BSKE sa Nobyembre ‘pag hindi natuloy, P8B pera ng bayan, masasayang

ni Pablo Hernandez @Prangkahan | September 7, 2026

PLUNDER CASE ISINAMPA NA SA SANDIGANBAYAN AT KASUNOD NIYAN AY WARRANT OF ARREST, KAYA TIYAK MASA-SWAK NA SA CITY JAIL SI CONG. ROMUALDEZ — Isinampa na ng Office of the Ombudsman sa Sandiganbayan ang kasong plunder laban kina Leyte 1st Dist. Rep., former Speaker Martin Romualdez at former Ako Bicol Partylist Rep. Zaldy Co kaugnay sa pagkakasangkot nila sa multi-billion-peso flood control scandal sa bansa.

At dahil naisampa na ito sa Sandiganbayan, ay asahan nang kasunod nito ang warrant of arrest, na ibig sabihin, masa-swak na sa city jail ang dating speaker, abangan!

XXX

MALAMANG KAKABA-KABA NA SI SEN. ALAN CAYETANO SA STATEMENT NI NBI DIRECTOR NA KAKASUHAN NILA ANG MGA SANGKOT SA OVERPRICED NA P55M CAULDRON — Inanunsyo ni National Bureau of Investigation (NBI) Director Melvin Matibag na base sa kanilang imbestigasyon ay 'yung P55 million na ginastos ng Philippine Southeast Asian Games Organizing Committee (PHISGOC) sa paggawa ng cauldron para sa 2019 Southeast Asian (SEA) Games ay lumabas na umabot lang sa P5 million ang materyales at pati ang ibinayad sa arkitektong gumawa nito.

Dahil overpriced ito ng P50 million, kaya't ayon kay Director Matibag ay kakasuhan nila lahat ng sangkot sa anomalyang ito, at dahil P55M ito, pasok ito sa kasong plunder. 

At dahil kabilang ang noo'y Speaker Alan Cayetano (senador na ngayon) sa nangasiwa sa pagpapagawa ng cauldron na ito, ay hindi man niya aminin, malamang kakaba-kaba na siya dahil kapag isinama siya ng NBI sa sinampahan ng kasong plunder, swak din siya sa city jail, boom!

XXX

DAPAT I-REJECT NI PBBM ANG PANUKALANG POSTPONEMENT NG BSKE SA NOV. 2026 PARA HINDI MASAYANG ANG P8B PERA NG BAYAN — Sa pagdinig sa Kongreso ay inulit ni Comelec Chairman George Garcia na nakagastos na ang komisyon ng higit P8 billion, kabilang ang pag-imprenta ng mga balota para sa paghahanda sa nalalapit na Barangay and Sangguniang Kabataan Election (BSKE) sa November 2026.

Mantakin n'yo, ang laki na ng halagang nagastos ng Comelec sa paghahanda sa BSKE sa November 2026, P8 billion ito, tapos gusto ng Kamara at Senado na ipagpaliban ang barangay election sa kadahilanan lang na nais nilang mula sa 3-year term, ay gawin na itong 5-year term.

Dapat i-reject o i-veto ni President Ferdinand “Bongbong” Marcos Jr., (PBBM) ang panukalang postponement ng BSKE sa November 2026 kasi kapag inaprub niya ito, P8 billion pera ng bayan ang masasayang dito, period!

XXX

PABIDA LANG YATA NI COMM. NEPOMUCENO ANG SINABI NIYANG WALANG PUWANG ANG SMUGGLING SA CUSTOMS KASI SA DAMING SHABU AT SMUGGLED NA YOSI ANG NAIPUPUSLIT PALABAS SA ADWANA ANG NASASABAT NG PNP — Sinabi ni Commissioner Ariel Nepomuceno na wala raw puwang ang smuggling sa Customs.

Pabida lang yata ito ni Comm. Nepomuceno, kasi sa daming shabu at smuggled na yosi ang naipupuslit palabas sa Customs at nasasabat ng Philippine National Police (PNP) sa iba't ibang panig ng bansa, period!

Romualdez, nanganganib ma-City Jail ‘pag kumanta na si Bonoan, abangan

ni Pablo Hernandez @Prangkahan | September 7, 2026

MAAARING KAYA HINDI NA KINUNAN NG MUGSHOT SI VP SARA UPANG HUMUPA AT MAPAKALMA ANG GALIT NG MGA DDS — Matapos makapaglagak ng piyansa sa tatlong kaso ng grave threats ay hindi na kinunan ng mugshot si Vice Pres. Sara Duterte.

Maaaring kaya hindi na kinunan ng mugshot si VP Sara, hiningan na lang ito ng picture, ay para kahit paano humupa, mapakalma ang galit ng mga Duterte Diehard Supporters (DDS), period!

XXX

BAKA 'SUMALAKAY' ULI SA SENADO ANG MGA DDS KAPAG IPINILIT NA IBABA ANG BILANG NG BOTO NG MGA SENATOR-JUDGE SA IMPEACHMENT CASE NI VP SARA — Plano raw ng majority bloc sa Senado na ibaba ang bilang ng boto ng mga senator-judge para sa conviction sa kasong impeachment ni VP Sara, kasi apat na senador, na sina Senators Jinggoy Estrada, Rodante Marcoleta (parehong nakakulong sa kasong plunder), Ronald dela Rosa (nagtatago sa kasong crimes against humanity) at Loren Legarda (nasa abroad) ang hindi na nakakadalo sa impeachment trial.

