Singer, walang baby bump… IPINOST NA VIDEO NINA MATTEO AT SARAH, THROWBACK LANG DAW

ni Nitz Miralles @Bida | November 4, 2026

Photo: IG _matteog

Akala namin, may karga nang baby si Matteo Guidicelli nang mapanood namin ang reels video nila ni Sarah Geronimo. Nakatalikod si Sarah at ulo lang nito at likuran ang makikita sa simula ng video at karga nga siya ng asawa, kaya akala namin, bata.

Nang mag-iba ang camera angle, saka ipinakita ang mukha ni Sarah na karga ng asawa. 

Ipinakita rin ang pagtalon ni Sarah sa mga bisig ni Matteo at ang pagsalo ng aktor sa misis na may kasamang tawa at gulat.

Pero, sabi ng mga fans, old video ng Guidicelli couple ang inilabas nilang video at makikita na iba pa ang hairstyle nina Sarah at Matteo. 

Mapapansin ding wala pang umbok ang cheek ni Sarah at walang baby bump.

Ang paniwala ng mga fans, gustong iligaw nina Sarah at Matteo ang mga fans.

And by posting old video, matitigil ang mga pagtatanong if Sarah is pregnant. 

Naniniwala pa rin ang mga fans na buntis ito at ayaw pa lang nilang i-announce. 

Waiting naman ang mga fans kung kailan ang right time for them to announce that they are pregnant.

---

CREATIVE raw si Jayda Avanzado sa naisip na concept ng Halloween costume niya na suot sa Shake, Rattle & Ball 2026: LUCID. Ginawang costume o isinali ang Meralco bill nila. Sa photo, hawak nito ang electricity bill at ang iba pa ay isinabit sa kanyang damit.

“A Filipino’s worst nightmare; an overdue Meralco bill. Your bill is up, it’s payback time,” ang caption ng singer-actress sa kanyang post.

Mababasa ang mga comments na “I love it,” “The Goddess of creativity goes to...,” “Genius,” “Scary,” “A cultural queen,” “Panalo ‘to, nakakatakot talaga ang Meralco bill,” “Electrifying,” “Nice Jayda, very creative,” at “Love the outfit.”

Samantala, naghihintay ang mga fans ni Jayda ng next project niya sa Viva Films at may request ang mga fans nito na kung bibigyan siya ng ka-love team, ‘yung hindi bibitaw sa kalaunan. 

Ang former love team kasi ni Jayda na si Dylan Menor ay parang wala na sa Viva at lumipat sa MQuest Agency ng TV5.

---

Siguradong waiting ang mga male housemates sa loob ng Bahay ni Kuya sa pangako ni Marian Rivera na may ipadadala siya matapos silang bumisita ni Dingdong Dantes sa PBB house.

Maganda ang impresyon ni Marian sa male housemates nang bumisita sila ni Dong. Humanga ito nang makitang malinis at organisado ang bedroom ng male housemates, considering na pawang lalaki sila na usually kasi, hindi masyadong concerned sa cleanliness.

“Bilang gantimpala, sasabihin ko kay Kuya, papadalhan ko kayo ng something,” pangako ni Marian.

Excited na ang Pinoy Big Brother Collab 3.0 housemate na si Jeo Ong na matanggap ang ipadadala sa kanila ni Marian. Nabanggit nito na mabuti na lang at naglinis sila ng kuwarto bago dumating ang mag-asawa at nakitang maayos ang parte na ‘yun ng Bahay ni Kuya.

Tanong tuloy ng mga fans, ibig bang sabihin nito, mas malinis ang kuwarto ng male housemates kesa sa bedroom ng female housemates?

Speaking of Marian and Dingdong, Rated PG ng Movie and Television Review and Classification Board (MTRCB) ang movie nilang Remember. Paalala lang sa mga moviegoers, magdala kayo ng panyo o tissue na pamunas sa mga luha n’yo.

