Tinawag na mandaraya… ALEX EALA, MAY MGA BASHERS NA FOREIGNER

ni Nitz Miralles @Bida | August 4, 2026

Photo: IG _alex.eala

Hinahaluan na ng pulitika ang kasikatan ni Alex Eala bilang tennis player. May mga nag-comment na maka-DDS (Duterte diehard supporter) daw si Alex dahil ilang araw nang kulay green ang suot tuwing may laban. Kinakantiyawan ng mga DDS ang Kakampink at mga supporters ni President Bongbong Marcos (PBBM) dahil dito.

Pero ang nabasa namin, ang mga organizers ng tennis ang pumipili kung anong kulay ang isusuot ng mga players na maglalaban on a particular day. Sumusunod lang si Alex, ginawa na itong isyu.

Kaya may pakiusap si Arnold Clavio, “‘Wag nang ikalat ang litrato ni Alex na ang pagsusuot n’ya ng kulay green ay para kay VP (Vice-President) Sara Duterte. ‘Wag ninyo nang idamay ang bata sa pulitika. Sa ngayon, tanging s’ya lang ang nagbibigay ng karangalan sa Pilipinas.”

And speaking of Alex, may mga bashers ito, hindi mga Pinoy kundi foreigners na galit na galit sa kanya. 

Nag-tweet pa ang isa sa X kung gaano niya ka-hate si Alex at pinaratangan pa itong nandaraya. Wala pa raw itong title kaya huwag magmayabang ang mga fans nito.

Mabuti na lang at masipag sumagot ang mga fans ni Alex na napapansin namin, hindi puro Pinoy. Ipinagtatanggol nila ito sa mga bashers at ang payo nila sa mga bumabanat sa tennis player, kung ayaw kay Alex, huwag manood ng laban nito sa tennis at huwag ding mag-scroll online kung saan maraming news tungkol sa kanya.

Kung hindi raw naniniwala ang mga bashers sa Eala Mania, manahimik na lang sila. Inokray pa nga ang mga bashers na siguro raw ay natalo sa pustahan kaya galit kay Alex.

---

NAKATULONG talaga kay Heart Evangelista ang pagho-host ng The People Have Spoken (TPHS) dahil kumbaga, she lets her guard down. May mga pahayag siya na ngayon lang naririnig na kanyang sinasabi, na bagama’t ikinagulat, ikinatuwa naman ng kanyang mga supporters.

Pinag-usapan ang pahayag niya dati sa isyu kung ano ang pipiliin niya – ang walang kaibigan pero may pera o ang may kaibigan pero walang pera. 

Nagpakatotoo lang si Heart na mas pinili ang may pera kahit walang kaibigan dahil iyon naman talaga ang pipiliin nating lahat, for sure. 

Saka sabi nito, may mga kaibigan naman siya na kanyang malalapitan, hindi lang sila nagkikita nang madalas.

Ang latest na pahayag ni Heart na kinaaliwan na naman ay nang sagutin nito ang tanong na, “Mas pipiliin mo ba ang asawang maraming bisyo pero masipag, o asawang walang bisyo pero tamad?”

Sagot ni Heart, “Bisyo ko shopping, pero kung magtrabaho ako, nahihimatay, naoospital — everything, para mabili ko ‘yung gusto ko. So, wala naman akong sinasaktan nang dahil du’n.”

Mapapansing hindi direktang sinagot ni Heart ang tanong at ang sarili ang ginawang halimbawa, at walang nagreklamo. Totoo naman kasing she works hard para mabili ang mga gusto at hindi dumedepende sa pera ng mister na si Sen. Chiz Escudero.

Wala ring nagrereklamo kung panay ang post niya ng branded stuff sa kanyang Instagram (IG) dahil sariling pera niya ang kanyang ginagasta. 

Natutuwa pa nga ang mga fans nito dahil naa-update sila sa latest on fashion. Kaya ang payo nila kay Heart, keep on buying and posting. Wala naman daw itong inaagrabyadong tao.

Proud na proud sa ipinalit kay Miles… ELIJAH AT THEA ASTLEY, TODO-HOLDING HANDS SA PALENGKE

ni Nitz Miralles @Bida | August 1, 2026

Photo: FB Circulated

Ginulat nina Elijah Canlas at Thea Astley ang mga netizens nang makita silang magkasama in public at magka-holding hands pa. Hindi lang malinaw ang dalawang photos na aming nakita online, pero hindi maipagkakailang silang dalawa ‘yun.

