ALEX, PROUD NA IPINAKITA SA SOCMED ANG POGING ANAK NILA NI MIKEE

ni Julie Bonifacio @Winner | September 4, 2026

Photo: IG _cathygonzaga

Ipinakita na ni Alex Gonzaga ang mukha ng firstborn nila ni Mikee Morada sa publiko.

Pagkatapos ipanganak ni Alex ang sanggol noong August 27, opisyal nilang ipinakilala ang kanilang ‘bundle of joy’ sa pamamagitan ng isang Instagram (IG) reel noong Miyerkules ng gabi, September 2.

Natuwa ang mga netizens sa pagpapasilip ni Alex sa baby boy nila ni Mikee. Mabuti pa raw ang aktres-vlogger ay agad na ishinare ang hitsura ng baby boy nila, hindi gaya ng ibang celebrities.

Feeling proud siyempre si Alex na i-share sa mundo kung gaano kaguwapo ang baby nila ni Mikee at kung gaano kabuti ang Diyos sa buhay ng kanilang pamilya.

Labis ang pasasalamat ng mag-asawa sa Panginoon matapos ang pinagdaanan nilang tatlong miscarriage. Kaya dapat lang na ipagmalaki at hindi ipagkait ni Alex ang hitsura ng kanyang firstborn child.

Mapapanood sa reel na ipinost ni Alex ang ospital kung saan siya nanganak, pati na ang pagbe-breastfeed niya sa kanyang little baby boy.

Hanggang sa unti-unti na ang pa-big reveal ni Alex ng hitsura ng anak nila ni Mikee. And towards the end ng video, ayun na si Baby Boy Morada.

Caption ni Alex sa kanyang latest IG post: “Now there are three of us, with our very own little baby boy.”

Dagsa ang pagbati kina Alex at Mikee from their celebrity friends tulad nina Luis Manzano, Mariel Rodriguez, Iya Villania, Bea Borres, Carla Abellana at Vina Morales.

May nag-comment na kamukha raw ni Mikee ang first baby nila ni Alex.

Sa latest IG Story ni Alex, makikita ang kinuha nilang house cleaning service bago pa nila iuwi ang kanilang anak.

By this time, maaaring nakauwi na ang pamilya Morada sa kanilang home sweet home.

---

Mga co-hosts sa It’s Showtime, nakiramay…  

MADIR NI JACKIE, PUMANAW NA

NAGDADALAMHATI ang It’s Showtime (IS) host na si Jackie Gonzaga sa pagpanaw ng kanyang ina na si Luisa.

Ipinost ni Jackie ang mga larawan at video niya kasama ang ina habang nasa loob ng hospital.

Caption ni Jackie: “Pinakamatatag. Pinakamaganda. Pinakamapagmahal. Mahal na mahal kita ng sobra-sobra, Mommy ko! I love you forever!”

Ramdam ng IG followers ni Jackie ang sakit na nararamdaman niya sa pagyao ng kanyang ina. May mga nag-upload pa ng videos ni Jackie kasama ang kanyang nanay during their travel vacations.

Sey ng isang fan, “Almost 40 days from now, birthday n’ya grabe, sobrang sakit nito for Jackie. Thinking about how when she was dealing with something 2 years ago, ‘yung pag-spend n’ya ng time n’ya with her mommy helped her to heal and get through it. She was her safe space and now, wala na ‘yung safe space na ‘yun.

“No words can ease this kind of pain, but I’m sending endless prayers and strength to you and your family, @jackiegirlg. Take all the time you need to grieve. Pakatatag ka palagi. Rest in paradise, Mommy Luisa.”

Siyempre pa, nagparamdam ng kanilang pakikidalamhati kay Jackie ang mga kasama niyang hosts sa IS.

“My heart breaks with yours. Big hug,” sabi ni Anne Curtis.

Mensahe ni Ogie Alcasid, “Nakikiramay, Jackie. Yakap nang mahigpit.”

“Please be strong, Jackie! (prayer emoji),” dasal ni Vhong Navarro.

“Thank you so much, Mommy. Mami-miss ko ang pasalubong ko na avocado. Love you,” banggit ni Amy Perez-Castillo.

‘Yun na.

Napurnada sa kadaldalan ng madir… MARC, GLASS HOUSE SA BAGUIO ANG SURPRISE KAY DANICA

ni Mercy Lejarde @Talkies | September 3, 2026

Photo: IG _jeanmarc15

Pinagplanuhan ng basketball player na si Marc Pingris ang bonggang surprise para sa kanyang misis na si Danica Sotto na isang glass house sa Baguio. 

Ani Marc, “Sa Baguio, bumili ako ng lupa sa Pinewoods. Talagang kumbaga, dream house ko. Tapos sabi ko sa kanya (Mama), isu-surprise ko kay Danica.”

Tinanong naman siya ng multi-awarded actress na si Dina Bonnevie kung agad bang nalaman ng misis ang tungkol sa lupa.

