Dahil sa career, pamilya at lalaki… SWEET, UMAMING 3 BESES NA-DEPRESSED, NAG-SUICIDE

ni Janiz Navida @Showbiz Special | October 17, 2026

Photo: via Janiz Navida

Not just once but thrice palang dumaan sa depresyon ang comedian-host at ngayon ay playwright na ring si John “Sweet” Lapus.

Inamin ‘yan ni Sweet nang makatsikahan namin after ng announcement ng Puregold Teatro Panalo last October 14 sa Gateway Cineplex 16.

Isa ang isinulat ni Sweet na stage play na True To Life sa mga pumasok sa 12 finalists ng Teatro Panalo ng Puregold.

“Sobra ang pinagdaanan kong depression at mapapanood n’yo rito, ayokong i-preempt,” bungad ni Sweet.

“Sa career, sa pamilya, sa lalaki, nagsabay-sabay,” dugtong niyang dahilan ng kanyang depresyon.

Inamin din niyang nagkaroon siya ng suicide attempt at gusto rin daw niyang pumatay noon dahil sa bigat ng pinagdaraanan niya. 

Nangyari raw ito sa kanya 20 yrs. ago at si Eugene Domingo lang ang nakaalam ng sitwasyon niya, na malaki ang naitulong sa kanya para makabangon, kaya parang tribute na rin niya kay Uge itong True To Life.

Kaya for sure, isa ang naturang stage play sa mga aabangan ng mga excited nang manood sa Puregold Teatro Panalo which is set on February 2027.

Si Ms. Ivy Piedad ang Festival Director ng Puregold Teatro Panalo with the help of Vincent de Jesus and Chris Cahilig.

---

Ibinuking ni Dingdong, naghahanap tuwing 3 AM… MARIAN, PANDESAL ANG PINAGLIHIAN SA ANAK

“Celebrity bakeshop” o “Bakeshop of the Stars” na palang maituturing ang 87-year-old na Kamuning Bakery na pag-aari ng Fil-Chinese businessman-writer na si Sir Wilson Lee Flores.

Very successful kahapon ang ginanap na selebrasyon ng World Pandesal Day ng Kamuning Bakery kung saan naging special guest of honor ang MOWELFUND (Movie Workers Welfare Foundation, Inc.) chairperson na si Ms. Boots Anson-Rodrigo, si ACT Teachers Party-list Representative Antonio "Tony" Tinio at ang Man of the World 2026 na si Oliver Kretz.

Nakausap namin si Sir Wilson, at aniya, taong 2015 pa pala nila sinimulan ang pamimigay ng free pandesal tuwing World Pandesal Day bilang kanilang share sa paglutas sa kagutuman sa Pilipinas at bilang pagpapaalala na rin daw para hindi makalimutan ng bawat Pilipino ang pandesal.

Ang tatlong unang naging special guests sa World Pandesal Day nu’ng Oct. 16, 2015 ay sina GMA-7 CEO Atty. Felipe Gozon (na kaedad na raw ng Kamuning Bakery), ang dating congressman at ngayon ay DepEd Sec. na si Sonny Angara, at ang former National Youth Commissioner at Kapuso actor-TV host na si Dingdong Dantes.

Nabanggit nga ni Sir Wilson na naikuwento raw sa kanya ni Dingdong na nu’ng buntis si Marian Rivera sa panganay nilang si Zia, everyday, tuwing 3 AM ay naghahanap ang aktres ng pandesal. 

So, ‘yun pala ang pinaglihian ni Marian kay Zia.  

Anyway, kaya namin nasabing “Celebrity Bakeshop” ang Kamuning Bakery ay dahil puro mga sikat at big time celebrities lang naman ang mga naging kostumer na rito like sina Pangulong Bongbong Marcos, VP Sara Duterte, dating VP Leni Robredo, Sen. Imee Marcos, Cong. Richard Gomez, sina the late Ms. Susan Roces (na paborito raw ang egg pie), Ms. Amalia Fuentes (pan de suelo naman ang paborito), Nida Blanca (suki ng pan de coco) at Gloria Romero, at Ms. Charo Santos-Concio (na minsan daw ay naka-pambahay lang ‘pag bibili ng tinapay). 

Naabutan naman daw minsan ni Sir Wilson si Julia Barretto na bumibili ng tatlong tinapay sa kanyang bakery. Ginamit pa raw ni Julia sa vlog nito ang binili at ikinumpara sa tinapay ng ibang bakeshop, at proud si Sir Wilson na ang top 2 ni Julia ay galing sa Kamuning Bakery.

Samantala, sikat din sa KB ang pan de Nora na tribute sa the late Superstar at National Artist na si Nora Aunor. 

