JAMIE, TODO-REKLAMO SA SOCMED PERO AYAW IWAN SI BARON

by Janiz Navida @Showbiz Special | September 7, 2026

Photo: IG jamie.marie.geisler

Bagama’t burado na sa Thread account niya ang post ng misis ni Baron Geisler na si Jamie Evangelista-Geisler na “Is it normal for an alalay/maid/PA to sleep in the same bed as her married employer? Morally acceptable? Asking for a confused wife?” agad itong nag-viral sa social media kahapon matapos na isang netizen ang nakapag-screenshot nito at ipinost sa Reddit.

Nagkaroon ng samu’t saring opinyon at komento ang naturang post ng naging statement ng misis ni Baron, dahil kahit hindi naman tuwirang tinukoy kung sino ang pinatutungkulan o para kanino ito, iisa ang naging espekulasyon at conclusion ng mga nakabasa – mukhang may marital problem na naman ang dalawa.

Kung matatandaan kasi ay may una nang naging social media post ang psychiatrist na misis ni Baron na pinaniniwalaang patutsada nito sa asawang aktor.

Nu’ng July, 2026 lang nang mag-post si Jamie ng: “Find a drug rehabilitation sponsor who can help you address the root cause of your problems. I doubt a facial can heal that.”

Hindi pinatulan o sinagot ni Baron ang hirit ng misis kaya hindi na lumaki ang isyu.

Sa bagong post ni Jamie, ito naman ang reaksiyon ng mga netizens (published as is)…

“If totoo, wasak ang enlightened image ni baron geisler.”

“If its true, iwan nalang niya si Baron. It’s becoming a cycle. She keeps posting their dirty laundry on the internet. Plus yung thought pa na Baron was her patient diba?”

“Anyway, kung totoo man yan na si Baron and she has proof eh di kasuhan niya. Iwan na din niya for her own peace of mind. Mamaya next thing we know, magiging okay uli sila then magpopost uli ng kalat.”

“baron is a drunk but shes a diff type of weird. diba psychologist sya and patient nya si baron?”

“Matagal na yan nagccheat sa asawa niya. Nakasabay ko na sya sa elevator a before sa condo malapit sa abs cbn. May kasamang babae na short hair and around 20ish lang then nkaakbay siya lol.” 

Samantala, kung may ilang humuhusga kay Baron, meron din namang naiinis sa pagiging martir na misis ni Jamie.

“Reklamo tapos di naman kaya iwanan, so paulit ulit lang.”

“may sakit talaga ang mga ibang babae na akala nila mababago pa nila ang lalaki.”

‘Yun na! Bukas ang panig namin kay Baron Geisler.

---

Spotted, aktor tinawag na groomer at pedo…

ENRIQUE, BALOT NA BALOT, 18-ANYOS NA GF, PARANG NAKA-SWIMSUIT HABANG NAGSA-SHOPPING SA MAKATI

TRENDING din ngayon at pinagpipiyestahan ng mga Marites sa social media ang nai-post sa Reddit na short video clip na spotted na nagsa-shopping sa isang mall sa Makati ang aktor na si Enrique Gil at ang rumored girlfriend na si Andrea Brown na 18 yrs. old na raw ngayon.

Bagama’t hindi na maituturing na minor si Andrea kung totoong 18-anyos na nga ito ngayon, ayaw pa ring tigilan si Quen (palayaw ni Enrique) ng mga bashers niya sa socmed dahil nang unang kumalat ang diumano’y relasyon nila ay 16 or 17-anyos lang yata si Andrea.

May mga netizens ngang ‘groomer’ at ‘pedo’ ang tawag kay Enrique dahil 34 yrs. old na ito at malaki ang age gap kay Andrea. 

Anyway, bukod sa age gap, naging issue rin sa mga netizens ang pormahan o OOTD (outfit of the day) nina Enrique at Andrea nang makita silang nagsa-shopping sa mall.

Naka-grayish white sweatshirt at pants kasi si Enrique na animo’y lamig na lamig dahil naka-hood pa ito. In short, balot na balot daw mula ulo hanggang paa. Habang ang suot ng GF niyang si Andrea ay black long sleeves body fit swimsuit na halos makita naman na ang kuyukot sa konting yuko nito.

Reaksiyon ng mga netizens (published as is)… 

“bakit siya nagtatago? di proud.”

“Feeling dudumugin”

“Proud na proud si enrique na pedo siya”

“Grabe neneng nene pa yung katawan. Grabe ka Enrique!”

“Binibigyan niya lang ng regalo si pamangkin.”

“Akala ko naka swimsuit si girl. Kabaligtaran nung groomer na balot na balot.”

