Chance the Racer/Sky Candy vs. Pangalusian Island sa SLLP

ni Ding Taboy - @Renda at Latigo | February 28, 2021

Tampok ngayon ang 2021 Philracom “4 Year Old and Above Local-Imported Challenge Race” na paglalabanan ng labindalawang kabayo sa San Lazaro Leisure Park(SLLP) sa Carmona, Cavite.

Kalahok ang mga kabayong imported na kinabibilangan ng Joyous Solution, Tony’s Love, In the Zone, Our Tito, Chance the Racer, Sky Candy, Bomper Girl laban sa mga local na mananakbong Dragon Butterfly, Full Steam, Righteous Ruby at Pangalusian Island.

Pinapaboran na maglalaban ang kalahok na Change The Racer at Sky Candy na kapwa imported laban sa 2020 Presidential Gold Cup champion na Pangalusian Island.

Magbibigay din ng magandang laban ang Tony’s Love, In The Zone, Our Tito, Full Steam at Righteous Ruby. Tatanggap ng trophy at P300,000 ang tatanghaling kampeon habang tatanggap ng P112,500 ang 2nd place, mag-uuwi ng P62,500 ang 3rd place at P25,000 sa 4th place.

Tips sa Karera: Peb.28

Race 1 Exceptional (1) Cambarl Island ;

Race 2 Happy Jullian (2)Anika’s Will (8)

Race 3 Couple Entry No.7 Cam From Behind (1) Breaking News (8)

Race 4 Arrow Up (7) You Never Know (1) Cool Mom (13)

Race 5 Pangalusian Island (8) Change The Racer/Sky Candy (7)

Race 6 Hiroshima (2) Magnolia Yana (14)

Race 7 Fabulous Star (10) Refuse to Lose (2) Magnum Force (1)

Race 8 This Time (11) Sigurista (12)

Race 9 Es Em Bee (8) Phenomenal (7) Serafina (1)

Race 10 Doktora (5) Ava’s Dream (11) Our Secret(10)

Race 11 Chinita (5) Titanium(3) Race 12 Palibhasa Lalake (3) Sari Baby(1) Spandau Ballet (2) Race 13 More Or Less (10) Trust Worthy (14) Couple entry No.4

United City at Kaya Iloilo, sasalang na sa ACL sa abril

ni Anthony E. Servinio - @Sports | February 28, 2021

Opisyal na binago na ng Asian Football Confederation ang magiging mga kalaro ng mga koponang Filipino sa darating na prestihiyosong 2021 AFC Champions League (ACL) na United City at Kaya Iloilo. Nakatakdang sumalang sa aksyon ang dalawang pambato ng Philippines Football League (PFL) ngayong Abril na determinadong umukit ng bagong kasaysayan para sa Pinoy Football.

Makakasama na ng United City sa Grupo 1 ang Beijing bilang kapalit ng Guangzhou. Lilipat naman ang Guangzhou sa Grupo J bilang kapalit sa tinanggal na Shandong, ang kampeon ng 2020 Chinese FA Cup, na inalisan ng lisensiya ng AFC bunga ng hindi nila pagbayad sa kanilang mga manlalaro.

Kung magtatagumpay ang Kaya sa Brisbane Roar ng Australia sa qualifier sa Abril 7, tutuloy sila upang harapin ang Shanghai imbes na ang Beijing sa Abril 14 para sa ika-apat at huling puwesto sa Grupo F. Nakapasok ang Shanghai sa bisa ng kanilang pagtapos sa ika-apat na pwesto sa 2020 Chinese Super League.

Nakatakda ang group stages para sa ACL Eastern Zone para sa Abril 21 hanggang Mayo 8. Mula sa nakagawian na iikot ang mga laro sa mga bansa, gagawin ang lahat sa nag-iisang lugar na ihahayag ng AFC sa mga susunod na linggo.

Samantala, imbes na magdagdag at magpalakas ay patuloy na nalalagas ang kampeong United City habang papalapit na ang ACL. Idagdag na si Robert Lopez Mendy sa mga pinakawalan ng mga kampeon at dadalhin ng tubong Senegal na forward ang kanyang talento sa Visakha sa Cambodian League.

