Walang “K” ang nagpagawa ng bahay na angkinin ang disenyo ng arkitekto

ni Atty. Persida Rueda-Acosta - @Magtanong Kay Attorney | November 18, 2020

Dear Chief Acosta,

Ako ay may kinuhang arkitekto para ipagawa ang aming bahay ngunit hindi natuloy ang aming pagpapagawa dahil sa problemang pinansiyal. Maaari ba naming kunin ang mga iginuhit niya para sa amin? – Monica

Dear Monica,

Para sa inyong kaalaman, sang-ayon sa Section 33 ng Republic Act No. 9266, o mas kinikilala bilang “The Architecture Act of 2004:”

“SECTION 33. Ownership of Plans, Specifications and other Contract Documents. - Drawings and specifications and other contract documents duly signed, stamped or sealed, as instruments of service, are the intellectual property and documents of the architect, whether the object for which they are made is executed or not. It shall be unlawful for any person to duplicate or to make copies of said documents for use in the repetition of and for other projects or buildings, whether executed partly or in whole, without the written consent of architect or author of said documents.”  (Binigyang-diin)

Samakatwid, kahit hindi natuloy ang pagpapagawa ng inyong bahay, ang lahat ng mga dokumento tungkol dito ay pagmamay-ari ng nasabing arkitekto.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.