Chie at Sarah, nasampulan… BARBIE, PINAG-IINGAT KAY SOFIA DAHIL TRAYDOR DAW

ni Janiz Navida @Showbiz Special | April 21, 2026

Photo: FB Sofia Andres

May paalala at babala ang mga netizens matapos mag-post si Sofia Andres sa social media ng picture nilang magkasama ni Barbie Imperial.

FYI, sina Sofia at Barbie ay parehong naging girlfriend ni Diego Loyzaga, pero mukhang friends naman sila at walang isyu sa kanila na iisa ang ex-BF nila.

Ang paalala lang ng ilang netizens kay Barbie, mag-ingat daw sa pakikipag-close kay Sofia dahil baka ‘pag nag-away din sila, sira-siraan at traydurin din daw siya ng aktres tulad ng ginawa nito kina Sarah Lahbati at Chie Filomeno.

Just to refresh your memory, mga Ka-BULGAR, kung saan nanggagaling ang akusasyon ngayon kay Sofia na ‘traydor na kaibigan’, matatandaang last year, may naging pasabog na post sa Instagram Story si Chie kung saan binanatan niya si Sofia dahil nakarating daw sa kanya na kumakausap ito ng mga social media influencers para banatan siya at sira-siraan sa social media.

May naging dialogue pa raw si Sofia na ayaw nitong lumaki ang anak niyang si Zoe na napapalibutan ng “prostitute” kaya talaga namang naubos ang pasensiya ni Chie at tumalak na nga rin sa kanyang IG post para ilabas ang sama ng loob sa dating kaibigan.

Pagdating naman kay Sarah Lahbati, in-unfollow daw nito si Sofia sa IG matapos idamay ng huli ang pangalan ng estranged wife ni Richard Gutierrez na siya diumanong nagkakalat ng paninira kay Chie, gayung wala naman daw kinalaman dito si Sarah.

Oh, devah? Nakakaloka ang sisterhood issues nila?!

Well, siguro naman ay matured enough at may sarili nang isip at disposisyon itong si Barbie Imperial para makinig pa sa mga sabi-sabi ng iba kung sino at hindi ang mga dapat niyang maging kaibigan.

Isa pa, nandiyan naman si Richard Gutierrez na boyfriend niya para mag-guide rin sa kanya at nang hindi siya mapahamak.

---

Totoy Bato, astig talaga… KIKO, ‘DI KAYANG MAGLADLAD, ATRAS SA GAY ROLE

“Next question, please?!” ang mabilis na sagot ng Kapatid star at main lead ng Carlo J. Caparas’ Totoy Bato na si Kiko Estrada nang matanong namin kung posible rin ba siyang tumanggap ng challenging role tulad sa mga boys’ love movies at gumanap na gay matapos ang magkasunod na action star role niya sa Lumuhod Ka sa Lupa at Totoy Bato sa TV5.

Nahalata naming hindi komportable si Kiko na pag-usapan ito, kaya tinanong namin kung homophobic ba siya.

Agad naman niyang nilinaw na hindi siya galit sa mga members ng LGBTQIA community dahil ang kanyang makeup artist ay gay din, pero hindi lang talaga niya feel ang gay role sa film.

When asked kung bakit ayaw niya, sagot ni Kiko, “Hindi ko lang magagawa. Kumbaga, maghihintay tayo. Parang ‘pag may intimate scene, there’s no intimate scene gonna happen. I’m not gonna be able to do it.”

Dahil ba mas sanay lang siya sa action?

“Hindi. Hindi ko lang kayang gawin,” diretsong sabi pa niya.

Pero biglang gumanda ang mood ni Kiko at todo-smile nang matanong namin kung open naman ba siyang makatrabaho ang kanyang tatay na si Gary Estrada.

“That I’m open to,” aniya.

Dahil puring-puri siya ni Direk Albert Langitan na magaling na nga raw siyang aktor dito sa Totoy Bato, tinanong namin si Kiko kung feeling ba niya ay mas magaling na siya sa kanyang Daddy Gary.

