Dream isali sa car racing… VIN DIESEL, GUSTONG DALHIN NI JOMARI SA ‘PINAS

ni Janiz Navida @Showbiz Special | Apr. 30, 2025

May magandang anekdota si Parañaque 1st District Councilor Jomari Yllana kung bakit siya nauwi sa pagiging professional car racer at ngayon nga ay founder ng Yllana Racing na in partnership with Okada Manila ay muling binuhay at ibinabalik ang country’s most anticipated racing events, ang Okada Manila Motorsport Carnivale 2025.

Sa ginanap na media launch kahapon ng Okada Manila Motorsport Carnivale 2025 na magki-kick-off sa May 4 (Linggo), naikuwento ni Jomari na nu’ng Gwapings days nila nina Mark Anthony Fernandez at Eric Fructuoso, nasa underground (meaning, illegal at walang permit) drag racing pa siya.

And that time nu’ng nagsisimula pa lang siyang mangarera, ang purpose niya ay para sa pusta at kumita.

One time, sa isang underground drag racing sa Greenhills, nahuli raw siya ni Jinggoy Estrada (maybe mayor ng San Juan that time) at nu’ng hinarap at kinausap na raw sila ng kanyang mga kasamang nagkakarera, nakilala siya nito bilang isa sa Gwapings na barkada ni Mark Anthony Fernandez na anak naman ng kaibigan ni Sen. Jinggoy na si the late Rudy Fernandez.

Hindi na raw siya hinuli ni Jinggoy at sinabihang ‘wag nang sabihin sa iba na pinalusot siya nito (Hahaha! Those were the days na lang talaga!), pero siyempre, kaakibat nu’n ang pagpapaalala na ‘wag nang uulitin ang kasalanan.

So, du’n na tumigil si Jomari sa underground drag racing hanggang kinuha na nga siya ng Toyota at ginawang professional car racer at inilaban pa sa mga competitions abroad.

Kaya naman to give back sa mga katulad niyang passion ang car racing, naisipan ni Jomari at ng partner niyang si Rikki Dy-Liacco na ibalik ang Motorsport Carnivale nang sa gayun ay magkaroon ng venue ang mga mahilig sa car racing sa legal na paraan, kung saan ang advocacy nila ay makapagturo ng road safety at discipline sa mga car racing enthusiasts.

Gusto rin nilang makilala ang big event na ito globally kaya mas malaki raw at mas maraming categories ang puwedeng salihan ng mga kalahok sa Motorsport Carnivale this year kumpara nu’ng 2023.

Magsisimula ang Motorsport Carnivale sa Super Sprint category, 6 AM to 6 PM on Sunday, May 4, na puwedeng salihan ng mga amateur car racers.

Sa May 31 naman sa Jom’s Cup, an 1.8 mile drag racing challenge ang gaganapin sa Boardwalk and Gardens ng Okada Manila kung saan mas advanced at exciting ang laban sa Super Car, Muscle Car and Vintage categories.

May special EV car showcase rin with guest celebrities na puwedeng mapanood nang live at sa livestream ng mga fans ng car racing.

Tinanong namin si Jom kung sino sa mga international car racers ang gusto niyang i-invite sa kanilang Motorsport Carnivale kung sakali para mas makilala ito globally at sagot niya, si Vin Diesel ng sikat na Fast and Furious movie series.

Ohhh, why not? Super bongga ‘yun ‘pag nagkataon.

Samantala, nabanggit din ni Jomari na gusto ring sumali ng kanyang wifey na si Abby Viduya sa Motorsport Carnivale 2025 at first time gagawin ng tumatakbong konsehala sa 1st District ng Parañaque ito.

So, ‘di lang tumatakbo sa pulitika si Abby, magpapatakbo rin ng kotseng pangarera!

---

Todo-sigaw na ipaglalaban ang karapatan ng mga Pinoy bilang senador… NETIZENS KAY IPE; UNAHIN MONG IPAGLABAN ANG KARAPATAN MO KAY JOSHUA

Maraming bumilib kina Sen. Robin Padilla, Sen. Bong Go at senatoriable Phillip Salvador na despite their super busy sa campaign, nagawa pa rin nilang maglaan ng panahon para sa libing ng Superstar at National Artist na si Nora Aunor.

Kaya naman natuwa ang mga Noranians sa pagpapahalagang ibinigay ng tatlo na nagpapakita lang daw ng kanilang respeto sa Superstar.

