AI AI, NAGSALITA NA SA KASAL NG EX-MISTER

ni Julie Bonifacio @Winner | September 11, 2026

Photo: Ogie Diaz Showbiz Update YT - Ai Ai Delas Alas - IG

Ikinasal na ulit ang ex-husband ni Ai Ai delas Alas na si Gerald Sibayan. 

Sa programa ni Ogie Diaz ay inilabas ang larawan na kuha sa civil wedding ni Gerald sa city hall ng San Francisco, USA.

“Wala kaming masyadong detalye dito. Pero ang sigurado, ikinasal na si Gerald Sibayan sa non-showbiz girlfriend nitong ang pangalan ay Nadine,” sabi ni Ogie.

Mahigit pitong taong nagsama bilang mag-asawa sina Ai Ai at Gerald at naghiwalay sila noong October, 2024. After two years, na-finalize ang divorce nila last March, 2026.

So, ilang buwan pa lang silang divorced, heto’t nagpakasal na pala ulit sa ibang babae si Gerald.

Agad nag-post si Ai Ai ng kanyang reaksiyon sa napabalitang pagpapakasal muli ng kanyang ex-husband.

Hindi itinago ni Ai Ai ang kanyang saloobin sa muling pagpapakasal ng dati niyang mister.

“Ok po ako… I wish him well… salamat sa lahat ng mga support n’yo noon hanggang ngayon. Let’s all move forward. God bless po,” lahad ni Ai Ai sa kanyang Instagram.

Positibo ang comment ng kanyang mga IG followers sa naging reaksiyon ni Ai Ai sa wedding ni Gerald.

Reaksiyon nila (as is)...

“Ms ai enjoy life to the FULLEST PO...Iloveyo”

“Baka foreigner ang nakatakda sayo Ms. Ai Ai”

“Iba talaga ang mindset basta kasama si Lord”

Amen.

---

Sobrang inlabey sa BF… 

DONNALYN: BUHAY NI JM, PRICELESS

“Priceless life” ang paglalarawan ni Donnalyn Bartolome sa buhay ng boyfriend niyang si JM de Guzman.

Sinabi ni Donnalyn ‘yan sa kanyang madamdaming birthday message for JM na naka-post sa social media.

Nag-celebrate ng kanyang 38th birthday si JM last Wednesday. At kahapon, nag-post si Donnalyn sa social media ng video nila ni JM. 

Sa caption ay may pa-tribute na mensahe si Donnalyn para sa BF.

Caption ni Donnalyn: “Thank you God for JM’s life. The day he was born will be a day I will always be grateful for. His life is a priceless gift. Juan Miguel, Your existence answered questions I’ve had all my life.. and our life together, imperfect, but so beautiful, rooted in our obedience to our Father in heaven. 

“I pray He protects you, blesses you more and keeps you healthy! You’ve worked so hard all your life for everything you have and for the people around you. Salamat sa lahat ng pangako na iyong tinutupad. We are blessed to have you in our lives. Happy Birthday to our Papi Chulo!! Hope you enjoy this video of us in the present.. and the past. I hope the future is just as special!”

Kinilig ang mga faney nina Donnalyn at JM sa comment section.

Komento nila (as is), “Iba talaga kapag inlove, gawa ka na kanta te”

“Alagaan at mahalin mo Ng maayos yan Donalyn. Kasi kapag yan Hinde mo inalagaan Ng maayos at bumalik sa akin. Hinde Kuna yan ibabalik sayo”

“Happy birthday sa Pambansang Crush ng mga 90's  baby. Ingatan mo po always ang Heart n Ms Donnalyn. Super bagay po tlga kayo dalawa.”

Sabeee?

KIM, NAWALAN NG P44 M, KINASUHAN NA ANG ATE LAKAM NG QUALIFIED THEFT

ni Julie Bonifacio @Winner | September 10, 2026

Photo: IG _chinitaprincess

Tuluyan nang kinasuhan ni Kim Chiu ng qualified theft ang kanyang kapatid na si Lakambini ‘Lakam’ Chiu.

