasabing bahagi ng emergency exit ng Senado patungong gusali ng GSIS matapos ang umano’y barilan sa pagitan ng mga tauhan ng National Bureau of Investigation at Office of the Sgt. at Arms, kaugnay sa tangkang pag-aresto kay Senator Ronald “Bato” dela Rosa. (Jeff Tumbado)

---

NEWS SCOOP: Pulis na nag-viral dahil sa pananakit sa live-in partner, sinampahan ng patung-patong na kaso

ni Jeff Tumbado @Feature & Media | May 14, 2026

Humarap kay National Police Commission (NAPOLCOM) Vice Chairman at Executive Officer Atty. Ralph Calinisan (gitna) si Police Corporal Alimeri Dela Cruz (kaliwa), ang pulis na nag-viral dahil sa pananakit sa live-in partner nito na si alyas Ayra. Pormal nang sinampahan ng patung-patong na kaso ng Napolcom si Dela Cruz. (Jeff Tumbado)

---

NEWS SCOOP: OSAA ng Senado armado, kasunod ng umano'y pananakit at tangkang pag-aresto kay Bato

ni Jeff Tumbado @Feature & Media | May 13, 2026

Makikita sa larawan ang ilan sa mga tauhan ng Office of the Sgt. At Arms (OSAA) ng Senado na armado na ng automatic rifle habang nagbabantay sa loob ng naturang gusali kasunod ng nangyaring umano’y pananakit sa isa nilang kasamahan ng mga ahente ng NBI sa kalagitnaan ng tangkang pag-aresto kay Senador Ronald dela Rosa. (Jeff Tumbado)

---

NEWS SCOOP: Sen. Bato humarap sa Senado

ni Jeff Tumbado @Feature & Media | May 12, 2026

Personal na humarap si Senador Ronald “Bato” dela Rosa sa session hall ng Senado kahapon, Mayo 11. (PHOTO SENATE)

---

NEWS SCOOP: Bigat ng trapiko naranasan sa SCTEX, matapos ang long weekend

ni Jeff Tumbado @Feature & Media | May 11, 2026

Dahil sa sobrang bigat ng trapiko ay halos hindi na makausad ang mga sasakyan sa magkabilang linya papasok at palabas ng Subic Clark Tarlac Expressway (SCTEX) sa bahagi ng Tipo Road, Subic Bay Metropolitan Authority (SBMA) na nagsisibalikan sa kani-kanilang destinasyon matapos ang long weekend na bakasyon. (Jeff Tumbado)

---

NEWS SCOOP: Hindi nakapagbayad ng permit sa halos 10 taon... Mga tindahan sa public market, ipinasara

ni Jeff Tumbado @Feature & Media | May 10, 2026

Kasama ang ilang miyembro ng Police Station 1 ng Olongapo City Police Office (OCPO), nanguna sa pag-padlock ang mga kawani ng Business Permit ng Local Government Unit sa mga tindahan sa public market ng Lungsod dahil sa hindi na nakapagbayad ng kanilang permit sa halos 10 taon. (Jeff Tumbado via Bulgar)

---

NEWS SCOOP: TNVS driver nanumpa sa Napolcom upang ireklamo ang 4 na miyembro ng PNP-HPG

ni Jeff Tumbado @Feature & Media | May 8, 2026

Ang TNVS driver na nanumpa sa harapan ni Napolcom Executive Director Atty. Ralph Calinisan para ireklamo ang apat na miyembro ng PNP-HPG personnel na sangkot umano sa pangingikil. (Jeff Tumbado via Bulgar)

---

NEWS SCOOP: PBBM, dumating sa Joint Task Force ng Philippines-US Balikatan War Exercises

ni Jeff Tumbado @Feature & Media | May 7, 2026

Isa si Gen. Christian Wortman, senior U.S. Marine commander na sumalubong kay Pangulong Ferdinand Marcos Jr. pagdating nito sa Camp Aguinaldo sa Quezon City bilang bahagi ng Joint Task Force (JTF) ng Philippines-US Balikatan War Exercises 2026. (Jeff Tumbado) 

---

NEWS SCOOP: Mining exploration sa Subic, operasyon ipinatigil

ni Jeff Tumbado @Feature & Media | May 6, 2026

Ang ilang makinarya na ginagamit sa mining exploration sa Subic, Zambales na kinumpiska  ng pulisya makaraang ipatigil ang operasyon ng DENR. (Jeff Tumbado via Bulgar)

---

NEWS SCOOP: Sunog sa Taytay... 20 kabahayan natupok

ni Jeff Tumbado @Feature & Media | May 4, 2026

Nasa 20 kabahayan ang natupok ng apoy habang patuloy na inaapula ng mga bumbero sa sumiklab na sunog sa Brgy. San Juan, Taytay, Rizal pasado alas-3 ng hapon kahapon. (Jeff Tumbado via Bulgar)

