top of page
Search

ni MC @Sports | April 15, 2024



Nagbunga ang paghihintay ni Jeremy "The Juggernaut" Pacatiw. Bagamat walang laban sa nakaraang 16 na buwan, nakapagtalo ang  Lions Nation MMA standout ng nakagugulat na  first round submission win kontra kay "Little Whirlwind Wang Shuo sa ONE Fight Night 21:Eersel vs. Nicolas.


Impresibo ang naging laban na ito ni Pacatiw dahil napatunayan niyang mayroon siyang iisang salita at at talagang ipinakita ang kanyang kahandaan sa kabila ng

pagkakabakante sa laban.   “Sinabi ko nga before the fight, I’m prepared in any aspect.


I think this is the time, the perfect time na binigay ni Lord for me,” aniya matapos na pasukuin ang kalabang Tsino sa bisa ng rear naked choke sa   2:07 minuto ng round one.


Magandang panalo ito para  kay Pacatiw na balak umakyat sa bantamweight division sa ONE Athlete Rankings. Wala man siyang nabanggit sa susunod niyang mga plano, determinado siyang sumagupa laban sa mga top five sa ngayon.   “Maybe I’ll start with the top five muna, and then if we’re able to get the win, then bababa sila,” aniya. 

“Tingnan natin kung sino ang ibibigay ng ONE Championship, they have the decision kung sino ibibigay. I hope to be able to compete against the top five.”


Kabilang sa potensiyal niyang makakasagupa sina no. 3 "Pretty Boy" Kwon Won II,  no. 4 Artem Belakh at no. 5. Enkh-Orgil Baatarkhuu.  Sa  ngayon, nais muna ni Pacatiw na ipagdiwang ang panalo dahil alam hindi lang ito isang simpleng panalo kundi ito ang simula ng kanyang upstart stable. “Yun ang maganda kasi we’re already setting the momentum of Lions Nation MMA which is good and hopefully, we’re praying na tuloy tuloy na,” aniya. “This is a victory for the team at nating lahat.”                          

ni Clyde Mariano @Sports | April 15, 2024




Matagumpay na napigilan ng Rain or Shine ang pag-aalburoto ng Terrafirma Dyip sa 4th quarter at sinungkit ang pangalawang sunod na panalo sa loob ng tatlong araw sa high scoring game, 116-104, sa Philippine Cup na idinaos sa  Caloocan Sports Complex kamakalawa ng gabi.


Tumipa si Belga ng 19 points, 7 rebounds at 8 assists sa 32 minutes sa loob nang court at tinanghal ang Bicolano center/forward na Best Player of the Game. Nag-ambag sina Andrei Caracut 17, Jhonard Clarito 16, Leonard Santillan 15, Mark Anthony Borboran 13, at Gian Mamuyac 10 sa panalo ng RoS at muling panatilihin ang paghahari sa Dyip, 116-105 sa nakaraang Commissioner’s Cup na napanalunan ng San Miguel Beer.


Ang talo ay pangalawang sunod ng Dyip matapos yumuko sa undefeated league-leading SMB (5-0), 110-113. Sa panalo umabante ang RoS sa team standings sa kartadang 4-4 at sumadsad ang Dyip sa 4-5 record matapos manalo sa una nilang apat na laro. “We played good percentage basketball. Our offense and defense coordinated each other,” sabi ni coach Yeng Guiao. “Sana ma-sustain namin ang amin laro at kung kinakailangan gumanda pa at masundan pa ang panalo at makapasok sa quarterfinals,” wika ng 61- years old na dating national coach. 


Target ni Guiao ang pang pitong PBA title at pangatlo sa RoS. Unang dinala ni Guiao sa podium ang RoS sa 2012 Governor’s Cup nang talunin ang B-Meg at 2016 Commissioner’s Cup Alaska.                             

ni Gerard Arce @Sports | April 15, 2024




Mga laro bukas (Martes)

(Filoil EcoOil Arena)

7:30 a.m.- LPU vs AU (men)

10 a.m.- LPU vs AU (women)

2 p.m.- Letran vs EAC (women)

4 p.m.- Letran vs EAC (men)

 

Pinaliyab ng College of St. Benilde Lady Blazers ang koponan ng Jose Rizal University sa iskor na 25-13, 25-12, 25-20, kahapon upang kunin ang solong liderato at pahabain ang winning streak sa 32 sunod sa 99th season ng  NCAA Season 99 women’s volleyball Filoil EcoOil Arena sa San Juan City.


Nailista ng Lady Blazers ang ikatlong sunod na panalo ngayong season na nabalasa ng husto ang mga manlalaro para walang tumapos ng doble pigura na pinagbidahan nina middle blocker Michelle Gamit at spiker Wielyn Estoque na may tig-walong puntos.


Lahat ng manlalaro ng CSB ay nakapagtala ng iskor bukod lamang sa kanilang kapitan na si Jessa Dorog at dalawang liberos.


Nagpatuloy ang magandang panalo mg CSB na hanap ang ikatlong sunod na kampeonato matapos walisin ang dalawang nagdaang season, habang may naputol ang kumpetisyon dahil sa COVID-19 pandemic.


Gayunman, ayaw magpakampante ni coach Jerry Yee sa mga nakukuha nilang winning streak at mga panalo dahil pangunahing puntirya pa rin ang makuha ang kanilang layunin.


We try not to mind those, we don’t even count,” wika ni Yee, na sinabing may binabantayan nito ang mas ikauunlad pa ng koponan. “Kulang pa sa execution, dami pa kulang, dami pa aayusin. Hopefully, maayos naman.”


Inihahanda na ni Yee ang mga susunod sa yapak ng mga beteranong manlalarong parte ng starting lineup na aalis ng koponan na kinabibipangan nina Jade Gentapa, Cloanne Mondonedo, Michelle Gamit and Gayle Pascual. Meron na naman apat na aalis and we try to train yung mga papasok a year ahead to prepare,” ani Yee. 

RECOMMENDED
bottom of page