Pacio, handa kaninuman kina Bokang at Brooks

ni MC - @Sports | April 23, 2022

Noong nakalipas na anim na buwan, sumagupa si ONE Strawweight World Champion Joshua “The Passion” Pacio sa loob ng Circle. Kaya naman sa panahon ng pamamahinga, motivator niya ang kapwa Team Lakay athletes, lalo na iyong lumaban sa ONE X noong nakaraang buwan.

“I’m very happy for Stephen (Loman) and Kuya Eduard (Folayang), although I have mixed emotions because of Lito’s (Adiwang) fight. But still, I’m thankful because he looks fine now. Stephen may get a crack at the ONE Bantamweight World Title, and Kuya Eduard proved that he is far from over,” ayon sa 26- anyos na world champion.

Bukod sa pagbabahagi ng kanyang oras at nalalaman sa kapwa fighters, naging abala rin si Pacio sa pag-aaral ng mga napapanood niyang laban ng kanyang contenders sa weight class.

“I’ve been watching the bouts of the top five in my division, going to the gym, and doing my assignments for my possible future match,” saad ni Pacio.

Kaya naman ang laban kagabi sa pagitan nina #1-ranked Bokang “Little Giant” Masunyane at #2-ranked Jarred “The Monkey God” Brooks sa ONE: Eersel vs. Sadikovic ang siya niyang paghahandaan sinuman sa magwawagi para makasahan niya sa world title.

Pero sinuman ang magwagi, alam na rin ni Pacio ang mga teknik at mga diskarteng gagawin laban sa competitor niya na susunod niyang makakaengkuwentro.

“Bokang and Brooks have this similar style. They want to control their opponents and punish them,” saad ng wushu specialist. “My team and I are preparing for every scenario inside the Circle. I’m giving all my effort to leveling up my wrestling and sharpening all my tools.”