Eala binawian si Oliynykova, next Rnd-of-32 ang bardagulan kay Jovic

by Gerard Arce @Sports News | September 4, 2026

Photo: Alex Eala / IG

Tulad ng ipinakitang husay at katatagan sa first round, halos katumbas ito ng impresibong resulta na muling inihataw ni Filipina tennis star Alexandra “Alex” Eala kontra Oleksandra Oliynykova ng Ukraine sa second round sa pamamagitan ng 6-1, 6-4 upang maitakda ang panibagong tapatan sa malapit na kaibigang si Iva Jovic ng US sa krusyal na third round match ng 2026 US Open Championship, Biyernes ng umaga sa Louis Armstrong Stadium sa USTA Billie Jean King National Tennis Center sa Queens, New York City.

Natagpuan rin ng 21-anyos na lefty hitter ang pambawing panalo kontra Ukrainian tennister sa pagkabigo rito sa round of 32 ng Internationaux de Strasbourg sa dikdikang 6-3, 5-7, 3-6 nitong Mayo.

“My patience and consistency of my focus, I think that was the key to winning the match today,” pahayag ni Eala matapos ang laro upang makapasok sa unang pagkakataon sa third round sa professional lebel kasunod ng US Open Junior title noong 2022. Higit na napaghandaang maigi ng No. 17 seed si Oliynykova sa pagkakataong ito matapos na magawan ng paraan ang mga bilis at liksi ng mga atake ng Ukrainian upang malampasan ang second round loss kontra Cristina Bucsa ng Spain noong isang taon.

Kinakitaan rin ng kanyang higit sa 100 mph na serve ang Pinay na higit na nagpahiyaw ng todo sa mga Filipino fans na binigyang halaga ng Pinay star. Dahil sa pagkakapanalo ay makakatapat nito ang kaibigang si Jovic sa round of 32, na bago magsimula ang main draw matches ay nagsama sa isang exhibition match sa “Stars of the Open” na nagtapos sa masayang 3-6 iskor pabor sa Amerikana.

“Who I play in the next round definitely out of my control, but they are both great friends of mine, both such amazing people and players, so all I can do is wish them a great match, hope they have fun and I’m sure they will both give their all like everyone here,” wika ni Eala, patungkol sa tapatan ng mga kaibigang sina Jovic at Francesca Jones ng UK.

Hindi ito ang unang pagkakataon para sa two-time WTA 125 titlist at WTA 500 Mubadala DC Open champion na makaharap ang 18-anyos na ka-tropa matapos magkasagupa sa dalawang singles match sa first round ng 2026 French Open sa iskor na 4-6, 2-6, at sa round-of-16 ng HSBC Championships na pumabor muli sa US player sa 2-6, 2-6.

Nagawa na ring magsama ng dalawa sa women’s doubles sa Indian Wells Masters sa round of 32 at ASB Classic na umabot naman sa semifinals, kaya’t naging matagal na rin ang pagsasamahan ng dalawa, na kinakitaan rin ng paglalaro ng kanilang mga ama sa exhibition match.

“I’m super excited and the atmosphere is gonna be amazing and she’s playing great tennis and it’s nice to be playing each other third round, deeper in to the slams, so hopefully we can all keep on runs like this,” saad ni Jovic, kasunod ng 6-4, 6-4 panalo.

Sakaling magtagumpay kontra sa 14th seed na si Jovic, may pagkakataon ang world no. 18 Pinay na muling makaharap ang mananaig kina Bucsa at fourth seed at two-time Grand Slam titlist Coco Gauff ng US sa fourth round.

Underwater hockey inspirado sa 2 silver sa Asian C'ships

by MC @Sports News | September 3, 2026

Photo: Bumisita at nagsalita sa TOPS Usapang Sports ang apat na atleta ng PHL Underwater Hockey na sina Vince Tan, Eathan Dalde, Chia Reyes, Ysobel Florez na nakakuha ng 2 pilak sa 9th CMAS Asian Underwater Hockey Championships 2026 sa Bogor, Indonesia. (Reymundo Nillama)

"Super grateful namin that we were able to get the silver medal at nabigyan ng magandang laban ang mga competitors namin. It's tough play against teams there, and also other not so perfect conditions sa Indonesia pero were grateful lumaban ang team at in the end, masaya kami na nakuha namin ang silver," pahayag ni Chia Reyes, miyembro ng PHL Underwater Hockey women's team sa pagbisita sa Tabloids Organization in Philippine Sports, Inc (TOPS) Usapang Sports kahapon sa PSC Media Room, Rizal Memorial Sports Complex, Manila.