“Bat naman kita na kuyukot”

Oh, ‘di ba? ‘Pag tsismis talaga, ang daming time ng marami sa atin. Hahaha!

Baby bump, obyus na, Paulo… KIM, 3 MONTHS BUNTIS NA RAW

by Janiz Navida @Showbiz Special | September 5, 2026

Photo: IG _chinitaprincess

Trending ang ilang video reels na ipinost ni Kim Chiu kahapon sa kanyang Facebook page – merong 7.6 M views, 3.3 M views at 1 M views.

Ang laman ng mga naturang FB reels ay ang kapansin-pansing laki ng tiyan ni Kim habang nagho-host at slight na sumasayaw sa It’s Showtime.

Bagama’t loose dress na may blazer na pang-ibabaw ang suot ni Kim, ang unang mapapansin sa kanya ay ang bahagyang umbok sa kanyang tiyan.

Kaya naman sa comment section, mababasa ang hula ng ilang netizens na 3 months na raw siguro ang ipinagbubuntis ni Kim.

Although, hindi naman ito ang first time na natsismis na buntis ang aktres courtesy of her rumored boyfriend na si Paulo Avelino. Ilang linggo na rin kasing napapansin ng mga fans ni Kim at ng KimPau fanatics nila ni Paulo na may baby bump ang aktres, pero ang paliwanag nga ni Kim, sa suot lang daw niyang damit.

But lately, kaya ayaw matigil ang tsismis kay Kim ay dahil maraming nakakapansin na puro maluwang nga ang mga isinusuot niyang damit, at pati raw paggalaw nito ay parang ingat na ingat, gayung kilala ng mga fans na may pagka-galawgaw ang aktres.

Well, kung sakali mang buntis nga ang Chinita Princess kahit ‘di pa ito ikinakasal, tanggap naman daw ng kanyang mga fans at fans nila ni Paulo at hindi siya idyina-judge ng mga ito dahil nasa tamang edad naman na raw si Kim.

Mas happy pa nga ang mga fans na mabuntis na siya, at least daw, sure nang may baby siya kahit hindi magpakasal.

---

Ian, laglag pa rin… 

LOTLOT, IPINAGSIGAWANG PROUD SA MGA UTOL NA SINA MATET, KIKO AT KENNETH

GUEST kahapon sa Fast Talk with Boy Abunda si Ms. Lotlot de Leon at siyempre, hindi pinalagpas ni Tito Boy Abunda na kumustahin ang relasyon ng aktres sa kanyang mga kapatid.

Sa sinabi pa lang ni Lotlot na “I’m just proud of Matet, Kiko and Kenneth for being the best parents that they can be for their children,” na-feel na naming hindi pa rin sila okay ng kanyang kapatid na si Ian de Leon.

Kung matatandaan, ilang buwan na ang nakararaan ay naging mainit na isyu sa showbiz ang tampuhan ng biological son at mga adopted children ni the late Superstar Nora Aunor dahil sa usapin ng mana at foundation na itinayo ni Ian nang hindi raw ipinaalam sa kanyang mga kapatid.

And true enough, na-confirm naming hindi pa nga rin talaga nagkakaayos ang magkakapatid dahil sa tanong ni Tito Boy kung naniniwala ba si Lotlot na maaayos din ang gulo sa kanilang magkakapatid, ang sagot ng aktres ay,

“Ipinapasa-Diyos ko na lang, Tito Boy. In God’s time. Ayokong pangunahan ang Panginoon.”

Inamin din ni Lotlot na hindi pa talaga sila nakakapag-usap ulit ni Ian after ngang magkaroon ng hindi pagkakaunawaan.

Sa kabila nito, sabi ni Lotlot, “But you know, whatever his plans are, I wish him well. I wish him well. I wish him to succeed. I wish him all the best. Basta ako, as I said, I’m focusing on myself, Tito Boy, sa mga anak ko, sa trabaho ko. And kung kailangan ako ng mga kapatid ko, I will always be there.”

Samantala, natanong din ang aktres tungkol naman sa relasyon ng panganay niyang si Janine Gutierrez sa boyfriend nitong si Jericho Rosales.

Sa tanong ni Tito Boy na, “Boto ka kay Jericho Rosales?” ang bilis ng sagot ni Lotlot na, “I love him. Yes, very much. He’s such a wonderful man. Napakabait na tao.”

Nilinaw din niyang nasa edad na si Janine para magdesisyon para sa sariling buhay nito.

“Hindi na kailangang magpaalam sa akin ni Janine. Kung anuman ang desisyon ng anak ko, I’d like to think I’ve raised my daughter with good heart. Hopefully, she makes the best decision for herself. I trust her very much,” ayon kay Lotlot.

