SHARON, TODO-EMOTE NA PAGOD NA, BINARA NG NETIZENS

ni Nitz Miralles @Bida | February 4, 2024

Mababasa ang comment ni KC Concepcion na “Mom WAKE UP” sa post ni Sharon Cuneta na “I don’t think it’s weird to say my favorite thing has always been sleep. Sweet, glorious sleep that lets you escape. Sometimes, it even lets you dream veeeery nice dreams and you wake up happy but also wishing you didn’t have to wake up!”

Ang comment sa post ni KC ay puntahan si Sharon dahil nami-miss na siya nito.

May nag-comment din na makipag-bonding uli siya sa mom niya. 

Kaya lang, hindi maganda ang karugtong ng comment nito na isama ni KC ang papa niya na si Gabby Concepcion. Tinawag tuloy na “bugaw” ang nag-suggest nito na totoo namang bad idea. 

Ano ‘yun, makikipagkita si Gabby kay Sharon kasama si KC? Ano ang magiging dating noon kay Kiko Pangilinan?

May isa pang post si Sharon tungkol sa “truth has a way of coming out.” Pinayuhan siya ng isa niyang fans na mag-spread siya ng positivity. 

“Please. Huwag na sana maulit ‘yung DECEMBER social media blast mo. Huwag ka na ring magparinig. Be inspired and spread more inspirations, please.”

Sagot ni Sharon, “Opo. Napagod lang po ako.” 

Payo uli sa kanya, kung napapagod siya, stay away from social media. Bagay na pinagtalunan na naman ng mga fans na pansin namin, lahat na lang ng post ni Sharon, pinag-aawayan.