Pa-humble namang sagot ng guwapong aktor, never daw mangyayari na magiging mas magaling siya sa mga nauna sa kanya at out of respect sa mga ito, hindi niya sasabihin ‘yun.

Well, sa pagtatapos ng Totoy Bato ngayong linggo, hindi pa raw alam ni Kiko Estrada kung ano ang magiging next project niya sa network. Pero kung siya ang papipiliin, gusto naman daw niyang i-remake ang Joaquin Bordado na ginampanan ni Robin Padilla sa TV series.

Bata pa raw kasi siya ay idol na niya si Robin at bilib na bilib siya nang mapanood ang Joaquin Bordado noon sa GMA-7.

Tungkol naman sa kanyang love life, tikom ang bibig ngayon ni Kiko Estrada. Kung tama kami sa pagkakatanda namin, si Heaven Peralejo pa ang huling na-link sa kanya noon.

Mukhang may bago naman itong girlfriend ngayon, pero ayaw na lang siguro niyang i-open up pa sa publiko.

Another Coco Martin at Paulo Avelino in the making… when it comes to their personal life. Hahaha!

---

ANYWAY, mga Ka-BULGAR, kung gusto n’yo ng mas mabilis at latest na chika, watch n’yo si Ateng Janiz Navida sa aking daily show na BULGARAN NA sa ating Facebook page sa BULGAR.

Mag-chikahan tayo from Monday to Friday, 3 PM. Mag-comment lang at may libreng shout-out kayo!

Kaya tara, samahan n’yo ako araw-araw at mag-chikahan tayo. 

Makihula rin sa aming blind item tuwing Linggo sa SPILL THE B, 6 PM, kasama ang aking co-host na si Ateng Julie Bonifacio at ang mga Marites friends namin. Hahaha!

Todo-pakialam sa kanilang mga anak ni Nora… MATET SA MGA BASHERS: ‘DI PUWEDENG KAYO LANG ANG SALBAHE. DURUGAN TAYO!

ni Janiz Navida @Showbiz Special | April 20, 2026

Photo: IG _misismatet

Sa lahat ng mga anak ni Superstar at National Artist for Film and Broadcast Arts Nora Aunor (SLN), mukhang si Matet de Leon ang pinakapalaban at hindi paaagrabyado kaninuman, lalo na sa mga bashers niya sa social media.

Matapos na may mga bumatikos kay Matet dahil sa inasal daw nito sa mga Noranians nu’ng first death anniversary ni Ate Guy sa Libingan ng mga Bayani, kung saan may mga pumuna sa pagiging dedma at isnabera raw ni Matet, naglabas ng saloobin sa social media ang aktres-entrepreneur para sagutin ang kanyang mga bashers.

Saad ni Matet sa kanyang Facebook post (as is), “‘Yung mga bashers ko ha.. Pag pinatulan ko kayo, huwag kayong mapipikon. Durugan tayo! Let's go! Hindi puwedeng kayo lang ang salbahe. Pareparehas tayong tao lang. Ibabalik ko lang binibigay niyo sa akin.” 

Dagdag pa nito, “Ako sainyo, ayusin niyo kanya kanya ninyong pamilya bago niyo kami pakialamang apat. Magpopost ako weekly ng mga stars natin na bashers. Pansin ang gusto? Papasikatin ko.”

Hindi rin pinalagpas ni Matet ang pagdamay ng ilang netizens sa kanyang mga anak na tulad niya ay nakasimangot daw at nagsuplada sa 1st death anniversary ni Nora. 

Ani ng aktres sa kasunod niyang FB post, “Ayan. Mga ta*ng nandadamay ng mga bata.

Ang inet inet gusto niyo ngumiti mga anak ko? Namatayan ng lola mga yan. Hindi yan party. Hawak ni mishka ang kamay ng lola niya hanggang sa huli. Traumatic at masakit para sa bata. Gusto niyo kumaway kaway??? Ngumiti? Anong nakakatuwa? kung kakilala niyo sila, paki sabi, sikat na sila (may mga nadagdag na!).”

