Cong. Pulong, kinasuhan sina Matibag, Gracioso at ang GMA Network, VP Sara papalag na rin kaya? Abangan

ni Pablo Hernandez @Prangkahan | October 24, 2026

SASAMPAHAN DIN KAYA NI VP SARA NG KASO SINA MATIBAG, GRACIOSO AT ANG GMA NETWORK? — Sinampahan ni Davao City 1st District Rep. Paolo Duterte ng kasong cyber libel sina National Bureau of Investigation (NBI) Director Melvin Matibag, ex-Pat. Rodulfo Gracioso at mga opisyal at news anchor ng GMA Network dahil sa ginawang pagsasangkot umano ng mga ito sa kanya patungkol sa pagtanggap ng maletang may pera mula kay former Speaker Lord Allan Velasco.

Tulad ni Cong. Pulong, ang kapatid niyang si Vice ident PresidentSara Duterte ay isinangkot din ni Gracioso at dinalhan din daw niya ng maletang may pera. Ani Director Matibag, kanila raw iimbestigahan ang isyu sa magkapatid na Duterte nana eksklusibo umanong ibinalita naman ng GMA Network.

Kaya't ang tanong: Magsasampa rin kaya si VP Sara ng kasong cyber libel laban kina Matibag, Gracioso at GMA Network? Abangan!

XXX

AFTER 1 WEEK SAKA LANG NAG-DENY SI RIMBANG KAYA ANG PINUTAKTI SIYA NG PAMBA-BASH SA SOCIAL MEDIA — Makalipas ang halos isang linggo nang pangalanan ng Department of Interior and Local Government (DILG) at Philippine Drug Enforcement Agency (PDEA) si former Bangsamoro Parliament Member Sultan Edrieza Rimbang na siya ang financier sa naunsiyaming P3.5 billion drug shipment sa Laos patungong Pilipinas, ay saka lang niya itinanggi na sangkot siya sa tangkang pagpasok ng illegal drugs sa bansa.

Sa totoo lang, sablay ang palusot na ito ni Rimbang kasi nga naghintay pa siya ng halos isang linggo bago siya nag-react sa pagkakasangkot niya sa drug shipment.

Kung ang ginawa ni Rimbang ay nagtungo agad siya sa DILG at PDEA para linisin ang kanyang pangalan matapos na masangkot siya sa drug shipment, ay baka sakaling paniwalaan pa ng publiko ang kanyang denial. Eh ang masaklap, halos isang linggo ang lumipas saka siya nagdi-deny. Kaya ang resulta ng kanyang denial, naputakti siya ng pamba-bash sa social media. Period!

XXX

WALANG SIBAKAN KASI MAGKAKAMPI ANG 'WEAK' DILG SEC. AT 'WEAK' PRESIDENT — Sa kabila ng mga kapalpakan ni Department of Interior and Local Government (DILG) Sec. Jonvic Remulla, ay sinabi ni Presidential Communication Office (PCO), spokesperson Usec. Claire Castro na wala raw plano si President Ferdinand “Bongbong” Marcos Jr. (PBBM) na sibakin ito.

Siyempre naman, hindi sisibakin iyan ni PBBM kasi sino ba naman ang magkakampihan kundi ang "weak" DILG sec. at "weak" president, boom!

XXX

MALAMANG PINAGTATAWANAN SI DILG SEC. JONVIC REMULLA NG MGA COUNTERPART NIYANG MGA INTERIOR SECRETARY AT INTERIOR MINISTER SA IBA'T IBANG BANSA SA MUNDO — Malamang pinagtatawanan ng mga interior secretary at interior minister sa iba't ibang bansa si DILG Sec. Jonvic Remulla dahil sa kanyang sinabi na hindi niya magawang iutos sa mga awtoridad na dakpin si Sen. Ronald dela Rosa na nahaharap sa kasong crimes against humanity sa International Criminal Court (ICC) sa kadahilanang protektado raw ito ng mga armadong grupo.

Kaya natin nasabing malamang pinagtatawanan kasi nga may social media na at tiyak nakarating na sa kaalaman ng mga interior secretary at interior minister sa iba't ibang bansa na ang counterpart sa ‘Pinas ay takot sa mga armadong nagbibigay-proteksyon sa wanted na katulad ni Sen. Dela Rosa, period!