Naaprubahan ng korte ang pag-akyat ng kanyang reklamo dahil umano sa hindi awtorisadong pag-withdraw at paglipat ng aabot sa P44.396 milyong pondo mula sa kanilang negosyong House of Little Bunny Philippines, Inc. (HOLB).

Batay sa resolusyon ng Quezon City (QC) Office of the City Prosecutor, nadiskubre ni Kim ang mga malalaking transaksiyon at nawawalang assets sa kanilang kumpanya na umabot sa 124 na hiwalay na withdrawals at online transfers.

Si Lakam daw ang nag-aayos at namamahala sa mga negosyo at financial matters ni Kim. Inabuso diumano ng ate niya ang tiwala at special access sa mga accounts.

Na-reveal din sa mga lumabas na dokumento ng paghahain ng aktres ng reklamo ang tungkol sa pagsisikap na maayos ang problema privately, pero hindi nagkaroon ng pagkakasundo ang magkapatid.

Nagsampa ng formal complaint si Kim laban kay Lakam sa Office of the Assistant City Prosecutor sa QC kasama ang kanyang mga abogado na sina Atty. Xylene Dolor at Atty. Archernar Gregana. Kasama rin ni Kim ang kanyang sister na si Twinkle at brother-in-law sa pagpa-file ng kaso.

Sa panayam ni MJ Felipe ng ABS-CBN sa abogado ni Kim na si Atty. Xylene, kinumpirma niya ang paghahain nila ng criminal case laban kay Lakam.

“We filed a criminal complaint for qualified theft. That’s all we can share for now,” sabi ni Atty. Dolor.

At kahit nag-reach out si Lakam at mga abogado niya kay Kim, naging firm ang desisyon ng It’s Showtime host na ituloy ang pagsasampa ng kaso.

Pahayag ng abogado ni Kim, “It has also been a statement of Miss Kim na it has been a very difficult decision for her to do this and to proceed with this step.

“As far as I know, I have been in one or two meetings, but I know there have been several times na they reached out to each other.”

Sa ngayon, nananatiling tahimik si Kim ukol dito. It seems “blood is not that thick” para sa magkapatid na Kim at Lakam.

---

JULIA, MAY PASABOG DAW, HINULAANG BUNTIS

BUNTIS daw si Julia Montes. ‘Yan ang hula ng isang netizen sa importanteng announcement ng aktres.

Sa latest Instagram (IG) post ni Julia ay may inilagay siya sa caption na: “Announcement SOON!”

Comment ng isang netizen, “She’s pregnant.”

Nag-react ang ibang IG followers ni Julia sa kuda ng netizen.

“For real, the lady is working on Sigabo, and you are here saying she is pregnant? Not at all.”

“It’s an endorsement, she has a new one.”

Very visible nga naman ang aktres sa action-series nila ni Coco Martin kung saan matitindi ang fight scenes na ginagawa niya. Saka kilig to the bones din ang mga eksena nina Coco at Julia bilang kunwaring mag-asawa sa naturang action-drama series.

Lalo pang kikiligin ang mga fans nina Coco at Julia sa mga susunod na episodes dahil mapapanood sina Gabo (Coco) at Sam (Julia) na sweet na nagsasayaw at nagpapalitan ng matatamis na ngiti sa birthday party ni Rudy (Joey Marquez), ang ama ni Gabo.

Hindi naman puro lambingan ang mangyayari, mauuwi sa mainit na angasan ang selebrasyon sa pagdating at panggugulo ng grupo ni Django (Jhong Hilario).

Hanggang kailan maitatago nina Gabo at Sam ang kanilang mga lihim? At ang kunwariang pagmamahalan ba nila ay mauuwi sa totohanan?

