Misis ni Dingdong, binigyan ng chocolates... MARIAN AT PIA, BFF NA

ni Nitz Miralles @Bida | December 1, 2025

Photo: IG _marianrivera

Ikinatutuwa ng kani-kanyang supporters na tila magiging mabuting magkaibigan sina Marian Rivera at Pia Wurtzbach-Jauncey. 

Nagsimula ang pagiging friends ng dalawa nang madalas magkasabay sa mga events ng Bvlgari, launching at opening ng mga high-end shop at iba pang fashion events.

Nagkakakuwentuhan siguro ang dalawa at doon na nagsimula ang kanilang friendship. 

Nitong huli, niregaluhan ni Pia ng chocolates si Marian. Ipinost ni Marian ang gift ni Pia at sabi niya, “You are the sweetest, Pia! Thank you for the chocolate — love them all!”

Iba’t iba ang flavor ng chocolates at sa wrapper pa lang, alam mong masarap. 

Inaabangan ng mga fans ang iba pang interaction nila at wish nga nila, kahit hindi sa mga fashion events ay magkita ang dalawa.

And speaking of Marian, hindi siya ma-bash sa pag-a-unboxing ng bago niyang Hermes bag. Comment ng mga netizens, alam nilang pinagtrabahuhan nito ang ibinili sa hard to find bag. Alam din nila na sunud-sunod pa rin ang endorsements ni Marian Rivera kaya afford niya ang luxury bag.

---

Aktor, no show na rin...

BARBIE, AYAW NANG PAG-USAPAN SI JAMESON

SOLO na dumalo sa black carpet premiere ng KMJS’ Gabi ng Lagim: The Movie (KMJSGNLTM) si Barbie Forteza at solo rin siyang tumakbo sa AIA Rock ‘n’ Roll Manila 2025. Hindi niya kasama si Jameson Blake sa dalawang events na ikinagulat ng mga nakakita sa aktres dahil dati naman, kasama niya ang aktor sa mga premiere night at lalo na sa pagtakbo.

Sa interview ni Gorgy Rula kay Barbie sa premiere night, inanunsiyo nito na, “I’m single and very happy. Always happy.” 

Hindi na nito sinagot kung ano ang nangyari — binasted ba niya si Jameson, nanligaw ba talaga ang aktor, tumigil sa panliligaw, o tama ang mga fans na pang-promo lang ang sweetness nilang dalawa?

Remember na nakikita silang laging magka-holding hands at nagde-date. Ipinakilala pa nga ni Jameson si Barbie sa mom niya at sa iba niyang relatives nang dalhin sa bahay ng mom at lola niya.

Hindi na lang natin malalaman kung ano ang nangyari dahil sabi ni Barbie kay Gorgy, huwag na lang pag-usapan. Ang mangyayari nito, hindi na natin sila makikitang magkasama sa panonood ng sine at pagtakbo. 

Magkita man sa pagtakbo, hindi na siguro sila sweet at baka magdedmahan pa.

Sabi naman ng mga fans, okay din na wala si Jameson sa premiere night dahil nandoon si Jak Roberto, pero friends ang dalawa at aprub nga si Jak kay Jameson for Barbie. Para ngang ipinaubaya na niya ang aktres kay Jameson Blake.

Nalungkot ang BarSon fans nina Barbie at Jameson sa naudlot na relasyon ng dalawa. Wala na raw magpapakilig sa kanila at hindi na nila makikitang magkasama. 

Natuwa naman ang BarDa fans nina Barbie at David Licauco — wala na raw Jameson na umeeksena. 

Sagot ng fans ni Barbie, kahit naudlot ang BarSon, hindi pa rin mababago ang sitwasyon na may non-showbiz girlfriend si David.

---

BUKAS, makikilala na ng media si Love Kryzl, ang bata at bagong recording artist dahil ilo-launch bukas ang new single niyang Kayong Dalawa Lang. 

Hindi pa man nailo-launch, naging controversial na ang new single ni Love Kryzl dahil ang music video ng single ay tampok ang engaged couple na sina Kiray Celis at Stephan Estopia.

Ang daming na-fake news at inakalang ikinasal na sina Kiray at Stephan, gayung sabi ng aktres sa mediacon ng Kiray Brands, this December pa ang kasal nila ng fiancé.

Later na nalamang music video shot for the said single ang sinabing kasal nina Kiray at Stephan.

Kinunan sa Las Casas sa Bagac, Bataan ang music video at aakalain talaga na kasal ng dalawa. 

Sa music video, makikitang sumasayaw si Love Kryzl at for sure, kinanta niya ang Kayong Dalawa Lang.

Marami pa tayong malalaman tungkol kay Love Kryzl after the launching. Isa sa sasagutin nito ang tanong na ano ang feeling na dahil sa kanya, marami ang na-fake news at inakalang kasal nina Kiray at Stephan ang nag-viral na wedding shoot nila.

