Anak nina Dra. Belo at Hayden… SCARLET, 11-ANYOS PA LANG, SOLO FLIGHT NA SA LONDON

ni Reggee Bonoan @Sheet Matters | July 24, 2026

Photo: IG _scarletsnowbelo

Sa edad na 11 ay susubukan na ng anak nina Dra. Vicki Belo at Dr. Hayden Kho na si Scarlet Snow Belo na maging independent dahil sa Harrow School sa London siya mag-aaral at doon din ang dormitoryo niya.

Ipinost ni Scarlet sa kanyang Instagram (IG) account ang mga larawan niyang nasa Harrow School at may bitbit na unan at maleta, kasama ang mga kapwa-estudyante.

Ang caption ng dalagita ay “POV (point of view): I traded a few days of comfort for a lifetime of growth.

“Spending time at Harrow School in London gave me a glimpse of boarding school life, challenged me to become more independent, and introduced me to friends from every corner of the world. Exploring law through one of the world’s most historic schools made the experience even more inspiring. I came home with new friendships, greater confidence, and a reminder that growth begins where your comfort zone ends.

“Thank you Dad and Mom for letting me have this experience!”

Nag-comment ang kanyang Ninong Jojie Dingcong, na manager din niya, “OMG! Yes, you are growing beautifully, wonderfully strong, our dear girl!!”

Komento rin ni Doc Hayden sa anak, “So proud of you, my love.”

Maraming celebrities at friends ng Belo family ang bumati sa bunsong anak ni Dra. Vicki. Pinayuhan din siyang mag-ingat palagi at ikinatuwa ng marami na pinayagan siyang maging independent ng kanyang mga magulang.

Early September pa ang simula ng pasukan sa Harrow School at Hulyo pa lang ay dinala na nina Doc Vicki at Hayden ang anak para masanay sa lugar at maayos ang mga kakailanganin nito sa eskuwelahan.

May video post naman si Doc Vicki kasama ang asawang si Doc Hayden na naka-sexy shorts habang ipinapasyal nila ang anak bago nila ito iwan doon at bumalik ng Manila.

Ang caption ng mom ni Scarlet, “A few beautiful memories from this trip. The best part of every trip will always be the time spent with family. Creating moments I’ll cherish forever. Until next time, London.”

Ang bilis ngang lumaki ni Scarlet na halos kasingtangkad na niya ang mommy niya. Parang kailan lang nang pinagkukuwentuhan pa namin siya ng Kuya Quark Henares niya na siya ang nagbigay ng pangalan ng bunsong kapatid.

---

NAKITA namin ang larawan nina Jolina Magdangal at TV5 executive Enrico C. Santos na ipinost ng huli sa kanyang Facebook (FB) account kaya tinanong namin kung ano’ng project ito.

Binanggit sa amin na balik-tambalan nina Jolens at Marvin Agustin na mapapanood sa Kapatid Network sa umaga.

“Morning series s’ya,” kaswal na sagot ni ECS (tawag namin kay Enrico).

Naalala namin ang hit series ng ABS-CBN na Be Careful with My Heart (BCWMH) nina Jodi Sta. Maria at Richard Yap na tumagal nang mahigit dalawang taon, mula 2012 hanggang 2014.

Nabanggit na makakasama ng MarJo love team si Dominic Ochoa at ilang Star Worx artists na pinasisikat ng TV5.

Inamin din ni Enrico na silang dalawa ni Ginoong Guido Zaballero, presidente at CEO ng TV5, ang nag-offer kina Marvin at Jolina na magbalik-serye silang dalawa.

Tinanong namin kung sino ang direktor.

Ang sagot, “Si Roman Perez at s’ya rin ang line producer.”

“Huh, ‘di ba’t pawang sexy at action ang ginagawa niyang pelikula sa Vivamax?” tanong namin kay Enrico.

“Kenkoy ‘yun!” sagot kaagad sa amin.

Sabi pa, “Dating drama and comedy ng ABS-CBN at GMA ang project n’ya.”

Para sa working title ng MarJo series, “Ano ba ang mas magandang title, Mommy Guard o Guard Ko si Babe?”

Sinagot namin na Mommy Guard para mas madulas ang pagbigkas, at nag-thumbs up naman si ECS.

Pero huli naming naisip na mas maganda ang Guard Ko si Babe para may recall dahil ito ang tawagan ng dalawa sa pelikula nilang Hey, Babe (HB) noong 1999 at ito rin naman ang term of endearment nila.

Kaya lang baka gusto namang maiba ni ECS ang tawagan ng MarJo para hindi magmukhang sequel.

“Hindi,” ang sagot ni Enrico sa tanong namin kung mag-asawa ang role ng MarJo.

At kung hindi magbabago ang plano ay sa October daw ito eere sa TV5.