PBBM, wala raw pananagutan sa unconstitutional 2024, 2025 at 2026 budget, ibig sabihin wa’ ‘wenta pala ang desisyon ng SC. Pwe!!!

ni Pablo Hernandez @Prangkahan | October 23, 2026

WA’ ‘WENTA PALA ANG DESISYON NG SC NA  UNCONSTITUTIONAL 2024, 2025 AT 2026 BUDGET, KASI WALA NAMAN DAW PANANAGUTAN DITO SI PBBM KAHIT SIYA ANG LUMAGDA — Matapos ideklara ng Supreme Court (SC) na unconstitutional ang ilang probisyon sa 2024, 2025 at 2026 national budget, ay sinabi ni Vice President Sara Duterte na dapat daw managot dito si President Ferdinand “Bongbong” Marcos Jr. dahil siya ang pumirma sa mga budget, pero ayon kay SC spokesperson Atty. Camille Ting ay "in good faith" daw ang paglagda kaya't wala raw pananagutan ang Presidente.

‘Eh, kung ganyan na wala pa lang pananagutan dito si PBBM, ay lumalabas na wa’ ‘wenta pala 'yang naging desisyon ng SC, boom!

XXX

SENS. ESTRADA AT MARCOLETA, TAGILID SA MGA KASO NILANG PLUNDER — Pinatawan ng Sandiganbayan ng 90-day preventive suspension sina Sen. Jinggoy Estrada at Sen. Rodante Marcoleta kaugnay sa kinakaharap nilang kasong plunder.

Sa totoo lang, masamang pangitain para kina Sen. Estrada at Sen. Marcoleta ang pagpataw sa kanila ng 90-day preventive suspension kasi indikasyon 'yan na tagilid sila sa kinakaharap nilang kasong plunder sa Sandiganbayan, period!

XXX

MAY PAGKAKATAON NANG HULIHIN SI SEN. DELA ROSA SA SENADO PERO HINDI GINAWA KAYA KAPAG WALA NA RIN ITO SA PANGANGALAGA NG ARMED MEN SA MINDANAO, STRIKE 2 NA SI SEC. REMULLA SA KANYANG KAPALPAKAN — Noon ay may pagkakataon na sana si Department of Interior and Local Government (DILG) Sec. Jonvic Remulla na ipahuli si Sen. Ronald Dela Rosa na nahaharap sa kasong crimes against humanity sa International Criminal Court (ICC) sa loob ng Senado, pero hindi niya ito ginawa dahil sa "gentleman's agreement" nila ng noo’y Senate President Alan Cayetano na hindi ito palalabasin dahil nasa ilalim ito ng protective custody ng Senate of the Philippines, pero ang nangyari, nakaalis ito.

Sa paghahanap ay natunton ng tropa ni Sec. Remulla ang kinaroroonan ni Sen. Dela Rosa sa Mindanao, at pagkakataon na rin sana ito para dakpin siya, pero hindi na naman ginawa ng DILG Sec. dahil nakikipag-negotiate raw muna sila sa mga armadong nagbabantay sa senador, na i-surrender siya upang walang dugong dumanak sa lugar.

‘Eh, paano kung wala na rin doon si Sen. Dela Rosa, sabihin ng mga armed men na wala na ito sa kanilang pangangalaga, umalis na ito sa lugar? Naku, kapag ganyan ang nangyari, ay asahan na ni Sec. Remulla na bash na naman sa social media ang aabutin niya kasi nga natakasan na naman siya, strike 2 na siya sa kanyang kapalpakan, boom!

XXX

SA DAMI NG NAGALIT KAY SEN. ALAN CAYETANO NANG HINDI TUPARIN ANG PROMISE NA P10K AYUDA, PARANG ‘DI KAPANI-PANIWALA NA RANK 3 SIYA SA SENATORIAL SURVEY SA 2028 ELECTION — Sa mga senatorial survey ay nagra-rank number 3 si Sen. Alan Cayetano.

Sa totoo lang, parang hindi kapani-paniwala na mananalo si Sen. Alan Cayetano sa 2028 election kasi nga maraming galit sa kanya nang hindi niya tinupad ang promise niyang ayudang P10K sa bawat pamilyang Pinoy noong kasagsagan ng pangangampanya niya noong 2022 election.

Kung sa bagay, survey lang naman 'yan, kasi noong panahon ng kampanyahan noong 2025 election ay sa survey laging pasok sa top 12 sina former Sen. Bong Revilla at Willie Revillame, pero nang matapos ang bilangan ng boto, pareho silang talo, at ang mga nanalo ay sina Sen. Bam Aquino at Sen. Kiko Pangilinan na sa mga survey noon ay hindi naman pumapasok sa top 12, period!

