Aktor, patulong daw sa PNP, NBI at DOJ… XIAN GAZA, SOBRANG LIBELOUS ANG PANINIRA KAY ALDEN, NAGTATAGO SA THAILAND

ni Nitz Miralles @Bida | October 25, 2026

Photo: FB Christian Albert Gaza & IG _aldenrichards02

May mga nagsa-suggest na idemanda ni Alden Richards si Xian Gaza dahil sa libelous at defamatory na paninira nito sa kanya. May nagsabi pa na mapapabalik sa bansa si Xian, na nasa Thailand pala, kung gagamit ang aktor ng koneksiyon. May iba pa ngang nag-suggest ng mga dapat gawin.

Sey ng isang concerned netizen, “There’s a way to send Gaza home. If you have enough connections and influence with the Government, you can ask the PNP (Philippine National Police), NBI (National Bureau of Investigation) or even DOJ (Department of Justice) to file a motion in court for the cancellation of his passport because Gaza still has a pending arrest warrant. Remember, he escaped the country because of that.

“Once the court issues an order for his passport cancellation, they can notify the DFA (Department of Foreign Affairs). The DFA should cancel his passport. Thai (Thailand) immigration or Interpol can be informed that Gaza is now an undocumented alien in Thailand. He can get deported once caught.”

Pero mas marami ang nagsabing hindi na dapat patulan ni Alden at hindi na rin dapat mag-issue ng statement ang Sparkle GMA Artist para ipagtanggol ang aktor. Gayahin daw nito si Kris Aquino na dinedma ang mga hosts ng Machong Chismisan.

Paniwala ng isang fan ni Alden, “Mas okey na ‘wag pansinin ‘yan. Mas sampal kay Gaza kung ‘di s’ya papansinin. ‘Wag nang effort-an ‘yan, bahala s’ya magtalak.” 

Sey pa ng isa, “Bakit papatulan ‘yan, ‘di naman totoo,” at “You don’t need to defend yourself. The people who witnessed your kindness will speak up and defend you.”

May bagong bahay si Alden, solo niya, at dito siya lumipat pagkatapos manirahan nang matagal sa condo. Tiyak na gagawan ng isyu ni Gaza ang bahay, lalo na’t puro high-end ang gamit. Hindi pa lang inilalabas ni Alden ang kanyang bahay at kapag nangyari ito, iisyuhan na naman ni Gaza.

---

NAGKAIYAKAN sa last taping day ng Honor Thy Mother. Sa isang photo, makikita si Sharon Cuneta na nakayakap sa director na si Onat Diaz. Nagyakapan din ang cast na naging close while doing the series.

Aniya, “IT’S A WRAP!!! Our last day has been a roller coaster of emotions. We honor everyone’s love and support that brought us here together.

“I love you so much, my Nanay Direk @onatdiaz. Thank you for everything you taught us and for guiding us through several months of filming our beloved drama. Sa uulitin.”

Nabanggit ni Sharon na puwedeng pahabain ang series. May ‘Honor Thy Daughter’, ‘Honor Thy Brother’, at ‘Honor Thy Niece’ pa raw. Hahaha! Yaya, driver at lahat ng tao na puwedeng i-honor.

Sabi pa niya, “Hanggang kabilang buhay, puwede pa kami mag-taping nang walang katapusan! Ang saya lang, ho, namin ‘pag ganu’n. Suggestion lang naman po. Parang gusto pa po ng bayang manood. Thank you po so much. These memories will definitely stay with me.”