Sa mga nakaraang buwan matapos ang 2020 PFL noong Nobyembre, isa-isang umalis sa United City ang kanilang mga manlalaro na sina OJ Porteria at Dennis Villanueva na lumipat sa Ratchaburi at Nakhon Ratchasima sa Thai League One at Manny Ott sa Melaka United ng Liga Super Malaysia. Tanging si PFL Golden Glove goalkeeper Anthony Pinthus ang tiyak na babalik ngayong 2021 para sa United City.

Hinihintay ang pagpirma muli ng bagong kontrata nina Golden Ball Most Valuable Player Stephan Schrock at Golden Boot Best Scorer Bienvenido Maranon. Kamakailan ay lumapit ng isang hakbang si Maranon sa kanyang pangarap na maging mamayanan ng Pilipinas matapos pumasa sa Mababang Kapulungan ang panukalang batas na gagawad sa kanya nito at umuusad na rin ang katumbas na panukala sa Senado.

Vovinam, umaasang mapapasabak sa 31st SEAG

ni Gerard Peter - @Sports | February 28, 2020

Payak mang maituturing ang kanilang koponan, paniguradong may ibubuga at hindi aatras sa anumang laban sa pag-asang mairerepresenta nila ang bansa sa 31st Southeast Asian Games simula Nob. 20-Dis. 2 sa Hanoi, Vietnam.

Wala pa man umanong maipagmamalaking matatag na line up para sa mga pandaigdigang kompetisyon, ngunit optimistiko si Vovinam Master Jojo Quy Tran Gonzaga Jr. na ang iilang manlalaro nila ay paniguradong magbibigay ng medalya para sa bansa oras na maging opisyal silang kinatawan para sa biennial meet.

“We don’t’ have a strong team right now, meron kaming line up, only 4 athletes pa lang. Para sa akin magsisimula ako ng zero dito sa Pilipinas, dahil bago lang kami,” pahayag ni Filipino-Vietnamese Master Quy Tran, Huwebes ng umaga sa TOPS: Usapang Sports na live na napanood sa Sports on Air Facebook page. “Though everytime naman na sumali kami may at may ipinapadala na 3 representatives, we always brought home 2 medals. Meron kaming sparring and diyan tayo magaling na mga Filipinos,” dagdag nito sa programang suportado ng Philippine Sports Commission (PSC), Games and Amusement Board (GAB) at Philippine Amusement and Gaming Corp. (PAGCOR).

Kabilang ang pampalakasang Vovinam sa 40 sports na inilagay ng Vietnam Olympic Council at Organizing committee, habang parte pa rin umano ng 38 sports na planong ipadala ng Pilipinas para sa Vietnam meet.

Ayon kay PSC commissioner at Hanoi Games Chef De Mission Ramon Fernandez, parte ng 38 sports na napiling ipadala ng bansa sa regional multi-sport events ang Vovinam. Kinakailangan lamang umano na makipag-usap at lumapit ang pamunuan ng PVU sa pamumuno ni Mr. Jasper Movilla ng Cebu. “They are part of the lists of sports sa SEA Games. They need to coordinate and talk to the POC officials, most specially to Cong. Bambol if they want to represent country,” wika ng dating 4-time PBA MVP sa panayam ng Bulgar sa telepono.

Ilan sa mga maaaring maging pambato ng vovinam sa SEA Games ay sina Kristine Baguio, na nagwagi ng gold medal sa women’s 63kgs sa Doi Khan Sparring noong World Championships sa Cambodia2019 at isa pang gold medal noong 2018 Thap Tu Quyen sa Myanmar; Jaysa Anna Gabuya, na nakapag-uwi ng gintong medalya sa 49kgs category sa Dhoi Kang sa Asian Vovinam Championships sa Bali Indonesia at Cedric Bolneo na nakapagbulsa ng Silver sa Southeast Asian Championships sa 57kg Dhoi Kang sa Myanmar.