Nadagdagan ang ex-marines, mukhang hindi pa tapos ang balasahan
- BULGAR
- 4 days ago
- 2 min read
ni Ka Ambo @Bistado | June 17, 2026
Masalimuot ang sitwasyon sa pulitika.
Delikado!
-----$$$--
Nagkasundo na ang US at Iran.
Mabuti naman.
----$$$--
Bumaba na ang presyo ng petrolyo.
Biyaya ng Panginoon!
-----$$$--
Nadagdagan ang bilang ng ex-Marines.
Baka mas marami ang “ikakarga.”
----$$$--
May nagtatanong: Ano raw ang dahilan ng magulong pulitika?
Ang sabi ko: Kawalan ng ideolohiya!
-----$$$--
Tinatanong ako, ano raw ang ibig sabihin ng ideolohiya?
Sagot ko: Itatanong ko muna sa AI.
Ano raw ang ibig sabihin ng AI?
Sagot ko: “A-mbo, I-ini.”
----$$$--
IBINABALA ang super El Niño.
Ano raw ang ibig sabihin nito?
Sabi ko: “Kombulsiyon ng mundo.”
-----$$$--
MAGKAKAROON ng balasa sa gabinete.
Matagal nang tsismis ‘yan, ngayon lang magkakatotoo.
-----$$$--
MAY pakiramdam tayo na mahaba pa ang bakbakang pampulitikang ito.
Propaganda vs. propaganda.
Torete ang publiko.
-----$$$--
WALANG nagpapaliwanag nang patas.
Halos lahat ay may pinapanigan.
----$$$--
ANG mainstream media lalo na ang social media ay walang kakayahang pumagitna.
Ito ay dahil sa kawalan nila ng kaalaman sa pasikot-sikot ng pulitika at ideolohiya.
----$$$--
NAKAKALUNGKOT isipin na habang namumulitika ang mga lider, patuloy ang pagdarahop na wala ring solusyon.
Titindi ang krisis sa mga buwan ng Hulyo, Agosto at Setyembre.
----$$$--
Giginhawa nang bahagya sa pagpasok ng Oktubre, Nobyembre at Disyembre dahil sa barangay election at Kapaskuhan.
Pero pagsapit ng Enero, Pebrero at Marso, mapaparalisado ang ekonomiya dahil sa Super El Niño.
-----$$$--
ANG pagtatapos ng giyera sa Middle East at Europe ay isang consuelo-de-bobo lamang.
Ito ay dahil sa mga ganid at suwapang na mga dambuhalang negosyante at mga buwaya sa pamahalaan.
----$$$--
NGAYON pa lamang ay dapat nang magsinop at magtipid.
Hindi tayo masasaklolohan ng pamahalaan na batbat ng katiwalian.
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments