Titser na buntis pero ‘di kasal, puwede bang tanggalin sa trabaho?
ni PAO Chief Persida Rueda-Acosta @Magtanong Kay Attorney | October 26, 2026
Dear Chief Acosta,
Sobrang saya namin ng aking boyfriend nang malaman namin na buntis ako. Makalipas ang dalawang buwan, ipinaalam ko ang pagbubuntis ko sa eskwelahan kung saan ako nagtatrabaho bilang isang guro. Subalit, dahil hindi kami kasal ng boyfriend ko, napag-uusapan sa eskwelahan na ako ay tatanggalin dahil diumano ang pagbubuntis sa labas ng kasal ay itinuturing na kahiya-hiya o imoral. Maaari ba talagang tanggalin ako sa trabaho sa nasabing dahilan? — Marta
Dear Marta,
Ang iyong katanungan ay nasagot ng Kagalang-galang na Korte Suprema sa kasong Union School International, represented by Pastor Abraham Cho [School Superintendent], Jaime Nabua [Board President], and Jennifer Mandapat [School Head] vs. Charley Jane Dagdag, G.R. No. 234186, 21 November 2018, na isinulat ng Kagalang-galang na Associate Justice Noel G. Tijam, kung saan pinasiyahan ang mga sumusunod:
“To determine whether a conduct is disgraceful or immoral, a consideration of the totality of the circumstances surrounding the conduct; and an assessment of the said circumstances vis-a-vis the prevailing norms of conduct, i.e., what the society generally considers moral and respectable, are necessary.
In the case of Capin-Cadiz v. Brent Hospital and Colleges, Inc., it is held that:
Jurisprudence has already set the standard of morality with which an act should be gauged — it is public and secular, not religious. Whether a conduct is considered disgraceful or immoral should be made in accordance with the prevailing norms of conduct, which, as stated in Leus, refer to those conducts which are proscribed because they are detrimental to conditions upon which depend the existence and progress of human society. The fact that a particular act does not conform to the traditional moral views of a certain sectarian institution is not sufficient reason to qualify such act as immoral unless it, likewise, does not conform to public and secular standards. More importantly, there must be substantial evidence to establish that premarital sexual relations and pregnancy out of wedlock is considered disgraceful or immoral.
The totality of evidence in this case does not justify the dismissal of Dagdag from her employment considering that there was no legal impediment to marry between Dagdag and the father of her child at the time of the conception. To reiterate the ruling of this Court in Leus and Capin-Cadiz, pregnancy of a school teacher out of wedlock is not a just cause for termination of an employment absent any showing that the pre-marital sexual relations and, consequently, pregnancy out of wedlock, are indeed considered disgraceful or immoral.”
Ayon sa nasabing kaso, upang matukoy kung ang isang pag-uugali ay kahiya-hiya o imoral, kailangang isaalang-alang ang kabuuan ng mga pangyayari na nakapalibot dito, at isang pagtatasa ng nasabing mga pangyayari at umiiral na mga pamantayan ng pag-uugali. Ibig sabihin, kailangang alamin kung ano ang karaniwang itinuturing ng lipunan na moral at kagalang-galang.
Kaugnay nito, malinaw na tinalakay na ang pagbubuntis ng isang guro nang hindi kasal ay hindi isang makatarungang dahilan upang tanggalin sa trabaho nang walang anumang pagpapakita na ang relasyong sekswal bago ang kasal at, dahil dito, ang pagbubuntis sa labas ng kasal, ay talagang itinuturing na kahiya-hiya o imoral.
Samakatuwid, hindi makatarungan kung ikaw ay tatanggalin sa trabaho nang dahil sa pagbubuntis nang hindi kasal, kung wala namang legal na hadlang para magpakasal kayo ng iyong boyfriend.
Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.
Maraming salamat sa iyong patuloy na pagtitiwala.
