Mga cong., nag-closed-door meeting bago inaprub ang P7.2T budget, ‘di kaya may ‘insertions’ na naman???

ni Pablo Hernandez @Prangkahan | September 16, 2026

DAHIL SA KABULASTUGANG GINAWA NANG MASANGKOT SA KICKBACK SA FLOOD CONTROL PROJECTS, SA CITY JAIL BUMAGSAK SI MARTIN ROMUALDEZ  — Matapos ikulong sa city jail kaugnay sa kasong plunder dahil sa pagkakasangkot nito sa kickback sa flood control projects, kumalat na sa social media ang mugshot ni Leyte 1st Dist. Rep., former Speaker Martin Romualdez.

Patunay iyan na mali ang akala ni Cong. Romualdez na nang maging presidente ang pinsan niyang si President Ferdinand “Bongbong” Marcos Jr., ay magiging untouchable na siya sa Marcos administration, kasi nang gumawa siya ng kabulastugan, city jail ang bagsak niya, boom!

XXX

SINABI NI HARRY ROQUE NA HINDI PA DENIED ANG ASYLUM APPLICATION NIYA. TIYAK BASH NA NAMAN ANG AABUTIN NI SEC. REMULLA SA SOCIAL MEDIA — Kinumpirma ni Department of the Interior and Local Government (DILG) Sec. Jonvic Remulla na tinabla raw ng Austria ang asylum application ni former presidential spokesman Harry Roque at dahil diyan ay hinihintay na lang daw niya ang red notice ng Interpol para magtungo siya sa naturang bansa upang dakpin ito (Roque) sa kinahaharap na kasong no bail na qualified trafficking in persons na may kaugnayan sa operasyon ng Philippine Offshore Gaming Operators (POGO) sa Pilipinas.

Naku, eh, nag-post na si Harry Roque at sinabi niyang fake news ang inanunsyo ni Sec. Jonvic na na-deny ang kanyang asylum application.  Asahan na ng DILG secretary na puputaktihin na naman siya ng pamba-bash sa social media, boom!

XXX

HINDI KAYA NAGKAROON NA NAMAN NG 'PORK BARREL’ INSERTIONS KASI BAGO INAPRUB NG HOUSE PANEL ANG P7.2T, NAGKAROON MUNA SILA NG CLOSED-DOOR MEETING? — Hindi kaya nagkaroon na naman ng "pork barrel" insertions ang mga kongresista sa P7.2 trillion national budget para sa year 2027?

Bago kasi inaprubahan ng House Committee on Appropriations ang national budget na ito, nagkaroon muna sila ng closed-door meeting.

Sa totoo lang kasi, nagkakaroon ng duda ang publiko kung nagkakaroon ng closed-door meeting ang mga kongresista patungkol sa pagbalangkas sa national budget, period!

XXX

MAY MGA NAGBARILAN AT MAY MGA NAMATAY KAYA, FAKE NEWS ANG SINABI NI COMELEC CHAIRMAN GARCIA NA MAPAYAPA ANG NAGANAP NA BARMM ELECTION —- Malinaw na fake news ang sinabi ni Comelec Chairman George Garcia na mapayapa raw na natapos ang halalan sa Bangsamoro Autonomous in Region Muslim Mindanao (BARMM).

Dami kasing nag-viral na video sa social media na may mga nagbarilan at may mga napatay sa naganap na halalan sa BARMM election, tapos sasabihin ng Comelec na mapayapa ang eleksyon sa rehiyong ito, pwe!

Romualdez, buking na ‘nagsasakit-sakitan’, swak sa kulungan

ni Pablo Hernandez @Prangkahan | September 15, 2026

SIGURADONG ABSUWELTO SI VP SARA SA IMPEACHMENT KAPAG 'YUNG SINABI NI EX-CJ DAVIDE NA '16 VOTES' TO CONVICT ANG SUSUNDIN — Viral ngayon sa social media ang statement noon ni former Supreme Court (SC) Chief Justice Hilario Davide na ang sinumang impeachable officer na nahaharap sa impeachment ay kailangan ang 16 boto ng mga senator-judges para sa conviction ng ini-impeach.

Parang sinabi ni Davide na hindi puwede 'yung nais ng majority senators-judges na ibaba sa 16 ang boto para sa conviction ni Vice President Sara Duterte, at kung ang sinabing iyan ng dating Chief Justice ang susundin, ay siguradong absuwelto sa kasong impeachment ang Bise Presidente, period!

XXX

NABISTO NG SANDIGANBAYAN NA 'NAGSASAKIT-SAKITAN' LANG SI CONG. ROMUALDEZ KAYA IPINAKULONG NA AGAD SIYA SA CITY JAIL— Sa pagharap ni Dr. Gerardo Legaspi, director ng UP-Philippine General Hospital (PGH) na maayos ang kalusugan ni Leyte 1st Dist. Rep., former Speaker Martin Romualdez na nahaharap sa kasong plunder at hindi raw nito kailangang ma-confine sa ospital.

