Pa-birthday ng singer sa sarili… JULIE ANNE AT RAYVER, MANONOOD SA CONCERT NI LADY GAGA SA SINGAPORE

ni Nitz Miralles @Bida | May 2, 2025

Photo: Rayver at Julie Anne San Jose - IG

Napa-“sana all” na lang ang mga netizens nang mapanood si Julie Anne San Jose sa 24-Oras at ibinalitang manonood sila ng boyfriend na si Rayver Cruz sa concert ni Lady Gaga sa Singapore. Makakasama ng couple roon ang sister at mom ni Julie na for sure, fans din ni Lady Gaga.  

Sinisisi ng mga fans ang mga concert promoters sa bansa kung bakit hindi nila isinama ang Pilipinas sa concert tour sa Asia ni Lady Gaga. Ang dami pa namang Pinoy fans ng singer.

Birthday gift na rin ni Julie sa sarili ang pagpunta sa Singapore to watch Lady Gaga’s concert dahil birthday niya sa May 17. Sigurado namang may pa-party siya rito para sa mga kaibigan.  

Samantala, napupuri ang acting ni Julie at mga kasamang bida sa series ng GMA-7 na Slay. Mahuhusay daw sila nina Gabbi Garcia, Ysabel Ortega at Mikee Quintos sa respective roles nila. 

Inamin lang ni Julie na nahirapan siya noong una kung paano aatakihin ang karakter ni Liv, na-challenge siya, pero ngayon, love na niya si Liv na palaban sa mga umaapi sa kanya.

---

Sina Kathryn Bernardo at Nadine Lustre ang cover ng May 2025 issue ng Cosmopolitan magazine at dahil first time na nangyari, excited ang mga fans ng dalawang aktres. Siguradong kapag lumabas na ang isyu, marami ang bibili dahil nga first time na nagsama sa cover ang dalawa.  

Nauna rito, may nag-viral na photos nina Nadine at Kathryn na nasa photo shoot sila at inakala ng mga fans na para ‘yun sa pagsasamahan nilang endorsement ng isang brand ng conditioner at marami na agad ang nangakong susuportahan sila.

Pero, posible pa ring iba ang photoshoot for the magazine sa photoshoot para sa endorsement. Baka tama ang hinala ng mga fans na preliminary lang ang magazine cover nina Nadine at Kathryn para sa collab endorsement na kanilang gagawin.  

Actually, marami ang nagre-request na pagsamahin ang dalawang aktres sa TV series o pelikula at kahit ano ang mauna sa dalawang inire-request nila, kanilang susuportahan. 

Itina-tag nga ng mga fans ang Star Cinema at Viva Films na mag-collab sila for a project para kina Kathryn at Nadine.  

Kaya lang, ang tsika, mas mauuna pang makatrabaho ni Kathryn sa isang series ang isang aktor na naging malapit kay Nadine. 

Abangan na lang natin ang announcement para rito.  

---

MAGANDA at maayos ang paliwanag ni Carla Abellana kung bakit bawal sa kanya ang non-airconditioned venue, kaya hindi siya na-bash nang mag-post ng pagtanggap ng project na hindi airconditioned ang venue.  

Sabi ni Carla, “It’s been awhile since I last co-hosted a beauty pageant. I admit I was a bit worried because I feared I lacked practice and because the venue was going to be non-air conditioned (apologies for my cardiogenic syncope). But I just prayed and everything turned out well. Wooh! Thank you, Lord!” 

Naging co-host si Carla sa Binibining Rosario 2025 na ginanap kasabay ng

selebrasyon ng Linubian Festival sa La Union.  

Anyway, dahil sa post na ito ni Carla, nalaman namin kung ano’ng uri ng sakit ang cardiogenic syncope. 

Sabi ng Google, ang merong ganitong sakit ay hinihimatay kapag sobrang naiinitan. Mabuti pala at hindi sinumpong ng kanyang sakit ang aktres habang nagho-host.  

And speaking of Carla, nagpasalamat ito na naaksiyunan ang kaso ng isang netizen na nang-abuso ng pusa. Siya ‘yung nagtali sa pusa habang pinapatakbo ang kanyang tricycle, dahilan para masugatan ito. Makukulong ito, kaya tama lang ang pag-iingay ni Carla.