Hopkins pasok sa q'finals ng World Surf League Siargao

by MC @Sports News | November 1, 2026

Photo: Circulated

Isang magarang pagbabalik tikas ang nagawa ni World No. 14 Yolanda Hopkins nang talunin niya ang World No. 3 Gabriela Bryan upang makapasok sa quarterfinals ng kauna-unahang World Surf League (WSL) Championship Tour Philippines Pro sa iconic na Cloud 9 reef break sa Siargao island.   

Nagtagumpay si Hopkins sa Heat 2 ng kompetisyon sa iskor na 10.10 mula sa pinagsamang 5.27 at 4.83 at tapyasin ang mataas na ranggo ng Amerikano para sa quarterfinal showdown kay World No. 6 Caitlin Simmers sa surfing event ng Philippine Sports Commission (PSC), sa suporta ng pamunuan Surigao del Norte. 

Si Bryan ay 9th place sa 7.00, mula sa scores na 4.00 at 3.00. Ang kompetisyon ay naganap sa 4 hanggang 6 na talampakang alon, na nagbigay sa pinakamahuhusay na surfer sa mundo ng mga hamon sa mga kondisyon ng alon upang maipakita ang  mga kasanayan.

Nakapasok sa quarterfinals si Simmers kontra World No. 11 na si Caroline Marks sa unang round. Nagtala si Simmers ng kahanga-hangang 15.17 sa 9.00 at 6.17. “Honestly, I keep telling people it's one of my favorite waves on the planet because it's just really tight, and you kind of have to do some exciting things in the spaces you get. It's pretty hard to just do your stock-standard couple of turns on it,” sabi ni Simmers.

Ipinaliwanag ng Amerikano na ang Cloud 9 ay nangangailangan ng creativity  at tumpak na tiyempo, dahil ang pabago-bagong mga alon nito ay dapat na mapagtagumpayan ng surfers at madiskartehan habang isinasagawa ang mapanghamong maniobra. Ang kaganapan ay sinusuportahan din ng Philippine Amusement and Gaming Corporation (PAGCOR). 

Manas, runner-up sa Qatar World Cup 10-Ball

ni Eddie M. Paez Jr. @Sports | October31, 2024

• 

Napasakamay ni Albert James Manas ng Pilipinas ang pangalawang puwesto habang kampeon ang Aleman na si Joshua Filler sa pagwawakas ng Qatar World Cup 10-Ball 2026 sa palaruan ng Edzan Palace Hotel sa Doha.

Nauna rito, ginamit na tuntungan ng binatilyo ang malupit na tagumpay noong semifinals laban kay Polish star Daniel Maciol (11-10, semis). Isang resbak ang nasaksihan dahil ang bilyarista ng Poland din ang sumipa kay Manas sa Losers' Bracket noong Winners' Classification Round ng Preliminaries.

Bukod kay Maciol, sinagasaan din ng 2025 Reyes Cup Most Valuable Player sina Hsieh Chia Chen (Taiwan, 11-8, quarterfinals), kapwa Pinoy na si Jundel Mazon (11-5, round-of-16), Turkish Mustafa Alnar (11-5, round-of-32) at local pride Bashar Hussain (11-3, round-of-64) upang makarating sa finals.

Sa dakong huli, kinapos si "Starboy" Manas sa atake ni "The Filler" Killer, 6-11, pero pumaldo pa rin ang bituin ng bansa sa paglikom ng pakonsuwelong $40,000 samantalang $100,000 naman ang ibinulsa ng kampeon. 

Maraming mga higante ng bilyaran ang nag-ambisyon na magmarka sa katatapos na tumbukan sa disyerto pero nabigo sila. Kasama sa listahan sina Carlo Biado, Jonas Magpantay, Francisco Sanchez Ruiz (Spain), Robbie Capito (Hongkong), Naoyuki Oi (Japan), Duong Quoc Hoang (Vietnam), Niels Feijen (Netherlands) at iba pa.

9 na atleta masusubok na sa Dakar 4th YOG

by Gerard Arce @Sports News | October 31, 2026

Photo: Sinalubong nina POC President Abraham Tolentino, Atty. Wharton Chan at Chef de Mission Rocky Samson  ang unang pangkat ng mga atleta at coach na sina wushu coach  Li Jianfang at ang atletang si Angel Polo at ang mga swimmers na sina Riannah Chantelle Coleman at Jamesray Michael Ajido,  coaches  Ramil Ilustre at Jensen Halili pagdating nila sa Blaise Diagne International Airport Senegal. (POC Media Pool)

Ikinumpara ni Philippine Olympic Committee president Abraham “Bambol” Tolentino ang mga makakatunggali ng siyam na Pinoy athletes na umaasang tutuntong sa podium finish sa pagsisimula ng opening ceremony ng 4^th Youth OIympic Games (YOG) bukas sa Abdoulaye Wade Stadium sa Diamniadio, Dakar, Senegal.

“They’re big and they look strong,” saad ni Tolentino sa mga maagang dumating na kinatawan mula Amerika at Europa matapos itong mag-ikot sa mga palaruan ng Athletes Village sa bayan ng Dianiadio, may 40 kilometro mula kabisera.  “It will be very difficult,” dagdag ni Tolentino. 

Sinalubong ni Tolentino ang swimmers na sina Riannah Chantelle Coleman at Jamesray Michael Ajido, gayundin sina wushu bet Angel Polo at kanilang mga swimming coaches na sina Ramil Ilustre at Jensen Halili (swimming) at Chinese wushu coach Li Jianfang.

“So, it’s good luck to our athletes, although I’m sure they prepared hard for this once-in-a-lifetime experience,”  itinalagang flag-bearer sina Ajido at Coleman para sa parade of athletes.

Ang ikalawang batch ng atleta ay darating sa Linggo na masisilayan sa pagsabak sa Nobyembre 7 sina Tchelzy Maayo at Hillarion Palles III sa artistic gymnastics, na susundan sa sumunod na araw ni Maritanya Krog sa women's road at individual time trial sa larangan ng cycling.

.