Malinaw ayon sa Chinese mythology… Mga isinilang sa year of the Rabbit, may pinakamahabang buhay

ni Maestro Honorio Ong @Forecast | Ika-20 Araw ng Abril, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Kuneho o Rabbit. 

Ang Kuneho o Rabbit ay silang mga isinilang noong taong 1927, 1939, 1951, 1963, 1975, 1987, 1999, 2011 at 2023. 

Bukod sa pagiging mabait, taglay din ng Kuneho ang pagiging mahinahon at matagal magalit. Ang magara pa rito, kapag nagagalit sila, sinasirili at kinikimkim lang nila. Kaya kadalasan silang natatagpuan sa isang sulok ng bahay na nagmumukmok at walang kibo. Sa ganitong sitwasyon o pangyayari sa kanilang buhay, sadyang napakahalaga na may makausap silang kaibigan upang gumaan kahit papaano ang kanilang pakiramdam.

Sinasabi ring kung walang gagabay at kakausap sa isang Kuneho sa panahong sila’y nahaharap sa mabigat na problema, maaari silang magkaroon ng psychological illness.

Samantala, tunay ngang bukod sa pagtulong sa kapwa at paglilingkod sa mga mahihirap, natutuwa ang Kuneho sa tuwing nakakatagpo sila ng tapat at panghabambuhay na kaibigan.Ang problema lang sa isang Kuneho, dahil nga siya ay mabait, tahimik at matulungin, minsan tuloy napagbibintangan siya na mabagal kumilos at matagal kung magpatupad ng mga plano sa buhay.

Kumbaga, iniisip at inaakala ng iba na siya ay may weak personality o sadyang mahina ang loob. Ngunit, hindi naman ganu’n, dahil tulad ng nasabi na, taglay ng Kuneho ang ruling planet na Neptune. Sa katunayan, kaya sila mabagal kumilos at magpatupad, dahil sa matalas nilang imahinasyon at taglay na kaisipan. Kaya bago sila kumilos at magpatupad, iniisip muna nilang mabuti kung ano ang plano at dapat nilang gawin.

Pero kung pahabaan naman ng buhay ang pag-uusapan, ayon sa Chinese mythology, “The Rabbit is a symbol o longevity.” Nangyaring ganu’n, humahaba ang buhay ng isang Kuneho dahil alam niya ang pormula o lihim kung paano ipepreserba ang kanilang kalusugan at ang nakaganda pa nito, kahit hindi niya alam, dahil nga sa taglay niyang kabaitan, likas siyang iniiwas ng langit  sa kapahamakan, sakuna at sa iba’t ibang uri ng malulubhang karamdaman.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Bilyonaryong Mafia ang Mahal Ko (64)

ni Maria Angela Gonzales @Kuwentong Pag-Ibig | Ika-20 Araw ng Abril, 2024

Kahit nangangati ang kamay ni Via na damputin ang telepono at tawagan si Nhel, hindi niya pa rin ito magawa. 

May takot din kasi siyang nararamdaman. Paano kung hindi naman talaga nasisiyahan si Nhel kapag nakikita siya? Napapikit na lamang siya habang kinakagat ang kanyang labi, mas nanaisin pa niyang saktan ang kanyang sarili, dahil pakiramdam niya mas matinding sakit pa rin ang mararamdaman ng kanyang puso kapag sinabi sa kanya ni Nhel na hindi siya nito nami-miss, at wala talaga itong pag-ibig sa kanya. 

Marahas na buntong hininga ang kanyang pinawalan. Iyon kasi ang dahilan kaya hindi niya rin magawang lapitan si Nhel para ipaalam kung ano ang kanyang nararamdaman. 

Ang nais niya pa naman sana niya ay iparamdam kay Nhel kung gaano niya ito kamahal, ngunit nagdadalawang-isip siya, panigurado kasi na maaapektuhan lang ang kanilang anak kung ganito ang isasagot sa kanya ni Nhel,“I’m sorry. Kailanman hindi kita magagawang mahalin.”

Natatakot siyang masaktan, kaya tinitiis na lang din muna niyang hindi kausapin ang kanyang Tatay Pedro. Kahit ito ang kasama niya habang siya’y lumalaki, si Nhel pa rin ang kadugo nito. ‘Ika nga sa kasabihan, “Blood is thicker than water.”

“Alam mo ba ang pinakamagandang ganti kay Nhel?” Tanong sa kanya ni Jake. 

Alam niyang kaaway nito si Nhel, kaya bigla siyang kinabahan sa tanong nito. Sa halip na magtanong, kumunot ang kanyang noo. Gayunman, hinihintay pa rin niya ang sasabihin nito. 

“Iyon bang malaman niyang may relasyon tayo.” 

“No way!” Mariin niyang sabi. 

“May magagawa ka ba kung bihag kita?” Nakangising tanong ni Jake sabay halakhak na para bang walang ibang tumatakbo sa kanyang isipan kundi kasamaan. 

Itutuloy…

Kahulugan ng naglaro ng billiard at natalo

ni Estrellia de Luna @Panaginip gabay ng buhay | Ika-20 Araw ng Abril, 2024

Analisahin natin ang panaginip na ipinadala ni Francis ng Batangas.

Dear Maestra,

Napanaginipan ko na naglalaro kami ng billiard ng best friend ko. Natalo ko siya, pero ako ‘yung sinisisi niya sa pagkatalo niya. Sinuntok niya ako sa bibig at agad naman itong dumugo. 

Ano ang ibig sabihin ng panaginip ko?

Naghihintay,

Francis

Sa iyo, Francis,

Ang ibig sabihin ng naglaro kayo ng billiard ng best friend mo ay babala na masasangkot ka sa gulo dahil sa kapabayaan at hindi mo pagiging maingat. 

Ang sinisi ka ng best friend mo dahil natalo siya ay nagpapahiwatig na mananalo ka laban sa mga kaaway mo at makikita mo ang unti-unti nilang pagbagsak. Hindi sila magtatagumpay sa masama nilang binabalak sa iyo.

Samantala, ang sinuntok ka ng best friend mo sa bibig at nagdugo ito ay senyales na mabibigo ka sa gusto mong gawin. May mga sagabal ka pang kakaharapin bago ka magtagumpay sa iyong ninanais.

Matapat na sumasaiyo,

Maestra Estrellia de Luna