Jerusalem, nakaabang sa bagong world title match

by Gerard Arce @Sports News | August 12, 2026

Photo: File / Melvin Jerusalem

Nanatiling  tahimik na naghihintay at nag-aabang si two-time world champion Melvin “El Gringo” Jerusalem sa susunod na makakatapat sa magwawagi sa pagitan nina reigning World Boxing Council (WBC) minimumweight titlist Siyakholwa Kuse ng South Africa at World Boxing Association (WBA) regular mini-flyweight Japanese champion Ryusie Matsumoto ng Japan.

Matapos mabitawan ang WBC title noong Mayo 16 sa pagdayo sa Gauteng, Kempton Park sa Emperors Palace sa South Africa, na nagtapos sa 12-round unanimous decision para kay Kuse, isinantabi muna ang naunang planong trilogy at binigyang-daan muna ang unang title defense ng South African.

“Waiting lang kami kung sino ang mananalo sa kanila,” pahayag ni head trainer Michael Domingo sa panayam ng Bulgar Sports kahapon, na nilinaw na mayroon silang rematch clause sa kontrata. “Still training naman si Melvin para sa next opportunity,”

Tuloy pa rin ang ensayo ng 32-anyos na tubong Manolo Fortich, Bukidnon upang maging handa anumang oras na nabigong madepensahan ang korona sa ika-apat na pagkakataon, upang maging tabla ang harapan nina Jerusalem (25-4, 12KOs) at Kuse (10-3-1, 4KOs).

Inamin rin ni Domingo na abang rin sila sa tuluyang pag-angat ni unified WBA (Super) at World Boxing Organization (WBO) kingpin Oscar “El Pupilo” Collazo (15-0, 12KOs) ng timbang, upang maikasa ang anumang laban kay Jerusalem na No.1 sa WBC, No.2 sa WBO rankings at No. 7 sa International Boxing Federation (IBF) title na hawak ni Pinoy Pedro “Kid Pedro Heneral” Taduran, na sinusubukang ipares kay unbeaten Spaniard Brandon Moreno (16-0, 5KOs).

“Baka mag-vacant na si Collazo. Magandang laban Jerusalem vs Matsumoto, kase puwede silang maglaban sa WBO kasi #1 ang Japanese, #2 si Melvin. If mag-order ang WBO, magandang laban ’yan.

May basbas daw ng GMA-7… BARBIE AT DAVID, NASA TV5 NA RIN

ni Beth Gelena @Bulgary | June 22, 2026

Photo: FB Circulated

Lipat-bakod na rin sa TV5 sina Barbie Forteza at David Licauco sa pamamagitan ng pagpapalabas ng serye nilang Mano Po Legacy: The Family Fortune (MPLTFF).

Mapapanood ang serye sa TV5 Hapon Champion block.

Maraming Kapuso viewers ang nagtaka kung bakit mapapanood sa TV5 ang dalawang pangunahing artista ng GMA Network.

Nilinaw naman ni Roselle Monteverde na bago tinanggap ang alok ng TV5, nagpaalam muna ang Regal Entertainment sa GMA.

Ayon kay Roselle, ayaw niyang magkaroon ng problema at mahalaga ang magandang samahan ng mga kumpanya sa industriya.

May posibilidad ding maipalabas sa TV5 ang iba pang installments ng franchise.

Ang paglipat ng serye nina Barbie at David sa TV5 ay dati nang ginawa ng Regal sa mga programang unang umere sa GMA-7, at isinagawa ito nang may pahintulot ng Kapuso Network.

Kaya walang isyu sa pagitan ng GMA at TV5, mga Ka-BULGAR.

---

IPINALIWANAG ng aktres-former beauty queen na si Ruffa Gutierrez kung bakit espesyal sa kanya ang St. Patrick’s Cathedral sa New York. Ibinahagi niya ang mga litrato at video mula sa kanyang pagbisita rito.

Nakitang nagsisindi ng kandila at nag-aalay ng panalangin ang aktres. 

“Returning to St. Patrick’s Cathedral to give thanks. Every prayer I whispered here was heard.

Every blessing came in His perfect timing,” sey niya.

“As I return to Manila, my heart is full of gratitude, peace, and love…because after all, there’s no place like home,” aniya pa.

Nagbahagi rin siya ng throwback photo ng kanyang mga anak kalakip ang mahabang mensahe.

Mabilis na umani ng reaksiyon mula sa mga netizens ang post, at marami sa kanila ang humanga sa pagpapakita ng pananampalataya at pasasalamat ni Ruffa Gutierrez.

Ang St. Patrick’s Cathedral na matatagpuan sa Manhattan ay isa sa mga pinakakilalang simbahang Katoliko sa United States (US) at matagal nang binibisita ng milyun-milyong peregrino at turista mula sa buong mundo.

---

LAGI na lang ikinukumpara ang aktor na si Joshua Garcia kay John Lloyd Cruz. Magaling din kasi sa aktingan at pareho ang karisma at kaguwapuhan nila.