Kaya tinanong namin si Sir Wilson kung kelan naman ilo-launch ang pan de Vilma. Natuwa siya at iimbitahin daw niya si Batangas Gov. Vilma Santos sa launching na aniya ay napakabait nang ma-meet niya nang personal at binigyan pa niya ng pandesal.

Dream din niyang makabisita si Coco Martin sa KB at pan de coco naman daw ang ibibigay niya sa Kapamilya action star, gayundin si Sen. Robin Padilla na never pang nakapunta sa Kamuning.

Kahit daw si the late Rudy Fernandez ay nakapunta na rin sa Kamuning Bakery. Favorite naman daw ng biyuda nito na si Ms. Lorna Tolentino ang egg pie.

Si Marian, “kalihim” ang paborito sa KB at ininterbyu pa si Sir Wilson. Si Anne Curtis, nag-baking session din sa bakeshop at nagtinda pa nga raw ng pandesal na nai-feature sa isang international lifestyle show.

Fan daw si Sir Wilson ni Anne na maganda na ay matalino pa. Mahilig daw kasi itong magbasa ng libro.

So, suggestion namin, sa dami ng celebrities na nakapunta sa Kamuning Bakery na may kani-kanyang kuwento, maganda sigurong ilagay sa coffee table book, devah?!

TV host, kahit mas unang nakagawa ng movie roon… KATHRYN, NAUNAHAN PA SI KRIS NA MAGKA-WAX FIGURE SA HK

ni Janiz Navida @Showbiz Special | October 16, 2026

Photo: IG _bernardokath

Nasa Season 11 na pala ngayon, simula sa October 25, ang very successful and award-winning lifestyle and travel show hosted by Valerie Tan, ang I Heart PH na napapanood sa GTV every Sunday at 11:30 AM.

Sa ginanap na mediacon yesterday sa Winford Hotel para sa bagong season ng I Heart PH, ibinalita ng TV host na Hong Kong adventure naman ang ipi-feature nila sa show this time kung saan ka-collab nila ang Hong Kong Tourism Board (HKTB) para maipakita ang iba’t ibang magagandang pasyalan sa HK, ganu’n din ang modern lifestyle roon at ang masasarap na food na dinarayo ng mga turista.

Four episodes ang mapapanood sa I Heart PH na magpi-feature ng adventure ni Valerie sa HK.

When asked kung sino ang gusto sana niyang makasama roon para ma-explore ang HK, inamin niyang si Kris Aquino dahil super idol daw niya ito.

• 

• 

• 

Matagal na raw niyang hinahangaan si Kris dahil kayang-kaya nitong makipag-usap kahit kanino – mapasa-masa o sa pinakamataas mang tao. Si Kris din daw ang nagpauso nu’ng “Be yourself” bago pa man ito i-adapt ng iba.

And when asked kung sino namang HK celebrity ang gusto niyang ma-interview, of course, ang action superstar daw na si Jackie Chan! Gusto raw malaman ni Valerie ang buhay nito hindi lang bilang artista kundi bilang tatay din.

At sa tanong namin kung sino ang Fililpino celebrity na puwedeng mag-represent sa ‘Pinas sa Hong Kong, ani Valerie, naniniwala siyang sina Kathryn Bernardo at Alden Richards ang pinaka-da best dahil kilalang-kilala sila ng marami ru’n nang gawin nila ang pelikulang Hello, Love, Goodbye.

Hindi nga lang masagot ni Valerie kung bakit nga ba si Kathryn lang ang may wax figure sa Madame Tussauds sa HK samantalang dalawa naman sila sa movie.

At kahit ang HKTB Regional Director for Southeast Asia na si Ms. Chian Jia “CJ” Liew na nandu’n din sa mediacon, clueless nang tanungin namin kung bakit sa tingin niya, si Kathryn pa lang ang may wax figure kasama nina Sen. Manny Pacquiao, Pia Wurtzbach, Catriona Gray at Anne Curtis, gayung nasabi ni Valerie na sikat na sikat din si Kris Aquino sa HK.

Remember, gumawa rin ng movie si Kris noon sa Hong Kong, ang Magic to Win kasama ang mga HK actors na sina Raymond Wong, and Roger Kwok.

Well, sabi na lang ni Ms. CJ, hindi siya ang tamang taong makakasagot sa criteria ng Madame Tussauds.

Ang masasagot daw niya ay ang mga tourist spots sa Hong Kong na magandang puntahan bukod sa sikat na sikat na HK Disneyland.

Well, sa mga first-timers sa HK, better watch I Heart PH para at least, bago kayo magpunta ru’n ay may itinerary na kayo at hindi mag-waste ng time and money.

Ang I Heart PH ay produced ng TV8 Media Productions.

