Sara impeachment, mauuwi sa China vs. US?!

ni Ka Ambo @Bistado | October 7, 2026

Gumagrabe ang sitwasyon.

Idinadawit na ang China sa impeachment trial.

Isa na itong “national security concern”.

----$$$--

May katotohanan o wala ang alegasyon na nagmumula mismo sa AMLAC, dapat pa rin itong imbestigahan.

Hindi ito simpleng exposé ni ex-Sen.Antonio Trillanes.

Isa itong direktang panggugulo sa seguridad ng bansa.

----$$$--

Ang impeachment  trial ay nanganak na ng bagong isyu o bagong kaso.

Ang kaso ay ang panghihimasok ng China sa domestic affairs ng bansa.

Pero pinabulaanan ito mismo ng Chinese Embassy.

-----$$$--

May mga nagtatanong:

Hindi kaya isang panibagong “blunder” ito ng mga anti-VP Sara.

Hindi na kailangang dumipensa ni VP Sara—ang Chinese Embassy na mismo ang naglalabas ng opisyal na pahayag.

-----$$$--

Ang paglalabas ng AMLAC ng confidential data at expose ni Trillanes ba ay sapat na upang patunayan na nakikialam ang China sa Pilipinas?

Hindi  ito simpleng isyu laban kay VP Sara, bagkus ay isyu ito ng panghihimasok ng isang superpower.

-----$$$---

KAPAG naging grabe ang sitwasyon, malalayo na ang isyu sa impeachment trial, bagkus ay lulutang na muli ang isyung China-versus-US kung saan ang Pilipinas ang aaktong gradas o boxing ring.

Iyan ang isang senaryo na posibleng lumutang.

-----$$$--

KUNG maghuhunos ang impeachment trial tungo sa China-versus-US issue, malinaw na biktima mismo si VP Sara at ang soberanya ng Pilipinas.

Puwedeng gamitin ng US ang alegasyon ng AMLAC at ni Trillanes upang direktang makialam sa Pilipinas, tulad ng naranasan ng Venezuela.

----$$$--

HINDI iyan ang delikado, bagkus ay ang nakatakdang 2028 presidential election.

Nag-iipon ng argumento at alibi ngayon, upang makansela na rin ang 2028 election tulad sa BSKE election na ipinagpaliban sa simpleng batas na pinaniniwalaang labag sa Konstitusyon.

-----$$$--

Sakaling hindi matuloy ang BSKE ngayong Nobyembre at presidential election sa 2028, sino ang mauupong pangulo sa Malacañang?

Hindi papayag ang US na isang maka-China ang magiging presidente.

------$$$--

SAKALING mabigo ang US na pigilin na maluklok ang isang pro-China sa Malacañang, hindi malayong mag-ala Ukraine ang Pilipinas kung saan, biglang naluklok ang pro-US imbes na pro-Russia.

Magsimula na tayong magdasal nang walang patid.

----$$$--

NAPAPAHAMAK ang ating bansa dahil ang mayorya ng mga botante ay pinapaboran kung sino ang may pinakamalakas na propaganda, kaysa sa katinuan ng personalidad ng kandidato.

Sa kabuuan, higit pa ring dapat sisihin ang mga botante, kaysa sa mga politikong mandarambong.

----$$$--

HINDI maluluklok sa gobyerno ang mga tulisan at talipandas, kundi aktuwal na ibinoto sa political exercise.

Iyan mismo ang kahinaan ng demokratikong proseso na minaster at nilalaro-laro ng mga politikong “walang kaluluwa”.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Guro, natanggalan ng lisensya dahil sa personal na isyu

ni PAO Chief Persida Rueda-Acosta @Magtanong Kay Attorney | October 7, 2026

Dear Chief Acosta,

Nabalitaan ko na ang katrabaho kong guro ay natanggalan ng lisensya sa pagtuturo dahil lang sa personal na problema niya sa kanyang pagpapakasal, at hindi naman tungkol sa kanyang pagtuturo. Nais ko po sanang malaman kung maaari bang maapektuhan ang propesyonal na lisensya ng isang tao sa pagtuturo dahil sa kanyang personal na buhay, gayong mahusay naman siya sa kanyang trabaho? — Rachelyn

---

Dear Rachelyn, 

Ang sagot sa iyong katanungan ay matatagpuan sa desisyon ng Korte Suprema sa kasong Rene V. Puse vs. Ligaya Delos Santos-Puse (G.R. No. 183678, Marso 15, 2010), sa panulat ni Honorable Associate Justice Martin S. Villarama Jr., kung saan ang isang rehistradong guro ay natanggalan ng lisensya sa pagtuturo matapos mapatunayang nagpakasal siya ng ikalawang beses nang hindi pa napapawalang-bisa ang kanyang unang kasal, na idineklara bilang immoral at dishonorable conduct. Sa nasabing kaso, iginiit ng nasabing guro na dahil siya ay ikinasal muli bago pa siya maging isang guro, hindi dapat mag-apply ang Code of Ethics of Professional Teacher sa kanya, ngunit idineklara ng Korte Suprema na: 

“In the practice of his profession, he, as a licensed professional teacher, is required to strictly adhere to, observe and practice the set of ethical and moral principles, standards and values laid down in the aforesaid code. It is of no moment that he was not yet a teacher when he contracted his second marriage. His good moral character is a continuing requirement which he must possess if he wants to continue practicing his noble profession. In the instant case, he failed to abide by the tenets of morality. Petitioner kept his first marriage secret to his second wife. Unfortunately for him, his second wife discovered his true marital status which led to the filing of the administrative and criminal cases against him.”

