Bira ng netizens kay Eala pinalagan ni EJ Obiena

by Gerard Arce @Sports News | October 21, 2026

Photo: Circulated

 Nagbalik sa mahusay na porma si Filipina tennis star Alexandra “Alex” Eala na pinutol ang hindi magandang imahe ng mga fans sa ilang pagkatalo matapos talunin si World No. 32 Diane Parry ng France sa 6-3, 6-1 at kagabi ay masusubok sa round-of-16 kontra World No. 14 Diana Schnaider ng Russia sa 2nd round ngayong Miyerkules ng WTA 500 Ningbo International Tennis Open sa Yinzhou Tennis Center sa Ningbo, China.

Ito ang unang panalo ng 21-anyos na lefty sa Asian Swing kasunod ng masamang simula sa WTA 500 Singapore Open at WTA 1000 Wuhan Open na nagtapos sa parehong first round. 

Dahil sa mga pagkatalong ito, inulan ng kritisismo at puna sa social media ang World No. 20, subalit sa bawat biradang ito, nagawang salagin at ipagtanggol ng kapwa international title-holder at two-time Olympian, champion pole vaulter na si Ernest John Obiena, ang malapit na kaibigan.

 “Athletes may sometimes be treated like gods. But we are not. We have good days and bad days, just like everyone else. One result cannot define a person. Support matters,” pahayag ni Obiena sa  Instagram post.

“If you want to help Alex, me, or any athlete, pick us up when we are down. Harsh comments are not the support that helps us return stronger. Failure is not synonymous with losing. Even the greats lose.”

Gawilan ginto para Asiad, qualified na sa L.A. Olympics

by Gerard Arce @Sports News | October 20, 2026

Photo: Edad 35 na si veteran swimmer Ernie Gawilan pero nagawa pa niyang madepensahan ang kanyang korona sa Asian Para Games. (pscmedia) 

Sinisid ni Filipino Paralympian Ernie Gawilan ang unang gintong medalya ng Pilipinas kasunod ng impresibong langoy para kunin ang kabuuang ika-limang korona sa Asian Para Games matapos pangunahan ang men’s 400-meter Freestyle S7 kahapon sa Rainbow Pool ng Nagoya City General Gymnasium sa Nagoya, Japan.

Nilangoy ng 35-anyos Davaoeño ang 4.56.72 upang higitan ang Chinese swimmer na si Zhang Yilong sa  5:01.36 sa silver medal at Singaporean na si Toh Wei Soong sa 5:24.2. Unang ginto si Gawilan 2018 Jakarta at 2022 Hangzhou Games, habang puntiryang makuhang muli ang 100m backstroke at 200 m individual medley, na nakuha ang korona sa 2019 Jakarta meet.

Nakasisiguro na rin ito ng isang puwesto sa 2028 Los Angeles Paralympics, na hinahanap ang kauna-unahang medalya sa Summer Games matapos lumahok sa 2016 Rio de Janeiro at 2020+1 Tokyo. “He’s already qualified in the 2028 LA Olympics because of his time,” pahayag ni para swimming coach Tony Ong.

Sina Edwin Vilanueva at Muhaimin Ulag ay  tumapos sa 10^th place sa 400m freestyle S8 sa 6:22.33, at 12th place sa men’s 200-meter individual medley SM9 sa 3:04.30.

Parehong kapalaran rin ang sinapit nina Patrick Lee at Arthus Bucay na tumapos ng 12th at 14th sa track cycling’s 1,000-meter time trial sa inirehistrong 1:14.888 at 1:19.496, ayon sa pagkakasunod sa Izu Veledrome.

Fajardo at Medecillo may laban vs. Japanese boxers

by Gerard Arce @Sports News | October 20, 2026

Photo: Fajardo at Demecillo

Determinadong maiuwi ng 2 Filipino title contenders na sina Miel “Silent Assassin” Fajardo at Zyvyr “Blitz Kid” Medecillo ang magkahiwalay na world title belt sa bansa kontra Japanese boxers sa Nob. 26 sa Ebara Wave Arena sa Ota-ku Tokyo, Japan.

Bagaman hindi pa siyento-por-siyento ang  paghahanda at preparasyon sa bakbakan, aminadong pagtupad sa kanilang mga pangarap at mabigyan ng karagdagang kampeon ang Pilipinas, na tanging si International Boxing Federation (IBF) minimumweight titlist Pedro “Kid Pedro Heneral” Taduran ang Pinoy na kampeon.

Makakatapat ni Fajardo (14-3-2, 12KOs)  si reigning IBF flyweight titlist Masamichi Yabuki (20-4, 18KOs), habang makakaharap ni Medecillo si reigning World Boxing Association (WBA) mini-flyweight champion Takeshi Ishii (12-1, 9KOs), na kapwa nasa pangangalaga ng Hong Kong-based RCT Boxing Promotions sa ilalim ng dating pro-boxer at CEO na si Lennon Tsoi.

“Gagawin lang namin yung pinaghandaan namin, yung pinag-ensayuhan namin, kase lagi rin namin pinapanood yung laban niya, kase magaling din siya sa counter, kaya tingin ko patibayan na lang talaga,” pahayag ni Fajardo kahapon sa ginanap na press conference ng “Double World Title: A Shot at history,” sa New World Makati Hotel sa Makati City.

“Kukunin ko talaga itong world championship na ito, kase ito talaga yung pinaka-pangarap namin ng papa ko at ng coaches namin,” bulalas naman ng 21-anyos kasunod ng unbeaten na 9-0 win-loss kartada kasama ang 5 panalo mula sa knockouts.