At hanggang kahapon (Linggo) ay mukhang nasa warla mode pa si Matet dahil sabi nito sa kanyang FB post, “Naghahanap ng mga bagong pasisikatin. Day off muna yata nila ngayon. Linggo kasi. Papakabait muna. Bukas na lang uli. Mula ngayon, hindi na kami pupunta sa LNMB pag may okasyon. Day before or day after na lang. Lesson learned.”

Ayan, ginalit n’yo kasi si Matet! Takot ako, eh! Hehe!

---

Taob sa padir na si Cesar na mas chickboy… 

DIEGO, GAME NANG PAKASALAN ANG NANAY NG ANAK

Tuwang-tuwa si Diego Loyzaga dahil finally daw, sa lahat ng roles na kanyang ginampanan mula nang siya ay mag-artista, ang kanyang karakter bilang Dwayne na kalaban ng bida sa Totoy Bato na si Kiko Estrada, ang nagpahanga sa kanyang amang si Cesar Montano.

Sabi ni Diego nang makapanayam namin sa mediacon ng Totoy Bato para sa finale week nito simula ngayong Lunes, “For once in my life, nakuha ko na ‘yung satisfaction. Sinabi ng tatay ko sa akin, ‘Kaya mo nang makipsagsabayan sa akin, anak. Gawa tayo ng pelikula.’ And natunaw ako nu’n.”

Aminado si Diego na sa nanay niyang si Teresa Loyzaga siya humingi ng tips kung paano maging kontrabida, at hanggang ngayon daw, nasa kanya pa rin ang pressure na mapantayan ang galing ng kanyang amang si Cesar pagdating sa acting at kung anuman ang mga naabot nito sa showbiz.

Ang aminado lang si Diego na pagkakaiba nila ng kanyang ama, mas marami itong naging karelasyon kesa sa kanya. 

Sa ngayon kasi, mukhang nahanap na ni Diego ang true love niya at binabawi na raw niya ang sinabi noon na hindi siya naniniwala sa kasal.

“Oo, binabawi ko na. Nagkaroon ng isang taon, for the past year, isa lang, isang babae lang ang minahal ko,” pag-amin ni Diego, at ‘yun ay ang nanay ng kanyang anak na si Hailey Paige.

Proud si Diego sa lahat ng mga ginawa niya sa Totoy Bato na nasa huling linggo na nga at napapanood tuwing Lunes hanggang Biyernes, 8 PM pagkatapos ng Frontline Pilipinas with simulcast sa ONE PH.

---

DIREKTA at walang sugarcoating. Ganito ang ginawang paghimay ni Justice Moreno sa testimonya ng state witness na si Henry Alcantara sa pagdinig ng Sandiganbayan.

Sa gitna ng matinding pagsisiyasat, hindi pinalampas ni Justice Moreno ang halatang kahinaan sa salaysay ni Alcantara, na mas umaasa sa sabi-sabi kaysa sa personal na kaalaman.

Tahasang tanong ni Justice Moreno, “Could it be you were just fed a script?” at hindi ito tumigil doon. 

Sa paulit-ulit na inamin ni Alcantara na wala siyang personal na kaalaman sa mga alegasyon laban kay Ramon Bong Revilla, Jr., iginiit pa ni Moreno, “Ilang beses ka tinuruan?”

Sa isyu ng umano'y 30% kickback, tuluyang bumagsak ang kredibilidad ni Alcantara. Nang hingan ng basehan, inamin niyang wala siyang direktang kaalaman at umasa lamang sa sinasabi sa kanya ni dating DPWH Undersecretary Robert Bernardo. 

Hindi ito pinalampas ni Moreno, "So walang basehan ang 30%. Si Undersecretary Bernardo lang ang nakaisip niyan. Kaya ang pinakamatalino dito ay si Bernardo. On the mere say-so of Bernardo, pumayag ka."