Tila namamalengke ang dalawa dahil sa background, makikita ang rows of eggs at sa isa pang photo, tila fruits and vegetables ang nasa likod nila. 

Pareho ring may suot na dark glasses sina Thea at Elijah, pero hindi nagtatago sa camera.

Comment ng isang netizen, “Elijah and his new girl? Hiwalay na ba sila ni Miles Ocampo? Please enlighten me, kasi ‘di ko alam. Ang tanging alam ko lang ay sila pa rin, tsaka ‘di ba mahal na mahal ni Elijah si Miles? What happened kaya? OMG!”

May sumagot na isa ring netizen at sinabing break na sina Miles at Elijah. Nagkabalikan ang dalawa pero nag-break uli. May nagsabi namang baka may taping lang na magkasama sina Elijah at Thea, nagkaroon ng break sa taping at naisipan nilang mamili sa palengke.

Comment naman ng isa pang netizen, dapat daw bang magka-holding hands sina Elijah at Thea habang namimili kung wala silang relasyon?

---

MULING humarap sa media ang magka-love team na sina Rabin Angeles at Angela Muji para sa mid-season mediacon ng Viva One series na Dating Alys Perez (DAP). Kasama nila sa mediacon si Zeke Polina at Director Crisanto Aquino.

Ipinaalam nina Angela, Zeke, at Rabin na new episodes ang mapapanood every Friday sa Viva One na paniguradong susuportahan uli ng RabGel fans. Plus, kasama pa si Zeke na agad ding tinanggap ng mga fans kahit ka-love triangle siya ni Rabin kay Angela.

Paulit-ulit ang pasasalamat nina Rabin at Angela sa suporta ng kanilang mga fans. Isa ang RabGel love team sa mga pinakasikat sa Viva. Ang lakas ng dalawa sa mga fans, hindi lang sa Viva One. Every time na may public appearance sila, siguradong susugod ang mga fans at magpapalakasan pa ng sigawan at palakpakan.

Ang nakakatuwa sa mga fans, hindi nila pine-pressure na maging for real ang love team nina Angela at Rabin. Masaya sila at tanggap ang sagot ng dalawa na, “‘Di namin minamadali at sa ngayon, masaya kami as friends and love team.”

---

KABILANG sina Ogie Alcasid, Apl.de.Ap at Sen. Bam Aquino sa mga nag-congratulate sa SB19 sa performance ng grupo sa Lollapalooza. 

Sabi ni Ogie, “Hail SB19,” na sinundan ni Apl.de.Ap ng “Congrats to my little brothers SB19 on their historic performance at Lollapalooza. So incredible!” 

Sinundan pa ito ng congratulatory remarks ni Sen. Bam na, “Isang pagpupugay sa SB19 sa makasaysayang pagtatanghal sa Lollapalooza Music Festival.”

Nakaka-proud naman talaga ang performance ng SB19 dahil sila ang first fully Filipino homegrown talent to perform sa legendary music festival. Ang daming nanood sa grupo at hindi lang Filipino, marami ring foreigners. May mga Philippine flags na iwinagayway ang mga Pinoy at nagsayawan pa.

Ten songs ang nasa set list ng SB19, kabilang ang Gento, DAM, at MAPA. Kasama rin sa setlist nila ang Mga Kababayan ni Francis Magalona. They were featured in Fox 32 Chicago, nakaka-proud!

Ang ganda ng comment ng isang SB19 fan na, “Watching SB19 perform at Lollapalooza is such a proud moment for every Filipino. They didn’t just perform, they owned the stage with incredible vocals, powerful choreography, and undeniable charisma. Congrats, SB19! You represented the Philippines with excellence and made us all proud.”

---

MAY post sa Facebook (FB) page ni Bong Revilla na clasped hands emoji na may caption na: “Thank you, Lord,” pagkatapos i-grant ng Sandiganbayan 3rd Division ang kanyang temporary liberty.

Nag-post si Bong ng P1-million bail para sa kanyang temporary freedom. 

Sabi ng court, ang release ni Bong “is in line with the Supreme Court’s ruling in Enrile v. Sandiganbayan, which allows bail in non-bailable offenses when the prosecution fails to show that the evidence of guilt is strong.”

Buking sa post… KALAT NA: ECHO AT JANINE, KASAL NA

ni Nitz Miralles @Bida | July 31, 2026

Photo: Jericho at Janine - IG

Tanong ng mga nakabasa sa caption ng ABS-CBN sa photo nina Jericho Rosales at Janine Gutierrez, tama ba o totoo ang kanilang nabasa? 

