BTS’ Jungkook, binatikos ng fans dahil sa AI-generated video

by BRT @K-Buzz | October 7, 2026

Photo: K-pop Jungkook - Courtesy _mnijungkook & _bowwow_bam - IG

Binatikos ng ilang fans si BTS member Jungkook matapos siyang mag-share ng AI-generated video sa kanyang Instagram account.

Makikita sa video ang kanyang alagang aso na si Bam na tila sumasayaw ng choreography ng “Single Ladies” ni Beyoncé, kasama ang dalawa pang aso.

Ilang international fans ang nagpahayag ng pagkadismaya at hinimok si Jungkook na huwag nang mag-promote ng AI-generated content dahil sa mga isyung etikal at epekto nito sa environment.

Hindi naman ito ang unang pagkakataon na nakatanggap si Jungkook ng batikos mula sa fans kaugnay ng paggamit ng artificial intelligence.

Nauna nang nagpahayag ang ilang miyembro ng BTS tungkol sa kanilang pananaw sa AI, kabilang ang paggamit nito sa music at vocal covers.