At sa tanong kung handa na ba siya sakaling magsabi na ang dalawa na magpapakasal na, “Handa ako. Handa na ako ru’n. Matagal na.” masayang pahayag ng aktres.

---

RAIN or shine, tiniyak ni Charity Diva Token Lizares na tuloy na tuloy ang kanilang The Blessed One Concert for a Cause ngayong September 5 sa L’Fisher Hotel sa Bacolod at 7 PM.

Ang concert na ito na pre-birthday gift kay Mama Mary (on Sept. 8) ay para sa dalawang foundations na tinutulungan ni Tita Token – ang Capuchin Tertiary Sisters of the Holy Family (nangangalaga sa mga underprivileged and abandoned children) at Servants of Mary (na tumutulong naman sa mga sick and poor children).

Dalaga pa lang ay singer na si Tita Token at nagtrabaho rin abroad bago naging businesswoman dito sa ‘Pinas. May mga sarili na rin siyang negosyo pero patuloy siyang nagpo-produce at nagpe-perform sa concert hindi para sa kanyang sarili kundi para sa mga madreng tinutulungan niya, gayundin ang mga maysakit at nangangailangan.

Todo-pasalamat din si Tita Token dahil tulad niya, may mga kapwa singers siyang naglalaan ng panahon at handang mag-share ng kanilang talent para makatulong sa mga beneficiaries ng concert.

Kabilang sa mga special guests na makakasama ni Tita Token sa The Blessed One sina Mitch Valdez, Jun Polistico, Patricia Javier, Lance Raymundo, Radha, John Ryan Englis at Moments Band.

Thankful and grateful din daw si Tita Token sa mga kaibigang nag-i-sponsor at bumibili ng tiket para maging successful ang The Blessed One. 

Well, no wonder Charity Diva ang title ni Tita Token Lizares dahil napakawagas ng puso niya sa pagtulong. 

BARBIE, ‘DI MA-TAKE NA VIRGIN PA RIN

by Janiz Navida @Showbiz Special | September 4, 2026

Photo: IG _barbaraforteza

Super laughtrip movie ang Saving Cherry ng Regal Entertainment na pinagbibidahan ng Kapuso actress na si Barbie Forteza, kasama ang mga gumanap na dabarkads niyang sina Mikee Quintos, AC Bonifacio, Mika Salamanca at Sassa Gurl.

Bagama’t may mga drama scenes din naman sa pelikulang palabas na simula nu’ng September 2 pa, mas marami ang comedy scenes at achieved na achieved talaga ng direktor na si Direk Ivan Andrew Payawal na mabigyan ng kakaibang level of entertainment ang mga moviegoers sa ginanap na premiere night nito nu’ng Martes, Sept. 1 sa Gateway Cinema 11.

Pak na pak ang mga comedy scenes ni Barbie with her dabarkads at maloloka ka na lang sa mga trip nila bilang magkakabarkada.

Ibang klase si Barbie sa movie na ‘to bilang si Cherry, ang bride na sa unang gabi pa lang ng kasal ay pinagtaksilan na ng asawang ginagampanan ni Khalil Ramos.

Napakahusay ni Barbie sa pagbibitaw ng bawat linya, mapa-drama o comedy. Kung para sa iba, may pagka-exagg ang kanyang acting, mas maraming naka-appreciate ng pagiging aktres ni Barbie na mahirap mapantayan ng mga kakontemporaryo niya ngayon sa showbiz.

Aliw much kami sa eksenang paulit-ulit na sinasabi ni Barbie ‘yung “Virgin pa rin ako?” na may iba’t ibang emosyon at todo-support naman sa kanyang pinagdaraanan sina Mikee, AC, Mika at Sassa.

Kung nakilala si Barbie sa mga roles na wholesome o tamang pa-cute o pa-demure lang, dito sa Saving Cherry, wild na wild siya to the point na siya ang naghahanap ng lalaking ‘wawasak’ sa kanyang pagkababae. Hahaha!

• 

• 

• 

Grabe ang tawanan sa loob ng sinehan at paulit-ulit naming narinig ‘yung “Ang husay-husay ni Barbie!”

Agree kami na si Barbie ang isa sa mga artista ngayong tatagal sa industriya ng ilang dekada hindi lang dahil sa kanyang husay kundi maging sa kanyang propesyonalismo at dedikasyon sa trabaho bilang aktres.

In fact, maging ang Regal Entertainment producer na si Ms. Roselle Monteverde ay bilib na bilib at puring-puri si Barbie sa galing niya sa Saving Cherry, kaya hindi malayong magkaroon pa ng Part 2 o kasunod na project si Barbie sa Regal Entertainment.