Ayon kay Marc, hindi niya sana ito sasabihin kay Danica, ngunit hindi sinasadyang nabunyag ang kanyang plano nang magpunta sila sa Baguio kasama ang kanyang ina at mga anak.

“Nabili ko na, tapos paakyat kami ng Baguio nina Mama kasama ‘yung mga bata. Itong si Mama ko naman, ‘di mo alam, matanda na, madaldal din s’ya. S’ya ‘yung nakapagsabi na, ‘Pupuntahan ba natin ‘yung lupa n’yo sa Baguio?’ Ganu’n. So, tumitig ako…” kuwento niya.

Dahil dito, nalaman ni Danica ang tungkol sa lupa. Inamin din ni Marc na ang plano niya sana ay ipagawa roon ang isang glass house.

Napanganga naman si Dina sa ideya.

“Wow, grabe! Eh ‘di kitang-kita lahat ng ginagawa ninyo. Glass house! Kitang-kita na nagluluto ka, kitang-kita na naliligo ka!” sey ni Dina.

Tinanong din nito si Danica tungkol sa naging reaksiyon niya nang malaman ang plano ni Marc.

Ayon kay Danica, hindi naman siya nagalit, ngunit medyo naasiwa lamang siya sa ganoon kalaking surprise.

Ipinaliwanag naman ni Marc na nagustuhan ni Danica ang lokasyon nang puntahan nila ang lugar. Ikinuwento rin niya ang orihinal niyang plano para gawing sorpresa ang bahay.

“Sinabi ko sa kanya na surprise ko sana ‘to. Balang-araw, ‘pag natayo na ‘yung bahay, kunwari may ire-rent tayong bahay, tapos ‘yun na pala ‘yun. Pero alam naman ng mga bata,” ani Marc.

Dahil dito, pabirong komento ni Dina kay Danica, “Sana umakting ka na lang na, ‘Ah, Marc, may glass house!’”

Ngunit ipinaliwanag ng anak kung bakit hindi siya komportable sa ganoong kalaking sorpresa.

“‘Di, wala. Parang, alam mo, okay siguro mag-surprise sa ibang bagay. Pero ‘yung ganu’n, parang nakakatakot. Parang it’s too big, eh. ‘Yung dapat na alam mo rin kung, kunwari, may emergency, ‘di n’ya mapuntahan ‘yun, ‘yung site kung saan ipinapagawa. Oh! Dapat alam mo rin,” saad ni Danica.

Samantala, pabirong sagot naman ni Dina, “Ang corny mo naman! Ako, I love big surprises. Make it big. I want big surprises!”

Well, sana all may asawang Marc Pingris na handang magpagawa ng bonggang-bonggang dream house bilang surprise, ‘di ba?

---

Todo-thank you na kasama na uli ang padir ng anak… KATRINA, SUPER SWEET ANG B-DAY MESSAGE KAY KRIS

MAY pa-sweet message ang aktres na si Katrina Halili para sa ama ng kanyang anak na si Kris Lawrence sa kaarawan nito.

Sa kanyang mensahe, hiniling nito ang patuloy na mga pagpapala, mabuting kalusugan, kaligayahan, at tagumpay sa buhay.

Aniya, “Happy Birthday, Mr. B (Kris)! Wishing you more blessings, good health, happiness, and success in everything you do. Thank you for always being there and for bringing so much joy and laughter into our lives.

“I hope this new chapter brings you everything your heart deserves. Keep shining, keep making beautiful music, and most importantly, keep being you.

“Enjoy your special day, Mr. B! WeWabU (We love you) and (we) appreciate you. Happy Birthday!”

Anyway, happy birthday, Mr. B!

---

CARMELLE, PAMBATO NG ‘PINAS SA EUROVISION

ANG women empowerment anthem na Sobra-Sobra, na isinulat nina Nica del Rosario at Mat Olavides at inawit ni Carmelle Collado, ang nagwagi sa Eurovision Song Contest Asia 2026: Philippine Selection Night na ginanap noong Agosto 30 sa New Frontier Theatre.

Si Carmelle, na naging Tawag ng Tanghalan: The School Showdown (TNTTSS) champion ang magiging kinatawan ng bansa sa kauna-unahang Eurovision Asia na gaganapin sa Bangkok, Thailand sa Nobyembre 14.

Nagpamalas din ng natatanging performance ang pinangalanang 2nd placer na si SAGA, na inawit ang Broken Beyond Repair, entry ni Angelo Gonzales. 

Nasungkit naman nina JM Dela Cerna at Marielle Montellano, o JMielle, ang 3rd place award sa kantang Mapadama na mula sa komposisyon nina Jeremy G at Jungee Marcelo.

Congratulations to all!

‘Yun lang, and I thank you.

Together again dahil sa movie… JOSHUA AT JULIA, AMINADONG NA-MISS ANG ISA’T ISA

ni Beth Gelena @Bulgary | September 3, 2026

Photo: FB Joshua Garcia

Parehong excited ang dating celebrity couple na sina Joshua Garcia at Julia Barretto (JoshLia) sa muli nilang pagsasama sa pelikulang Always Yours, Never Mine (AYNM) under Star Cinema.