Habang lumalalim ang pagtatanong, nagsimulang lumabas ang mas mabigat na implikasyon: ang mismong pinagmumulan ng paratang — si Bernardo — ay maaaring gumanap ng pinakamalaking papel. 

Ang mga nagmamasid sa pagdinig ay hindi maiwasang magtanong kung sina Bernardo at Alcantara ang tunay na utak at ang pinaka-may kasalanan, at kung sila lang ba ang nakinabang sa mga sinasabing kickback habang ginagamit ang pangalan ng ibang tao.

Sa buong pagdinig, isang bagay ang paulit-ulit na lumabas: walang personal na kaalaman si Alcantara sa anumang direktang koneksiyon ni Revilla at ng mga akusasyon. Sa halip na palakasin ang kaso, lalo pang inilantad ng kanyang testimonya ang mga puwang sa kredibilidad nito—at nagtaas pa ng mga tanong tungkol sa mga tungkulin ng mga taong pinanggalingan ng kanyang mga pahayag.

Lagot sa BSP… VICE GANDA, NILAMUKOT ANG P1K BILL, KULONG NG 5 YRS.

ni Janiz Navida @Showbiz Special | April 19, 2026

Photo: IG _praybeytbenjamin

Ang bongga talaga ni Meme Vice Ganda, nagpaagaw lang naman ng tig-iisang libong piso sa kanyang mga kapamilya at kaibigan!

Sa recently posted vlog ni Vice sa YouTube kung saan ang mga ganap nila sa kanyang 50th birthday celebration sa Amanpulo ang mapapanood, makikita na bukod sa mga party games na inihanda para mas maging masaya ang bonding ng kanilang buong pamilya, nagpaagaw din ng P1,000 bill si Vice.

‘Kaaliw nga dahil pati ang Nanay Rosario ni Vice ay parang gusto ring agawin sa kanya ang hawak na makapal na bungkos ng tig-P1K bill kaya pabiro itong sinabunutan ng Unkabogable Star. Hahaha!

Pero ang napansin lang namin ay ang ginawang paglamukos ni Vice Ganda sa dinukot na P1K bill bago ito ibinato para pag-agawan ng kanyang mga kapamilya at kaibigan.

Kung tama kami sa pagkakaalam namin, ipinagbabawal na gawin ito sa ating perang papel.

Kaya, nag-double check kami sa Google kung may batas bang nalabag si Vice sa paglamukos niya sa P1K bill, at ito nga ang lumabas, “Willful and excessive crumpling or folding of Philippine banknotes—particularly the new 1,000-Piso polymer bills—is prohibited by the Bangko Sentral ng Pilipinas (BSP) as it can damage the note's structure and security features. Under Presidential Decree No. 247, such actions, including excessive crumpling that causes limpness or breaking, are considered willful defacement or mutilation.”

At kung mapapatunayang may nalabag na batas si Meme Vice, “Penalties: Violators can be fined up to PHP 20,000 and/or imprisoned for up to five years,” ang nakasaad sa Google.

Maaaring hindi aware si Vice Ganda na may batas tungkol dito or baka naman na-carried away lang siya ng masayang bonding nila at hindi na naisip na ipinagbabawal ang paglamukos sa ating perang papel.

Well, ano nga kaya ang magiging aksiyon ng Bangko Sentral ng Pilipinas dito kung saka-sakali?

---

Video, kumalat… MANONG CHAVIT, MAY KA-HOLDING HANDS NA BYUTING BAGETS 

PINAGPIYESTAHAN ng mga netizens ang nai-post na video sa Facebook kung saan makikitang habang nakaupo sa isang long table at may mga tila ka-meeting o kausap ang businessman-philanthropist na si dating Ilocos Sur Gov. Luis “Manong Chavit” Singson ay may katabi at ka-holding hands itong isang magandang babae na mukhang teen-ager pa o baka nasa early 20s lang ang edad.