Bukod sa mga nabanggit, kasama rin sa cast ng Saving Cherry sina Joey Marquez, Almira Muhlach, JC Alcantara, Kokoy de Santos, Monina Lawrence at introducing si Than Perez.

Showing na ngayon in all cinemas nationwide ang Saving Cherry at kung gusto n’yong mawala ang stress n’yo, heto ang panoorin n’yo, mga Ka-BULGAR!

---

KATHRYN, LAGLAG NA SA MGA ANAK-ANAKAN NI SHARON 

SA guesting naman ni Sharon Cuneta kahapon sa Fast Talk with Boy Abunda, puring-puri ni Megastar ang kanyang co-star sa Honor Thy Mother TV series at bagong anak-anakan sa showbiz na si Barbie Forteza.

“She’s not a good actress. She’s a great actress,” ang papuri pa ni Mega kay Barbie, sabay pag-aming mas close na sila ngayon dahil mas nakilala na nila ang isa’t isa sa taping ng Honor Thy Mother.

Sinabi rin ni Ate Shawie na bukod kay Barbie, itinuturing din niyang anak-anakan sa showbiz sina Julia Montes, Alden Richards, Julia Barretto at Khalil Ramos na kasama rin nila ni Barbie sa Honor Thy Mother.

Wait, parang may kulang. Nakalimutan lang kayang banggitin ni Ate Shawie ang name ni Kathryn Bernardo na nang makasama niya noon sa Three Words to Forever movie with Richard Gomez ay sinabi rin niyang anak-anakan niya at boto pa nga raw siya kung sakaling sina Kathryn at Alden ang magkakatuluyan.

Hmmm… ‘Wag naman sanang ipako sa krus si Ate Shawie ng mga fans ni Kathryn, ‘no? Mukhang ‘di naman intentional ‘yung ‘di niya pagkakabanggit sa name ni Kathryn.

---

Patay talaga tayo d’yan!

AKTOR-DANCER, NAGHUBAD NG SAPATOS, AMOY-PATAY NA DAGA ANG PAA

• 

BLIND ITEM:

HEARTTHROB nu’ng kanyang kabataan ang guwapong aktor-dancer. Maraming nagkaka-crush sa kanya hindi lang sa showbiz kundi pati mga fans ay pinapantasya siya.

Dahil sikat na sikat siya noon, may team mula sa isang broadsheet (writer kasama ang kanyang mga photographers) ang nag-request na ma-interview ang aktor at mai-feature ang kanilang bahay.

Mabait naman daw ang aktor at madaling kausap. Very accommodating din ito at tinanggap sa kanilang bahay ang team na magpi-feature sa kanya.

Ang eksena, nauna raw na dumating ang team sa bahay ng aktor at dahil pauwi pa lang ang aktor na galing kung saan, pinaghintay sila sa sala.

Malinis sa bahay ang pamilya ng aktor kaya bawal ipasok sa loob ang mga sapatos.

Bago pumasok sa sala, isa-isa nilang tinanggal ang kanilang mga sapin sa paa at wala namang nagreklamong may naamoy na mabaho.

Pero heto na, nang dumating ang aktor at nagtanggal ng shoes bago pumasok sa bahay, shookt ang team na waiting galore sa kanya dahil biglang nag-iba ang simoy ng hangin, biglang umalingasaw sa sala ang amoy patay na daga!

Nagkatinginan ang writer at mga photogs niya dahil iisa ang laman ng isip nila – amoy-patay na daga ang paa ng aktor.

Well, gusto na sanang umatras ng team, pero bilang mga propesyonal, nang yayain sila ng aktor ay sumunod naman sila para makunan ang loob ng room nito.

Naka-aircon ang room ng aktor, kaya can you imagine ang hitsura ng writer at mga photographers habang magkakaharap silang nag-uusap nang nakaupo sa sahig nang naka-cross legs at naaamoy nila ang amoy-patay na dagang paa ng aktor?

Tawang-tawa kami sa chika ng aming source na akala raw niya ay katapusan na ng buhay nila ‘yun dahil halos malason sila sa mabahong amoy ng paa ng aktor.

Well, may-edad at asawa na ngayon ang aktor, kaya siguro naman, naaalagaan na ng kanyang asawa ang hygiene niya, dahil kung hindi pa rin, baka mabalitaan na lang nating naghiwalay sila dahil sa… amoy-patay na dagang paa ng aktor!

Naku po, ‘di na kami magbibigay ng clue at patay talaga tayo d’yan ‘pag nahulaan ng aktor ang sarili niya.