Huwag palampasin ang kilig at masasayang eksena sa Coco Martin’s Sigabo mula Lunes hanggang Biyernes, 8 PM sa ALLTV2, TV5, A2Z, Kapamilya Channel, Kapamilya Online Live sa YouTube (YT) at Facebook (FB), at iWant.

ALEX, AUG. 8, 2026 PA NANGANAK, ISAAC GERARD, NAME NG BABY

ni Julie Bonifacio @Winner | September 9, 2026

Photo: IG _cathygonzaga

Proud mama si Alex Gonzaga sa first baby nila ng mister niyang si Mikee Morada. Walang kiyeme-kiyemeng ibinahagi niya ang feslak (face) ng kanyang firstborn.

And one month after niyang isilang ang baby boy nila ni Mikee, may bagong pa-reveal na naman si Alex. Medyo matagal na rin pala noong nanganak siya at hindi gaya ng in-expect ng marami na two weeks ago lang siya nanganak.

Kung August 8, 2026 ang birthday ng anak nina Alex at Mikee, lumalabas na ‘triple 8’ ang petsa, huh?

Cesarean pala si Alex at sinadyang piliin ang August 8 para isilang ang first baby niya.

Naku, matanong nga si Maestro Honorio Ong ng BULGAR kung ano ang pakahulugan ng ‘triple 8’ sa buhay ni Baby Boy Morada.

Anyway, on her latest Instagram (IG) post, Alex made public na the name of her firstborn (kolehiyala lang ang peg… Hahaha!).

Ipinost niya ang bago nilang family picture habang nasa loob pa sila ng ospital.

Say ni Alex sa caption: “‘Di na ‘to AI (artificial intelligence), totoo na ‘to. Hehehe! Exactly one month ago, we finally met our baby boy, Isaac Gerard G. Morada.

“Thank you, Jesus, for a successful CS delivery and for giving us our answered prayer, our son Isaac.”

Muling binaha ng pagbati si Alex sa comment section mula sa kanyang IG followers. Ang iba ay celebrity friends nila ni Mikee.

Comment ni Luis Manzano, “Gwapings!”

“Congratulations (heart emoji). What a beautiful blessing. Wishing you both the best on this journey!!!” mensahe ni Anne Curtis.

Habang three heart emojis naman ang reaction nina Carla Abellana at Maja Salvador.

Ang saya-saya!

---

Pinoy fans, proud na proud…

LIZA, AGAW-ATENSIYON SA MILF DAHIL SA GOWN

AGAW-ATENSIYON muli si Liza Soberano sa pag-attend niya sa katatapos lang na Manila International Filmfest sa Amerika.

Dumalo at rumampa sa red carpet si Liza upang suportahan at i-promote ang pelikula nila nina Lea Salonga, H.E.R., Dolly de Leon at marami pang iba.

Humakot ng papuri at atensiyon ang suot niyang gown dahil sa detalyado at magandang disenyo nito.

“Thank you @manilaintlfilmfest for honoring the whole team behind @forgottenislandmovie with the trailblazer award  (Philippine flag emoji),” caption ni Liza sa kanyang latest Instagram post.

Nag-post ng comment ang co-stars ni Liza sa movie na sina H.E.R. at Dolly.

“HOO, HOO, HOO, HOOO!” sabi ni H.E.R.

“YES! (heart emoji),” sey naman ni Dolly.

Proud na nag-comment din ang ibang IG followers ni Liza.

“Shout out the Pinoy talent in front of and behind the camera!!”

“When @lizasoberano was struggling to get a role, people say she wouldn’t get it. Now she's the lead, they are silent, both on criticism and support.”

Napansin din namin ang komento ng dating artista at anak ni Mat Ranillo III na si Krista Ranillo.

Comment-post ni Krista, “Congratulations! Thanks for taking photos with my kids last night! They couldn't stop talking about meeting you and H.E.R. We all loved the movie!”

Wow!