Si Sen. Robin ay naging close kay Ate Guy nu’ng buhay pa ang kanyang discoverer na si Deo Fajardo, ayon sa isa sa mga closest sa Superstar na si Tita Mercy Lejarde.

Si Sen. Bong Go ay kilalang movie fan at for sure, may mga movies din si Ate Guy na napanood niya.

Habang si Phillip, ilang beses nang nakasama sa movie ng Superstar at kung ‘di kami nagkakamali ay naging karelasyon pa nga niya noon.

Kaya lang, disappointed ang ilang netizens at tipong binara si Kuya Ipe sa isinisigaw niya sa kanyang mga kampanya na ipaglalaban daw niya ang karapatan ng mga Pilipino kaya gusto niyang manalong senador.

Sigaw ng mga netizens, “Phillip, unahin mo munang ipaglaban ang karapatan mo sa anak mo kay Kris Aquino na si Joshua, bago ang karapatan naming mga Pilipino!”

Aguy, sunog!!!

---

Baka mapilipit ang dila o utak? 

AKTOR-PULITIKO, TODO-PAKIUSAP SA MAG-IINTERBYU NA ‘WAG LALIMAN ANG TANONG

BLIND ITEM:

TAWANG-TAWA naman kami sa kuwento ng isang kasamahang writer na nu’ng mag-file raw ng candidacy ang isang aktor na tumatakbo ngayong 2025 midterm-elections ay nagpaunlak ito ng panayam sa ilang kaibigang press people.

Kaya lang ang siste, may pakiusap agad ang aktor sa mga mag-iinterbyu sa kanya, “‘Wag n’yong laliman ang mga tanong, ha?”

Naku po! Sa interview pa lang, takot na ang aktor, pa’no pa siya magiging kapaki-pakinabang sa posisyong tina-target niya sakaling manalo siya?

Baka magkandapili-pilipit ang dila at pati utak niya sa pag-iisip ng mga batas. Wahahahahaha!

Swak na swak daw ang ugali… MANAGER NI DAVID, BOTO NA MAGING SILA NI BARBIE

ni Janiz Navida @Showbiz Special | Apr. 29, 2025

Arnold at Wilson / via Bulgar

Mula sa pagiging manager ng mga sikat na artista, gusto na ring makilala at matawag na “Manager ng Bayan” ng longtime manager na si Arnold Vegafria ngayong tumatakbo siyang mayor ng Olongapo.

Sa ginanap na Pandesal Forum kahapon sa Kamuning Bakery ni Sir Wilson Flores, nabusog ang mga nakapanood sa dami ng planong gawin at plataporma ni ALV (tawag sa kanya sa showbiz) para sa Olongapo sakaling palarin siyang manalo.

Idinaan niya ito sa isang AVP presentation at thankful siya sa kaibigang si Korina Sanchez na nag-voice over, bukod sa ang team daw nito ang bumuo sa magandang presentation para sa kanyang kandidatura as mayor.

Aminado si Arnold Vegafria na mas magulo ang mundo ng pulitika kesa sa pagha-handle ng mga talents sa showbiz, pero dahil gusto raw niyang magdala ng pagbabago sa Gapo kaya pursigido siyang manalo.

At ang malaking karanasan at expertise niya sa pagha-handle ng iba’t ibang talents na may kani-kanyang attitudes for more than two decades ay malaking bagay at factor daw na maia-apply niya sa pamamalakad ng isang bayan.

Thankful naman siya sa kanyang mga alaga like si David Licauco na despite his super busy schedule ay naglaan daw ng panahon para tumulong sa kanyang kampanya.

In fact, the other night lang daw ay sinorpresa siya ni David nang dumating ito sa kanyang campaign rally at talagang pinagkaguluhan ito ng mga taga-Olongapo dahil bihira ngang may bumisitang artista roon, lalo’t sikat ngayon ang tambalang BarDa (Barbie Forteza-David Licauco).

At dahil napag-usapan nga namin si David, happy and proud si ALV sa nangyayari ngayon sa career ng alaga na kung dati ay nalalait acting wise, ngayon ay “Best Actor” na raw at hindi na rin mahiyain.

Tinanong namin siya kung boto sakaling mauwi sa totohanan ang relasyong Barbie-David.

