Sunog, sumiklab sa Parola Compound

ni Mylene Alfonso @News | May 24, 2026

Photo: Sa aerial view, makikita ang lawak ng sunog na sumiklab sa mga kabahayan sa Parola Compound sa Tondo, Maynila na umabot na sa Task Force Bravo. (Jeff Tumbado)

May 1500 pamilya ang nawalan ng tahanan kaugnay sa nangyaring sunog kahapon ng hapon sa Parola Compound, Gate 46, Binondo, Maynila.

Batay sa inisyal na beripikasyon ng Manila Bureau of Fire Protection (BFP), itinaas na sa Task Force Charlie ang sunog hanggang alas-5:19 ng hapon.

Ayon sa BFP, bandang alas-3 ng hapon nang magsimula ang sunog na mabilis na kumalat dahil pawang yari sa light materials ang mga nakatayong bahay.

Hindi pa rin naapula ang sunog habang isinusulat ang nasabing balita.

Dinala sa Delpan Evacuation Center ang mga pamilyang nabiktima ng sunog.

Sa sketchy report walang pang iniulat na namatay o nasugatan sa napakalaking sunog sa lugar. 

PUP main building, nasunog

ni Mylene Alfonso @News | May 6, 2026

Photo: Circulated - Jose Caridad FB

Natupok ang bahagi ng main building ng Polytechnic University of the Philippines (PUP) matapos na sumiklab ang sunog kahapon ng hapon sa Sta. Mesa, Maynila.

Batay sa ulat ng Manila Bureau of Fire Protection (BFP), alas-2:30 ng hapon nang magsimula ang sunog dahil sa “electrical fire.”

Sa advisory ng PUP management, alas-3 ng hapon nang maideklara itong fire under control.

“Rest assured that the situation is already under control and the fire has been extinguished,” nakasaad pa sa advisory.

Bunsod nito, suspendido ang klase ng mga estudyante at pinayuhan na gamitin ang mga fire exits ng unibersidad.

Samantala, wala naman iniulat na nasaktan o namatay sa nabanggit na sunog.

Patuloy naman ang imbestigasyon kaugnay sa halaga ng pinsala ng sunog.

Shopping center sa China nasunog, 16 patay

ni Eli San Miguel @K-Buzz | July 19, 2024

Umabot na sa 16 katao ang namatay sa sunog sa isang shopping center sa timog-kanlurang bahagi ng China, ayon sa ulat ng state media. Natapos ang rescue operation para sa insidente bandang alas-3 ng madaling-araw noong Huwebes (1900 GMT Miyerkules).

Ipinakita sa video na inere ng state media CCTV at ibinahagi sa social media noong Miyerkules ng gabi, ang makapal na itim na usok na lumalabas mula sa 14-storey tower sa Zigong, lalawigan ng Sichuan.

Nasa 30 katao ang nailigtas mula sa gusali, at naapula ng mga rescuer ang sunog bandang alas-8:20 ng gabi noong Miyerkules, ayon sa CCTV. Hanggang alas-3 ng umaga noong Huwebes, umabot ang bilang ng namatay sa 16 at walang natitirang nakulong na tao sa loob, ayon sa Xinhua.