MMDA GM Torre, kahit sablay, ‘di pa rin sinisibak, lakas! pwe!

ni Pablo Hernandez @Prangkahan | September 5, 2026

TILA SI BONOAN ANG MAGDIDIIN KAY CONG. ROMUALDEZ NA SIYA ANG MASTERMIND SA FLOOD CONTROL SCANDAL — Ikinabahala ni Leyte 1st District Rep. at former Speaker Martin Romualdez ang pagtanggal ng Sandiganbayan kay former Department of Public Works and Highways (DPWH) Sec. Manuel Bonoan bilang isa sa mga akusado sa flood control projects scam at ang pagkuha rito bilang state witness ng pamahalaan.

Aba'y sa totoo lang, mababahala talaga si Cong. Romualdez kasi si Bonoan ang magdidiin sa kanya bilang mastermind sa flood control scandal sa bansa, boom!

XXX

DAHIL SA 2 KASONG NO BAIL NA PLUNDER AT QUALIFIED HUMAN TRAFFICKING, MALAMANG HINDI NA UUWI SA ‘PINAS SI CONG. LEVISTE — Habang inihahanda ng Office of the Ombudsman ang kasong plunder laban sa mag-inang Sen. Loren Legarda at Batangas 1st District Rep. Leandro Leviste  na may kaugnayan sa P10 billion “ghost electricity,” ay sinampahan na ng National Bureau of Investigation (NBI) ng kasong qualified human trafficking si Cong. Leviste at iba pang kasabwat nito patungkol naman sa umano’y nabigong “honey trap” o pagkuha sa serbisyo ng mga babaeng ibinubugaw ng isang talent manager para i-frame-up si Executive Sec. Ralph Recto na irereklamong sadista raw ito sa sex, at pinagdodroga pa sila.

Dahil sa mga kasong iyan ay malamang hindi na uuwi sa Pilipinas si Cong. Leviste kasi nga ang dalawang kasong ito—plunder at qualified trafficking —ay parehong no bail, period!

XXX

MGA KAALYADO NG PAMILYA DUTERTE NA PINAKASUHAN AT IPINAKULONG NG MARCOS ADMIN, MAKALULUSOT LANG SA KASO AT MAKAKALAYA LANG SA KULUNGAN KAPAG NAGING PRESIDENTE SI VP SARA — Marami-rami na rin sa mga kaalyado ng pamilya Duterte ang mga pinakasuhan at ipinakulong ng Marcos administration, at ang bigat ng mga kasong isinasampa sa kanila, lahat no bail.

Isa lang ang pag-asa nila para sila ay makalusot sa mga kaso at makalaya mula sa pagkakakulong, at ito ay kapag nanalong presidente si VP Sara Duterte sa 2028 presidential election, abangan!

XXX

ANG LAKAS NI MMDA GM TORRE SA MARCOS ADMIN, KASI GUMAWA NA SIYA NG KABULASTUGAN, ‘DI SIYA SINIBAK, PINANATILI PA RIN SA PUWESTO — Matapos makumpirma na pag-aari ni MMDA General Manager Nicolas Torre ang private vehicle na ilegal na minarkahan ng mga logo ng MMDA, kinabitan ng red plate para makadaan sa EDSA Busway, ay sinabi ni MMDA Chairman Romando Artes na hindi ito sisibakin, mananatili ito sa kanyang puwesto bilang GM ng MMDA.

Ganyan kalakas sa Marcos admin si Torre, kasi gumawa na ng kabulastugan, pinanatili pa rin sa kanyang puwesto, tsk!