Hindi raw ba nagkamali lang sa caption ang sinumang nagsulat ng post?

Ang nakasulat kasi sa caption ay: “Janine Gutierrez ‘sent postcards’ from Surrey, United Kingdom with husband Jericho Rosales.”

Ikinagulat ng mga nakabasa ang caption dahil kung totoo, ibig sabihin daw, kasal na at mag-asawa na sina Janine at Jericho. Kaya lang, agad ding binura ng ABS-CBN News ang post, kaya iilan lang ang nakapag-comment.

Ang ilan sa mga comments ay, “WTH (what the heck)! Is this true? Kasal na sina Janine at Jericho?” “Deleted agad s’ya. Magko-comment sana ako,” at “OMG! Kasal na sila!”

May nagtanong naman kung annulled na si Jericho at kung paanong nangyari na kasal na sila ni Janine.

May nag-comment naman na baka promo nila sa bago nilang serye ang post na husband ni Janine si Jericho dahil husband daw ni Janine ang role ni Jericho sa series nilang The Loyalty Game (TLG).

Nabasa nga namin na mag-asawa ang kanilang role sa series at baka nga teaser ang nasabing caption.

Anyway, ang makakapaglinaw sa naging kontrobersiyal na caption ay sina Janine at Jericho mismo. Pero, kung totoo ang balita, matutuwa ang kanilang mga fans na inaabangan kung kailan magpapakasal ang couple.

---

PINAG-ISIP nina Jairus Aquino at Nicole Omillo ang present sa mediacon ng Viva One Original na Our Yesterday’s Escape (OYE) kung magdyowa ba sila. Mula kasi nang lumabas sa stage hanggang matapos ang mediacon, magkadikit na ang dalawa.

Comment ng isang press, hindi lang pang-magka-love team ang dalawa, dikit na pangdyowa raw ang kanyang nakita. Kasi naman ang aktor, magkatabi na nga sila ni Nicole sa upuan, nakapatong pa ang kanang kamay nito sa hita ng ka-love team. 

Kung aalisin man niya ang kamay sa hita, nakahawak naman siya sa braso ng aktres.

Tanong ng katabi namin sa mediacon na ginanap sa Quantum Skyview, Gateway 2 Mall, clingy lang ba si Jairus o gustong ipaalam na Nicole is his girl? 

Pero, ang gesture na ‘yun ay labis na nagustuhan ng kanilang mga fans at karamihan ay kinilig, lalo na kapag sumasagot sila sa tanong at magtitinginan muna.

Ang OYE ay ang 6th and final installment ni Gwy Saludes ng University Series sa Wattpad. Ginagampanan nina Jairus at Nicole ang mga karakter nina Shan at Kierra, respectively.

Masayang-masaya sina Jairucs at Nicole sa pagbibida nila sa installment ng University Series. Emotional ang aktor dahil 3 years daw niyang hinintay ang magka-lead project at nangyari na nga. 

Pinasalamatan din niya ang mga co-stars nila ni Nicole na kinabibilangan nina Angelu de Leon, Yayo Aguila, Anjo Yllana, Bernadette Allyson, Cris Villanueva, Jan Marini at Michael Flores.

---

MAY dagdag na hashtag kay Jillian Ward kapag siya ay ini-introduce dahil hindi na lang siya actress/singer/dancer, composer na rin ang Kapuso actress dahil siya ang sumulat ng bago niyang awiting Lowkey. 

Proud nitong ipinost ang reel video ng song at may caption na, “Wrote a song.”

Maganda ito, swak ang beat at magugustuhan ng makakarinig. May music video na rin ito kung saan may kasama siyang guy na hindi ipinakita ang mukha. 

Naghulaan ang mga fans kung ang may crush ba sa kanya na si Raheel Bhyria ang nasa music video o si Kobie Brown. Sa launch ng song ni Jillian makikilala at malalaman kung sino siya.

Nakatulong ang pagka-postpone ng concert ni Jillian dahil kapag natuloy sa December 8, 2026 ang kanyang concert, madaragdagan ang kanyang repertoire. Makakasama sa kanyang kakantahin ang own composition niyang Lowkey.

And speaking of Jillian, sunod siyang mapapanood sa series ni Marian Rivera at excited na ang mga fans sa pagsasama ng dalawa. Maraming fans kasi ang naniniwala na sa mga Kapuso actress, kung ire-remake man ang Marimar, kay Jillian babagay ang role. Kahit daw si Marian ay papayag kapag si Jillian ang napiling gumanap sa role.