VIP daw dahil artista, kinuwestiyon ng netizen… ALICE, ABROAD UNANG NAGPATUROK NG PFIZER VACCINE,

SA 'PINAS NAGPA-2ND DOSE

ni Reggee Bonoan - @Sheet Matters | May 23, 2021

Kinuwestiyon ng netizen na si @liaaagrace_ ang aktres na si Alice Dixson dahil dito sa Pilipinas niya kinumpleto ang 2nd dose ng Covid-19 vaccine niya gayung nauna siyang tinurukan sa Canada noong Abril 8 base sa IG post nito.

Matatandaang nagtatanong pa noon si Alice kung available na ang Pfizer vaccine sa Pilipinas dahil plano niya ritong kumpletuhin, pero hindi pa nakararating noon ang nasabing brand kaya marami ang nagpayong tapusin na lang ng aktres ang 2nd dose niya sa ibang bansa.

Pero nitong Biyernes ay nag-post ng video si Alice na nagpaturok na siya ng 2nd dose.

Aniya, “I had my 2nd dose of Pfizer here! Dra. Grace Padilla is doing an excellent job at Sta. Ana Hospital. May Paris kudos. More good news for you-1500 vaccines tomorrow!!! Register na mga city mates.”

Nag-react si @liaaagrace_ sabay tag sa aktres, “ @alicedixson Hi! Isn’t the Pfizer roll-out in Manila only on its first dose pa lang, and only for people among the A1 to A3 priority group? I’m from Manila, A1, had my first dose of Pfizer last week. So, how come kayo po, fully vaccinated na?”

Sinagot naman ni netizen @ggbbyy10, “@liaaagrace_ I think she had her 1st dose in US.”

At tila nairita na si @liaaagrace_ dahil katwiran niya ay may nasayang na bakuna dahil sa aktres.

Tinanong din kung bakit nakapagpabakuna si Alice sa Maynila gayung hindi naman niya roon nakuha ang 1st dose.

“@ggbbyy10 what happens to her supposed second dose then? Vaccines delivered here come in two doses para assured na may second dose ‘yung tao. Eh, di nasayang lang 'yun? She had the privilege to get vaccinated in the US pala, sana tinapos na n’ya du’n. Nasayang pa ‘yung isang dose. Also, I’m from Manila too and they won't vaccinate you unless you show your Manila vaccination card showing na sa Manila ka rin nag-first dose. So how come she got vaccinated?”

Humihingi ng sagot ang netizen kaya si Manila City Mayor Isko Moreno naman ang itinag niya.

“@rdrgz.lloyd @iskomorenodomagoso Puwede po pala na sa Manila ‘yung second dose kahit hindi dito nagpa-first dose? Ano pa po ang use ng Manila vaccination card? As far as I know it’s required na naka-first dose ka sa Manila, right? Kasi ‘yung vaccines always in two doses. Mayor, please respond and enlighten us.”

Paliwanag ni @ggbbyy10 kay @liaaagrace_, “Hindi 'yun nasayang kasi nagamit naman n’ya. At initial doses pa lang ang dumating. May darating pa 'yan. And A1 ka kamo, so dapat alam mo na dapat, Pfizer din ang iturok sa kanya as 2nd dose kasi 'yun ang 1st dose n'ya. Vaccinated ka naman na, you have 21 days to wait pa for the upcoming doses. Alangang pabalikin mo pa siya sa US just to get her 2nd dose, eh, nandito na s'ya sa 'Pinas. So, sa'n mo s'ya papakuhanin if ever ng 2nd dose n'ya? Hayaan na lang natin na 'di makumpleto. Besides, na-vaccinate ka naman na. Suwerte ka na nga, Pfizer naiturok sa 'yo.”

Hirit ulit ni @liaaagrace_, “@ggbbyy10 'Yung natirang dose n'ya ang nasayang, dahil may isang tao na kukulangin ng second dose, dahil lahat ng order ay even numbers palagi, dahil dalawang doses nga per tao.

“Plus paano s'yang nakapag-second dose sa Manila? Sa vaccination sites, it needs to be in the Manila system na doon ka nag-first dose. The point is, hindi sumunod sa sistema, eh, di sana, tinapos na n'ya sa US. Bakit kailangan, 'Pinas 'yung mag-adjust for her?”

Hindi nakatiis si @revelynventura, “@liaaagrace_ Neng, grabe ka naman. She is also a Pilipino na kapag first dose siya sa US, kasi nandu'n s'ya para kunin 'yung anak niya at hindi na niya nahintay ang second dose niya kasi need na niya umuwi ng 'Pinas kasi may work siya, eh. 'Pag kasi kung ano 'yung first dose mo, 'yun din dapat ang second dose. Saka anong ipinagpuputok ng butse mo d'yan, taxpayer naman siya d'yan sa 'Pinas, hindi privilege 'yan, nagkataon lang dahil sa sitwasyon. Grabe talaga mga Pinoy, ang ugali, ewan."

Umalma si @liaaagrace, “@revelynventura Huh? Ano'ng grabe du'n? Eh, siya 'yung hindi sumunod sa sistema ng Manila vaccination? Clearly, sa vaccination sites, kung wala kang record ng first dose sa Manila at walang tatak 'yung vaccination card mo, hindi ka puwede ng second dose. Bakit 'pag artista, may exemptions? Pinoy s'ya, Pinoy ka rin, Pinoy din ako, Pinoy din ‘yung mga namamatay na hindi nakakuha ng bakuna. Equal citizens lang po tayo, so dapat lahat tayo, sumunod sa sistema. Kung may isang pagbibigyan, eh, di dapat, pagbigyan lahat, 'di ba? Gising na po. Good morning.”

At dito na sumagot si Alice, “@liaaagrace_ Given your account is private and possibly a troll I normally would not respond, but for the sake of others who are waiting for vaccinations pa, I’ll humor you for their benefit. @revelynventura & @ggbbyy10 already got it right with their responses!

"Ang puwede ko lang i-add: Our systems serve as a guide, as a general rule; however, in cases of extenuating circumstances requiring for eg. someone to return back to their country of origin, shouldn’t our system be flexible?

"Remove the ‘artista’ or special treatment out of the equation. Paano ka for example if you were in my shoes? What would you do? Ako kasi, inabangan ko po talaga ang pagdating ng Pfizer sa Pilipinas kaya nag-register din ako like everyone; Then, shinare ko dito ‘yun sites & link process. Other kababayans do not need Pfizer and can still get other brands as guided in the public info links provided. Know that everything will work itself out because more vaccines are coming & everyone will get vaccinated. Wala pong masasayang. Stay safe @rdrgz.lloyd.”