Ibinuking ni Ogie… MGA ARTISTANG NAG-EENDORSO NG ONLINE GAMBLING, ‘DI NAGLALARO

ni Reggee Bonoan @Sheet Matters | July 23, 2026

Photo: IG _ogie_diaz

Karamihan sa mga kilalang personalidad ay endorser ng online gambling na nagsimula two years ago at ngayon lang naging trending dahil ipinagbabawal na ng gobyerno ang promo at advertisement.

Ang online gambling ang naging solusyon ng ilang negosyante para sa mga kliyenteng hindi physically nakakapunta sa mga casino. At dahil dumami ito, naalarma ang gobyerno dahil maraming na-addict na naging dahilan ng pagkasira ng buhay ng karamihan.

Katuwang ang Department of Information and Communications Technology (DICT) at mga digital platforms, ipinagbawal na rin ang mga promosyon na ginagawa ng mga social media influencers, celebrities, at vloggers na nag-a-advertise ng mga online gambling platforms.

Kaya ang ilang celebrities at social media influencers ay binabanatan ngayon ng mga netizens dahil sa endorsements nila.

Isa ang content creator-host na si Ogie Diaz sa mga umaming naging endorser din siya for a while, pero itinigil na niya dahil una sa lahat, hindi naman daw siya naglalaro kaya nahihiya siya sa may-ari nito.

Base sa kuwento ni Ogie sa Showbiz Update (SU) vlog kasama sina Mama Loi, Tamerlane Mopia, Ate Cora at Ate Mrena, “Sa totoo lang, ako rin naman ay nakapag-endorse rin at guilty ako r’yan (BingoPlus 2024) dahil nakapag-endorse ako once upon a time. Pero mula noon, ayoko na kasi parang ang hirap i-endorse ‘yung isang bagay na ‘di mo naman ginagawa pero ipararamdam mo sa mga tao na ginagawa mo ‘yun at nae-excite ka lagi na gawin ‘to,” sabay pakita ng larawang kasama sina Luis Manzano at Marco Gumabao para sa BingoPlus.

“Sa totoo lang, karamihan ng mga artistang kinuhang endorser, ‘di naman naglalaro, ‘di naman naka-immerse sa game,” esplika ni Ogie.

Sey ni Mama Loi, “Ang ano lang kasi, ‘Nay, dahil sa kasikatan, ang dami mong followers, in-encourage mo sila (public) to engage ru’n sa online gambling.”

Sabi pa ni Ogie, “Kaya lalong dumarami ang naghihirap na taumbayan.”

Nagkuwento pa siya na may staff ng rehabilitation center na nagsabing karamihan sa mga pasyente nila ay galing sa gambling addiction at ang kanilang mentality ay nasisira.

Aniya pa, “Kaya naman ako, personally, in-ask pa ulit ako na mag-endorse. Sabi ko, ayaw ko na kasi nakaka-guilty talaga kasi marami kang nahihikayat na naniniwala sa ‘yo na, ‘Si Ogie naman ang nag-endorse, panatag naman ang loob ko, baka manalo.’ 

“Puwedeng ikahirap ‘yun. Pangalawa, eh, ‘di naman talaga ako sugarol kaya ‘yun nga, naglalabasan ang mga pangalan ng celebrities o personalities na nag-e-endorse n’yan.”

At nabanggit ang mga pangalan nina Vice Ganda (GameZone), Bea Alonzo at Andrea Brillantes (Nustar), Piolo Pascual, Maine Mendoza, Kim Chiu, at Alden Richards (BingoPlus), pati na sina Bossing Vic Sotto at Heaven Peralejo (Playtime).

Tanong ni Ogie, “Bumaba ba ang tingin natin sa kanila dahil nag-endorse sila ng online gambling? Kung bumaba, choice n’yo ‘yun. Kung wala naman kayong pakialam, wala namang merito ‘yun, eh, di okay.”

Ibinigay ding halimbawa ni Ogie si Coco Martin na tumatanggi na maging ambassador ng online gambling.

“Si Coco Martin, ayaw n’yang mag-endorse. Sinabi na n’ya ‘yan, ayaw n’ya at may offers s’ya na malalaki, millions (talent fee),” diin ni Ogie.

Hindi raw nararamdaman ng mga nagsusugal dahil barya-barya lang, pero kapag pinagsama ay nagiging malaki.

“Aabutin ‘yan nang milyun-milyon, tapos ilan lang ang mananalo? Basta ang importante, ‘wag nating isumpa ‘yung mga artistang nag-e-endorse dahil napili sila at tumanggap sila ng bayad. Pero ‘yung nanghihikayat silang magsugal, that’s another story.

“Kaya nasa tao na ‘yan kung gusto mong sirain ang buhay mo. Kahit ‘di sa sugal ay kaya mong sirain!” diin ni Ogie.

