Sen. Hontiveros, na-bash at todo-pahiya, panawagang ceasefire sa US-Israel vs. Iran War, ‘di naman siya kilala

ni Pablo Hernandez @Prangkahan | March 6, 2026

SANGKATUTAK NA KAPALPAKAN NG MARCOS ADMIN, MAGPAPANALO KAY VP SARA SA 2028 PRESIDENTIAL ELECTION– Tahasang sinabi ni Caloocan City 2nd Dist. Rep. Egay Erice na patuloy na lumalakas ang suporta para kay “Sara Duterte for President” dahil sa sunud-sunod na kapalpakan ng Marcos administration. Para kay Cong. Egay, ang mga pagkukulang ng kasalukuyang pamahalaan ang magpapalakas kay VP Sara sa 2028 presidential election. Period!

XXX

HINDI MAN AMININ, ‘ASAR-TALO' MGA ANTI-DUTERTE CONGRESSMEN KASI PABIDAHAN NILA SA IMPEACHMENT, DINEDEDMA LANG PALA NI VP SARA – Nang tanungin si Vice President Sara Duterte tungkol sa kanyang kinakaharap na impeachment case, sinabi niyang hindi niya ito binibigyang-pansin dahil masyado siyang abala sa trabaho. Tiyak na naiinis ang mga anti-Duterte congressmen, dahil panay ang kanilang pagpapakita sa hearing ng House Justice Committee, samantalang dinedemanda lang pala ni VP Sara ang kanilang pabidahan sa impeachment case. He-he-he!

XXX

HINDI LANG SI BULACAN GOV. FERNANDO, KUNDI PATI SI VP SARA, BIKTIMA NG FAKE NEWS NI RAMON TULFO – Hindi lang si Bulacan Gov. Daniel Fernando, kundi pati si VP Sara Duterte ay ginagawan na rin daw ng fake news ni veteran journalist Ramon Tulfo.

Kamakalawa, nag-post si Tulfo na dinadalaw daw ni VP Sara sa BJMP detention cell sa Camp Bagong Diwa, Taguig City, si Ramil Madriaga. Ngunit nilinaw pa noong Disyembre 2025 ni DILG Sec. Jonvic Remulla na ang binisita ng bise presidente ay si former Negros Oriental Rep. Arnie Teves, hindi si Madriaga.

Kamakalawa rin, sinabi ni Sec. Remulla na fake news ang post ni Tulfo na sinuntok at sinakal niya si Gov. Fernando. Ayon kay Remulla, nag-usap lang sila ng gobernador sa pamamagitan ng cellphone upang linawin ang isyu sa NLEX road rage. Kalaunan ay nakumpirma ni LTO Chief Markus Lacanilao na fake rin ang kumalat na LTO show-cause order sa social media.

Dapat tigilan na ni Ramon Tulfo ang pagpo-post ng fake news. Kapag hindi niya ito tinigil, baka ang pagiging veteran journalist niya ay mapalitan ng pagiging veteran fake news vlogger. Boom!

XXX

PAG-EPAL NI SEN. RISA HONTIVEROS SA US-ISRAEL VS. IRAN WAR, SABLAY, KASI INOKRAY SIYA NG NETIZENS NANG MAG-FEELING POWERFUL SA PANAWAGANG TAPUSIN NA ANG GIYERA SA MIDDLE EAST – Sablay ang pa-epal ni Sen. Risa Hontiveros sa kanyang panawagan sa United States, Israel, at Iran na itigil ang giyera at bumalik sa negosasyon para sa ceasefire.

Pinuna ng netizens ang kanyang aksyon, dahil hindi naman siya kilala nina US Pres. Donald Trump, Israel Prime Minister Benjamin Netanyahu, at mga opisyal ng Iran, kaya’t tila sobra ang pagpapakita niya ng kapangyarihan sa pandaigdigang isyu. Boom!