Hindi naman artista ang naturang babae pero sa unang tingin ay kamukha ito ni Sanya Lopez. 

Umani agad ng samu’t saring reaksiyon ang posted video. Kung may mga na-happy at na-inspire na sa edad ni Manong Chavit na 84 ay nagka-love life pa rin daw ito, may mga bumatikos ding netizens sa bigtime businessman lalo’t mukhang batambata pa ang girl na kahawak-kamay niya.

Ilan sa mga komentong nabasa namin sa naturang FB post…

“Milyon na ‘yan holding hands pa lang. ‘Di n’yo kaya kahit 5 taon ipunin ‘yan.”

“Inggit pikit”

“Daming inggit at ‘yung mga naiinggit, ‘yung lalaking patay-gutom na tamad, tapos ‘yung mga babaeng p*kp*k na nangangarap guminhawa ‘yung buhay. Hahaha!”

“Maging masaya na lang kayo para sa kanya, ‘di ‘yung inggittt ang puhunan n’yo. Sorry na lang kasi s’ya nagustuhan ng billionaire, puro kayo perfectionista, judgemental. Hayst na lang talaga.”

“‘Pag mayaman, no problem kahit lolo mo na s’ya.”

Pati ang nananahimik na si Jillian Ward na minsan ding na-link kay Manong Chavit ay idinamay pa ng isang netizen sa pagsasabing, “Ayaw kasi ni Jillian Ward, eh.”

Ang harsh naman ng komento ng isa, “Wow! Sorry pero kadiri talaga mga lalaki na ganito katanda! Respeto na lang sana sa sarili mo! Para mo na ‘yang apo.”

Oh, ‘di ba, ang daming bashers ni Manong Chavit?

Bakit ba nang-aano ‘tong mga ‘to? Eh, paano kung friends lang naman sila? 

‘Di ba nga, sina Yen Santos at Paolo Contis, nu’ng nakitang magka-holding hands sa Baguio, “friends” lang daw sila?!

Naku, daming mema at inggiterang frog, ha? Hahaha!

---

Kung si Richard, may Barbie na…

SARAH, MAY KA-DATE NA GUWAPONG FOREIGNER SA MALL SA ROCKWELL

NAGBA-VIRAL din ngayon ang picture naman ni Sarah Lahbati na spotted daw na may kasamang guwapong foreigner sa isang mall sa Rockwell, Makati.

In fairness, hindi nalalayo sa kaguwapuhan ni Richard Gutierrez na estranged husband ni Sarah ‘yung lalaking kasama raw niya. Medyo kulot ang buhok nito pero mestizo rin at matangos ang ilong. Hindi rin nalalayo sa edad ni Sarah ang hitsura ng guy na sinasabing ka-date ng aktres.

Well, kung totoong nakikipag-date na uli si Sarah, deserve naman siguro niyang maging happy lalo’t hindi naman niya hinihingi sa mga bashers ang perang pang-date niya, ‘no?

Saka, happy na rin naman at very open na ngayon sa kanilang relasyon ang estranged hubby niyang si Richard Gutierrez at si Barbie Imperial.

Kumbaga, pareho nang may nagpapasaya sa kanilang puso at ang mahalaga lang naman, hindi sila nagpapabaya at maayos ang co-parenting setup nila sa kanilang dalawang anak na sina Zion at Kai.

Kaya lang, for sure, may mga conservative pa rin tayong kababayan na magsasabing hindi muna dapat nagpapakita si Sarah na may bago na siyang ka-date o karelasyon lalo’t hindi pa annulled ang kasal nila ni Richard. 

Dito pa naman sa atin, double standard, kaya okay lang na makitang may ibang babae na ang lalaki, pero ‘pag ang babae ang nakitang may ibang kasamang lalaki, ang tingin agad sa kanya ay masamang babae.

Devah naman? 

Hay naku, teka nga, hayaan muna nating si Sarah Lahbati ang sumagot kung nakikipag-date na nga ba siya o ‘friendly date’ lang itey. 

Paaak!!!