Bagong karangalan ng bansa ang 2 silver medals ng team mula sa 9th CMAS Asian Underwater Hockey Championships noong Agosto sa Bogor, Indonesia. Matapos ang double bronze medal finish ng team sa 1st Intercontinental Championships Asia-Oceania 2025, nakamit ng Men's Elite at Masters teams ang qualification para sa 2027 World Championships sa Paris, France.

Malaki ang naitulong din ng constant communication at skills na na-apply ng koponan na sinuportahan ng PSC at Philippine Underwater Hockey Confederation (PUHC) mula sa mga beterano hanggang sa mga baguhan para makipagsabayan sa pakikipagsagupa kontra sa mga Asian at world counterparts.

"I think what we bring to the team are speed, skills, mental toughness at experience. Its good for both [veterans and rookies] teams na well-rounded because the team are need more composure, more stable sa loob ng court.

Doon natin ipapasok ang mga vets, pero kung kailangang bilisan like other countries like China, Singapore at Japan, papasok tayo ng mga young players para makipagsabayan na tayo sa international scene," dagdag ni Reyes sa forum.

Naging malaking hamon para sa kanila ang malamig na temperatura, limitadong visibility, at lalim ng pool—mga kondisyong hindi nila nakasanayan sa paglalaro pero nakapag-adjust upang makisabay sa Asian-level competition sa Indonesia.

"Every Monday at Saturdays, we conduct free coaching seminar sa Makati for those who like to try the sports. During the first session, libre ang gamit at ang fee to provide for those who wanted to take interest sa sport. Kagagaling din namin last Sunday sa Taytay for a underwater hockey clinic for a club. Hindi naman sila mahirap turuan.

Kailangan talaga ng patience kasi makukulit ang mga bata pero masunurin at nagustuhan nila ang sport," inihayag ni Dalde. Sunod na sasabak ang underwater hockey team sa isang practice tournament sa Shanghai, China sa Oktubre bilang bahagi ng paghahanda para sa 2027 World Championships sa Abril kung saan target na mabalasa ang ilan sa mga player combinations at ang pagsalang ng mga developmental players nito.

Eala handa vs. Oliynykova ng Ukraine sa Round-of-64, matapos manaig kay Stoiana

by MC @Sports News | September 2, 2026

Photo: Alex Eala - IG

Nakapasok na si Alex Eala sa ikalawang round ng US Open sa ikalawang magkakasunod na taon matapos ang isang nakakakumbinsing panalo sa straight-sets laban sa American qualifier na si Mary Stoiana Martes ng gabi ng US (Miyerkules ng umaga sa Pinas).

Sa harap ng jampacked crowd sa Louis Armstrong Stadium, Queens, New York, nailigtas ni Eala ang dalawang break points sa unang laro at nagtala ng 5-0 na kalamangan.

Si Stoiana, na nag-debut sa Grand Slam main-draw debut, ay nagawang makaiskor sa ikaanim na laro, ngunit napigilan ni Eala upang tapusin ang unang set ng 6-1.

Muling naharap si Eala sa mga break points sa unang dalawang service games ng ikalawang set ngunit nailigtas niya ito.

Matapos makaiskor ng 3-2 , hindi na siya lumingon pa, at tinapos ang laban ng 6-1, 6-2 sa loob ng 1 oras at 17 minuto.

"I'm very happy with my level today," ani Eala sa kanyang post-match press conference.

"It's never easy, especially in the first round of a tournament - of the US Open nonetheless -- and I think Mary has been having some good weeks. So yeah, I'm super happy."

Ang panalo ni Eala ay nagpapatuloy ng isang malakas na kampanya sa North American hard-court swing, kasunod ng pakay na titulo sa Washington, D.C.

Nanalo na siya ngayon ng siyam sa kanyang huling 11 laban sa hard court simula noong Wimbledon, kung saan narating niya ang ikaapat na round ng isang Grand Slam sa unang pagkakataon.

Sunod na haharapin ni Eala si Oleksandra Oliynykova ng Ukraine sa ikalawang round. Tinalo ni Oliynykova ang Amerikanong wild card na si Reese Brantmeier, 6-4, 6-4, sa kanyang first-round match.

Nangunguna rin siya kay Eala, 1-0, sa kanilang WTA Tour Driven ng Mercedes-Benz head-to-head, kung saan nanalo siya sa tatlong set sa Strasbourg noong unang bahagi ng taong ito. "It was a really good match. Very intense, quite tight," saad ni Eala.

"Looking back at that match, there are a lot of things that I could have done better. It's been a couple of months. I think I've developed a lot in said months. So all I can do is come into that match with the same mindset as today -- the same mindset or an even better mindset than I've had these past couple of weeks -- and try to do my best."