Galit na galit sa owner ng pet crematorium na nagtapon sa 29 aso at pusa… “THE FACES OF EVIL. MAY YOU BOTH ROT IN HELL” — CARLA

ni Nitz Miralles @Bida | November 3, 2026

Photo: FB Carla Abellana

Isa pa sa nagalit sa kinahinatnan ng 29 dogs na itinapon ay ang aktres na si Carla Abellana, isang certified animal lover na may mga alagang fur babies. Ini-repost niya ang post ng isang fur parent na ipinakita ang mga owner ng pet crematorium.

Sabi sa post, “Remember these faces. Sila ang may-ari ng AhJay Paws Aftercare Pet Crematorium. The faces of evil. May you both rot in hell, isama pa lahat ng pinapakain ninyong mga kapamilya na nakikinabang sa kahayupan n’yo...”

Sa Facebook (FB), madalas mag-post si Carla tungkol sa kanyang fur babies. Tumutulong din siyang mag-post tungkol sa mga nawawalang aso at sa panawagan ng mga nagre-rescue ng dogs and cats na nangangailangan ng pet food.

Tumutulong din si Carla financially sa mga fur babies na dinadala sa vet para sa checkup at operasyon. Nagiging foster fur parent din siya at nag-aalaga ng dogs hanggang sa may mag-adopt sa kanila.

Ganyan kamahal ng aktres ang mga aso kaya nagalit siya sa ginawa ng mga owner ng pet crematorium. Sana nga ay maparusahan sila nang naaayon sa ginawa nila sa mga aso’t pusa.

---

CERTIFIED hit ang showing ng Pee Mak (Philippine adaptation) dahil sa loob ng 19 days, umabot na sa P100 milyon ang total gross nito. Extended ang Viva Films movie at patuloy na pinapanood, kaya by now, nadagdagan na ang kita nito.

Makakadagdag din sa gross ng movie ang pagkakaroon nito ng international screenings sa 8 malls sa United Arab Emirates (UAE) at sa 3 malls sa Qatar. May screenings din sa 5 malls sa Los Angeles, California, at 5 malls sa San Francisco, California, gayundin sa Washington, D.C., Guam, at Phoenix.

Tinupad ng mga fans nina Wilbert Ross at Bea Binene ang ipinangako nilang gagawin nilang box office ang Pee Mak, kaya malaki ang pasasalamat ng magka-love team sa kanilang mga fans.

Kinongratyuleyt din nina Bea at Wilbert ang isa’t isa. Binati rin nila ang mga directors na sina Kip Oebanda at Mikhail Red. 

Dahil dito, nangangamoy na may follow-up film para kina Bea at Wilbert.

---

MAY mga kinilig sa latest Instagram (IG) Story post ni Ellen Adarna na makikita si John Lloyd Cruz (JLC) na nasa bahay niya at nakikipaglaro sa anak nina Ellen at Derek Ramsay na si Lily. Makikita rin ang anak niya na si Elias.

May part pa ng video clip na inayos ni John Lloyd ang shoes ni Ellen. May overlay text ito na, “1 year na ‘di ko magsuot dahil sa sintas. Hahaha! Buti fashionista ‘yung co-parent.”

Co-parenting ang set-up nina JLC at Ellen sa anak nilang si Elias, at hindi mapigilang pati si Lily ay makita at maka-bonding ng aktor. Marami tuloy ang kinikilig sa kanilang dalawa.

Naghitsurang gagamba, flower muntik mag-hello… PIKTYUR NI HERLENE NA NAKA-TWO-PIECE HABANG NAKALAMBITIN SA BINTANA, TRENDING

ni Nitz Miralles @Bida | November 2, 2026

Photo: Herlene Budol - IG

Nakalambitin sa bintana ang isang photo post ni Herlene Budol sa Instagram (IG) na may caption na, “Spider nga!!! Hahaha! Thank you @mark-ccaceres_tinupad mo fantasy ko! Galing!”

Hindi lang nakalambitin sa bintana si Herlene, suot din nito ang Spiderman-inspired na skimpy two-piece bikini. Konti pang bukaka at may sisilip na hindi dapat. Kaya karamihan sa mga comments ay fire emojis, habang ang iba naman ay pinusuan ang post at wala nang masabi pa.