---

MAS maraming Pilipino ang makakapanood ng local entertainment shows dahil inanunsyo ng ABS-CBN ang bago nitong primetime lineup na mapapanood sa iba’t ibang platform simula Hulyo 27.

Pangungunahan ito ng patok na action-romance drama na Coco Martin's Sigabo ng 8 PM, na pinagbibidahan nina Coco Martin at Julia Montes.

Susundan ng inaabangang pagbabalik-teleserye nina Kathryn Bernardo, James Reid at Maja Salvador sa Someone, Someday (SS) ng 8:45 PM.

Mapapanood naman ng 9:30 PM ang romantic-thriller ng TV5 na A Secret in Prague (ASIP) na pinagbibidahan nina Enrique Gil at Andrea Brillantes.

Samantala, mapapanood na rin ng Kapamilya viewers ang Book 2 ng inspirational drama ng TV5 na My Bespren Emman (MBE), na pinangungunahan nina JM De Guzman at Shaina Magdayao, tuwing hapon mula Lunes hanggang Sabado, 2:30 PM.

Masusubaybayan ang tatlong primetime shows at ang MBE sa iba’t ibang platforms sa pamamagitan ng ALLTV2, TV5, A2Z, Kapamilya Channel, Kapamilya Online Live sa YouTube (YT) at Facebook (FB), iWant, at TFC.

BOSS TOYO, BINANATAN SI KARA NA PEKE ANG DOKYU, NIRESBAKAN NG GMA-7, TODO-SORRY

ni Reggee Bonoan @Sheet Matters | July 21, 2026

Photo: IG _bosstoyo & _iamkaradavid

“Veteran and reputable journalist vs. vlogger/content creator na influencer kuno... Na nagpo-promote ng sugal at kapit kung saan ang viral... Alin ba ang mas credible... Sana masampolan ng legal action,” isa lang ito sa mga komento ng netizens sa kilalang content creator na si Boss Toyo dahil pinuna nito ang report ng batikang broadcast journalist na si Kara David.

Umere sa I-Witness ang episode na Ibinasurang Paraiso na idinokumento ni Kara David tungkol sa epekto sa kapaligiran at sa mga tao ng open dumpsite sa Sitio Tibag, Barangay Naugsol, Subic, Zambales, partikular sa komunidad ng mga Aeta na naninirahan sa lugar.

Binigyang-diin ng dokumentaryo kung paanong pinayagang mag-operate ang open dumpsite sa lupang ninuno ng mga Aeta, na nagdudulot ng malubhang panganib sa kanilang kalusugan, kabuhayan, at pamumuhay.

Noon pang 2022, natuklasan ng Department of Environment and Natural Resources (DENR) na ang operasyon ng dumpsite ay lumalabag sa Ecological Solid Waste Management Act of 2000. Sa kabila ng mga natuklasang ito, nagpatuloy ang operasyon ng dumpsite, kaya naman naglabas muli ang DENR ng cease-and-desist order noong nakaraang Marso. 

Inatasan din ng DENR na ilipat ang mga basura sa isang akreditadong sanitary landfill bilang bahagi ng pagsasara ng nasabing lugar.

Pero tila kinontra ng kilalang content creator ang report ni Kara David dahil noong pumunta raw siya sa nasabing lugar ay wala siyang naamoy o anuman.

Post ni Boss Toyo sa kanyang Facebook (FB) account:

“Nagulat ako dahil wala akong naamoy na masangsang na amoy. Tinanong ko sila kung normal ba ‘yun, at sinabi nilang wala raw talagang mabahong amoy. Kahit mga langaw ay halos wala.

“Tinanong ko rin kung saan sila nakatira. Itinuro nila ang kanilang komunidad sa ibaba ng bundok.

“Nalaman ko rin na pribadong tao na ang may-ari ng lupang ‘to. Ayon din sa mga impormasyong nakalap ko, segregated na ang mga basurang narito at karamihan ay mga ‘di nabubulok na plastic.”

Sa isang comment ng ibang content creator ay sumagot si Kara David, “Isang buwan po naming sinaliksik ang isyung ito. DENR mismo ang nagpasara sa dumpsite dahil ito ay declared illegal.

“NCIP mismo ang nagsabi na ito ay ancestral land (not owned by a private individual).

“Nag-interview kami ng mga Aeta at pinuntahan ang mga bahay nila. At para patas, kinuha rin namin ang panig ng mayor’s office.

“Malinaw na may paglabag sa batas at sinabi ng mayor’s office, ‘We accept accountability.’ Napanood n’yo naman siguro. Kayo na lang po ang humusga.”

