Si Matteo pala ang secret crush, Sarah… JANINE, NADULAS NA ‘DI PA SI RAYVER ANG GUSTONG MAPANGASAWA

ni Reggee Bonoan - @Sheet Matters | May 03, 2021

Dahil sa Truth and Dare Challenge nina Janine Gutierrez at Ms. Pilita Corrales ay nabuking na ‘secret crush’ pala ng dalaga ang hubby ni Sarah Geronimo na si Matteo Guidicelli since high school pa.

Ang Mamita Pilita ni Janine ang special guest niya sa kanyang vlog na most requested ng kanyang 399 K subscribers at maraming nabuking tungkol sa apo.

Ang tanong na nabunot ni Janine ay “Who is your secret crush?”

“Oh, my God, I’m too shy. Hindi pa siya artista nu’n,” nahihiyang sabi ng aktres.

“But now he’s already artista?” tanong ni Ms. Pilita sa apo.

“Yeah! I would see him kasi he would race with Papa (Monching Gutierrez). Kasi si Papa, nangangarera ng kotse. So, my crush talaga ever since is Matteo Guidicelli (sabay tawa). To the point na I practice ‘pag may signature na kapag Guidicelli ‘yun,” tumatawang pagtatapat ni Janine.

Disclaimer naman ni Janine, “But guys, Popster ako! I love Sarah G., so when they got married, I was super happy for them and sobrang bagay sila.”

Sang-ayon ang Mamita ng dalaga na mabuting tao ang asawa ni Sarah G.

Sey nito, “Matteo is such a nice person. I know the parents of Matteo also. That’s good, at least they’re happy together (Matteo and Sarah).”

Hiyang-hiyang sabi ni Janine, “Oh, my gosh! Anyway, hi, Matt!”

Ang bucket list naman ng lola ng dalaga ay “(For you to) Get married.”

Nagulat ang girlfriend ni Rayver Cruz, at tanong nito sa kanyang lola, “Not yet, Mita! You want me to get married na?”

Biglang kumambiyo ang lola nito, “No, not yet.”

“One day but not soon!” tumawang sabi nito.

Pangungulit ni Mamita, “Is it still Rayver?”

Sagot ni Janine, “Well, we’ll see, hahaha!”

Sey naman ng lola ng dalaga, “Hi, Rayver, how are you?”

Para ba kay Janine ay hindi pa siya sure kay Rayver, ganern? Kasi kung ang aktor na ang gusto niya, dapat, ang sagot niya, “I hope so?”

Ang dahilan ni Janine kung bakit ayaw pa niyang mag-asawa ay, “I wanna go to Cannes. I wanna go to like mga international film festivals, and also, I wanna try to live abroad for a while, maybe like 3 or 6 months, maybe in LA (Los Angeles) or New York (USA).”

Oo nga naman, ang daming naka-line-up na movie projects ni Janine bukod pa sa upcoming teleserye sa ABS-CBN, kaya kahit nasa marrying age na siya ay malayo pa ito sa isipan niya.

Ang pelikula niyang Dito at Doon ay extended ang streaming sa 5 online platforms tulad ng KTX.ph, Cinema76 atbp., bukod pa sa napapanood na rin ito sa 60 countries tulad ng USA, Canada, selected territories sa Middle East, North Africa at Europe, handog ng TBA Studios mula sa direksiyon ni JP Habac.

Ang biggest fear naman ni Janine, “Of course, it’s about family pa rin especially during this pandemic. I always call you, I always call papa and check guys if you’re doing okay. And what makes me feel better is I know that you guys are healthy and you’re doing talaga to keep up your immunity like drinking vitamins, getting nutritious food and drinks. Parang that’s what really scares me now of course, anything to do with family or getting sick or anything like that.”

“Thank God that you know, we are all fine, children, grandchildren you know, you really have to take care of yourself also, drink whatever you have to drink,” saad naman ni Ms. Pilita.

Ang isa sa mga huling tanong, “What is something you have never told me?”

“Well, I tell you naman everything,” sey ni Janine sa lola niya.

“I hope so! Nothing wrong naman, I just wanted them to know that whatever it is, they can tell me so we know how to solve the problem, ‘di ba? Like you, I’m just waiting for you to tell me, ‘I’m getting married!’” tumawa uling sabi ng Mamita ng dalaga.

“Ay, naku (inulit na naman), hahaha!” tawang-tawang reaksiyon ng aktres.