Pagtira sa China, ginagamit na pampapogi ng mga pulitiko, pwe!

ni Ka Ambo @Bistado | October 21, 2026

Natauhan ang Malacañang.

Ipinaubaya na lamang sa Department of Foreign Affairs (DFA) ang pakikipag-usap sa Chinese ambassador.

Napakalaking tama.

----$$$--

Pamumulitika, propaganda at pagpapapogi ang ginagawa ng ilang pulitiko sa pagbatikos sa China.

Akala nila ay katulad nilang gunggong ang mayorya ng mga Pinoy.

Alam ng ordinaryong Pinoy na hindi “kaaway ng Pilipinas” ang China.

Ang kaaway dito ay ang mga “gunggong na lider” ng China pero hindi kailanman ang bansa ng China.

----$$$--

DAPAT ay maingat sa paglalabas ng personal o opisyal na pahayag ang mga national leader kaugnay sa relasyon ng Pilipinas at China.

Kasama sa dapat mag-ingat sa pagsasalita si Defense Secretary Gibo Teodoro.

-----$$$--

DAPAT linawin ng DND na mahalaga ang relasyong diplomatiko ng Pilipinas sa China.

Binabatikos lamang dito ay hindi ang bansang China, bagkus ay ang mali o dispalinghadong pahayag ng mga tiwaling opisyal ng China.

---$$$--

KAKAMBAL ng kultura ng Pilipinas ang China; kumpara sa kultura ng mga Amerikano.

Hindi puwedeng mabuo ang kasaysayan ng Pilipinas nang hindi kasama ang China.

-----$$$--

MAS angkop na sabihin na ang China ay unang nasakop ng kontrol ng Binondo kaysa sa kontrol ng Beijing.

May pagkakataong nasakop ng mga sinaunang Pinoy ang ilang teritoryo ng China.

Kumbaga, hindi dapat dumidipensa ang Pilipinas, bagkus ay umu-opensa sa kulturang Tsino.

-----$$$---

SUMASANDAL sa produksiyon ng pagkain ang mga Tsino sa Pilipinas sa panahon ng tag-yelo sa naturang bansa, kaya’t nabuo ang Banaue Rice Terraces.

Magkakambal ang bituka ng mga taga-Norte at mga taga-China.

------$$$--

ANG Taiwan ay karugtong ng Batanes at Ilocandia.

Maraming istorya na magkakambal ang kanilang kultura.

-----$$$--

KULTURA ang pundasyon ng lahat.

Ang problema, ilang senador kaya ang nakakaunawa ng katagang “kultura.

Mas bihasa sila sa “kultura sa korupsiyon.”

----$$$--

NABUBURA na sa eksena ang bulto-bultong shabu na nasabat sa barko sa Thailand patungong Maynila.

Ibinababad ang balita sa mas kakaunting bolyum ng shabu mula Laos na sakay ng private jets.

Malaki ang problema natin sa larangan ng pamamahayag.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

China imposibleng i-ban, guguho ang ekonomiya

ni Ka Ambo @Bistado | October 20, 2026

Hanggang ngayon walang malinaw na resulta sa imbestigasyon kaugnay ng tangkang pagpuslit ng 1.7 toneladang shabu mula sa Laos at Thailand papasok sa Maynila.

Talagang markado ng “mafia.”

-----$$$--

Pinag-iinitan ngayon ang China.

Alam kaya nila ang kanilang ginagawa?

Imposibleng i-ban ang transaksiyon sa China.

Guguho ang ating ekonomiya.

----$$$--

Taliwas sa paniniwala ng marami, magkaibigan ang China, US at Russia.

Mula sa pagbisita ni US President Donald Trump sa panahon ng Asean Summit sa Nobyembre 15, 16, 17. lilipad ang pangulo ng Kano sa China.

Mag uusap-usap sina Trump, Xi Jinping at Vladimir Putin.

-----$$$--

MALI at dispalinghado ang diskarteng galitin ang mga Pinoy kontra China.

Kakambal ng kasaysayan ng Pilipinas ang mga Tsino.

Next year, bababad sa media ang mga presidentiable na sina Sen. Bong Go at  Defense Secretary Gibo Cojuangco Teodoro na parehong “dugong Tsino.”

Sa apelyido pa lang ay bistado na.

-----$$$---

KAHIT ang pambansang bayani na si Dr. Jose Rizal Mercado ay may dugong Tsino.

Maging ang popular na TV-Radio personality na si Jessica Soho ay aminadong may dugong Tsino.

----$$$-

KAPAG pinalayas ang mga negosyanteng Tsino at ipagbawal ang produktong “Made-In-China” magiging ghost town ang Divisoria, Baclaran, supermarkets, malls , bangketa at public market.

Malulugi ang Shopee, Lazada at mawawala ang mga e-bike kapag nagalit ang Pinoy sa Tsino.

----$$$--

KAHINAAN ng kukote ang mga iresponsableng pahayag ng mga mambabatas na hindi nila alam ang kanilang pinagsasabi at ginagawa.

Ang anumang isyu tungkol sa China particular ukol sa West Philippine Sea ay dapat ipinauubaya sa Department of Foreign Affairs (DFA) at hindi rin sa Department of National Defense (DND).

May protocol; hinggil dito, dapat itong ipatupad upang maibsan ang kaguluhan, sanhi ng mga dispalinghadong mga opinion , pahayag at aksiyon.

-----$$$--

NAKAKAHIYA ang mga senador, hindi nila alam ang kanilang trabaho at responsibilidad.

