Karapatan at pananagutan sa pagbibigay ng donasyon

ni PAO Chief Persida Rueda-Acosta @Magtanong Kay Attorney | April 12, 2026

Ang isang tao ay mayroong karapatan na ipagkaloob ang kanyang mga ari-arian sa ibang tao nang kusang loob. Ang pagbibigay ng kusang loob ng ari-arian sa ibang tao habang siya ay nabubuhay pa ay tinatawag na isang donasyon. Ang donasyon ay isang akto kung saan ang isang tao ay magbibigay ng isang bagay o ari-arian pabor sa ibang tao na tumatanggap nito.  Ito ay nakasaad sa Artikulo 725 ng New Civil Code of the Philippines kung saan naihayag na: 

“Article 725. Donation is an act of liberality whereby a person disposes gratuitously of a thing or right in favor of another, who accepts it.”

Upang maging epektibo ang isang donasyon, kinakailangan na ang donee o ang pinagbigyan nito ay tanggapin ang bagay na ibinigay sa kanya, sang-ayon sa nakasaad sa Artikulo 734 ng New Civil Code of the Philippines:

“Article 734. The donation is perfected from the moment the donor knows of the acceptance by the donee.”

Ang pagbibigay ng donasyon ng isang tao ay naayon sa mga limitasyon na isinasaad ng batas, katulad na lamang na ang maaari lamang ibigay ay iyong mga ari-arian lamang niya sa kasalukuyan. Ito ay alinsunod sa batas kung saan nakasaad na: 

“Article 750. The donation may comprehend all the present property of the donor, or part thereof, provided he reserves, in full ownership or in usufruct, sufficient means for the support of himself, and of all relatives who, at the time of the acceptance of the donation, are by law entitled to be supported by the donor. Without such reservation, the donation shall be reduced in petition of any person affected.”

Kaugnay nito, sinasabi naman ng Artikulo 751 ng pareho pa ring batas na ang future property o ang mga magiging ari-arian ng isang donor sa hinaharap ay hindi maaaring maging bahagi ng isang donasyon:

“Article 751. Donations cannot comprehend future property. 

By future property is understood anything which the donor cannot dispose of at the time of the donation.”

Kapag hindi napanagutan ng nagpapaupa ang kanyang obligasyon na ito ay maaaring maging sanhi ng pagtatapos ng kontrata ng pagpapaupa o kaya naman ay pagkakaroon ng pananagutan sa pagbabayad ng kaukulang danyos ukol sa pinsala o paghihirap na natamo ng nangungupahan.

Cong. Sarah Elago, umaalma sa diumano'y baluktot na prayoridad ng administrasyon sa krisis sa langis

ni Pablo Hernandez @Prangkahan | April 12, 2026

CONG. SARAH ELAGO, INOKRAY SI PBBM, ANG BILIS DAW MANGHINGI NG EMERGENCY POWER PERO ANG BAGAL UMAKSYON SA EXCISE OIL TAX CUT – Binatikos ni Sarah Elago si Ferdinand Marcos Jr. dahil sa umano’y mabilis nitong paghingi ng emergency powers, ngunit mabagal naman sa pag-aksyon sa pagsuspinde ng excise tax sa langis.

Ayon kay Elago, may punto ang kritisismo sa isyung ito dahil ang pagsuspinde sa oil excise tax ang isa sa inaasahang hakbang ng mga tsuper ng pampublikong transportasyon upang kahit paano ay mabawasan ang kanilang gastos sa krudo. Gayunman, hanggang ngayon ay wala pa ring malinaw na aksyon mula sa Pangulo hinggil dito. Tsk!

XXX

MANONG CHAVIT, TILA MAY MALAKING 'PASABOG' KAYA IMBESTIGASYON SA FLOOD CONTROL SCANDAL SA ABRIL 14, 2026 IPINA-CANCEL NI SEN. LACSON – Dapat sana’y kasabay ng impeachment hearing ng House Justice Committee sa Abril 14, 2026 ang imbestigasyon ng Senate Blue Ribbon Committee, kung saan nakatakdang maging resource person si dating Ilocos Sur Governor Chavit Singson sa isyu ng flood control scandal.

Gayunman, sa kabila ng kahandaan ni Singson na humarap sa pagdinig, ipinakansela ni Senador Ping Lacson ang naturang hearing.

Tila may malaking “pasabog” si Singson, kung kaya’t biglaang umatras at agad ipinakansela ang senate probe sa naturang isyu. Boom!

XXX

SAGAD SA BUTO ANG KASAMAAN NG MGA VLOGGERS NA GUMAGAWA NG FAKE NEWS – May kumakalat na pekeng balita sa social media na pumanaw na umano si Pangulong Ferdinand “Bongbong” Marcos Jr. sa St. Luke’s Hospital dahil sa kanser, ngunit ito ay walang katotohanan.