Pinaalis daw siya sa sosyal na bar… “JUDGE ME NA LANG, KATAMAD MAG-EXPLAIN” — SARAH

ni Nitz Miralles @Bida | November 28, 2025

Photo: FB Sarah Lahbati

Intriguing ang ini-repost ni Sarah Lahbati mula sa @vibezwithyell, “Judge me na lang, katamad mag-explain.”

Sabi ng mga nakabasa, baka patungkol ito kay Sarah kaugnay ng kinasangkutang isyu na diumano’y pagpapalabas sa kanya sa isang sosyal na bar. 

Nabanggit ang pangalan ni Rocio Zobel, ex-girlfriend ni Marty Romualdez, na nali-link kay Sarah.

Tama naman si Sarah, sa halip na mag-explain na baka mas lumala at lumaki pa ang isyu, mas mabuti kung mananahimik na lang siya at hayaang i-judge ng mga tao, lalo na ng mga Marites. 

Katwiran siguro nito, later on, lalabas din kung ano ang totoong nangyari, kung pinalabas nga siya o fake news ang kumalat na tsika.

Walang nababanggit si Sarah sa Instagram (IG), kaya mas apektado pa yata ang mga followers at supporters niya. 

May nanawagan naman kay Dra. Vicki Belo na mag-isyu ng statement to defend Sarah dahil isa ang aktres sa mga ambassadress ng Belo. 

Pero, Belo baby din pala si Rocio, kaya mahirap kung may kakampihan si Dra. Vicki.

Besides, hindi niya isyu ang isyu ng dalawa. Wala siyang alam at wala siya sa bar that time. 

Baka masisi pa si Dra. Vicki kapag nakialam.

Mapapansin din na iisa ang circle of friends na iniikutan nina Sarah Lahbati at Rocio Zobel. 

Ang maganda, tahimik sila sa socmed (social media), walang nagpo-post kaya less intriga. 

---

TO celebrate his 15th year in showbiz, magkakaroon ng Fan Meet si Alden Richards na tinawag niyang Moving ForwARd at magaganap ito sa December 13, 2026 sa Sta. Rosa Laguna Multi-Purpose Complex. Produced ito ng Myriad Entertainment na pag-aari ni Alden.

Sabi ni Alden, “15 years. Countless memories. One journey we built together. One night, one moment, created just for you. Come join me and reserve your seats.”

Dagdag pa ni Alden, “We want it to be immersive. We want them to feel it’s an event of feeling. We want them to feel all sorts of things—the hardships of my journey in the past years, and of course, the happy moments as well, the successful moments because ‘yung mga taong involved du’n, ‘yung mga taong pupunta du’n, parte sila nu’n.”

Kaya sa Sta. Rosa gagawin ang fan meet dahil tagarito si Alden, at maganda nga naman kung sa bayan niya gagawin ang isang special event sa buhay at career niya. 

May mga performers na magpapasaya sa mga dadalo, kabilang ang Cup of Joe.

Samantala, habang wala pang ginagawang TV series at movie si Alden, sa endorsement muna siya busy. Sunud-sunod pa rin ang endorsement niya at ang pinaka-latest ay isang brand ng corned beef.

Parang may pinaghahandaang pelikula si Alden, at parang action movie ito, dahil sa lumabas na photo kung saan may hawak siyang arnis at kasama niya si Larry St. Clair, lead instructor daw ng Martial Way Legacy. 

Excited ang mga fans na malaman kung para saan ang paghahandang ito ni Alden Richards.

---

IPINASA ni Gary Estrada sa amin ang Facebook (FB) post niyang “So proud of you, my love gaboy,” na ang tinutukoy ay ang second daughter nila ng wifey niyang si Bernadette Allyson, si Gabbi Ejercito. 

Kabilang kasi si Gabbi sa ipinakilala na cast ng Viva One series na Hell University (HU).

Ramdam ang pagiging proud ni Gary sa anak na sumunod sa kanila ni Bernadette na mag-showbiz. 

Gabbi is 19 years old, La Salle student, at pagsasabayin ang school at showbiz.

Gaya ng ibang cast, kabado pero excited si Gabbi sa first project niya, at kahit hindi siya ang lead, sigurado namang darating din ‘yun. 

Sa ngayon, support muna siya kina Heart Ryan at Zeke Polina, at kina Aubrey Caraan at Lance Carr.

Na-interview na namin dati si Gabbi at ang dalawa niyang kapatid, at lahat sila, gustong mag-showbiz, lalo na ang bunso. 

Ang eldest, gusto ring maging model at nagte-training na sa isang modelling agency na nagte-train din ng mga beauty queens.

Pangako nina Gary Estrada at Bernadette Allyson, hindi sila magiging stage parents sa kanilang mga anak. 

Well, hintayin natin kung mapapanindigan nila ang ipinangako.