---

NEWS SCOOP: Dahil sa tindi ng init ng panahon... Pag-rasyon ng tubig sa Olongapo, isinagawa

ni Jeff Tumbado @Feature & Media | May 3, 2026

Kani-kaniyang dala at pila ng mga balde ang mga residente ng Amelia Heights Gordon Heights, Olongapo City upang marasyunan ng tubig mula sa fire truck ng Olongapo Fire-Rescue Team (Bravo) dahil na rin sa tindi ng init ng panahon. (Jeff Tumbado via Bulgar)

---

NEWS SCOOP: Kilos-protesta kasabay ng Labor Day

ni Jeff Tumbado @Feature & Media | May 2, 2026

Nagmistulang dagat ang magkabilang linya sa España Boulevard, Maynila dahil sa kapal ng tao na lumahol sa kilos-protesta kasabay ng Labor Day. (Jeff Tumbado via Bulgar)

---

NEWS SCOOP: Nasabat ng Bureau of Customs... 249 M halaga ng shabu, nakatago sa mga kahon ng LED spotlights

ni Jeff Tumbado @Feature & Media | April 29, 2026

Nasa P249.83 milyong halaga ng shabu na nakatago sa malalaking kahon na naglalaman ng mga LED spotlights ang nasabat ng Bureau of Customs (BOC) matapos madiskubre sa isang warehouse sa Pasay City. (Jeff Tumbado via Bulgar)

---

NEWS SCOOP: Asawa ni VP Sara na si Atty. Manases Carpio, pormal na naghain ng reklamong kriminal

ni Jeff Tumbado @Feature & Media | April 28, 2026

Pormal nang naghain ng reklamong kriminal sa Quezon City Prosecutor’s Office si Atty. Manases “Mans” Carpio, asawa ni Vice President Sara Duterte, laban sa ilang kongresista at opisyal ng gobyerno, dahil sa paglabag umano sa Anti-Money Laundering Act, Bank Secrecy Law at Data Privacy Act. (Jeff Tumbado via Bulgar)

---

NEWS SCOOP: Paglilinis at pag-segregate ng mga basura pinangunahan sa pakikiisa sa Earth Day

ni Jeff Tumbado @Feature & Media | April 27, 2026

Pinangunahan ng mga environmental groups ang pag segregate ng mga basura na kanilang naipon mula sa paglilinis sa kahabaan ng baybaying dagat sa Subic Bay Freeport Zone bilang pakikiisa sa selebrasyon ng “Earth Day” ngayong 2026. (Jeff Tumbado via Bulgar)

---

NEWS SCOOP: Experts mula Japan, dumating para tumulong sa nasusunog na Navotas Landfill

ni Jeff Tumbado @Feature & Media | April 26, 2026

Dumating sa Lungsod ng Navotas ang mga experts mula sa Japan International Cooperation Agency (JICA) upang tumulong para mapabilis at tuluyan nang maapula ang apoy sa nasusunog na lumang Navotas landfill dahil malawak ang kanilang karanasan sa landfill fire management. (Maeng Santos via Bulgar)

---

NEWS SCOOP: Terminal sa QC, punuan para sa long weekend

ni Jeff Tumbado @Feature & Media | April 25, 2026

Hapon na pero punuan pa rin ang mga pasahero sa Victory Liner bus terminal sa Cubao, Quezon City na nais humabol pauwi ng mga probinsya patungong Central Luzon nitong araw ng Biyernes lalo’t long weekend. (Jeff Tumbado via Bulgar)

---

NEWS SCOOP: MOA nilagdaan sa pagpuksa kontra child sexual abuse sa digital space

ni Jeff Tumbado @Feature & Media | April 24, 2026

Sina NBI Director Atty. Melvin Matibag at Child Rescue Coalition, Inc. (CRC) Chief Executive Officer Greg Schiller matapos lagdaan ang Memorandum of Agreement at Deed of Donation para sa pagpapalakas sa pagpuksa kontra child sexual abuse sa digital space. (Jeff Tumbado via Bulgar)

---

NEWS SCOOP: Remulla at Trillanes, dumalo bilang panguhing testigo sa impeachment laban kay VP Sara

ni Jeff Tumbado @Feature & Media | April 23, 2026

Dumalo sina Ombudsman Jesus Crispin Remulla at dating Senador Antonio Trillanes IV bilang mga pangunahing testigo ng House Justice Committee ng House of Representatives sa pagdinig ng impeachment laban kay Vice President Sara Duterte. (Jeff Tumbado via Bulgar)

---

NEWS SCOOP: 19 hinihinalang NPA, napatay sa engkuwentro

ni Mai Ancheta @Feature & Media | April 22, 2026

19 na hininihalang miyembro ng NPA napatay sa engkuwentro ng militar sa Negros Occidental. (Mai Ancheta via Bulgar)

Joel, lumipat, Alan out, agawan sa Senado, tapos na... SP Win sa mga senador: Magsimula tayo

ni Mylene Alfonso @News | June 18, 2026

Photo: Senate PH

Nanawagan si Senate President Win Gatchalian sa lahat ng kanyang kasamahan sa Senado na magsimula uli at magkaisa sa pagharap sa mga hamon ng bansa.