Aniya, hindi pa niya nakikilala personally si Barbie pero base sa mga nakikita niya sa TV at sa mga naikukuwento sa kanya ni David, bagay naman daw ang dalawa dahil swak ang kanilang ugali at nagkakasundo sila.

Inamin din daw sa kanya ni David na may soft spot ito para kay Barbie since love team nga sila at unti-unti niyang nakikita at nakikilala ang pagkatao ng Kapuso actress.

Pero sa ngayon, ayaw pa raw madaliin ni David na ligawan at maging GF si Barbie dahil baka nasa moving on stage pa nga ang aktres mula sa hiwalayan nito kay Jak Roberto.

Naniniwala naman si ALV na makakatulong sa career ng dalawa kung magiging sila dahil tiyak na magiging happy din ang kanilang mga fans.

---

KAYA pala dedma na si Mark Herras sa mga isyung ibinato sa kanya ng dating ‘kaibigan’ na si Jojo Mendrez ay dahil ang dami-dami na nitong pinagkakaabalahan ngayon.

Bukod nga sa kaliwa’t kanang shows na offer sa kanya mula sa iba’t ibang lugar, busy din pala ngayon ang StarStruck Male Survivor sa pagtulong sa kandidatura ng Ang Probinsiyano Party List (APPL) representative na si Cong. Alfred “Apid” Delos Santos.

Kasama ang mga kapwa aktor na sina Jason Abalos at JC de Vera, buong-pusong nagboluntaryo ang tatlo at bumisita sa Negros Oriental, Albay, Zambales, at Siquijor.

Ipinakita ng tatlong aktor ang kanilang paninindigan sa mga adbokasiyang isinusulong ng APPL at ni Cong. Apid.

Sa Negros Oriental, pinangunahan ni Jason Abalos ang mga aktibidad ng kampanya sa mga bayan ng Basay, Bayawan, at Zamboanguita, kasama si mayoralty candidate Janice Degamo.

Sa kanyang mensahe sa mga residente, ibinahagi ni Jason ang kanyang karanasan sa mga programang sinusuportahan ng APPL gaya ng medical missions, scholarship programs, TUPAD assistance, at livelihood training—mga proyektong personal niyang nakita at sinuportahan.

Masaya namang sumali si JC De Vera sa mga campaign kick-off sa Albay at Zambales. Sa Albay, dumalo siya sa motorcade at pagtitipon ng Team Rosaloria na pinangunahan nina Noel Rosal, Jun Alegre, Caloy Loria, at Cong. Delos Santos.

Bukod sa pag-awit na nagpasaya sa mga Bicolano, inilahad ni JC ang kanyang paniniwala sa APPL.

Pagkatapos sa Albay, dumiretso sina JC at Cong. Apid sa San Antonio, Zambales para sa kick-off rally ng Team Antipolo, sa pangunguna nina Dok Arvin Antipolo at Atty. Jojo Bactad. Bagama’t pagod, buong-puso pa rin nilang inilahad ang mga plano ng APPL para sa mga probinsya.

Sa Siquijor naman, nagpasaya si Mark Herras sa pamamagitan ng kanyang performance sa kick-off rally nina Governor Jake Villa at Representative Zaldy Villa.

Sa gabing iyon, ipinakilala ang mga programa ng APPL sa lalawigan, pati na rin ang kanilang mga layunin para sa turismo at problema sa kuryente.

Sana, kahit tapos na ang eleksiyon, dumami pa rin ang raket ni Mark Herras at maging nina JC at Jason.

Sey mo, Mommy Min? DANIEL, NEVER SAY DIE KAY KATHRYN, TODO-SUYO PA RIN

ni Janiz Navida @Showbiz Special | Apr. 27, 2025

Photo File: Daniel Padilla - Circulated photo

So, “never say die” pala ang motto ngayon ni Daniel Padilla dahil nai-chika sa amin ng isang close sa kanila ni Kathryn Bernardo na tuluy-tuloy pa rin pala ang panunuyo niya sa ex-girlfriend.

Bagama’t una nang idinenay ng Mommy Min ni Kathryn na nagkabalikan na ang dalawa, hindi niya maitatanggi ang kuwentong patuloy pa ring sinusuyo at pinalalambot ni Daniel ang puso ni Kathryn para magkaroon ng second chance ang kanilang 11-year-relationship.

