POKWANG AT RUBY RUIZ, TIE NA BEST ACTRESS SA CINEMALAYA

by OJT @Special Article | August 19, 2026

Photo: FB Cinemalaya

Dalawang aktres, isang award! 

Kapwa itinanghal na Best Actress sina Pokwang at Ruby Ruiz sa ginanap na Cinemalaya 2026 Awards Night nitong Agosto 17.

Nakuha ni Pokwang ang karangalan para sa kanyang pagganap sa pelikulang 2 Valid IDs, habang kinilala naman si Ruby para sa kanyang role sa Status: Rejected.

Hindi naging madali ang kompetisyon ngayong taon dahil kapwa-naghatid ng kapansin-pansing pagganap ang dalawang beteranang aktres sa kani-kanilang pelikula. 

Sa huli, pareho silang kinilala ng mga hurado at nag-tie nga bilang Best Actress ng festival.

Para kay Pokwang, ang pagkilalang ito ay isang malaking milestone sa kanyang career, lalo na’t mas nakilala siya ng publiko sa comedy at entertainment bago niya muling ipinakita ang kanyang dramatic acting sa independent film.

Samantala, hindi na rin bago kay Ruby ang mga ganitong pagkilala. Sa kanyang pagganap, muli niyang ipinakita ang kanyang versatility bilang aktres at nakakuha ng panibagong Balanghai recognition.

Hindi lang Best Actress ang naging highlight ng awards night. Nagwagi rin ang Mag-iina bilang Best Film, habang si Giancarlo Abrahan ang hinirang na Best Director para sa parehong pelikula. Si Martin del Rosario naman ang nag-uwi ng Best Actor award para sa Tayo Lang Ang Nakakaalam.

Samantala, patuloy namang pinag-uusapan online ang pagkapanalo nina Pokwang at Ruby, na parehong itinuring ng mga manonood na deserving sa kanilang pagkilala.

Dalawang pelikula, dalawang performance, pero parehong Best Actress. Isa na namang memorable moment ang naging pagtatapos ng Cinemalaya ngayong taon.

---

KRIS, EDITOR DIN SA BAGONG SHOW

IPINAKITA ni Kris Aquino na kaya pa rin niyang pagsabay-sabayin ang kanyang talento matapos siyang maging bahagi ng bagong Netflix Philippines project na C.H.I.K.A. o Chief Head of Insights and Kontent Analysis.

Sa naturang project, muling nasilayan ng publiko ang dating ‘Queen of All Media’ habang nagbibigay ng sariling take at insights tungkol sa mga lokal na palabas at contents ng Netflix.

Hindi lang basta nagbigay ng opinyon si Kris dahil ipinakita rin niya ang kanyang pagiging hands-on sa pag-edit at pag-aanalisa ng content, bagay na swak sa kanyang matagal nang karanasan sa telebisyon at media.

Dahil dito, muling napag-usapan online ang pagbabalik ni Kris sa harap ng camera. Marami ring fans ang natuwa na makita siyang muli sa isang entertainment project matapos ang matagal na panahong hindi siya regular na napapanood.

Para sa ilang netizens, bagay pa rin kay Kris ang ganitong format dahil kilala siya sa pagiging prangka, mabilis mag-react at may sariling pananaw pagdating sa showbiz at pop culture.

Gayunman, ang C.H.I.K.A. project ay Netflix Philippines content, at hindi nangangahulugang regular television comeback na agad ito para kay Kris.

Sa kabila nito, sapat na ang kanyang bagong role para muling ipakita na hindi lang iisang larangan ang kayang galawan ni Kris.

Mula sa pagiging host, actress at producer, editor naman ang bagong title ni Kris Aquino. At mukhang hindi pa talaga nauubusan ng ganap ang Queen of All Media.

Tinulungan sa kabila ng ginawa sa aktor… KATHERINE, HIYANG-HIYA PA RIN KINA COCO AT JULIA

ni Sarah Muñoz (OJT) @Special Article | August 18, 2026

Photo: FB Katherine Luna & Coco Martin PH

Nagpaliwanag si Katrina Halili tungkol sa mga obserbasyon ng mga netizens sa pakikitungo niya sa ama ng kanyang anak at manliligaw na si Kris Lawrence.

Sa Facebook (FB) post ng aktres, nilinaw niyang hindi talaga siya natural na sweet at showy kaya marahil nami-misinterpret ng ibang fans ng rapper-singer.

“May mga nababasa akong messages at e-mails tungkol sa amin ni Mr. B (tawag n’ya kay Kris), kaya gusto ko lang sabihin ‘to. 

