Pagligo sa ulan gamot daw sa mga may mental depression, kaya daming nakatulala sa ulap!

ni Ka Ambo @Bistado | May 2, 2025

Walang kalatuy-latoy na ginunita ang Labor Day.

Kaawa-awang manggagawa.

----$$$--

GULUGOD ng bansa ang sektor ng paggawa.

Hindi ito nauunawaan ng matataas na opisyal ng gobyerno.

----$$$--

KUNG walang manggagawa, babagsak ang ekonomiya at siyempre, guguho ang demokratikong institusyon.

Hanggang ngayon, alipin ng mga dambuhalang negosyante ang pobreng obrero.

----$$$--

MAY ulat na magtatayo ng sangay ang pinakamayamang grupo ng mga kapitalista sa Pilipinas.

Ibig sabihin, naaamoy nila ang “likas na yaman” ng Pilipinas.

Ipaplano nila kung paano ito makokontrol.

----$$$---

NATOTORETE ang matataas na opisyal ng bansa.

Bakit kaya?

----$$$--

SA gitna ng krisis, may pampalubag loob ang Pilipinas.

Posibleng maging isang Pinoy ang bagong Santo Papa.

Magdasal tayo nang walang patid.

----$$$--

KALIWA’T kanan ang patayan sanhi ng eleksyon.

May batas pa ba?

----$$$--

POSIBLE raw na arestuhin din sina VP Sara, Sen. Bong Go, Sen. Bato dela Rosa, at ex-PNP Chief Oscar Albayalde.

Gaano lang bang kadali na damputin ang mga iyan?

----$$$--

Tila mapupuwersa nang kumalas sa Alyansa ang Nacionalist Party ng pamilya Villar.

Malaking dagok ito sa kampanya.

----$$$--

SA gitna ng pagkakakulong kay Digong at posibleng tangkaing arestuhin din si VP Sara, ang hugos ng mga lider ay patungo pa rin sa mga Duterte.

Paki-gamit po ang sintido-kumon, please lang!

----$$$--

BUWAN ng Bulaklak kay Birheng Maria ang Mayo.

Mag-Santo Rosario po tayo!

----$$$--

Inaantay natin ang unang patak ng ulan sa Mayo.

Gamot daw ang pagligo sa ulan sa mga dumaranas ng mental depression.

Kaya pala marami ang nasa kalye at nakatulala sa ulap!

----$$$--

HINDI muna raw magbebenta ng P20 kada kilo ng bigas kasi election.

Matuloy pa kaya?

----$$$--

KAY raming Tsekwa ang nadadakma dahil sa pag-eespiya.

Huh, dati nang may gagala-galang Tsinong namboboso sa paligid.

He-he-he.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.