Patay sa nasunog na MV June Aster, 77 na

ni Mai Ancheta @News | September 17, 2026

Photo: PCG

Nasawi nitong Martes ng hapon ang isang nakaligtas sa sunog sa passenger ferry na MV June Aster matapos magtamo ng malubhang paso.

Ang biktima, na isang crew member ng barko, ay ginagamot sa Culion Sanatorium and General Hospital nang pumanaw. Hindi naman inilabas ng mga awtoridad ang kanyang pagkakakilanlan.

Dahil sa kanyang pagkamatay, umakyat sa 77 ang bilang ng mga nasawi.

Patuloy naman ang pinalawak na search and rescue operation para sa 12 pasaherong nawawala, isang linggo matapos masunog ang barko sa karagatan ng Coron, Palawan.

Patuloy din ang imbestigasyon upang matukoy ang mga pangyayaring humantong sa nakamamatay na sunog.