“Alam kong may mga pagkakataon na ‘di naiintindihan ng iba ang humor ko o ang paraan ng pakikitungo ko kay Mr. B. ‘Di talaga ako naturally sweet o showy na tao. Mahiyain din ako pagdating sa mga ganitong bagay, kaya minsan sa pang-aasar, pagpapatawa o pagme-make face ko, lumalabas ‘yung pagiging awkward ko,” paliwanag niya.

“Pero sana, ‘wag nating husgahan ang isang relasyon base lang sa ilang minutong nakikita natin sa videos o live. What you see on camera is only a small part of our lives,” patuloy niya.

“May mga bagay na masaya naming isine-share sa inyo, at mayroon ding mga bagay na gusto muna naming sarilinin at hayaan na lang ninyong makita ‘pag dumating na ang tamang panahon. ‘Di naman lahat ng plano, kailangang i-announce,” paliwanag pa ng aktres.

Naiintindihan naman daw niya na protective lang ang mga fans kay Kris pero in-assure naman niya ang mga ito na she respects and care for him.

“I appreciate na protective kayo kay Mr. B at alam kong karamihan ay nanggagaling lang sa pagmamahal ninyo sa kanya. Pero please know that I respect and care for him. Iba-iba lang talaga tayo ng paraan ng pagpapakita nu’n,” anang aktres.

Sey pa niya sa mga fans, huwag naman daw masyadong magalit sa kanya at huwag ding magmadali.

“Kaya enjoy lang tayo sa journey, ‘wag masyadong magalit sa akin at magmadali. Malay n’yo, marami pa kayong ‘di alam. Love lang tayo, mga MyLabs!” ang mensahe ni Katrina sa mga supporters.

Sa comment section ay sinuportahan naman siya ni Kris at sinabing huwag na lang pansinin ang mga negative comments.

“Ms. B, Hayaan mo sila. Ang importante, tayo, alam natin kung ano ‘yung totoo (wink emoji). And I’m enjoying every chapter with you,” message ni Kris kay Katrina.

---

Walang humpay na kilig at good vibes ang handog nina Coco Martin at Julia Montes sa pagtatagpo ng kanilang mga karakter sa mga susunod na episodes ng patok na Kapamilya teleseryeng Coco Martin’s Sigabo.

Ipinasilip ng ABS-CBN at CCM Film Productions sa behind-the-scenes na mga larawan at teaser video ang nakakakilig na muling pagkukrus ng landas ng CocoJul, kung saan nilalambing ni Gabo (Coco) si Sam (Julia) habang inaalagaan niya ang sugatang dalaga.

Kaabang-abang ang muling pagkikita nina Gabo at Sam dahil pagkatapos ng ilang matitinding engkuwentro nilang dalawa, tuluyan na nilang papasukin ang mundo ng isa’t isa matapos mapadpad si Sam sa komunidad ni Gabo kasunod ng makapigil-hiningang bakbakan laban sa grupo ng sindikato.

Samantala, itotodo na rin ni Gabo ang pakikipagsapalaran sa mga maaksiyong laban sa mga susunod niyang misyon upang patumbahin ang mga kriminal.

Napapanood ang Coco Martin’s Sigabo, gabi-gabi mula Lunes hanggang Biyernes, 8 PM sa ALLTV2, TV5, A2Z, Kapamilya Channel, Kapamilya Online Live sa YouTube (YT) at Facebook (FB), at iWant. 

Available rin ito sa labas ng Pilipinas sa pamamagitan ng The Filipino Channel (TFC) sa cable at IPTV.

‘Di na raw kailangan… DENNIS, AYAW NANG PAG-USAPAN ANG MGA EX NILA NI JENNYLYN

ni Mercy Lejarde @Talkies | August 12, 2026

Photo: Dennis Trillo sa FTWBA - YT

Diretsahang inamin ng aktor na si Dennis Trillo na 100 percent loyal siya sa kanyang asawang aktres na si Jennylyn Mercado.

Sa kanyang guesting sa Fast Talk with Boy Abunda (FTWBA), napag-usapan ang tungkol sa loyalty ni Dennis kay Jennylyn at kung paano niya pinapanatiling secure ang kanilang relasyon.

Tinanong siya ng King of Talk na si Boy Abunda, “How loyal are you to Jennylyn Mercado?”

Walang pag-aalinlangang sagot ni Dennis, “Siguro, sa tagal na naming magkasama ni Jen mula noon hanggang ngayon, parang wala naman kayong narinig na naging problema tungkol sa mga ganyan. So siguro, sabihin ko talagang 100 percent loyal.”

Dagdag pa ng aktor, ayaw niyang gumawa ng bagay na maaaring magdulot ng problema sa kanilang pagsasama.