"Nananawagan ako sa lahat ng aking kasamahan sa Senado, mayorya man o minorya, na magsimula tayo muli. Magkaisa sa paglilingkod at harapin nang sama-sama ang mga hamon ng ating bansa," ani Gatchalian sa kanyang talumpati sa special session ng Senado kahapon.

Pormal na ngang nahalal si Gatchalian bilang bagong Senate President sa special session na ipinatawag ni Pangulong Ferdinand Marcos Jr. kahapon.

Sa isinagawang special session, si Senador Juan Miguel Zubiri ang nagmungkahi kay Gatchalian para sa posisyon ng Senate President.

Pinalitan ni Gatchalian si Sen. Alan Peter Cayetano bilang lider ng Senado matapos makakuha ng 13 boto, na nagtapos sa halos dalawang linggong sigalot sa liderato na nagdulot ng legal na debate at kalituhan sa mga empleyado ng Senado.

Matapos nito, nanumpa si Gatchalian bilang Senate President, sa pangunguna ni Sen. Vicente “Tito” Sotto III, na siyang nangasiwa sa kanyang panunumpa sa tungkulin.

Sa kanyang talumpati sa nominasyon, pinatunayan ni Sen. Juan Miguel Zubiri na si Gatchalian ay masipag at mahusay na namuno sa ilang mahahalagang komite ng Senado, kabilang ang Committee on Energy, Committee on Economic Affairs, Committee on Basic Education, at Committee on Finance.

“He's the leader that the Senate needs in this time of division and disarray, and he has done this before. I know he'll be able to rise above the fray and lead us back to our principal function, which is to attend to the work of legislation,” wika ni Zubiri.

“I have every confidence that as Senate president, he'll be able to set the institution back on the right path, guided by the highest standards of service, integrity and morality. To my colleagues, I plead, let us elect Senate President Gatchalian and let us get back to our work in this hallowed institution,” din pa niya.

Idineklara ang pagkakaroon ng quorum sa special session matapos dumalo ang 13 senador, kabilang sina Senators Francis “Chiz” Escudero at Joel Villanueva, na kapwa dating kabilang sa kampo ni Cayetano.

Samantala, nahalal naman si Sotto bilang Senate President Pro Tempore sa nasabing sesyon.

Iminungkahi ni Sen. Panfilo “Ping” Lacson ang nominasyon kay Sotto para sa posisyon, na sinang-ayunan naman ng lahat ng iba pang senador na dumalo sa plenaryo.

Kasunod nito, nanumpa si Sotto bilang Senate President Pro Tempore, kung saan ang panunumpa ay pinangasiwaan naman ni Gatchalian.

30 patay, 27 sugatan... P11M multa sa may-ari, kontraktor ng gumuhong hotel

ni Jeff Tumbado @News | June 18, 2026

Photo: File / BFP

Inatasan ng Department of Labor and Employment (DOLE) ang may-ari at kontraktor ng gumuhong gusali sa Angeles City, Pampanga na magbayad ng mahigit P11 milyon dahil sa paglabag sa labor laws at pamantayan sa kaligtasan ng mga manggagawa.

Batay sa imbestigasyon ng DOLE, mananagot sina Jackson Lim at kumpanyang Golden Years Construction and Steelworks Corporation ng humigit-kumulang P1.1 milyon dahil sa labor standards violations at P10.3 milyon bilang administrative fine dahil sa sinadyang paglabag sa occupational safety and health standards.

Nabatid na ipinagpatuloy pa rin umano ang konstruksyon kahit mayroon nang inilabas na work stoppage order ang DOLE, dahilan upang malagay sa panganib ang buhay ng mga manggagawa.

Nadiskubre rin ng ahensya ang iba pang paglabag tulad ng hindi pagbabayad ng tamang sahod at benepisyo, kakulangan ng bayad sa trabaho tuwing araw ng pahinga, Sabado at pista opisyal, at hindi tamang pasahod sa mga manggagawa.

Lumabas din sa imbestigasyon na kulang ang mga safety measures sa proyekto, kabilang ang hindi pagbibigay ng personal protective equipment o PPE, kawalan ng kaukulang permit sa paggamit ng mga kagamitan sa pagbubuhat, at kakulangan ng mga safety officer at first aider.

Inakusahan din ang kumpanya ng pagsusumite ng pekeng sertipiko para sa kanilang itinalagang first aider at safety officer.

Ayon sa DOLE, isusumite nila ang kumpletong rekord ng kaso sa National Bureau of Investigation (NBI) at sa pamahalaang lungsod ng Angeles para sa posibleng pagsasampa ng kasong kriminal.

Sinabi ni Acting Labor Secretary Francis Tolentino na magpapatuloy din ang administratibong imbestigasyon laban sa ilang opisyal at labor inspectors ng DOLE Regional Office III dahil sa mga nakitang kakulangan sa pagpapatupad ng mga batas sa paggawa.

Matatandaang gumuho noong Mayo 24 ang siyam na palapag na condominium project na bumagsak sa isang katabing hotel na ikinasawi ng 30 katao habang 27 naman ang nasugatan.