Kay Kathryn nali-link pero… MAYOR MARK, SI SANYA ANG KASAMA NG 3 BESES

ni Nitz Miralles @Bida | November 24, 2025

Photo: FB Regine Velasquez-Alcasid

Nagrereklamo ang mga fans ni Kathryn Bernardo na patuloy na inili-link ang aktres kay Lucena Mayor Mark Alcala. 

Kahit walang makitang ebidensiya, walang maipakitang photo o video na magkasama ang dalawa, paniwala pa rin ang mga netizens na sina Kathryn at Mayor Mark na.

Bakit daw si Sanya Lopez, hindi nali-link kay Mayor Mark gayung 3 times na silang nakitang magkasama? Bakit hindi si Sanya ang gawan ng isyu sa mayor?

Napanood namin ang isang video nina Sanya at Mayor Mark, pero there was nothing romantic sa video, nag-usap at nagtawanan lang ang dalawa. 

Sa isang event yata ‘yun dahil maraming tao sa kanilang paligid.

Anyway, speaking of Sanya, tampok sila ni Elijah Canlas sa Berbalang episode ng KMJS’ Gabi ng Lagim: The Movie. 

Sa direction ni Dodo Dayao, produced ito ng GMA Pictures at GMA Public Affairs.

Ang dalawa pang episodes ay ang Pocong na bida si Miguel Tanfelix at ang Sanib na bida si Jillian Ward. 

Ang Berbalang daw is for the woke, ang Pocong is for the breadwinners at ang Sanib is for the GenZs.

---

Misis, matapang daw…

MARIEL, LAST LOVE NA RAW NI ROBIN

Birthday ni Robin Padilla kahapon, pero sabi nito, November 30 siya nagse-celebrate ng birthday. 

Ganunpaman, binati pa rin siya ng asawang si Mariel Rodriguez sa birthday niya kahapon. May pa-surprise rin si Mariel at ang kanilang mga anak sa kanya habang nasa loob siya ng banyo. 

May cake at balloon ang mag-iina ng senador.

Sabi ni Mariel, “Happy birthday to my husband, my hero, my protector, my biggest blessing. A truly honest, humble, and loving man who is always ready to sacrifice for others. A patriot

with the sweetest heart.

“Thank you for growing with me, for understanding me, and for always leading with kindness. I love you @robinhoodpadilla.”

Si Mariel ang last love ni Robin. Ito ang sinabi niya nang ipa-describe ang mga naging leading ladies at ex-partners.

“Matapang si Mariel. Iba ang generation nila. Confrontational, ‘di s’ya martir. 

 Inglesera ‘yun at hindi napapagod magsalita,” dagdag ni Robin.

Nasa Viva Entertainment office si Robin noong November 21, for the contract signing ng collab niya at ng kanyang RCP International Film Productions sa Viva Films. 

He is set to make five films at unang maire-release ang Bad Boy 3 (BB3). 

Tapos na ang movie na 11 years in the making at nasa post-production na lang.

Si Robin ang tumututok sa movie na ang description niya ay puro barilan. 

Sa Thailand gagawin ang post-prod dahil gusto ni Boss Vic del Rosario na mala-Hollywood ang datingan ng comeback movie ni Robin.

Sina Boss Vic at Vincent del Rosario ang naunang bumati ng happy birthday kay Robin. 

For his birthday greetings, sabi ni Boss Vic, “I’m proud of you. Ang payo ko lang sa ‘yo, ‘wag kang gagawa ng hindi maganda. I’m happy he’s back, matagal na s’yang hinihintay ng tao.”

Ayon naman kay Robin, “Heto na ang best birthday gift sa akin. Wala na akong pinangarap kundi makabalik sa Viva Office at nangyari na nga.”

Ikinatuwa rin ni Robin Padilla na makita ang mga kaibigang reporters na kung tawagin niya ay ‘ka-batch’ o ‘ka-liga’.

Ang request niya that time ay walang usapan at tanong tungkol sa pulitika, na sinunod ng press.

---

HINDI pa yata alam ng mga fans ni Kathryn Bernardo na ang pangalan ng karakter ni Kaila Estrada sa Shake, Rattle & Roll: Evil Origins (SRR:EO) ay ‘DJ Katherine’. 

Siguradong may reaction ang mga fans ni Kathryn at iisipin nilang ginamit ang pangalan ng ex-GF ni Daniel Padilla para pag-usapan at sumikat si Kaila.

DJ yata ang role ni Kaila sa 2025 episode na tampok siya sa nasabing entry ng Regal Entertainment sa 2025 Metro Manila Film Festival (MMFF) kaya may DJ bago ang name niya. 

Of course, alam natin na DJ ang tawag kay Daniel Padilla na nali-link kay Kaila ngayon. ‘Kaaliw ang nakaisip na DJ Katherine ang ipangalan sa karakter ni Kaila Estrada. 

May reaction ang mga fans at pagsisimulan ito ng ingay at away. In fairness, may recall agad at hindi magagalit ang mga fans ni Daniel Padilla at matutuwa pa nga ang mga KaiNiel (Kaila at Daniel) shippers.