'Yun lang, naisahan na… ELLEN, TAMEME SA PANLOLOKO NI DEREK

ni Janiz Navida @Showbiz Special | April 17, 2021

'Kaaliw ang magdyowang Derek Ramsay at Ellen Adarna, kakaiba rin ang trip nila, eh!

Nasusubaybayan namin ang mga posts nina Derek at Ellen sa Instagram at 'yung isang latest video na ipinost ni Derek, halos gumulong na ito sa sahig sa katatawa pagkatapos ng ginawa niyang kalokohan sa fiancée na si Ellen.

Makikita sa video na seryoso si Derek na nag-request kay Ellen na ipasok ang isang kamay sa ginawa niyang bilog sa pinagkonek na dalawang kamay ng aktor.

Nu'ng makapasok na ang kamay ni Ellen, dinuraan ito ni Derek kaya nagulat ang aktres at biglang hinatak ang kamay.

Makikita sa video na tawang-tawa si Derek habang tumatakbo palayo kay Ellen na naisahan niya sa kanyang prank.

Natameme naman si Ellen at in fairness, hindi nagwala sa galit pagkatapos siyang pagkatuwaan ng fiance.

Nakakatuwa lang ang relasyon nila, swak na swak ang kanilang kabaliwan. Quits lang naman dahil kung matatandaan, una ring pinagkatuwaan ni Ellen si Derek nang i-wax niya ang mga balahibo ng aktor.

Hahaha! Walang basagan ng trip!