Proklamasyon ng Duterte Youth at Bagong Henerasyon Partylist, sinuspinde

ni Madel Moratillo @News | May 20, 2025

Photo File: Bagong Henerasyon, Duterte Youth, George Garcia - FB, Comelec

Sinuspinde ng Commission on Elections (Comelec) ang proklamasyon ng Duterte Youth at Bagong Henerasyon Partylist. 

Ang Duterte Youth ay nakakuha ng 5.6% ng partylist votes na katumbas ng 3 seats habang ang Bagong Henerasyon naman ay may 1 seat. 

Ayon kay Comelec Chairman George Garcia, 'yan ay dahil sa mga naka-pending pang petisyon laban sa mga ito sa Comelec. 

Sa resolution ng National Board of Canvassers, may seryosong alegasyon sa mga ito dahil sa paglabag umano sa election laws. 

Ayon sa Comelec, dedesisyunan ito bago ang Hunyo 30. 

Sa isang pahayag, sinabi ng Duterte Youth na kukwestyunin nila sa Korte Suprema ang suspensiyon. 

Sabi naman ng Bagong Henerasyon, hindi nila alam na may kaso laban sa kanila. Naghain na umano sila ng urgent motion sa Comelec para iproklama.

300 voting machines, nagkaaberya

ni Madel Moratillo @News | May 13, 2025

Photo File: Comelec Chairman George Garcia - Commission on Elections

Mahigit 300 automated counting machines ang nagkaaberya sa ginawang halalan, Mayo 12. 

Ayon kay Comelec Chairman George Garcia, pinakamarami rito ay dahil sa scanner. 

Sinisi ni Garcia ang sobrang init ng panahon na posibleng nakaapekto kaya natagalan bago natuyo ang mga tinta sa balota. 

Pero giit ng Comelec, mas mababa pa rin ito kaysa sa 2,500 vote counting machines na pinalitan noong 2022 elections.

Dagdag-sahod sa M. Mla., aprub — DOLE

ni Madel Moratillo @News | Apr. 29, 2025

Photo File: Labor Secretary Bienvenido Laguesma - salary BSP

Asahan umano ang dagdag-sahod sa mga minimum wage earner sa Metro Manila sa lalong madaling panahon.

Ayon kay Labor Secretary Bienvenido Laguesma, nakatakda nang masimulan ang wage review sa rehiyon.

Tinatayang nasa apat na milyong minimum wage earners at iba pang walong milyong manggagawa ang maaaring makinabang sa wage adjustments.

Ayon sa Kalihim, nasa 17 regional wage board na ang nakasunod sa direktiba ni Pangulong Ferdinand Marcos, Jr. para sa deliberasyon ng 60 araw bago ang anibersaryo ng huling wage order.

Hinikayat naman ng DOLE ang mga naghahanap ng trabaho na samantalahin ang ilulunsad nilang 70 job fair sites sa May 1.

Nasa 170 libong local at overseas jobs ang iaalok dito.