Ang naturang fake news ay mabilis na kumalat online at nagdulot ng kalituhan, kabilang ang mga maling pahayag mula sa ilang vloggers at social media users. Maging ang ilang tagasuporta ay naimpluwensiyahan din ng maling impormasyon.

Dahil dito, muling pinaalalahanan ang publiko na maging mapanuri at i-verify muna ang mga balita bago ito paniwalaan o ibahagi, upang maiwasan ang pagkalat ng disinformation. Tsk!

XXX

DAPAT YATA MAG-SEMINAR SI PBBM KAY MAYORA LENI SA TAMANG SERBISYO SA PANAHON NG KRISIS – Noong Abril 7, 2026, sinabi ni Leni Robredo na kung sakaling tumagal pa ang oil crisis, ipatitigil muna niya ang ilang infrastructure projects sa Naga City na hindi naman gaanong kailangan sa kasalukuyang sitwasyon. Ayon sa kanya, ang pondong matitipid mula rito ay ire-realign para sa fuel subsidy at ayuda sa mga residente na apektado ng krisis.

Samantala, ikinumpara ito ng ilan sa naging aksyon ng pambansang pamahalaan sa ilalim ni Ferdinand Marcos Jr., na umano’y patuloy pang hinahanap ang mas epektibong paraan para tugunan ang epekto ng oil crisis.

Ayon sa kritisismo, dapat umanong pag-aralan ang ganitong uri ng diskarte sa lokal na pamahalaan upang mas mapalakas ang agarang tulong sa mga mamamayan sa gitna ng krisis. Period!

GPS sa PUVs, dagdag-kaayusan o dagdag-pasanin sa mga tsuper?

ni Leonida Sison @Boses | April 12, 2026

Sanhi ng pangamba sa hanay ng mga tsuper at operator ang panibagong patakaran ng gobyerno na maglagay ng GPS sa mga pampasaherong sasakyan—isang hakbang na sinasabing para sa kaayusan, pero ramdam ng ilan bilang dagdag-pasanin sa kanilang araw-araw na pasada.

Sa ilalim ng Service Contracting Program ng Department of Transportation (DOTr), planong gumamit ng GPS devices upang masubaybayan ang aktuwal na biyahe ng mga PUV. 

Ito ang magiging basehan ng bayad ng gobyerno na mula P30 hanggang P100 kada kilometro, na may limitasyong 100 kilometro bawat araw. Kapalit nito, may 20% diskwento ang mga pasahero, bukod pa sa regular na diskwento para sa estudyante, senior citizen, at PWD.

Magkakaroon ng mas organisadong sistema, mas malinaw na bayaran, at tulong sa pasahero. Ngunit sa kalsada, iba ang realidad. 

Ayon sa transport groups, ang P500 buwanang renta sa GPS ay panibagong gastos na naman. Sa halip na direktang kita, tila nauuna pa ang bayarin sa mga gantong mga patakaran. 

Para sa mga tsuper na umaasa sa arawang kita para sa diesel at boundary, bawat dagdag singil ay direktang bawas sa kanilang hapag kainan.

May pangako naman ang DOTr na kikita ang mga kalahok ng hindi bababa sa P1,000 sa bawat P5,000 na kita, kahit ibawas ang gastusin. May utos din na ang pagbabayad sa mga tsuper ay maibibigay sa loob ng tatlo hanggang limang araw sa pamamagitan ng bangko o e-wallet. 

Kung tutuparin ito, malaking ginhawa sana ito sa sektor na matagal nang dumaranas ng delayed na kita.

Hindi bago sa mga tsuper ang mga programang maganda sa simula pero sablay sa implementasyon. Kapag naantala ang bayad, kahit ilang araw lang, apektado agad ang

panggastos sa krudo at pagkain. 

Sa ganang akin, ang maayos na sistema ng transportasyon ay direktang nakaaapekto sa pamasahe, biyahe, at kabuhayan. 

Kung magiging epektibo ang GPS tracking, posibleng maging mas maayos ang ruta at serbisyo. 

Pero kung magiging dagdag pabigat lang ito sa tsuper, maaari itong mauwi sa mas mahal na pamasahe o kakulangan ng bumibiyaheng sasakyan.

Hindi sapat ang teknolohiya kung kulang sa malasakit ang pagpapatupad. 

Ang matibay na reporma ay hindi nasa GPS, kundi nasa bilis ng pagbabayad, pagiging patas ng sistema, at kung ramdam ba ng tsuper at pasahero ang benepisyo. Kung hindi, mananatili itong isang magandang plano na hindi nakaangkla sa tunay na takbo ng buhay sa lansangan.