Sec. Dizon, mapa-DPWH o mapa-DOTr, hindi nagpapaiwan sa pagpapakita ng kaangasan, pweeee!!

ni Pablo Hernandez @Prangkahan | October 31, 2026

BILANG KAALYADO, DAPAT PINALALAKAS NI SEN. ALAN CAYETANO ANG LOOB NI VP SARA AT HINDI PINAHIHINA — Hindi man aminin ay maaring hindi ikinatuwa ni Vice President Sara Duterte ang tinuran ng kaalyado niyang si Sen. Alan Cayetano na wala raw sinuman sa mga senator-judges ang dapat tumanggap na maging acting vice president kapag na-convict ang bise presidente sa kaso nitong impeachment.

Sa statement kasing ito ni Sen. Alan Cayetano ay parang pinalalabas niya na matatanggal sa pagka-Bise Presidente si VP Sara.

Ang nais nating ipunto rito ay imbes palakasin ni Sen. Alan Cayetano ang loob ni VP Sara, na silang nasa minorya ay hindi basta-basta makapapayag na matanggal ito sa pagka-Bise Presidente, ‘eh sa statement niya na walang sinumang senador ang dapat pumalit sa kanya, ay pinahihina pa niya ang loob ng Vice President, tsk!

XXX

SABLAY TALAGA ANG PAKIKIPAG-TANDEM NI VP SARA KAY PBBM KASI ANG MGA KAALYADONG CONG. NG MARCOS ADMIN PINUPURSIGE NA MASAMPAHAN SIYA NG PATUNG-PATONG NA KASONG PLUNDER, GRAFT AT TAX EVASION — Ayon sa House Prosecution panel, bukod sa plunder, graft ay maari rin daw sampahan si VP Sara ng kasong tax evasion dahil sa misdeclared income tax.

Pagpapatunay 'yan na sablay talaga ang ginawa ni VP Sara na pakikipag-tandem kay President Ferdinand “Bongbong” Marcos Jr., (PBBM) noong 2022 presidential election kasi 'yung mga kaalyadong kongresista ng Marcos administration ay sila pa ang nagsusulong para siya ay masampahan ng patung-patong na administrative at criminal cases na tulad ng plunder, graft at tax evasion, period!

XXX

PARANG SINABI NI FORMER DPWH USEC. BERNARDO NA LAHAT NG MGA SENADOR AT CONG. NA MAY PA-PROYEKTO SA DPWH AY MGA CORRUPT — Sa testimonya ni former Department of Public Works and Highways (DPWH) Usec. Roberto Bernardo sa Sandiganbayan na ang lahat daw ng proyekto ng DPWH ay mayroong proponent at kickback.

Kumbaga, parang sinabi na rin ni Bernardo na ang lahat ng mga senador at kongresistang may pa-proyekto sa DPWH ay mga corrupt, boom!

XXX

SEC. DIZON MAANGAS NA NOON SA DPWH, MAANGAS PA RIN NGAYON SA DOTr— Sa harap ng media ay harapang pinagalitan ni Department of Transportation (DOTr) Sec. Vince Dizon ang mga opisyal ng Manila International Airport Authority (MIAA) dahil sa kakulangan daw ng mga CCTV sa loob at labas ng Ninoy Aquino International Airport (NAIA).

Kahit noon na si Sec. Dizon pa ang kalihim ng DPWH ay pinagagalitan niya sa harap ng media ang mga DPWH engineers kapag may nakikita siyang mali sa trabaho ng mga ito.

‘Ika nga, mapa-DOTr at mapa-DPWH, ay talagang ipinakikita ni Sec. Dizon sa publiko na siya ay maangas, boom!

PBBM, Senate majority at 257 cong., malamang kinabahan sa aksyon ng SC sa petisyon nina Robin at Bong Go

ni Pablo Hernandez @Prangkahan | October 30, 2026

BINASH NA NAMAN NG MGA DDS SI PBBM TUNGKOL SA SINABI NIYANG 'HUWAG MAG-PANIC' SA PAGHINA NG PISO KONTRA DOLYAR — Binash na naman ng mga Duterte Diehard Supporters (DDS) si President Ferdinand Marcos Jr. (PBBM) sa kanyang sinabi na huwag daw mag-panic ang publiko sa patuloy na paghina ng halaga ng piso kontra dolyar.

Dapat bago magbitaw ng salita si PBBM ay pinag-iisipan niya muna kung maba-bash siya kasi sa totoo lang, ang laging inaabangan ng mga DDS ay 'yung may mali siyang masasabi sa publiko, ‘eh sablay 'yung statement niyang huwag mag-panic sa paghina ng piso kontra dolyar, kaya ang resulta, nagkaroon na naman ng pagkakataon ang mga Duterte supporters na i-bash siya sa social media, boom!

XXX

KAPAG KINATIGAN NG SC ANG PETISYON NINA SEN. BONG GO AT SEN. ROBIN PADILLA TIYAK HINDI NA MAKO-CONVICT SI VP SARA, TULOY ANG LABAN NIYA SA 2028 PRESIDENTIAL ELECTION — Pinagkokomento ng Supreme Court (SC) ang Senate Impeachment Court at House of Representatives kaugnay sa petisyon nina Sen. Bong Go at Sen. Robin Padilla na kumukuwestyon sa ibinabang voting threshold sa conviction ni Vice President Sara Duterte, na ayon sa dalawang senador ay dapat ang botohan ay ibabase sa lahat ng 24 senator-judges, kabilang ang dalawang nakakulong, isang nagtatago at isang “nagpapagamot” sa France at hindi 'yung sa mga present lang ibabase ang boto.