“‘Di ko mapapantayan ‘yan. One and only ‘yan,” ito ang naging sagot ni Joshua nang tanungin kung ano ang nararamdaman niya sa mga pagkukumpara sa kanilang dalawa.

Sey ng mga netizens:

“Parehas kayong down to earth. ‘Yun na po ‘yun. Nothing else, period.”

“Maganda ‘to. Magsama-sama sila sa isang movie, like Joshua, John Lloyd, then Alden, mag-uutol sila.”

May ilan ding nagsabing, “Parehas sila ng acting style at skills ni John Lloyd, pero sa filmography at body of work, mas marami at mas makapal ang filmography ni Lloydie.”

“Mas bida sa pelikula si John Lloyd. Mas bida sa TV si Joshua. Ganu’n lang kasimple.”

“Ngek, ang layo naman. Though pareho kayong 6/10 sa hitsura. Pero medyo nabayaran ng acting ang hitsura.”

“Walang dating si Joshua. Sobrang na-hype lang.”

“Malamya si JG.”

Samantala, may mga dumepensa rin sa aktor.

“Deserve n’ya ang hype dahil may talent s’ya, kaya n’yang kumilos. Guwapo rin naman s’ya. ‘Yung Star Magic lang kasi, ipinattern ang career n’ya kay John Lloyd kaya lagi s’yang ikinukumpara.”

“Magaling s’ya pero ‘yung galing n’ya, pare-pareho lang. ‘Di n’ya kayang ibahin ang atake, laging isa lang at predictable. That makes him... ‘di na magaling pala.”

“True naman. Certified box-office star si JLC. While hit-and-miss ‘tong si Joshua, mostly flop ang projects n’ya.”

“Flop ba ang P450 million sa Happy For You at P305 million sa Meet, Greet & Bye? Ang flop lang ay ‘yung zombie movie n’ya dahil COVID. ‘Yung Love Is Never Gone, #1 sa Prime sa loob ng anim na sunud-sunod na linggo. Mag-research ka muna kasi halatang hater ka.”

“Medyo malayo pa. Marami pa ang kakainin mong sili bago marating ang status ni JLC.”

“Pati pagsasalita, ginagaya si JLC. Mas sisikat ka sana kung may sarili kang identity.”

Ano’ng sey n’yo, mga Ka-BULGAR?

Knicks pasok na sa Finals, winalis ang East C'ship

ni Anthony E. Servinio @Sports | May 27, 2026

Photo: Dumadrayb si Jalen Brunson #11 ng New York Knicks paikot kay James Harden #1 at Sam Merrill #5  ng Cleveland Cavaliers sa bahaging ito ng kanilang laro sa NBA Eastern Conference Finals. (Sarah Stier/Getty Images) 

Laro ngayong Miyerkules - Paycom

8:30 AM SA vs. OKC

Magbabalik ang New York Knicks sa NBA Finals matapos ang 27 taon!  Tinalo nila sa ika-apat na sunod na laro ang Cleveland Cavaliers, 130-93 at walisin ang Eastern Conference Finals kahapon sa Rocket Arena.

Nagpamalas agad ng bangis ang Knicks nang burahin 8-2 lamang ng Cavs at kunin ang unang quarter, 38-26 sa mga buslo nina Karl-Anthony Towns, Jalen Brunson, Mikal Bridges at reserba Mitchell Robinson. Hindi nakaporma ang Cleveland at hindi nag-preno ang NY para lalong palakihin ang agwat sa huling apat na minuto, 123-78.

Kahit hindi na siya naglaro sa huling quarter, nagtapos na may 15 si Jalen Brunson para mapiling Eastern Conference Finals MVP.  Gumawa siya ng kabuuang 102 o 25.5 bawat laro sa serye.

Double-double si KAT na 19 at 14 rebounds.  Sumuporta sina OG Anunoby na may 17 at Mikal Bridges na may 15.

Nanguna sa Cleveland si Donovan Mitchell na may 31.  Kinapos ang tulong ng kakampi at sumunod sina Evan Mobley na may 15 at James Harden na may 12.

Mabibiyayaan ng Knicks ng siyam na araw na pahinga at kahit anong mangyari sa Western Conference ay sa Hunyo 4 magsisimula ang seryeng best-of-seven.  Tabla ang World Champion Oklahoma City Thunder at San Antonio Spurs, 2-2, papasok sa mahalagang Game 5 ngayong Miyerkules sa Paycom Center.

Si Gilas Pilipinas Jordan Clarkson ang magiging unang kababayan na maglalaro sa NBA Finals.  Lumipat siya sa NY galing Utah Jazz noong nakaraang Hulyo na puntiryang mabigyan ng singsing bilang kampeon.

Nakamit din ng Knicks ang NBA Cup noong Disyembre laban sa Spurs, 124-113, sa likod ni Cup MVP Brunson. Kung sakaling palarin, sila ang magiging unang dobleng kampeon.