‘Wag lang daw free sakay… LIBRENG BIGAS, HIRIT KAY WILLIE

ni Erlinda Rapadas @Teka Nga | April 8, 2026

Photo: IG meryllsoriano

May panawagan ang mga fans ng Wilyonaryo host na si Willie Revillame na bukod sa kanyang pag-sponsor ng libreng sakay sa mga commuters, magpaayuda na rin siya ng libreng bigas sa mga mahihirap. 

Sa sobrang taas ng presyo ng bigas ngayon, halos hindi na kayang bumili ng mga ordinaryong mamamayan. 

Ipinakita na sa mga balita sa telebisyon ang pagdagsa ng tao sa Kadiwa Center ng Department of Agriculture (DAR) office sa Quezon City (QC) upang makabili ng bigas na P20 per kilo. Marami na ang natutulog sa Kadiwa Center para lang makabili ng murang bigas. 

Ang mga senior citizens, PWDs (persons with disabilities), single moms, at mga 4Ps members (Pantawid Pamilyang Pilipino Program) ang prayoridad upang makabili ng 10 kilo ng bigas. Kahit sana tig-5 kilos lang ang maipamigay na bigas ni Willie Revillame sa mga depressed areas, malaking tulong na. 

Sa panahon ngayon na may krisis sa langis, lahat ay apektado ng inflation. Mahal ang lahat ng bilihin, hindi lang ang mga jeepney drivers ang dumaraing at nahihirapan. 

Sana naman, ang iba pang celebrities na milyon ang kinikita ay makaisip na tumulong sa kapwa-Pilipino na nangangailangan.

---

TIYAK na ikatutuwa ni Sen. Robin Padilla ang pagtanggap ni Kylie Padilla sa bagong action seryeng Firewall ng GMA-7. Dito ay kakaibang character ang gagampanan ni Kylie, na punumpuno ng aksiyon. 

Sasabak siya sa matitinding action scenes at mag-aaral ng martial arts at tactical shooting. 

Matatandaan na noong nagsisimula pa lang sa showbiz si Kylie, pangarap na ni Sen. Robin na maging action star ang anak tulad niya. Maaga niyang sinanay noon sa martial arts ang anak upang sumunod sa kanyang yapak. 

Magagamit na nga ni Kylie ang kanyang mga natutunan sa martial arts. 

Kasama rin sa seryeng Firewall sina Jak Roberto, Miguel Tanfelix, at Kyline Alcantara. 

Maging si Kyline ay pinaghandaan nang husto ang kanyang karakter sa Firewall. Sasabak din siya sa mga action scenes at kailangan na physically fit at sanay sa martial arts.

---

MAGSISILBING reunion ng mga dating hosts ng programang MARS ang pagsasama nina Suzi Entrata-Abrera, Camille Prats at Iya Villania sa kanilang podcast na Kami Ang Inyong Mga…. (KAIM). Mapapanood ito ngayon via streaming sa YouTube (YT), Spotify, at Apple Podcasts.

Ang programang MARS, na umere sa GMA Network ay unang pinangunahan nina Camille Prats at Suzi Entrata. Napanood ito sa GMA-7 mula 2012 hanggang 2019. 

Sumunod na nagkasama sina Camille, Iya at Kim Atienza sa MARS Pa More! (MPM!) na nagpaalam sa ere noong 2022.

Sa unang pagsali sa podcast na KAIM, pag-uusapan at babalikan nina Suzi, Camille, at Iya ang kanilang masasayang experiences bilang mga hosts ng MARS. Malalaman din ng publiko kung bakit sila naghiwalay noon at kung bakit iba na ang programa nila.

Habang nagsu-shooting doon sina Paulo at Nadine, sinabayan… KIM, 3 WEEKS NAG-ARAL NG MARKETING SA PARIS

ni Julie Bonifacio @Winner | April 8, 2026

Photo: Kim Chiu - Instagram

Join din si Kim Chiu sa mga celebrities sa pagbibilad ng kaseksihan ngayong tag-init.

Walang takot na ipinost ni Kim sa Instagram (IG) ang video ng version niya ng ‘beach walking’, suot ang napakaseksing printed green two-piece bikini.

Idinispley ni Kim ang kanyang katawan sa video sa dalampasigan ng napakagandang isla ng Amanpulo sa Palawan.

Caption ni Kim: “Soft chaos season! (wave, sun, watermelon & beach emojis).”