Kaya kapag ang petisyon na ito nina Sen. Bong Go at Sen. Padilla ay kinatigan ng SC ay tiyak malabo nang ma-convict si VP Sara sa kasong impeachment kasi nga, sa ngayon ay 14 lang ang miyembro ng majority o Gatchalian bloc sa Senado, abangan! 

XXX

TIYAK KINABAHAN SI PBBM, 'GATCHALIAN BLOC' AT 257 CONG. NANG AKSYUNAN NG SC ANG PETISYON NINA SEN. BONG GO AT SEN. PADILLA — Hindi man aminin, ay tiyak kinabahan si PBBM, "Gatchalian bloc" sa Senado at ang 257 na mga kongresistang bomoto sa impeachment ni VP Sara sa pag-aksyon ng SC sa petisyon nina Sen. Bong Go at Sen. Padilla patungkol sa impeachment voting threshold sa Bise Presidente.

May posibilidad kasi na katigan ng SC ang petisyon nina Sen. Bong Go at Sen. Padilla at kapag nangyari ito, hindi na mai-impeach si VP Sara, tuloy na tuloy na ang pagkandidato niya sa 2028 presidential election, at kapag nanalo, lagot si PBBM, ang "Gatchalian bloc" at ang 257 cong. na nagpa-impeachment sa Bise Presidente, boom! 

XXX

DAPAT BAGO UMEPAL SI MAYOR MAGALONG SA NATIONAL ISSUE, TUTUKAN DIN NIYA ANG MGA MANGRARAKET NA NAMBIBIKTIMA SA MGA TAGA-BAGUIO CITY — Nanawagan si Baguio City Mayor Benjamin Magalong sa Ombudsman at COA na imbestigahan at kasuhan ang mga sangkot sa unconstitutional na mga probisyon sa 2024, 2025 at 2026 national budgets.

Tama naman ang panawagang ito ni Mayor Magalong, kaya lang dapat bago siya umepal sa mga isyung pang-national, ay tutukan din niya ang isa sa problema sa Baguio City, ang dami na kasing nabibiktima sa raket na mini-casino sa Legarda Road at Bokawkan Road at drop ball-color games sa Kayang Market ng mga loyalistang sina "Patrick" at "Nestor," pero hanggang ngayon ay wala pang aksyon, hindi pa ipinahuhuli ng alkalde ang dalawang mangraraket na ito sa nasasakupan niyang lungsod, period!

Jonvic, salungat sa AFP: Saan galing ang 10K na banta?

ni Pablo Hernandez @Prangkahan | October 29, 2026

PARANG SINABIHAN NG AFP SPOKESPERSON NA SINUNGALING SI SEC. JONVIC REMULLA SA SINABING 10K KATAO ANG MAMAMATAY KAPAG SAPILITANG INARESTO SI SEN. DELA ROSA — Inanunsyo ni Armed Forces of the Philippines (AFP) spokesperson Col. Francel Padilla na espekulasyon lang daw na may 10,000 kataong mula sa isang armadong grupo ang posibleng masawi kung sapilitang aarestuhin si Sen. Ronald dela Rosa na nahaharap sa kasong crimes against humanity sa International Criminal Court (ICC), kasi, ayon sa AFP spokesperson, base sa military intelligence report, ay hindi ganito karami ang nagbibigay ng proteksyon sa puganteng senador.

Hindi man pinangalanan, pero parang sinabi na rin ni Col. Padilla na sinungaling 'yung nagsabing 10,000 katao raw ang mamamatay kapag sapilitang inaresto si Sen. Dela Rosa.

Siya nga pala, at alam naman ito ng taumbayan, na 'yung nagsabi na 10,000 katao raw ang mamamatay kapag sapilitang inaresto si Sen. Dela Rosa, ay walang iba kundi si Sec. Jonvic Remulla ng Department of the Interior and Local Government (DILG), boom!

XXX

ACE BARBERS BINASH NG MGA DDS SA SOCIAL MEDIA DAHIL SA PANG-OOKRAY KAY VP SARA — Pinutakti ng pamba-bash ng mga Duterte Diehard Supporters (DDS) sa social media si House Prosecutor panel spokesman, former Surigao del Norte Rep. Ace Barbers sa ginawa niyang pang-o-okray kay Vice President Sara Duterte nang sabihan niya ang Bise Presidente na "pangkarinderya raw ang drama, pero pang-bilyonarya ang bulsa."

Dapat bawas-bawasan ni Barbers ang mga pag-atake o pang-ookray niya kay VP Sara para hindi siya pinuputakti ng pamba-bash ng mga DDS sa social media, period!

XXX

LALONG NADIIN SI SEN. ESTRADA SA KASONG PLUNDER DAHIL SA BIGAT NG TESTIMONYA NI BONOAN SA SANDIGANBAYAN — Sa testimonya ni former Sec. Manuel Bonoan ng Department of Public Works and Highways (DPWH) sa Sandiganbayan ay humirit daw sa kanya si detenidong Sen. Jinggoy Estrada ng P1 billion na kukunin sa Senate Leadership Fund noong year 2025.

Sa bigat ng testimonyang 'yan ni Bonoan ay asahan nang lalong madidiin si Sen. Estrada sa kasong plunder, boom!

XXX

KAKANDIDATO PALA SA PAGKASENADOR SI CIELO MAGNO KAYA PANAY PABIDA SA KALIWA'T KANANG PAG-ATAKE KINA PBBM AT VP SARA — Nagdeklara si former Finance Usec. Cielo Magno na kakandidato raw siya sa pagkasenador sa 2028 election.

Kaya naman pala kaliwa't kanan ang panay na pabida nito sa social media sa kaaatake kina President Ferdinand “Bongbong” Marcos jr., (PBBM) at Vice President Sara Duterte kasi nag-aambisyon pala na maging senador ng ‘Pinas, pwe!