Dahil sa sinabi ni Dr. Legaspi ay nabisto tuloy ng Sandiganbayan na "nagsasakit-sakitan" lang si Cong. Romualdez, at dahil diyan ay iniutos nito (Sandiganbayan) sa Bureau of Jail, Management and Penology (BJMP) na alisin na ang kongresista sa PGH at ikulong na sa city jail, boom!

XXX

DAPAT TUTUKAN NG BJMP SINA CONG. ROMUALDEZ AT SEN. MARCOLETA KASI BAKA MAGBABAG KAPAG NAGKASALUBONG SA LOOB NG CITY JAIL — Ngayong nasa city jail na si Cong. Romualdez, ay hindi maiiwasang magkita sila ng detenido rin na si Sen. Rodante Marcoleta.

Naku, dapat tutukan ng BJMP ang dalawang iyan kasi magkalaban sila sa pulitika at baka kapag nagkita at walang nakabantay na guwardiya ay baka magbabag sila sa loob ng city jail.

Hindi joke iyan, dahil pareho silang nakakulong sa city jail at parehong mainit ang kanilang ulo at posible talagang magbabag sila kapag nagkasalubong sila sa loob ng city jail, period!

XXX

MAYOR MAGALONG, ISA SIYA SA CONVENOR NG 'MAYORS FOR GOOD GOVERNANCE' PERO WALANG AKSYON SA SANGKATUTAK NA MGA MANGRARAKET SA BAGUIO CITY — Parami nang parami ang mga drop balls at color games operators na nangraraket sa mga residente sa Baguio City.

Mantakin n'yo, isa si Mayor Benjamin Magalong sa convenor ng "Mayors for Good Governance," tapos tila wala siyang aksyon sa sangkatutak na nangraraket sa mga residente ng lungsod na ito, pwe!

Jonvic, naturingang DILG Sec., takot sa mga protektor kuno ni Sen. Bato

ni Pablo Hernandez @Prangkahan | September 14, 2026

DILG SEC. JONVIC REMULLA, TAKOT SA MGA PROTEKTOR NI SEN. DELA ROSA? — Pinuputakti ng batikos si Department of the Interior and Local Government (DILG) Sec. Jonvic Remulla patungkol sa sinabi niyang alam na nila ang pinagtataguan ng wanted na senador na si Sen. Ronald dela Rosa na may kasong crimes against humanity, kaya lang daw ay hindi nila magawang pasukin ang kinaroroonan nito dahil baka raw manlaban ang mga nagbibigay ng proteksyon sa senador at ang iniiwasan daw nila ay baka maraming mamamatay.

Mababatikos talaga sa isyung ito si Sec. Remulla, kasi naturingan siyang DILG Sec., tapos parang nagpapakita siya ng takot sa mga protektor ni Sen. Dela Rosa, boom!

XXX

PARA HINDI MASABIHANG ATAT MAGING PRESIDENTE, DAPAT IPAUBAYA NA LANG NI VP SARA SA MGA DDS ANG PANAWAGANG MAG-RESIGN NA SI PBBM — Marami namang Duterte Diehard Supporters (DDS) ang nanawagan kay President Ferdinand “Bongbong” Marcos Jr. na mag-resign na ito sa puwesto, kaya't sana ay hindi na nakisawsaw pa si Vice President Sara Duterte sa panawagang mag-resign na ang presidente kasi dahil dito, binatikos siya ng publiko.

Hindi naman talaga kasi magandang tingnan na si VP Sara ang successor o papalit kay PBBM kapag nawala ito sa puwesto, tapos nanawagan siyang mag-resign na ito.

Ang nais nating ipunto rito ay dapat hayaan na lang ni VP Sara ang mga DDS sa panawagang mag-resign si PBBM para hindi siya nababatikos ng taumbayan, na ang natatanim sa isipan ay masyado siyang atat maging presidente kaya pinagri-resign na niya ang presidente, period!

XXX

BATIKOS ANG AABUTIN NI OMBUDSMAN REMULLA KAPAG HINDI NIYA NAIBALIK SA ‘PINAS SI ZALDY CO — Tiniyak ni Ombudsman Boying Remulla na sa pagtungo ng kanyang grupo sa France ay mahuhuli na nila si former Cong. Zaldy Co at maibabalik na ito sa Pilipinas para ikulong sa city jail sa kasong plunder.

Sana totoo ang sinabing iyan ni Ombudsman Remulla kasi kapag sumablay siya sa sinabi niya at pagbalik niya sa ‘Pinas ay hindi kasama si Zaldy Co ay asahan na niyang puputaktihin siya ng pamba-bash sa social media, boom!

XXX

IBABA NA ANG PRESYO NG KRUDO PARA HINDI NA MAGTIGIL-PASADA MGA TSUPER — May ikinakasa na namang dalawang araw na tigil-pasada ang mga jeepney driver dahil sa patuloy na pagtaas ng presyo ng krudo.

Aba’y dapat para hindi na matuloy ang panibagong tigil-pasada na 'yan na magpapahirap sa mga pasahero, ay dapat forthwith o agad-agad ay magpalabas ng direktiba ang Department of Energy (DOE) na nag-uutos sa mga oil companies na ibaba ang presyo ng krudo, period!