Rest of the World ibinaon Team Asia, Filler matalas

ni Eddie M. Paez Jr. @Sports | October 18, 2026

Photo: Reyes Cup 2026

Lalong nakalapit ang Team Rest of the World sa pinakaunang kampeonato nang maitakas ng mga bisita ang pambungad na Team Match, 5-3, sa pangatlong araw ng Reyes Cup sa Makati Coliseum.  Lalong nakadistansiya ang powerhouse ROW kontra sa mga Asyano, 7-3. 

Sa pangunguna ni Joshua Filler ng Germany, matalas na 4-1 ang sargong pinakawalan ng Team ROW sa pangalawang araw ng bakbakang isinasaayos ng Matchroom at nasa pangatlong edisyon na ngayong taon.

Sinintensiyahan ng Aleman si Robbie Capito (Hongkong) sa pangalawang match ng gabi, 5-3, bago ito nakipagtambalan kay Francisco Sanchez Ruiz (Spain) para naman sa 5-4 na panalo kontra kina Albert Januarta (Indonesia) at kay Capito uli.

Nangibabaw din ang ROW sa pangatlong banggaan ng Day na tinampukan nila Fedor Gorst (Russia) -Aleksa Pecelj (Serbia) at Duong Quoc Hoang (Vietnam) -Albert James Manas, 5-3,

Tanging si world 9-ball king at Billiards Congress Hall of Famer Carlo Biado lang ang pumuntos para sa mga Asyano nang maungusan ni "Black Tiger" ang bituin mula sa Estados Unidos na si Shane Van Boening sa iskor na 5-3. 

Roobet Reyes Cup: Team Asia vs. Rest of the World 3.0

ni Eddie M. Paez Jr. @Sports | October 15, 2026

Photo: Isang malaking karangalan para sa bayan na makalawang beses nang nag-host ng world-class nineball tour ang bansa at iyan ang mariing tinukoy ng haligi ng cue sports na si Aristeo "Putch" Puyat ng Puyat Sports bilang pagsang-ayon kay Matchroom Multi Sports CEO Emily Frazer habang nakikinig sina legendary players Francisco 'Django' Bustamante, ang Team Asia Captain, Team captain Rest of the World Ralf Souquet at team owner Efren 'Bata' Reyes sa press conference ng 2026 Roobet Reyes Cup sa Holiday Inn & Suites Makati City kahapon. Idaraos ang torneo ngayon hanggang sa Linggo na sisimulan tuwing ika-7 ng gabi sa Makati Coliseum. (Reymundo Nillama)

Sasargo na ang Reyes Cup 3.0 ngayong Huwebes sa Makati Coliseum at 2 koponan ang magsasalpukan sa prestihiyosong korona.

Ang Team Rest of the World (ROW) na pawang mga higante ng bilyar sa daigdig. Tila "mahina" ang Team Asia dahil sa hindi naisama si World Nineball Tour (WNT) no. 1 Aloysius Yapp ng Singapore at ang malupit ng "Ko Brothers" mula sa Taiwan.

Nasa line-up ng ROW sina Derby City Classic Master of Table Shane Van Boening (USA), hari ng U.S. Open na si Francisco Sanchez Ruiz (Spain), China Open winner Fedor Gorst (Russia), UK Open Pool champion Joshua Filler (Germany) at WNT: Phoenix Open winner Aleksa Pecelj ng Serbia.

Balik sa Asya si Duong Quoc Hoang ng Vietnam pati na sina Carlo Biado at Albert James Manas. Si "Black Tiger" Biado ang kasalukuyang hari ng world 9-ball habang reigning Reyes Cup MVP naman si "Starboy" Manas. 

Handog ng Matchroom ang torneo kasama sina U.S. Open finalist Robbie Capito ng HK gayundin si PLP podium finisher at Indon protege Albert Januarta.  Umaasa si Team Captain Francisco Bustamante na papatok ang sugal niya  Capito at Januarta. 

Kampeon ang Team Asia noong 2024 nang ilampaso nito ang Team Europe. Luhod din ang Team ROW noong 2025  sa Reyes Cup 2.0.

Biado at Manas ng Asia vs. rest of the world,, abangan

ni Eddie M. Paez Jr. @Sports | October 9, 2026

Photo: Circulated

Maraming miron ng pagtumbok ang inaasahang naglalaway na sa muling pagsiklab ng digmaang binansagang Reyes Cup dahil inanunsyo na ang pangalan ng mga bilyaristang kakatawan sa Team Asia at sa Team Rest of the World ngayong Oktubre.

Nanunumbalik para sa mga Asyano si Duong Quoc Hoang ng Vietnam pati na ang Pinoy tandem nina Carlo Biado at Albert James Manas. Dinomina ni "The Martian" Hoang ang Premiere League Pool (PLP) 2026, si "Black Tiger" Biado ang kasalukuyang hari ng 9-ball sa buong daigdig habang reigning Reyes Cup MVP naman si "Starboy" Manas. 

Aayuda sa kanila sa paligsahang isinasaayos ng Matchroom sina U.S. Open finalist Robbie Capito ng Hongkong gayundin si PLP podium finisher at Indon protege Albert Januarta. 

Powerhouse ang nagpaplanong rumesbak na Team Rest of the World. Ang koponan ay binubuo nina Derby City Classic Master of the Table Shane Van Boening (USA), US Open king Francisco Sanchez Ruiz (Spain), ang Rusong si Fedor Gorst na nangibabaw sa China Open, Joshua Filler mula sa Germany at Serbian Aleksa Pecelj.

Samantala, kinandaduhan nina Biado at Manas ang runner-up honors para sa Pilipinas nang magsara ang tagisan ng husay sa Men's Double 10-Ball World Championships sa Bali International Convention Center ng Indonesia.