Bukod sa inaakusahang mga mandarambong, kahinaan pa rin ng kukote ang pahayag kaugnay sa China.

.----$$$--

KUNG kabulastugan at kamangmangan ang ginagawa ng Chinese ambassador, huwag sanang ipakita ng mga senador na sila ay bopol din.

Hayaan natin magmukhang tanga ang ambassador ng China.

Hindi lang virus ang nakakahawa, bagkus ay maging ang pagiging “mangmang.”

-----$$$--

GUMAGRABE na ang sitwasyon sa Middle East.

Apektado diyan ang ekonomiya.

Umabot na sa P63 kada dolyar ang palitan.

-----$$$--

SA pagpasok ng 2027, mababawasan na ang poder ni PBBM.

Ang mga hunyanggo ay magpapalit na ng kulay.

Kaawa-awa na naman ang pamilya Marcos, mabibiktima na naman ng mga traydor at mga halang ang kaluluwa!

-----$$$--

KAILANGAN bumuwelo na ang pamilya Marcos sa tinatawag na “graceful exit” sa pagpasok ng 2027.

Hindi na kasi puwedeng kumandidato si PBBM.

-----$$$--

HINDI rin puwedeng ikansela ang 2028 election, malaking gulo ‘yan.

Pero, ere pa rin ang ating “political tips.”

May malalaking pagbabago sa pulitika sa Pilipinas, pagdating ni Trump sa Maynila next month.

Paniwalaan-dili ang mga magaganap!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Toneladang shabu sa barko, bakit wala pang detalye ang PNP?

ni Ka Ambo @Bistado | October 14, 2026

Kinumpirma na ng PNP na dawit ang dalawang Pinoy sa tangkang pagpuslit ng epektos ng shabu papasok sa Maynila.

Kinumpirma nila ang private jet na tinangkang magbiyahe patungo sa Maynila.

----$$$--

Tinukoy na ng PNP ang dalawang Pinoy na sangkot sa private jet na magbibiyahe ng shabu.

Pero, wala silang inilalabas na detalye hinggil sa higit na isang toneladong shabu na sakay naman ng isang barko mula Thailand patungo rin Maynila.

-----$$$--

Tapos na ang presentasyon ng ebidensiya at testigo ng prosekusyon sa impeachment trial laban kay VP Sara.

Lilipat naman ang eksena sa depensa ng Bise Presidente.

Meaning, puwede nang ipatawag si ex-Sen. Antonio Trillanes.

Marami ang nag-aabang!

---$$$--

BIDANG-BIDA talaga ang Senado.

Kumbaga sa carnaval, marami ring “side events” na puwedeng pagpiyestahan.

----$$$--

TRIPLE whammy daw si Sen. Ping Lacson na ayaw tantanan si Sen. Alan Peter Cayetano.

Pinag-tatlo pa niya ang akusasyon.

Isa sa ghost project; ikalawa sa reclamation; at ikatlo ang fake titles.

----$$$--

DINADAAN na lang ni Lacson sa “paramihan ng bilang”.

Ganyan din kasi ang sitwasyon  ni Digong sa ICC, tinambakan ng akusasyon para magmukhang totoo.

Ang problema, awtentikado ba o sapat ba ang mga ebidensiya?

----$$$--

SA totoo lang, sa impeachment trial, nagkusa ang prosekusyon na magbawas ng “articles” at akusasyon partikular ang “bribery.”

Namulat sila na hindi ito “paramihan,” bagkus ay dapat na de-kalidad at malinaw ang ebidensiya.

----$$$--

IMBES na ebidensya, “wento-wento” lang ang estilo at bahala na ang “trolls” na mag-share nang mag-share para magmukhang totoo sa paningin ng mga taga-socmed!

Inilabas ang mga larawan at listahan sa media, pero nasira ang hilatsa ng baraha nang mismong si DPWH Secretary Vince Hizon ang nagsabi na walang “ghost project” sa Taguig.

----$$$--

NATAPOS ang ‘wento nang sumegunda si Undersecretary Ricardo Bernabe III at nag-ulat na may 107 na proyekto sa lungsod.

At lahat ng ito ay may aktuwal na accomplishment. 

-----$$$--

INILIPAT ang ‘wento sa illegal reclamation kuno sa Laguna de Bay.

Tinukoy ni Lacson ang 30 ektarya  na binubuo ng pitong lote na dumaan daw sa reclamation nang walang pahintulot ng Philippine Reclamation Authority.

----$$$--

GUSTONG palabasin na si Cayetano ang nag-apruba ng naturang reclamation.

Isang mala-imposibleng bagay lalo na kung ang akusasyon ay may personal na papel para sa senador.

----$$$--

PINAKAHULI ay ang “fake titles” kuno.

Apat na parcel ng lupa na may 38.83 ektarya raw ang peke at walang kaukulang record sa LRA. 

----$$$--

Pero sa pagdinig noong Setyembre 22, malinaw din ang pahayag ng PRA, hindi idineklara ng PRA na peke ang mga titulong iyon. 

Magkaiba kasi ang titulong may usapin sa registration kaysa sa titulong sadyang pineke. 

-----$$$--

NAGTATAKA ang marami kung bakit nakapokus lang si Lacson sa Taguig, paano ang ibang kaso ng katiwalian, bakit wala siyang binabanggit?

Bilang dating PNP Chief, alam niya dapat na ang tunay na hustisya ay hindi puwedeng “wento-wento” lang.

Napakahalaga ng matitibay na ebidensiya  at beripikadong impormasyon upang lumutang ang “katotohanan” na  siyang hinahanap nating lahat.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.