XIAN, LEVEL-UP, SPEAKER SA GRADUATION

ni Nitz Miralles @Bida | August 26, 2026

Photo: IG _xianlimm

Ibang level si Xian Lim dahil naging guest speaker sa 2026 Commencement Exercises ng Lyceum of the Philippines Cavite. Hindi politician si Xian, and he is still young, pero naging guest speaker na.

Kaya tama ang sinabi ni Xian na, “In no particular order. Random moments, work in progress, and a little bit of everything in between.”

Proud ang mga fans ng aktor sa bago nitong achievement dahil kinilala siyang inspirasyon ng mga kabataan. Kaya sunud-sunod ang pagko-congratulate sa kanya.

Comment ng isa niyang fan, “What a nice return to Solaire @xianlim! From concert artist to commencement speaker. Very inspiring!” at “Happy for your achievement.”

Anyway, paniwala ng mga netizens, si Xian ang ex sa message ni Kim Chiu sa It’s Showtime (IS) tungkol sa mga ex.

Ang mensahe ni Kim, “‘Di kita pinagsisisihan pero ‘di na kita babalikan. Dahil may mga alaalang dapat hanggang alaala na lang.”

Marami ang nag-agree kay Kim. Ang maganda lang, pareho na silang nakapag-move on ni Xian at masaya sa kani-kanilang buhay ngayon.

---

Sariling pera naman daw ang ginastos…

ALDEN, NA-BASH SA PAGBILI NG FERRARI CAR, DEDMA

Nasa China si Alden Richards para sa TVC shoot ng bagong endorsement na JOMOO, isang kitchen and bathroom product. Tamang-tama ang endorsement na ito ng aktor dahil sa bago niyang bahay na Smart House ang tawag, at ang JOMOO naman, smart technology ang gamit.

Kakaiba rin ang inilabas na initial teaser ni Alden for his new endorsement—high tech na high tech at mas pinadali ang kitchen and bathroom experience ng mga bibili ng nasabing product.

Comment ng mga fans ni Alden, high tech ang endorsement ng aktor ngayon, itong JOMOO at ang electric car na BYD.

And speaking of Alden, bago lumipad pa-China, nagkaroon muna ito ng outreach sa ilang barangay sa Calumpit, Bulacan, katuwang ang AR Foundation ng aktor at Myriad Entertainment. Pinasalamatan nito ang mga sponsors na tumulong para maging successful ang nasabing outreach sa mga binaha sa nakaraan at sunud-sunod na bagyo.

Samantala, pinagtitripan ng mga bashers ng aktor ang Ferrari sports car nito na para bang pera nila ang ginamit. Dedma na lang ang aktor sa mga ganitong bashing. 

Ang importante, pinagpaguran at sarili niyang pera ang ipinambili sa milyones na sports car.

---

PROUD ang aktres na si Liza Soberano sa news item ng Variety na ‘Liza Soberano Joins Jury for Golden Globes Impact Prize for Documentary, Presented During Venice Film Festival’.

Ayon kay Liza, “I’ve always believed that film has the power to do more than entertain—it can challenge injustice, offer safety, inspire hope and remind us of our shared humanity.

“Documentary filmmaking is where some of the most courageous and unforgettable storytelling is happening today. I’m honored to serve on this jury, because celebrating documentary filmmakers isn’t only about recognizing extraordinary talent; it’s where the future of cinema is heading.”

And speaking of Liza, sa September 25 ang opening ng DreamWorks Animation movie na Forgotten Island (FI). Boses ni Liza ang ginamit sa karakter ni Raissa at sa karakter ni Jo, boses naman ng Fil-Am singer na si H.E.R. ang ginamit.

Kasama rin si Liza sa soundtrack ng film, sila ni H.E.R. ang kumanta sa BRB at Jerk in the Box. Kasama rin sa soundtrack ang SB19, BINI at si Lea Salonga.