ni Nitz Miralles @Bida | April 29, 2024
MAY comment na masarap daw tingnan ang photo na magkakasama sina Dept. of Finance Sec. Ralph Recto, Vilma Santos at Edu Manzano sa birthday party ni Luis Manzano.
Pinansin din ng mga netizens na natural at hindi raw fake ang mga ngiti ng tatlo na nakadagdag sa good vibes feels ng larawan.
Masaya ang birthday party ni Luis na hindi nabanggit kung saang bar ginawa at may video pa ngang sumasayaw si Luis at brother niyang si Ryan Christian.
Ang comment naman dito, marunong daw palang sumayaw si Luis, pero si Ryan, sing and dance at may choreography pa ang sayaw.
Ang nakakatuwa sa birthday party ni Luis, hindi lang friends niya ang invited kundi pati ang mga friends ni Vilma na si Roderick Paulate at ang mag-asawang Tirso Cruz III at Lyn Cruz. Pati sila ay nagsayawan at nag-da moves din si Sec. Ralph, kaya lang, mga braso lang nito ang sumasayaw.
Ang ganda ng caption ni Vilma sa video na nagsasayaw at kumakanta ang mga anak na sina Luis at Ryan, “The greatest joy in my life.”
Of course, may birthday greetings din si Jessy Mendiola kay Luis, “Happy, happy birthday, my love. We are very blessed to have you in our lives. Thank you for loving us everyday and thank you for being such a good husband and father to me and Rosie. You are one of a kind, my love. I wish you good health, happiness & peace. You deserve all the good things in life. We love you.”
Sagot naman ni Luis, “I love you, my babies.”
Noong April 21 ang birthday ni Luis Manzano at 43 years old na siya.