May ‘k’ ang kahit sino na magbigay-donasyon

ni Atty. Persida Rueda-Acosta - @Magtanong Kay Attorney | July 18, 2021

Ang tao ay mayroong karapatang ipagkaloob ang kanyang ari-arian sa ibang tao nang kusang-loob. Ang pagbibigay ng kusang-loob ng ari-arian sa ibang tao habang siya ay nabubuhay pa ay tinatawag na donasyon. Ito ay nakasaad sa Article 725 ng New Civil Code of the Philippines:

“Article 725. Donation is an act of liberality whereby a person disposes gratuitously of a thing or right in favor of another, who accepts it.”

Upang maging epektibo ang donasyon, kinakailangang ang donee o ang pinagbigyan nito ay tanggapin ang bagay na ibinigay sa kanya, sang-ayon sa nakasaad sa Article 734 ng nasabing batas:

“Article 734. The donation is perfected from the moment the donor knows of the acceptance by the donee.”

Ang pagbibigay ng donasyon ng tao ay naaayon sa mga limitasyong isinasaad ng batas, tulad na lamang na ang maaari lamang ibigay ay iyong mga ari-arian lamang niya sa kasalukuyan. Ito ay alinsunod sa parehong batas kung saan nakasaad na:

“Article 750. The donation may comprehend all the present property of the donor, or part thereof, provided he reserves, in full ownership or in usufruct, sufficient means for the support of himself, and of all relatives who, at the time of the acceptance of the donation, are by law entitled to be supported by the donor. Without such reservation, the donation shall be reduced in petition of any person affected.”

Kaugnay nito, sinasabi naman ng Article 751 ng pareho pa ring batas na ang future property o ang mga magiging ari-arian ng donor sa hinaharap ay hindi maaaring maging bahagi ng donasyon:

“Article 751. Donations cannot comprehend future property.

By future property is understood anything which the donor cannot dispose of at the time of the donation.”