Parusa sa kasong cyberlibel o online libel

ni Atty. Persida Rueda-Acosta @Magtanong Kay Attorney | July 22, 2025

Dear Chief Acosta,

Kung sa tradisyunal na libel ay maaaring ang kaparusahan ay multa at hindi pagkakakulong, maaari rin bang ipataw ang ganitong uring kaparusahan maging sa online libel? — Enchong

---

Dear Enchong, 

Ang sagot sa iyong katanungan ay matatagpuan sa probisyon ng ating mga alituntunin, batas, at desisyon ng Korte Suprema. Kaugnay ng nabanggit, nilinaw ng Korte Suprema sa kasong People vs. Soliman (G.R. No. 256700, 25 April 25 2023) sa panulat ni Honorable Associate Justice Antonio Kho, Jr., na kapwa ang Revised Penal Code of the Philippines at ang Republic Act (R.A.) No. 10175, o mas kilala sa tawag na “Cybercrime Prevention Act of 2012,” ay sinasabi na ang kaparusahan sa tradisyunal na libel at online libel ay maaaring pagkakakulong, o fine, o parehong fine at pagkakakulong:

“Thus, the Court takes this opportunity to clarify, for the guidance of the Bench and the Bar, that as worded, both the RPC and RA 10175 prescribe the penalty of imprisonment or a fine for the crimes of Traditional Libel and Online Libel, depending on the circumstances present in each case. Both statutes did not alter the character of the penalties of imprisonment and fine as alternatives to each other, or as concurrent penalties, in cases of Online Libel or Libel.” 

Kaugnay sa nasabing kaso, bukod sa pagbibigay-linaw sa isyu ng kaparusahan sa online libel, nagsaad din ng mga alituntunin ang Kataas-taasang Hukuman at ibinahagi ang mga sumusunod: 

Therefore, courts should take note that in the imposition of penalty for libel/online libel, they should bear in mind the principles laid down in the Circular, as follows:

1. [AC 08-2008] does not remove imprisonment as an alternative penalty for the crime of libel under Article 355 of the Revised Penal Code;

2. The Judges concerned may, in the exercise of sound discretion, and taking into consideration the peculiar circumstances of each case, determine whether the imposition of a fine alone would best serve the interests of justice or whether forbearing to impose imprisonment would depreciate the seriousness of the offense, work violence on the social order, or otherwise be contrary to the imperatives of justice;

3. Should only a fine be imposed and the accused be unable to pay the fine, there is no legal obstacle to the application of the Revised Penal Code provisions on subsidiary imprisonment. 

Hinggil sa nabanggit, malinaw na maging sa online libel ay maaari ring ang maging kaparusahan ay fine, pagkakakulong, o parehong fine at pagkakakulong, kung iyon ang pasya ng hukuman. Ayon sa nasabing alituntunin, depende sa mga sirkumstansya ng bawat kaso kung ang pagpapataw ng fine lamang ay ang pinakamabuting magsilbi sa interes ng hustisya, o ang kaparusahan ng pagkakakulong pa rin ang nararapat na ipataw upang hindi mabawasan ang kabigatan ng pagkakasala, o magdulot ng karahasan tungo sa kaayusang panlipunan, o kung hindi man ay salungat sa mga imperatibo ng katarungan.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.