Ayon sa nasabing kaso, ang isang lisensyadong propesyonal na guro ay kinakailangang mahigpit na sumunod, obserbahan at magsanay sa hanay ng mga etikal at moral na prinsipyo, pamantayan, at pagpapahalagang nakasaad sa Code of Ethics of Professional Teacher. Hindi importante na hindi pa siya guro noong siya ay ikinasal muli.  Ang kanyang mabuting moral na katangian ay isang patuloy na pangangailangan na dapat niyang taglayin kung nais niyang magpatuloy sa pagsasanay sa kanyang marangal na propesyon. Ipinaliwanag ng Korte Suprema na:

“All told, petitioner’s act of entering into said second marriage constitutes grossly immoral conduct. No doubt, such actuation demonstrates a lack of that degree of morality required of him as a member of the teaching profession. When he contracted his second marriage despite the subsistence of the first, he made a mockery of marriage, a sacred institution demanding respect and dignity.”

Kaya naman, Rachelyn, hindi ganap na hiwalay ang personal na buhay at ang kapasidad na magpatuloy sa pagsasanay ng propesyon, lalo na kung ang kanyang larangan ay may malaking impluwensya sa moralidad at disiplina ng lipunan, tulad ng pagtuturo. Ang good moral character ay hindi lamang isang unang hakbang sa pagkuha ng lisensya, ito ay pananagutang dapat panatilihin sa buong buhay ng propesyon ng pagtuturo.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyong iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala. 

Pangakong bonus ni PBBM sa mga titser, ‘wag sanang mapako

ni Pablo Hernandez @Prangkahan | October 7, 2026

29 KASONG PERJURY NA MAY KATUMBAS NA 174-YEAR KULONG ISASAMPA NI VP SARA KAY GRACIOSO — Matapos sabihin ni Vice President Sara Duterte na hindi niya kilala si former Pat. Rodulfo Gracioso, na walang katotohanan ang alegasyon nito na tumanggap ng male-maletang may pera mula kay former Speaker Lord Allan Velasco, ay sinabi ng Bise Presidente na dahil 29 daw ang mali sa affidavit ng dating pulis, ay pakakasuhan daw niya ito (Gracioso) ng 29 din na kasong perjury.

Hala! Lagot si Gracioso, kasi ang katumbas ng isang kasong perjury ay 6-year imprisonment, at kapag napatunayan sa korte na guilty siya sa 29 counts ng perjury cases, eh 174 years na pagkakakulong ang magiging hatol sa kanya ng hukuman, nakupo!

XXX

KAHIT SINONG DUTERTE NA KAKANDIDATO KAYANG IPANALO NG 32-M DDS — Sabi pa ni Vice President Sara Duterte na sinabihan daw siya ng kanyang ina na umuwi na lang ng Davao City at ang kanyang kapatid na si Mayor Baste Duterte na lang daw ang kumandidato sa pagka-presidente sa 2028 presidential election.

Sa totoo lang, si VP Sara, si Mayor Baste o maging si Cong. Pulong Duterte ang kumandidato sa pagka-presidente ay malaki ang tsansang manalo o maging presidente ng bansa, kasi nga 32 million ang mga Duterte Diehard Supporter (DDS) na ang bilang na ito ay may kakayahang magpanalo ng isang Duterte sa 2028 presidential election, boom!

XXX

SANA HINDI MAPAKO ANG PANGAKONG MGA BENEPISYO NI PBBM SA MGA GURO — Sa nakaraang pagdiriwang ng National Teachers’ Day ay ipinangako ni President Ferdinand “Bongbong” Marcos Jr. (PBBM) na dadagdagan ng kanyang administrasyon ang mga benepisyo ng mga public school teachers sa buong bansa.

Aba'y good news 'yan, kung tutuparin ni PBBM ang pangako niyang ito.

Pero kung mapapako ang pangakong ito sa mga guro, na ibig sabihin, hindi magkakaroon ng katuparan ang pangako ni PBBM, bad news 'yan, period!

XXX

MGA KABATAAN, GALIT SA BSKE POSTPONEMENT NA NILAGDAAN NI PBBM — Nagsampa rin ang iba't ibang grupo ng mga kabataan ng petisyon sa Supreme Court (SC) na humihiling na ibasura ang nilagdaang batas ni PBBM na postponement ng Barangay and Sangguniang Kabataan Election (BSKE) sa Nov. 2, 2026.

Patunay ang petisyon na iyan na kahit mga kabataan ay galit sa ginawa ni PBBM na paglagda sa BSKE postponement, boom!