Nagkagulo siyempre sa comment section ng IG ang mga followers ni Kim. May napa-“Oh-la-la” sa kaseksihan ni Kim, pero may nagsabi na last year pa raw nangyari ang pa-beach walking niya sa Amanpulo.

Sey ng mga fans…

“Ilabas pa mga nakatago sa baul… last year ‘yan sa Amanpulo.”

“Never failed talaga pagka-sexy mo, Kimmy, ang hot summer talaga (heart & fire emoji).”

“Paulo (Avelino), sa ‘yo ang lahat ng ‘to. Congratulations!”

Samantala, alam ng mga KimPau fans na parehong nasa Europe sina Kim at Paulo Avelino. Katunayan, may humirit na fan kay Kim sa IG tungkol sa mga larawan sa latest trip niya sa Europe, “Wala bang sa Europe d’yan? Eme (joke)! Hehehe! I love you, Kimmy (hand heart emoji).”

Napaamin ang aktres sa It’s Showtime (IS) na kagagaling lang niya sa Europe, partikular sa Paris, France kung saan nagsu-shooting si Paulo at ang bago niyang leading lady na si Nadine Lustre.

Pero hindi lang bakasyon ang ginawa ni Kim sa Paris. Ini-reveal niya pagbalik sa show na nag-aral din pala siya sa Paris for three weeks.

Naurirat kasi ng mga hosts ng Kapamilya noontime show kung saan sila nagbakasyon noong Holy Week.

Paliwanag ni Kim, kumuha raw siya ng kurso on Marketing. Kailangan daw niya ito para sa kanyang business.

Pahayag niya, “This year is learning, improving and growing. ‘Di naman tumitigil kung ano lang ang malalaman natin sa buhay.”

Isinabay talaga ni Kim Chiu ang pagkuha ng short course sa shooting nina Paulo Avelino at Nadine Lustre sa Paris.

Samantala, may mga nag-iisip namang baka kaya nag-aral si Kim sa Paris ay para maipagmalaki naman siya ni Paulo bilang girlfriend dahil kung iisa-isahin nga naman ang mga ex-dyowa ni Paulo from KC Concepcion, LJ Reyes at Janine Gutierrez, pare-parehong beauty and brains, devah?

So, alam na, ha?!

---

Todo-handa na para kay Vincent…

BEA, PUMAYAT HABANG PAPALAPIT ANG WEDDING

ABALA na si Bea Alonzo sa taping ng bago niyang serye na Whispers From Heaven (WFH), directed by Zig Dulay.

May naglabas ng resibo na totoo ang tsika namin na nagsimula na si Bea mag-taping sa bago niyang drama series sa GMA-7 na may pagka-political thriller.

Posted sa isang fan account ni Bea ang picture niya habang nasa set. 

May isang picture ang aktres na naka-post sa Instagram (IG) kung saan nakasama ang co-actor niya na si Sid Lucero.

Well, reunion pala nina Bea at Sid ang WFH. Huli silang nagkasama sa seryeng Love Before Sunrise (LBS).

Ayon sa fan niya sa IG, “Hello din pala kay Papa @sidlucero! Mini reunion nina Roald at Stella!” 

Sabi pa ng ilan, “Love it!!” at “Talent ako rito kahapon, sobrang bait ni Ate Bei, may picture rin ako sa kanya.” 

May ilan din ang nag-comment, “Parang naka-wig na lang si Bea?!”

Puwede rin naman na original na hair ni Bea iyan. Remember, malapit na ang wedding niya kung totoo ang tsika na May 16 ang date. Almost isang buwan na lang kaya puwede pang humaba ang hair niya, literal. Kasi talaga namang pagkahaba-haba ng hair niya ngayong magpapakasal na siya sa isang gaya ni Vincent Co.

Pansin din namin sa picture, mukhang pumayat ang aktres.

Well, mukhang handang-handa na talaga si Bea Alonzo sa napakalaking milestone na mangyayari sa buhay niya this year.

‘Di raw hawak ang buhay niya pero… ION KAY VICE: MAMAHALIN KITA ARAW-ARAW

ni Mercy Lejarde @Showbiz Talkies | April 8, 2026

Photo: File / IG @praybeytbenjamin

Punumpuno ng pagmamahal ang mensahe ng aktor at It’s Showtime (IS) host na si Ion Perez para sa kaarawan ng kanyang asawang si Vice Ganda.

Saad ni Ion, “‘Di ko hawak ang buhay ko sa araw-araw, pero ang sigurado ako na mamahalin kita araw-araw.”