Jonvic, todo-yabang, alam daw ang taguan ni Bato, ayaw naman hulihin, weak!!!

ni Pablo Hernandez @Prangkahan | October 22, 2026

HINDI LANG PALA ANG PRESIDENTE ANG 'WEAK,' KUNDI PATI ANG ITINALAGA NIYANG DILG SEC. 'WEAK' DIN PALA — Sablay ang pabida ni Department of Interior and Local Government (DILG) Sec. Jonvic Remulla patungkol kay Sen. Ronald Dela Rosa na may kasong crimes against humanity sa International Criminal Court (ICC).

Ibinida kasi ni Sec. Remulla na alam na raw nila ang pinagtataguan ni Sen. Dela Rosa sa Mindanao, pero hindi raw nila magawang dakpin ito kasi maraming armado raw na nagbabantay sa senador, idinadaan na lang daw nila sa pakiusap sa mga armed men na mapayapa itong isuko sa gobyerno.

Sana hindi na lang ibinida ni Sec. Remulla ang isyu tungkol kay Sen. Dela Rosa kasi nang sabihin niyang hindi nila magawang hulihin ang senador dahil sa rami ng mga armadong nagbabantay dito, ay na-bash siya nang todo sa social media kasi lumalabas na kung "weak" ang presidente, "weak" din pala ang DILG sec, boom!

XXX

MATAGAL NA PA LANG RUMARAKET SA FLOOD CONTROL PROJECTS SINA ROMUALDEZ AT ZALDY CO — Sa testimonya ni former Department of Public Works and Highways (DPWH) Bulacan Engr. Henry Alcantara sa Sandiganbayan ay kanyang sinabi na noong majority flood leader pa lang si Leyte 1st Dist. Rep. Martin Romualdez ay 20% na kickback sa mga flood control projects ang hinihingi ng noo'y Ako Bicol partylist Rep. Zaldy Co, at nang maging speaker na ito, ay tumaas na ang hinihinging kickback ni Zaldy Co, pumalo na ito sa 25%.

Ibig sabihin niyan ay matagal na pa lang rumaraket sa flood control projects sina Cong. Romualdez at Zaldy Co, mga pwe!

XXX

KUNG SINUNOD LANG NI VP SARA ANG NAIS NG KANYANG AMA NA 'SARA-BONG GO' TANDEM NOONG  2022 ELECTION HINDI NA SANA NAKULONG SA ICC-JAIL SI FPRRD, HINDI RIN SANA NAKAKARANAS ANG VP NG MATINDING PAMUMULITIKA NG MARCOS ADMIN — Bago ang filing ng candidacy noong 2022 presidential election ay kinakitaan na ng noo'y President Rodrigo Roa Duterte na "weak leader" ang noo'y presidential aspirant, former Sen. Bongbong Marcos kung kaya't hinikayat niya ang kanyang anak na noo'y Davao City Mayor Sara Duterte na kumandidato sa pagka-presidente at ang gawing katandem para naman sa pagka-vice president ay si Sen. Bong Go para nga raw maipagpatuloy ang "Tapang at Malasakit" na pamamahala sa bansa, pero tinanggihan niya (Sara) ang nais mangyari ng kanyang ama dahil nakapagpasya na siya na tatakbo bilang vice president ni BBM.

Kung sinunod lang sana noon ni VP Sara ang nais mangyari ng kanyang ama ay silang dalawa sana ni Sen. Bong Go ang namumuno sa bansa, hindi sana naikulong sa ICC jail si former President Rodrigo Roa Duterte (FPRRD) at hindi rin sana siya nakakaranas ng matinding pamumulitika sa Marcos administration, tsk!

XXX

KUNG ANO GUSTO NI FPRRD, SIYANG GUSTO RIN NG TAUMBAYAN AT ITO ANG ’'SARA-BONG GO TAPANG AT MALASAKIT’ TANDEM SA 2028 ELECTION — Gayunman, hindi pa naman huli ang lahat, kung hindi siya mai-impeach ay maaaring sundin na ni VP Sara ang nais mangyari ng kanyang ama na ituloy ang "Tapang at Malasakit" na pamamahala sa pamamagitan ng pagkuha niya kay Sen. Bong Go bilang kanyang vice president.

Sa totoo lang kasi, ang gusto ni FPRRD na mangyari noon na "Sara-Bong Go" tandem ay siya rin ang gusto ngayon ng majority Pinoys at napatunayan 'yan sa mga survey na siya (VP Sara) ang laging top sa pagka-presidente at ang senador naman ang laging top sa pagka-vp para sa nalalapit na 2028 presidential election, period!