ni Lolet Abania | July 23, 2020
Super happy ang bandang Ben&Ben matapos na mag-trending sila sa South Korean charts.
Excited na shinare ng grupo sa socmed ang good news na ito.
"Woah this is crazy. We are trending in South Korea," sabi nila, sabay posting ng isang screengrab ng tweet ng YG Charts.
Ayon sa kanilang Twitter bio, layunin ng YG Charts na magbigay ng impormasyon at kaganapan sa mga YG artists tulad ng Blackpink, Treasure at Winner sa international muaic charts.
"A Filipino band Ben&Ben is currently trending #1 and also occupied the #2, #3, #6, and #7 position on Melon Realtime Search Chart," ayon sa post ng banda mula sa naturang kumpanya.
"And I don't know why," dagdag pang post.
Sumagot naman ang isang fan sa tweet, "Uy nice," na nag-share ng isang screengrab na nagpapakitang trending talaga ang Ben&Ben, kasunod ang salitang "Leaves, na maaring isang kanta o 2017 album mula sa title ng single nila.
Pinakabusy ang Ben&Ben kahit na panahon ng pandemic, dahil sa ginagawa nilang intimate online gigs at naglalabas pa rin ng maraming songs kasama ang international single na "Doors" at "Lifetime", na inspired ang title ng song sa istorya ng isang fan.