Saad naman ni Vice, “Pupunuin natin ng pagmamahal bawat araw na ibibigay. Walang sasayangin.”

In fairness kay Ion, super sweet siya sa kanyang love na si Vice. 

Happy birthday, Meme Vice Ganda!

---

Todo-pasalamat si Sen. Robin Padilla sa aktres na si Dina Bonnevie dahil kinilala at ipinagmalaki nito ang Eddie Garcia Law nang mabanggit sa vlog nilang House of D (HOD) sa YouTube (YT). 

Dati raw kasi ay napupuyat ang aktres sa taping, pero ngayon ay may istriktong oras na para makauwi nang maaga.

Saad ni Sen. Robin, “Maraming salamat po, Binibining Dina Bonnevie, sa pagkilala at pagpapahalaga sa Eddie Garcia Law.

“Ikinagagalak ko po na ito ay napapakinabangan na sa ngayon ng ating mga kasama sa industriya ng pelikula at telebisyon.

“Nang atin pong inihain ang Senate Bill 2505 o ang ‘An Act Protecting the Welfare of Workers in the Movie and Television Industry’, ang nag-iisang hangarin ko po ay mabigyang-proteksiyon ang ating mga kasama sa industriya.

“Kaya’t nang lagdaan ito ng Pangulong Ferdinand Marcos, Jr. bilang isang ganap na batas (RA 11996) noong May 24, 2024, wala pong pagsidlan ang ating kasiyahan.

“Nangangahulugan ito ng ligtas na working environment, makatarungang oras ng trabaho, at tamang sahod at benepisyo sa lahat ng mga nagtatrabaho sa industriya ng pelikula, telebisyon, at radyo.

“Dahil sa likod ng bawat eksena, may manggagawang dapat pinapahalagahan at pinoprotektahan.”

Ang Eddie Garcia Law (Republic Act No. 11996) ay isang batas sa Pilipinas na naglalayong protektahan ang kaligtasan, karapatan, at kapakanan ng mga manggagawa sa industriya ng pelikula, telebisyon, at entertainment. Isinabatas ito kasunod ng pagkamatay ng beteranong aktor na si Eddie Garcia noong 2019 upang masigurong ligtas ang working conditions at patas ang trato sa mga artista at crew.

---

HANGO sa sariling kuwento ng pagsubok ni Jace Roque ang bago niyang awitin na Pagbangon na ilulunsad sa ilalim ng Star Music sa Abril 10 (Biyernes).

“Pagbangon is the story of my rebirth. How I used pain and despair as fuel to reignite my burning passion,” ani Jace.

Nakatulong sa kanya ang pagsulat ng kanta para matanggap nang tuluyan ang pagpanaw ng kanyang uncle, ang aktor na si Boy Roque.

“I wrote this track as a way to come to terms with the loss of my beloved uncle, Direk Boy Roque. He was my father figure, mentor, and unofficial manager. But I didn’t let my grief drown me in sorrow. My uncle prepared me for this. He made sure I am able to walk on my own when he’s not here anymore. So I picked myself up and fought harder than ever before,” pagbabahagi niya.

Si Jace rin mismo ang nag-areglo ng kanta katulong si ABS-CBN Music creatives, content, and operations head Jonathan Manalo, na nagsilbi namang producer nito.

---

IPINAGMALAKI ng aktor-TV host na si Dingdong Dantes na nakapagpa-picture siya sa National Artist na si Kidlat Tahimik.

Kung ang ibang netizen ay gustong magpa-picture sa guwapong mister ng aktres na si Marian Rivera, si Dingdong naman ay masayang nagpa-picture sa film director-writer na si Kidlat Tahimik.

Saad ni Dingdong sa post niya, “AKTOR represent! Last weekend, the creative community came together for the Luzon Guild Summit, organized by the Film Academy of the Philippines. Grateful to be in a room filled with artists, sharing real stories about what it takes to build a guild here in the Philippines. It is not easy work. More often than not, it is challenging. But it is deeply fulfilling because it allows us to serve a greater purpose: to organize, uplift, and empower our community.

“Our sincere thanks to the revitalized Film Academy of the Philippines for its strong and continuing support of the guilds and the industry. We now open our doors to actors across Luzon, welcoming our regional artists into one growing, united community.

At siyempre, nakapagpa-picture pa ako kay National Artist Kidlat Tahimik.”

Well, happy for you, Dingdong Dantes, at may picture na kayo ng National Artist na si Kidlat Tahimik.

‘Yun lang, and I thank you.