Hopkins pasok sa q'finals ng World Surf League Siargao

by MC @Sports News | November 1, 2026

Photo: Circulated

Isang magarang pagbabalik tikas ang nagawa ni World No. 14 Yolanda Hopkins nang talunin niya ang World No. 3 Gabriela Bryan upang makapasok sa quarterfinals ng kauna-unahang World Surf League (WSL) Championship Tour Philippines Pro sa iconic na Cloud 9 reef break sa Siargao island.   

Nagtagumpay si Hopkins sa Heat 2 ng kompetisyon sa iskor na 10.10 mula sa pinagsamang 5.27 at 4.83 at tapyasin ang mataas na ranggo ng Amerikano para sa quarterfinal showdown kay World No. 6 Caitlin Simmers sa surfing event ng Philippine Sports Commission (PSC), sa suporta ng pamunuan Surigao del Norte. 

Si Bryan ay 9th place sa 7.00, mula sa scores na 4.00 at 3.00. Ang kompetisyon ay naganap sa 4 hanggang 6 na talampakang alon, na nagbigay sa pinakamahuhusay na surfer sa mundo ng mga hamon sa mga kondisyon ng alon upang maipakita ang  mga kasanayan.

Nakapasok sa quarterfinals si Simmers kontra World No. 11 na si Caroline Marks sa unang round. Nagtala si Simmers ng kahanga-hangang 15.17 sa 9.00 at 6.17. “Honestly, I keep telling people it's one of my favorite waves on the planet because it's just really tight, and you kind of have to do some exciting things in the spaces you get. It's pretty hard to just do your stock-standard couple of turns on it,” sabi ni Simmers.

Ipinaliwanag ng Amerikano na ang Cloud 9 ay nangangailangan ng creativity  at tumpak na tiyempo, dahil ang pabago-bagong mga alon nito ay dapat na mapagtagumpayan ng surfers at madiskartehan habang isinasagawa ang mapanghamong maniobra. Ang kaganapan ay sinusuportahan din ng Philippine Amusement and Gaming Corporation (PAGCOR). 

Parkour palalawakin sa grassroots level

by MC @Sports News | October 28, 2026

Photo: Si Philippine Parkour Head Coach Raven Cruz nang dumalo sa Tabloids Organization in Philippine Sports (TOPS) Usapang Sports. (Gen Villota) 

Mahalaga ang pagdiskubre sa mga bata na may natatanging talento pagdating sa Parkour action. Ito ang binigyang-diin ni Philippine Parkour Head Coach Raven Cruz kung saan ang sport na ito kinakailangan ng mabilisang paggalaw at lakas ng mga paa upang matalon at masuong ang lahat ng obstacles. 

Ginagamitan ito ng iba't ibang klaseng kilos tulad ng pagtakbo, paglundag, pagdayb, pag-akyat, vaulting at balancing. 

Sa kasalukuyan ay unti-unti nang lumawak ang interes ng mga Pinoy sa larong Parkour lalo na ang mga kabataan,  pati na ang mga persons with special needs at elite athletes maging ng senior citizens na kabilang sa training pool ng national team na sinuportahan ng Pilipinas Obstacle Sports Federation at Gymnastics Association of the Philippines. 

"Ang Parkour ay may common stigma na sports ng mga akyat-bahay at nilalaro-laro lang at nakita natin sa social media na extreme ang parkour, but didn't see ang part ng parkour na tine-train ang basics, we start from jumping, landing, running, how to save ourselves, which is somewhat kulang sa sports natin. Yan ang number one na tinuturo dito," sabi ni Cruz sa lingguhang Tabloids Organization in the Philippine Sports, Inc. (TOPS) Usapang Sports Forum. 

Nakaabot man sa Top 10 sa huli nitong competition sa Portugal nitong 2024, balak ng koponan na magpadala ulit ng mga top parkour athletes sa ibang bansa upang makaharap ang iba't ibang higher-level competitors.

Best job sa Phl Para athletes sa 7 medalya sa Asian Games

by MC / Elyssa Nichole @Sports News | October 25, 2026

Photo: Ang mga Para athletes na nakahanda na para sa closing ceremony ng 5th Asian Para Games sa Nagoya Japan habang nasa inset si Ma. Ravinia Carpena na naka-bronze sa shotput F20 sa huling araw ng kampanya sa Asiad. (PSC-PPCmedia)

Job well done! Pinasalamatan nina Patrick Gregorio, chairman ng Philippine Sports Commission at Mike Barredo, president ng Philippine Paralympic Committee, ang mga atletang Pilipino matapos ang matinding hamon na nalagay sa overall 17th place ng Pilipinas na may 2 ginto, 2 pilak, at 3 tanso sa 5th Asian Para Games na nagtapos sa Mizuho Park Athletic Stadium.

Matapos ang mahigit isang linggong aksyon, naghatid ng 2 ginto sina tanker Ernie Gawilan at Arjay Alegarbes, 2 pilak mula kay Gawilan at ng pares ng table tennis mixed doubles na sina Wilfred Redulla at Lhey Manginsay, at 3 tanso mula sa swimmer na si Raemond Adefuin, runner na si King James Reyes at shot putter na si Ma. Ravinia Carpena.

Sa Hangzhou 2023, nakakuha ng 10 ginto, 4 na pilak at 5 tanso, kung saan ang chess ay may 8 ginto, 3 pilak at 2 tanso, subalit tinanggal ito sa disiplina sa Nagoya. “It was a very successful performance, congratulations,” sabi ni Gregorio. 

Inaabangan na ngayon ng Philippine squad ang susunod na edisyon sa 2031 sa Doha, Qatar, kung saan umaasa silang maipagmamalaki muli ang bansa. "Ang mahalaga ay suportahan natin ang mga Philippine para athlete," sabi ni Gregorio.

Nakipagkita rin sina Gregorio at Barredo sa pangulo ng Asian Paralympic Committee na si Majid Rashed upang talakayin ang mga planong pagtatayo ng unang training center ng Pilipinas na eksklusibo para sa para athletes.