Sey naman ng mga netizens, magkaibang lugar ang pinuntahan nina Kara at Boss Toyo. Ang illegal dumpsite ay nasa Sitio Tibag na ini-report ng una, at ang Sitio Alibang naman ang maaaring pinuntahan ng content creator.

Samantala, naglabas ng official statement ang GMA Public Affairs tungkol sa reaksiyon ni Boss Toyo.

“Following the documentary’s broadcast, the issue drew widespread public attention and renewed calls for action. For the third time, the DENR issued another cease-and-desist order this month for the full closure of the dumpsite. In recent days, however, several claims seeking to discredit the documentary have circulated online. We believe it is important to address these claims with the facts.

CLAIM: The dumpsite is on private property (sabi ni Boss Toyo)

FACT: I-Witness spent more than a month researching and documenting the story.

“During that process, the team obtained a copy of the Certificate of Ancestral Domain Title (CADT) issued by the National Commission on Indigenous Peoples (NCIP), confirming that the area is part of the Aeta community's ancestral domain.

“Furthermore, based on the official records of the NCIP, Sitio Tibag, where the dumpsite is located, is within the boundaries of the recognized ancestral domain of the Aeta Ambala Indigenous Cultural Community.

“CLAIM: There is no foul odor coming from the dumpsite (sabi ni Boss Toyo)

FACT: I-Witness interviewed residents living near the dumpsite, many of whom said they have endured the odor for years, particularly during the rainy season. Some families told the team they eventually left their homes because of its impact on their health and daily lives.

“CLAIM: The Aeta community is several kilometers away from the dumpsite (sabi ni Boss Toyo)

FACT: I-Witness documented several abandoned houses located just a few meters from the dumpsite. Residents told the team that some families had been forced to leave because of the persistent foul odor, the proliferation of flies, and concerns about the long-term effects on their health. The team also documented a stream at the foot of the dumpsite where garbage was being carried by the flowing water. According to residents, the stream is no longer safe for drinking. In addition, the I-Witness team interviewed the chieftain and council of elders of nearby Sitio Alibang, a larger community situated at the foot of the mountain. In recorded interviews, the community leaders confirmed that parts of their traditional hunting grounds and sources of livelihood are located within the same area as the dumpsite. They expressed deep concern over the dumpsite’s presence but said they felt powerless to stop its continued operation.

“These findings are not based solely on residents’ accounts. They are corroborated by official government documents and are consistent with the DENR’s own findings and regulatory actions.

“The environmental impact of a dumpsite cannot be assessed solely by the presence or absence of nearby houses or by whether it emits a foul odor. The long-term effects of improper waste disposal on the environment, forests, and ecosystems must at all times be considered.

“For nearly three decades, I-Witness has been committed to accurate, fair, and responsible journalism. Every documentary is grounded on extensive research and credible reporting.

“We stand firmly by the documentary and the facts presented in Ibinasurang Paraiso.”

At dahil sa kaliwa’t kanang batikos ngayon kay Boss Toyo ay humingi na siya ng public apology kay Kara David na ipinost niya sa kanyang Facebook (FB) account kasama ang mga bata sa dumpsite na pinuntahan niya.

Pahayag ni Boss Toyo, “Gusto ko lang humingi ng pasensya sa aking naratibo sa pagbisita ko sa dumpsite sa Subic. Parehas ninyo, ayaw ko ring makita ang ating kabundukan na maging tapunan ng basura. Kaya nga po ako nagpunta ru’n agad para makita ang kalagayan nila.

“Pero ayon sa mga kagawad sa baba ng dumpsite, walang komunidad na lumikas o nawalan ng tirahan doon.

“May amoy o wala, may komunidad o wala, may langaw o wala, pasensya po sa lahat. Gusto ko rin lang mamulat tayo na sa atin din galing ang mga basura na ‘yan sa siyudad na wala nang mapaglagyan. Kung ‘di tayo magkakadisiplina, tanggapin man natin o hindi, darating ang araw na talagang marami pang dumpsite na katulad nito ang makikita natin.

“Muli, pasensya po sa lahat. Wala po akong planong makipagtalo o makipag-argumento, lalo na po sa mga trolls. Ang aking naratibo ay ang aking naabutan sa dumpsite at ang mga kasagutan mismo ng mga namamahala at mga kagawad sa komunidad na malapit sa dumpsite. Walang sobra, walang kulang. Pasensya po sa lahat. Pasensya po kung iba ang naging punto ko sa punto ninyo. Pasensya po. Wala po akong ipinagtatanggol. Sinabi ko lang ang aking naabutan sa dumpsite, walang labis at walang kulang. Sa mga galit sa akin at sa mga trolls, mas maigi na simulan na ninyong ‘wag gumamit ng mga plastic at non-recyclable materials upang hindi na makadagdag sa basura.”

Hayan, nagkapaliwanagan na. Case closed.