Si Max Collins, “Taray!” na lang ang nai-comment. 

Ang iba naman ay “Grabe!” ang nasabi. 

May nag-comment ng “Whew! Napaka-hot,” “Pasabog,” “‘Di ako nag-zoom! Promise,” “Wala ba banyo sa loob,” “Grabe, naka-bukas na. Bahala na pag-iisip n’yo,” at ang nakakatawang comment na, “Wow! Gagambang bahay. Ang laki at ang ganda, ang hahaba ng mga galamay.”

May mga nakakatawa pang comments na bagay kay Herlene dahil sexy comedienne ang image na ipino-portray niya. May curious namang nagtanong kung ano kaya ang masasabi ng AFAM boyfriend ni Herlene sa kanyang pasabog. Pero dahil AFAM, bukas ang isip nito sa mga ganitong pasabog ng GF.

Si Herlene pala ay napapanood sa The Master Cutter at isa siya sa mga nagbibigay ng saya at tawa sa mga viewers ng action series dahil sa mga binibitiwan niyang punchline.

---

Kasabay ng pagtatapos ng Bongga Ka ‘Day!: The Annie Batungbakal Musical ang announcement na ang susunod na gagawing musical ay ang Kailangan Kita: An Ogie Alcasid Musical, na mapapanood sa Newport Performing Arts Theater mula May 2027 hanggang July 2027. Si Ogie mismo ang nag-announce nito sa audience ng Bongga Ka ‘Day!

“We are officially inviting everyone to watch Kailangan Kita next year, May 2027. All glory to God,” sabi ni Ogie, na sinundan ng sunud-sunod na congratulatory remarks mula sa kanyang mga showbiz friends.

“Next year, gusto ko kayong imbitahan sa aking munting palabas. Lahat ng mga awiting aking isinulat sa loob ng 38 taon at inawit ko, gagawin namin sa bulwagan na ito. Excited akong ipaalam sa inyo na ako ang gaganap at ang gaganap na aking kabiyak ay si Regine Velasquez.

“Pitong taon naming pinag-ukulan at pinag-isipan kung paano namin ipalalabas ‘to. I hope you will come next year,” pag-iimbita ni Ogie.

Ramdam ang excitement ng mga tao at kagustuhang mapanood ang Kailangan Kita dahil nang ilabas ang impormasyon kung paano mag-sign up para sa ticket waitlist, marami agad ang nag-inquire. Kaya lang, wala pang binanggit kung magkano ang tiket.

Collab project uli ang musical ng The Philippine Star, Viva, Newport World Resorts at PETA Plus. Kasama na rin sa collab production ang company ni Ogie na A-Team. Wala pang nabanggit kung sino ang ibang cast na makakasama sa musical na ididirek nina Ian Seguerra at Johnnie Moran.

---

PASABOG ang costume ni Heart Evangelista sa ginanap na Shake, Rattle and Ball 2026. White gown ang suot nito at sa kanyang likod ay may five to six knives na nakatusok. Statement at shading daw iyon ni Heart para sa mga backstabbers na mahilig siyang itsismis.

May binanggit pa ngang mga pangalan ang mga fans ni Heart kung kanino raw babagay o kung sino ang tatamaan sa statement white gown na suot niya.

“Heart Evangelista with her statement Halloween dress! She said there are so many backstabbers,” “Heart Evangelista came as ‘Backstabbed’ for Halloween,” at “Heart Evangelista stole the spotlight with her ‘Backstabbed’ costume.”

May tumawag na ‘iconic’ sa costume ni Heart. May nagsabi pa ng “Halloween but make it couture,” at marami ang nag-comment na Heart nailed it. Naiparating daw nito ang gusto niyang sabihin sa mga nagtsitsismis sa kanya nang hindi siya nagsasalita.

Angel naman ang costume ni Alden Richards, opposite raw sa costume ni Heart, pero bumagay sa kanilang dalawa. Kaya lang, twice na palang nag-Angel costume si Alden sa Halloween. Sana raw sa susunod ay ibahin naman niya ang kanyang costume. Mas maganda kung ang naughty o dark side naman ang ipakita niya.