All time favorite street-food, ginawang accessories?

ni Thea Janica Teh | July 13, 2020

Nami-miss niyo na ba ang mga all-time favorite street food tulad ng isaw, bbq, kwe-kwek at marami pang iba? Puwes, ito na ang chance natin na masilayan muli ang mga ito!

Trending ngayon sa social media ang mga accessories na inspired sa mga favorite nating pagkain.

Sa Instagram account na @luna.obra, makikita ang mga cute na keychain na may design na kwek-kwek, isaw, bbq, hotdog on stick at marami pang iba. Ito ay gawa sa polymer clay.

Hindi lang ‘yan, mayroon ding hikaw at charm na designed hindi lang sa mga street food, kundi mayroon din silang halaman, fruits at kahit ahas!

Para sa iba pang detalye at para maka-order, maaaring bisitahin ang kanilang Instagram Account sa @luna.obra.

Siguradong mabubusog ang mga mata ninyo sa mga all time favorite merienda natin.

Mahigit 600,000 online job fair, ilulunsad sa Setyembre

ni Twincle Esquierdo - @Business News | July 13, 2020

Inilunsad ng Civil Service Commission ang mahigit 600,000 online job fair kasama ang iba’t ibang kumpanya.

Magsisimula ito sa Setyembre 14 hanggang 18, kahit nasa bahay ka lang ay puwedeng mag-apply at kahit walang civil service eligibility.

Kinukumbinsi ang lahat ng government agencies na makiisa hanggang Agosto 14 at sabihin sa kanila ang kaninang job vacancies.

Ayon kay CSC Commissioner Aileen Lizada, "Walang babayaran ang agencies that will enroll and the jobseekers who will apply,"

Ngunit sa dami ng mga aplikante ay hindi madaling makipagsabayan sa mga ito dahil nauna ng sinabi ng Philippine Statistics Authority (PSA) nitong Hunyo na umabot sa 7.3 milyong mga Pilipino ang nawalan ng trabaho dahil sa pandemya.

Isa pa rito, marami ring mga OFW’s ang umuwi at wala ring trabaho dahil sa kanselado ang mga flights dulot ng pandemya.

Halos 40,000 job vacancies naman ang inaaalok ng JobStreet. Ayon kay Yoda Buyco, marketing director ng JobStreet, "Mayroon tayong halos 4,000 sumagot sa ating survey... isa sa lima, so that's 20 percent ay nawalan ng trabaho, sila raw po ay na-retrench permanently noong Mayo,"

"Mayroon naman pong 47 percent or 5 sa 10 na nagsasabi na kami ay temporarily hindi nagtatrabaho, so either naka-hold ang posisyon... or kung hindi man, sila ay naghihintay ng desisyon ng kompanya," dagdag pa nito

Ayon sa Trabahanap ay tumaas ang demand para sa mga call center agents. Isa rin sa may mga bakante ay sa sales, factory, production worker, driver at helper.

Promo fares ng PAL ngayong August 2020 hanggang May 2021, alamin!

ni Ronalyn Seminiano Reonico | July 12, 2020

Inanunsiyo ng Philippine Airlines (PAL) na magkakaroon sila ng promotional fares na P388 one-way tickets sa domestic trips simula sa Agosto ngayong taon hanggang sa May 2021.

Ang promo ay magsisimula ngayong Lunes, July 13 hanggang sa susunod na Linggo, July 19, 2020. Available ang promotional fares sa official website ng PAL.

Samantala, ipinaalala ng PAL ang mga strict health safety measures na kanilang ipinapatupad upang maiwasan ang pagkalat ng sakit na Covid-19 katulad ng pagsasailalom sa thermal scanning bago pumasok sa ticket office. Ang mga walang suot na face mask ay hindi maaaring pumasok. Mahigpit ding ipinatutupad nag social distancing maging sa loob ng ticketing office. Lahat din ng staff ng PAL ay required magsuot ng face mask. Mayroon ding transparent barriers ang counter.