Kung dati ay 16 na boto ang kailangan para ma-impeach si VP Sara, ay posibleng maging 13 na lang.

Naku, dapat pag-isipang mabuti ng majority bloc ang gagawin nilang desisyon sa isyung iyan, kasi kapag ipinilit na ibaba ang bilang ng boto, ay baka "sumalakay,” magsipag-rally uli sa harap ng Senado ang mga Duterte Diehard Supporters (DDS), boom!

XXX

SA PAGTESTIGO NI FORMER DPWH SEC. BONOAN MALAMANG MA-CITY JAIL NA SI CONG. ROMUALDEZ — Nanawagan si Leyte 1st Dist. Rep., former Speaker Martin Romualdez sa Office of the Ombudsman na maging patas sa pagproseso sa kasong isasampa sa kanya sa Sandiganbayan.

Sa tema ng statement ni Cong. Romualdez ay tila kinakabahan na ito, kasi nga sa pag-aprub ng Sandiganbayan na gawing state witness si former Department of Public Works and Highways (DPWH) Sec. Manuel Bonoan sa flood control scandal ay parang ramdam na niyang malapit na siyang makulong sa city jail, abangan!

XXX

MAYOR RUFFY BIAZON, WALA PA RIN AKSYON PARA MAPA-STOP ANG RAKET NA STL-BOOKIES NG 2 'DILAWAN' SUPPORTERS SA MUNTINLUPA CITY? — Hanggang ngayon ay wala pa rin daw aksyon si Muntinlupa City Mayor Ruffy Biazon para ipa-stop ang umano’y raket na STL-bookies ng dalawang "dilawan" supporters na sina "Jojo" at "Touche" sa lungsod.

Si Mayor Biazon ay isa sa mga "dilawan" na politician sa bansa, at para hindi masabi ng publiko na kinukunsinte niya ang raket ng dalawang "dilawan" supporters sa Muntinlupa City, ay dapat atasan niya si Muntinlupa City Chief of Police, Col. Olivia Ancheta, na ipa-stop ang STL-bookies sa lungsod, period!

Babawiin agad ng oil companies ang rollback nu'ng Sept. 1, kasi next week, may bigtime price hike huli

ni Pablo Hernandez @Prangkahan | September 6, 2026

VP SARA KAPAG NAGING PRESIDENTE HINDI LANG  MARCOS ADMIN ANG LAGOT, PATI JUDGE NA NAGPALABAS NG WARRANT OF ARREST SA KANYA — Hindi lang sa Marcos administration nagpahayag ng galit si Vice Pres. Sara Duterte, kundi pati sa judge na nagpalabas ng warrant of arrest sa kanya kaugnay sa tatlong kaso ng grave threats na may kinalaman sa sinasabing pagbabanta niya sa buhay nina President Ferdinand “Bongbong” Marcos Jr., First Lady Liza Araneta-Marcos at Leyte 1st Dist. Rep. former Speaker Martin Romualdez.

Dahil diyan ay tiyak hindi lang ang Marcos admin ang lagot kapag naging presidente si VP Sara, kundi pati ang judge na nagpalabas ng warrant of arrest laban sa kanya, abangan!

XXX

AFTER MAKAPAGPIYANSA TIYAK SUNUD-SUNOD NA BATIKOS ANG GAGAWIN NI VP SARA SA MGA MALING POLISIYA NG MARCOS ADMIN — Kinumpirma ni Atty. Paul Lawrence Lim, abogado ni VP Sara na nakapagpiyansa na ang Bise Presidente para sa tatlong kaso ng grave threats.

At dahil piyansado na ay asahan na ang sunud-sunod na pambabatikos na gagawin ni VP Sara sa mga maling polisiya ng Marcos administration, boom!

XXX

MGA DOH OFFICIALS NA SANGKOT SA PAGBILI NG MGA EXPIRED NA GAMOT DAPAT MANAGOT — Sa pagdinig sa Senado ay natuklasan ni Sen. Raffy Tulfo na bumili ng mga expired na gamot ang Department of Health (DOH) worth P11 billion noong taong 2023, at pagkaraan, ang mga gamot (expired) na ito ay "ibinaon" daw sa lupa.

Mantakin n’yo, ganyan kalaking halaga ng pera ng bayan ang nasayang.

Dapat managot diyan ang mga DOH officials na sangkot sa pagbili ng mga expired na gamot, period!

XXX

KATATAPOS LANG NG OIL PRICE ROLLBACK, TAPOS MAY BIGTIME OIL PRICE HIKE ULI NEXT WEEK — Matapos ang oil price rollback nitong nakalipas na Sept. 1, 2026, ay inanunsyo ng Department of Energy (DOE) na may bigtime oil price hike na naman next week.

Dahil diyan ay lumabas na 'yung ibinaba ng presyo ng kada litro ng langis noong Sept. 1, ay babawiin agad ng mga oil company next week, at may kasama pa itong tubo kasi nga bigtime oil price hike ang ipapatupad sa Sept. 7, buset!