---

Taga-Visayas, ‘di na kailangang tuntunin… 

KASAL NG GUWAPONG AKTOR SA BYUTING SEXY ACTRESS, RICH GAY BENEFACTOR ANG GUMASTOS

• 

BLIND ITEM:

HINDI na bago ang kuwento ng mga guwapong aktor na pumapatol sa rich gay.

Kahit pala nu’ng ‘90s, usung-uso na rin sa mga kabataang aktor noon ang pagkakaroon ng rich gay benefactor dahil hindi naman regular ang kita sa showbiz. 

Paldo sila kung sunud-sunod ang mga projects mapasa-movies o TV. Pero ‘pag natapos ang isang project at wala pang kasunod, paano na?

Kaya ‘yung guwapong aktor na in fairness ay aktibo pa rin naman ngayon, although tatay roles na lang lagi ang naibibigay sa kanya, eh, nabuhay din pala dahil sa tulong ng rich gay businessman na kilala sa Kabisayaan.

May ilang branches ng motor shop sa Visayas ang rich gay at matagal niyang nakarelasyon ang guwapong aktor na magaling ding umarte.

Minahal nang todo ng rich gay ang kanyang poging papa at lahat ng luho nito ay bigay-todo siya. 

Pero dumating ang time na na-in love si guwapong aktor sa magandang aktres na super sexy naman kasi nu’ng kanyang kabataan at isa sa mga pinapantasya noon. Sineryoso ng guwapong aktor ang sexy actress at umabot nga sila sa pagpapakasal.

And would you believe, ang rich gay businessman pa pala ang gumastos sa magarbong kasal ng guwapong aktor at magandang sexy actress!

Wow! Ibang magmahal ang rich gay businessman at nang magdesisyon ang aktor na mag-aasawa na nga ay buong-puso siyang nagparaya.

Ayon sa aming source, knows ni wifey ang nakaraan ng guwapong aktor at tanggap niya ito. Hindi na rin niya kailangang tuntunin pa kung nasaan ang rich gay businessman dahil masaya na ito sa buhay niya ngayon.

Kinumpirma ng manager… BEA, ‘DI PA BUNTIS, MAS DUMAMI ANG ENDORSEMENTS NANG MAG-ASAWA

ni Janiz Navida @Showbiz Special | October 15, 2026

Photo: Bea Alonzo - IG

Matapos ang matagumpay na Puregold CinePanalo Film Festival, ang pagbubukas ng unang Puregold Teatro Panalo naman ang pinaghahandaan ng team ni Ms. Ivy Hayagan-Piedad, ang Festival Chairperson ng bagong proyekto na mula sa kumpanyang pag-aari ng pamilya ni Mr. Vincent Co, na mister na ngayon ng aktres na si Bea Alonzo.

Kahapon ay naganap na nga sa Gateway Cineplex 16 ang announcement ng mga entries na pasok sa first Puregold Teatro Panalo, kung saan mula sa 373 istoryang isinumite, 12 lang ang masuwerteng napili para mapasama sa mga finalists.

Ang mga napiling playwrights ay tatanggap ng P100K each bilang kanilang talent fee.

Ayon kay Ms. Ivy, “It was encouraging to see how many Filipino storytellers are eager to share their work, and it made choosing only 12 plays especially difficult. They remind us how much Filipino theater has to offer, how life experiences offer authentic connections, and how important it is to create more opportunities for these stories to find their audience.”

Dagdag pa nito, “With Puregold Teatro Panalo, we hope to give these works the stage they deserve and, in our own way, help Philippine theater continue to grow.”

Ang 12 finalists – 8 straight plays and 4 musicals – na kasama sa first Puregold Teatro Panalo ay ang mga sumusunod: The Girl Scout Law by Rhain Arabella Alcoriza; True To Life by John “Sweet” Lapus; Trahedya ng Kamote by Marjay S. Manalastas; The Boy Foretold by The Stars (One Act Play) by Dolly Dulu; Nothing But Dreams by Ricardo C. Novenario; Youngstunna by Jerom Andrei M. Canlas; Walang Maliit na Bagay by Joshua Lim So; @Home by Edralin Cabrera, Kathlyn Castillo, Michael Ian Lomongo, Marjorie Lorico, Maria Teresa Jamias at J Victor Villareal; Ang Maayong Balita Sumala Kang Bibo Bautista by Jude Thaddeus M. Gitamondoc; Baka Mali ang Tamaraw by Emmanuel Benbinuto Antonio; Manang-Mana Nga! by Steven Hotchkiss; at The Fourth Wall Has Fallen by Heber Justin P. O’Hara.

Nagsama-sama naman ang mga respetadong theater luminaries sa bansa sa pagpili sa 12 finalists. Kabilang dito sina NCCA SUDI National Music Awardee, two-time Palanca Award-winning playwright and Festival Director Vincent De Jesus; two-time Philstage Gawad Buhay! Award-winning Director Jenny Jamora; five-time Palanca Award-winning playwright Liza Magtoto; actor, award-winning film director and producer Marion Rivera; and theater artist, lyricist and Palanca Awards Hall of Famer Atty. Nicolas Pichay.

