Lifestyle check sa taga-DPWH, ‘pag yaman galing sa scam, ikulong!

ni Pablo Hernandez @Prangkahan | November 4, 2026

VP SARA, TILA TUTULUYANG PATALSIKIN KASI ANG IMPEACHMENT COURT AY DEDMA SA SURVEY NA AYAW NG MAJORITY PINOYS NA MA-CONVICT ANG BISE PRESIDENTE — Matapos lumabas ang survey ng SWS na majority Pinoys ang tutol na ma-convict si Vice President Sara Duterte, ay nagpalabas ng statement si Impeachment Court spokesman Atty. Regie Tongol na batas at ebidensya ang magiging batayan sa gagawing paghatol ng mga senator-judge at hindi ang resulta ng pa-survey ng mga survey firms.

Naku! Eh sa tema ng statement na ito ni Tongol ay tila hindi pakikinggan ng impeachment court ang naisin ng majority Pinoys na huwag i-convict si VP Sara, na ‘ika nga, talagang tutuluyan ng majority senator-judges na patalsikin sa puwesto ang Bise Presidente, boom!

XXX

DAPAT PAPANAGUTIN NG MILF AT MNLF ANG MGA FAKE NEWS NA VLOGGERS DAHIL SA DELIKADONG POST NA NASA KANILANG PANGANGALAGA SI SEN. DELA ROSA KASI, KUNG SINALAKAY SILA NG PNP AT AFP, MALAMANG MAY GIYERA NA NAMAN SA MINDANAO —  Dapat papanagutin ng liderato ng Moro Islamic Liberation Front (MILF) at Moro National Liberation Front (MNLF) ang mga fake news na vloggers na nag-post sa social media na pinoproteksyunan daw nila si Sen. Ronald dela Rosa na may warrant of arrest sa kasong crimes against humanity sa International Criminal Court (ICC).

Napakadelikado kasi para sa kanilang puwersa ang fake news na pinost ng mga vloggers sa social media, at mabuti na lang at itinanggi agad ng MILF at MNLF na kinakanlong nila si Sen. Dela Rosa kasi kung hindi nila itinanggi, malamang sinalakay na ng PNP at AFP ang kanilang mga kuta, at ang magiging dulot nito ay giyera na naman sa Mindanao, period!

XXX

MAY FLOOD CONTROL SCAM AT FARM-MARKET-ROAD SCAM, TAPOS MAYROON DIN

PA LANG 'ROAD RIGHT-OF-WAY SCAM ' SA DPWH — Anim na opisyal pa ng Department of Public Works and Highways (DPWH) ang sinampahan ng Ombudsman ng mga kasong graft at malversation sa Sandiganbayan kaugnay sa P491 million "Road Right-of-Way" scam sa Digos City at General Santos City.

Ang dami pa lang ng uri ng scam sa DPWH kasi bukod pala sa flood control projects scam at farm-to-market road scam, eh mayroon din pa lang "Road Right-of-Way" scam.

Ano pa kaya ang mga susunod na scam sa DPWH na malalaman ng publiko? Abangan!

XXX

MGA TAGA-DPWH, DAPAT I-LIFESTYLE CHECK DIN NG OMBUDSMAN — Dapat magsagawa ng lifestyle check ang Ombudsman sa mga taga-DPWH.

At ang sinumang taga-DPWH na mapapatunayang maluho ang pamumuhay, imbestigahan kung saan nagmula ang kanilang kayamanan at kapag napatunayang galing umano ito sa scam, kasuhan agad at saka ikulong sa city jail, period!