“And ayoko nang magkaroon ng iba pang problema kung magloloko man ako or ano. Ayoko, ‘di ko na maa-afford ‘yun sa dami ng ginagawa ko,” ani Dennis.

Hindi rin pinalampas ni Boy ang pagkakataong tanungin kung nabigyan na ba niya ng dahilan si Jennylyn para magselos nang malala.

“‘Di mo pa nabibigyan ng pagkakataon na talagang magselos nang malala si Jennylyn?” tanong ni Boy.

Ayon kay Dennis, hangga’t maaari ay ayaw niyang bigyan ng dahilan ang kanyang misis para makaramdam ng selos o pagdududa.

“Ayoko na s’yang bigyan ng mga dahilan para magselos. Unang-una, Tito Boy, kumbaga, sinisiguro ko na lahat ng kilos ko, alam n’ya, na ‘di n’ya pag-iisipan ng kahit na ano,” ani Dennis.

Ipinaliwanag din ni Dennis na mahalaga sa kanya na magkaroon ng peace of mind si Jennylyn pagdating sa kanilang relasyon.

“Gusto ko, secured ‘yung utak n’ya. Meron s’yang peace of mind na kahit may gawin, eksena na ganito, secured pa rin s’ya sa asawa n’ya,” aniya.

Sa panayam, napag-usapan din ang paraan ni Dennis ng pag-iwas kapag may babaeng lumalapit o nagpapakita ng interes sa kanya.

Tinanong siya ni Boy, “Guwapo ka at alam ng lahat ‘yan sa industriya. Ano’ng ginagawa mo ‘pag nilalandi ka?”

Sagot ni Dennis, “‘Di ko na lang pinapansin, Tito Boy. Nangyari na rin ‘yung ganu’n. ‘Di ko masyadong iniisip. Siguro, sa umpisa, mapa-flatter ka, pero ‘pag inisip mo ‘yung mga consequence na maaaring mangyari ‘pag may ginawa kang ‘di maganda, kumbaga, du’n pa lang, alam ko nang ‘di para sa akin. Ayoko na ng gulo.”

Hirit naman ni Boy, “Tama naman. Oo, because again, you’re making a difficult choice. Pero kung alam mo kung nasaan ka, alam mo rin kung saan ka pupuwesto, ‘di ba?”

Sagot ni Dennis, “At alam mo kung kuntento ka. Tama. At alam mo ‘yun—honest at loyal.”

Tinanong naman ni Boy kung napag-uusapan ba nila ni Jen ang tungkol sa kanilang mga nakaraang relasyon.

“Napag-usapan din po, pero minabuti namin na ‘di na lang s’ya maging topic palagi dahil feeling ko, ‘di naman din makakatulong dahil tapos na, eh. Unless may mga problema na kailangang i-resolve,” saad ni Dennis.

Well, big tumpak ka riyan, Dennis! Wala nang dahilan para pag-usapan pa ang mga nakaraang relasyon dahil past is past. 

Pak, tumpak! ‘Di ba naman, madlang people?

---

Sa loob ng maraming taon, buong puso at katapatan na ipinamalas ng icon na si Imelda Papin ang tunay na diwa ng paglilingkod sa bayan, pamumunong may malasakit, at walang sawang pagtulong sa kapwa Pilipino.

Bilang Board Director ng Philippine Charity Sweepstakes Office (PCSO), naging bahagi siya ng mga programang nagbibigay ng tulong medikal, panlipunan, at pinansiyal sa mga Pilipinong nangangailangan. 

Sa kanyang paglilingkod, ginamit niya ang kanyang impluwensiya upang itaguyod ang mga gawaing pangkawanggawa, pagkakaisa at paglingap sa mga nangangailangan.

Bilang pagkilala sa kanyang panghabambuhay na dedikasyon sa serbisyo, malasakit sa kapwa, huwarang pamumuno, at mahalagang ambag sa bayan, buong-pagmamalaking iginagawad ng Gawad Parangal ng Bayaning Pilipino kay Imelda Papin ang Lifetime Achievement Award bilang Huwaran sa Serbisyong Pampubliko at Serbisyong Pantao.

Ang kanyang buhay ay patunay na ang tunay na kadakilaan ay nasusukat sa mga buhay na natulungan, mga pusong napasigla, at pag-asang naibahagi sa kapwa.

Aniya, “Ang tunay na bayani ay yaong ginagawang gawa ang malasakit at iniiwan ang pamana ng paglilingkod at pag-asa.”

Sa Gawad Parangal ng Bayaning Pilipino, pinararangalan si Imelda Papin bilang isang huwaran ng malasakit, paglilingkod, at pagmamahal sa bayan.

Congratulations, Mel! You truly deserve this recognition.

‘Yun lang, and I thank you.