Kasama rin sa Screening Committee sina Dr. Layeta Bucoy and Allan Lopez at Artistic Adviser, National Artist for Film and Broadcast Arts Ricky Lee.

Sa February, 2027 inaasahang mapapanood ang mga naturang plays na kasali sa Puregold Teatro Panalo.

---

TV host, nawalan daw ng kaibigan nang magkasakit… SWEET KAY KRIS: TIME NA PARA MAGHANAP KA NG NEW FRIENDS

• 

NAKAUSAP namin si John “Sweet” Lapus after ng announcement ng Puregold Teatro Panalo kung saan isa nga ang play na isinulat niya titled True To Life sa mga finalists.

Ayon kay Sweet, hindi naman eksaktong buhay niya ang ikukuwento sa play pero maraming karanasan niya sa buhay ang ita-tackle rito tulad ng depression at mental health issues na tiyak na maraming members ng LGBTQIA Community ang makaka-relate.

Masayang-masaya si Sweet na after ng Taksyapo!, a breakout one-act comedy play na isinulat niya at napasama sa main lineup ng Virgin Labfest XXI (VLF 2026) at the Cultural Center of the Philippines (CCP), heto at nakapasok naman ang True To Life sa Puregold Teatro Panalo.

Kuntento siya sa buhay-teatro niya at marami na raw nagbago sa kanya mula nu’ng 20 yrs. ago na active pa siya sa movies and TV.

Samantala, nakumusta namin kay Sweet ang dati niyang close friend na si Kris Aquino. Inamin ng komedyante-writer na mula nang magbalik-‘Pinas si Kris, hindi pa sila uli nagkita o nagkausap. 

Ang alam daw niya ay nagpalit na ng number si Kris kaya hindi rin niya ma-text, pero wish niyang maging okay ang health nito.

Tinanong namin si Sweet sa nasabi noon ni Kris na ang feeling niya, nu’ng namatay ang kanyang Kuya Noynoy Aquino at nagkasakit siya, nawala rin ang mga kaibigan niya sa showbiz.

Sabi ni John Lapus, “I had the same experience. Sad ‘yung ganu’n. But I’m sure mabait na tao naman si Kris, madaragdagan pa siya ng kaibigan siguro. Baka it’s about time to find new friends. Ako, ‘yan ‘yung ginagawa ko. I’m in the process of finding new friends kasi napansin ko, in the past of 10 or 15 yrs., nagbago ang set of friends ko.”

Pero nilinaw naman ni Sweet na wala silang issue ni Kris. 

Well, malay natin baka mabasa ‘to ni Kris at maalala niya na minsan din silang naging super close ni Sweet.

---

• 

NAKATSIKAHAN din namin kahapon si Sir Chris Cahilig na Festival Director ng Puregold CinePanalo Film Festival at manager ng misis ni Sir Vincent Co na si Bea Alonzo.

Tinanong namin si Sir Chris kung ano na ang mga projects ni Bea at kung totoo bang buntis na ito dahil marami na ang nag-aabang sa magiging first baby nila ni Sir Vincent.

Pinabulaanan ito ni Sir Chris dahil bising-busy daw ngayon si Bea sa pagtatrabaho at in fact, mula nang hawakan niya ito after ikasal ang aktres, ang dami na raw endorsements na pumasok.

Wala naman daw clause sa mga endorsements na bawal magbuntis si Bea at aminado si Sir Chris na kahit ang mga brands na kumukuha rito ay excited na ring malamang magkaka-baby na sila ng billionaire businessman.

Kaya nga abangan natin, malamang kapag nabuntis si Bea, maging endorser din siya ng mga maternal milk. 

At wala naman daw tutol si Sir Vincent kung ituluy-tuloy lang ni Bea ang pagtatrabaho kahit misis na ito dahil kahit nga raw ang mommy ng negosyante, working mom din noon.

Eh, di very good news ‘yan!

---

IPAGDIRIWANG ng Kamuning Bakery ang World Pandesal Day bukas, Oktubre 16, at 10 AM kung saan special guest of honor sa taunang selebrasyon ang Movie Workers Welfare Foundation (Mowelfund) chairman at award-winning actress na si Ms. Boots Anson Roa.

Aabot sa 100,000 pandesal ang ipamimigay with cheese and fruit jams at iba pang pagkain bilang advocacy ng Fil-Chinese businessman na si Sir Wilson Lee na makatulong sa paglutas ng kagutuman sa bansa.

So, kung gusto n’yo ng free pandesal, go na sa Kamuning Bakery sa Biyernes!