Ayon sa dalawa, na-miss nila ang isa’t isa bilang magkatrabaho.

“Ako personally, na-miss ko lang talaga si Julia. Na-miss ko s’yang katrabaho, na-miss ko ‘yung presence n’ya. Na-miss ko ‘yung mga jokes n’ya,” sambit ni Joshua.

Dagdag naman ni Julia, “Marami kaming jokes sa set. Ako rin naman, ang sarap katrabaho ni Joshua. So reuniting with him on the set is always something I look forward to.

“And this September, mayroon po kaming sorpresa para sa inyo, so stay tuned on Star Cinema’s social media for more updates.”

Ang Always Yours, Never Mine ang kasunod ng 2024 reunion movie ng JoshLia na Un/Happy for You. 

---

May kodigo pa!

MESSAGE NI ANGELINE SA ANNIV NI YENG, KINOPYA LANG SA SINABI SA KANYA NI MARTIN

Pinasaya ni Angeline Quinto ang mga manonood sa 20th anniversary concert ni Yeng Constantino na Biyaheng Bente.

Habang nasa entablado kasama ang mga kapwa-guest performers na sina Erik Santos at KZ Tandingan, nagpakita ng kakaibang aksiyon si Angge nang magbigay siya ng mensahe para kay Yeng.

Bago magsalita, ginulat niya ang lahat nang dumukot siya ng maliit na nakatuping papel sa kanyang pang-itaas bilang ‘cheat sheet’.

“Gusto ko lang mag-message sa kaibigan ko, ha? Yenggay... It is my honor to sing with you,” panimula ni Angeline.

Dahil dito, hindi na napigilan nina Yeng, Erik at KZ ang kanilang pagtawa.

“Akala ko naman kung ano ‘yung dinudukot mo r’yan,” natatawang sabi ni Erik, na sinagot naman ni Angeline ng “From the top!”

Natawa rin si Yeng at napabulalas, “May kodigo ka! Saan mo ‘to kinuha?”

“Seryoso ako! Pakinggan mo muna,” playful na sagot ni Angeline.

Pagkatapos, binasa ng kaibigan ang nakaaantig na mensahe para kay Yeng.

“It is my honor to sing with you as you now start more years of that beautiful, magical voice. Twenty years... wala kang katulad, Yenggay,” pahayag niya.

Agad itong sinalubong ng hiyawan at palakpakan mula sa mga manonood at kasamahan sa pagtatanghal.

“Ba’t parang narinig ko na ‘yung message na ‘yan?” pang-aasar ni KZ.

Inamin naman ni Angge na, “Ito rin ‘yung sinabi ni Sir Martin sa akin last week!”

Kasunod nito, ipinakita ang isang flashback clip ni Martin Nievera na nagbibigay kay Angeline ng parehong mensahe sa kanyang sariling 15th anniversary concert.

Well, ito naman ang totoong mensahe niya, “Thank you, Yenggay na naging bahagi ako ng 20th Anniversary mo. Congratulations @yeng. Sana, marami pa tayong songs na makanta together. 

“ILY (I love you), Yenggay. ‘Wag mo sanang kalimutan na galing sa puso ko ang sinabi ko pero mas galing sa nag-iisang Concert King @martinnievera ‘yun.”

---

Tinanghal na People’s Sexiest Doctor Alive… 

DR. MIKHAIL VARSHAVSKI, KUMANTA SA NAKARAANG RELASYON NILA NI PIA 

NAGBALIK-TANAW si Dr. Mike o Mikhail Varshavski, sa nakaraang pag-iibigan nila ni Pia Wurtzbach.

Sa kanyang pinakabagong YouTube (YT) vlog, kung saan nakausap niya ang Filipino-Canadian nurse at content creator na si Nurse John, sinabi ni Dr. Mike na nakipag-date siya sa dating Miss Universe noong kasagsagan ng reign nito bilang titleholder.

“You probably don’t know, but I should share some of my history…” ani Dr. Mike. 

Sey niya, “I dated Pia Wurtzbach at the peak of her career.”

Agad namang nag-react si Nurse John dahil hindi siya makapaniwala.

“Pia Wurtzbach? Are you kidding me right now?” tanong niya.

Biniro rin niya si Dr. Mike na maaari na itong ituring na bahagi ng Filipino community dahil nakipag-date siya sa isang Filipina.

Samantala, nagsalita si Dr. Mike tungkol sa pagiging ‘well-versed’ niya sa pageantry at sa matibay na sense of community ng mga Filipino.

“You get absorbed into the culture (if you date a Filipino),” aniya.

Noong 2015, si Dr. Mike ang itinanghal na ‘People’s Sexiest Doctor Alive’. After that year, spotted silang sumakay ni Pia sa isang helicopter sa New York City (NYC).

Unang nagkita ang dating magkasintahan sa sidelines ng New York Fashion Week noong February 2016. Ngayon, kasal na si Pia sa businessman na si Jeremy Jauncey mula March 2023.