Well, maaaring pinag-iisipan pang mabuti o kinakapa pa ni Kathryn sa kanyang puso kung kaya pa niyang mahalin, patawarin o bigyan ng second chance si Daniel, kaya as of now, abang-abang lang ang mga KathNiel fans kung “the end” na talaga o may “together again” pang ganap kina Kathryn at Daniel.

Eh, teka, paano na kaya ‘yung nabalitang nililigawan naman daw ni Daniel sa Baguio na isang kolehiyala? Na-basted kaya siya kaya bumabalik kay Kathryn o na-realize lang niya na kahit maghanap siya ng iba ay wala pa ring katulad si Kathryn?

Hmmm…

---

‘Di raw PCSO ang sumagot… P800 K NA BILL NI NORA SA OSPITAL, BINAYARAN NI PBBM

Magkumare sina Superstar Nora Aunor at Jukebox Queen Imelda Papin bukod sa pareho silang Bikolana, kaya ganu’n na lang ang closeness ng dalawa, na hanggang nu’ng nasa ICU na nga si Ate Guy ay si Tita Mel (tawag sa Jukebox Queen ng mga close sa kanya) ang kanyang kasa-kasama at nag-aasikaso para sa mga kailangang procedures sa kanya sa ospital.

Kaya nu’ng eulogy sa last night ng wake ni Ate Guy, isa si Imelda sa mga pinasalamatan ni Lotlot de Leon sa mga tulong nito sa kanilang ina.

At dahil PCSO director nga si Imelda Papin, may mga nagkalat ng isyung sinabi raw ni Tita Mel na ang PCSO ang nagbayad ng bill ni Ate Guy sa ospital.

Kaya naman, nilinaw ito mismo ng aming Ninang Cristy Fermin sa kanilang Showbiz Now Na vlog with Romel Chika at Wendell Alvarez sa YouTube kay PCSO Director Imelda Papin.

At nang magkausap sila, du’n nga diretsahang ipinaliwanag ni Tita Mel na hindi ang PCSO kundi si Pangulong Bongbong Marcos ang umako na bayaran ang kabuuan ng bill ni Ate Guy sa Medical City, na ayon daw sa source ni Ninang Cristy sa naturang ospital ay umabot sa mahigit P800,000.

Malaking kabawasan ito sa alalahanin ng mga anak ng Superstar. Kaya siguro naman, tahimik na rin ang kalooban ni Ate Guy sa nakita niyang ibinigay na respeto at pagpapahalaga sa kanya hindi lang ng mga Noranians kundi maging ng mga kaibigan niya sa showbiz at ng ating pamahalaan sa kanyang pagiging National Artist.

---

May bago nang ‘boy’... SIKAT NA INFLUENCER, IPINALIT NI JOJO KINA MARK AT RAINIER

Heto naman ang sure na may kapalit na talaga.

Matapos ngang pagpiyestahan sa social media ang closeness nina Mark Herras at Rainier Castillo sa tinaguriang The Revival King na si Jojo Mendrez, out na sa picture ang dalawang StarStruck stars dahil ang sikat na influencer at performer na si Elias na ang bagong ‘favorite’ ni Jojo Mendrez.

Trending ngayon ang naglalabasang video nina Jojo Mendrez at Elias. Marami ang kinilig sa ginawa nilang duet ng kanta ni Jojo na Nandito Lang Ako na ang nag-compose ay si Jonathan Manalo.

Usap-usapan na nag-cancel si Elias ng mga shows niya para lang puntahan si Jojo sa Manila at gawin ang collab nilang dalawa.

Sinayawan din ni Elias si Jojo na mistulang kinikilig sa ginawa ng influencer, kaya talaga namang pinag-uusapan sila ngayon.

In fairness, positibo ang reaksiyon ng mga netizens na iniuugnay ang dalawa sa isa't isa.

“JOLIAS” nga ang binuong name sa tambalan nila na lumabas mismo sa bibig ni Elias.

Napakaraming fans ng dalawa ang excited sa pagsasama nila at sa mga proyektong nakahain sa tambalang JOLIAS.

Maugong din ang balita na si Elias daw ang tinutukoy na “THE BOY” sa upcoming release ng remake ng I LOVE YOU, BOY ni Jojo Mendrez under Star Music.

At bilang suporta naman ni Jojo kay Elias ay magkakaroon ito ng special appearances sa mga upcoming projects ng influencer para magbigay-saya sa mga fans ng dalawa.