Karapatan ng mga empleyado sa percentage ng service charges

ni Atty. Persida Rueda-Acosta @Magtanong Kay Attorney | February 22, 2026

Nakapaloob sa Republic Act (R.A.) No. 11360 na pinamagatang, “An act providing that service charges collected by hotels, restaurants and other similar establishments be distributed in full to all covered employees, amending for the purpose Presidential Decree No. 442, as amended, otherwise known as the Labor Code of the Philippines,” ang mga sumusunod:

“Art. 96. Service Charges. - All service charges collected by hotels, restaurants and similar establishments shall be distributed completely and equally among the covered workers except managerial employees.

In the event that the minimum wage is increased by law or wage order, service charges paid to the covered employees shall not be considered in determining the employer's compliance with the increased minimum wage.

To facilitate resolution of any dispute between the management and the employees on the distribution of service charges, a grievance mechanism shall be established. If no grievance mechanism is established or if inadequate, the grievance shall be referred to the regional office of the Department of Labor and Employment which has jurisdiction over the workplace for conciliation.

For purposes of this Article, managerial employees refer to any person vested with powers or prerogatives to lay down and execute management policies or hire, transfer, suspend, pay-off, recall, discharge, assign or discipline employees or to effectively recommend such managerial actions.”

Malinaw sa nabanggit na probisyon ng batas ang karapatan ng mga angkop na empleyado ng mga establisimyentong nangongolekta ng service charges, katulad ng mga hotels, restawran, at iba pang katulad na mga establisimyento. Ayon sa Department Order No. 242 Series of 2024, na inilabas ng Department of Labor and Employment noong ika-1 ng Pebrero 2024, ang terminong covered employees o ang mga sakop na empleyado ay iyong mga empleyado, maliban sa managerial employees, anuman ang kanilang posisyon, designasyon, estado ng empleyo at walang pagsasaalang-alang kung paano binabayaran ang kanilang mga sahod. 

Para sa kabatiran ng lahat, ang mga hindi sakop ng batas na ito ay iyong mga tinatawag na managerial employees. Sila iyong mga pinagkalooban ng kapangyarihan o prerogative na maglagay at magsagawa ng mga patakaran sa pamamahala, at mangalap, maglipat, magsuspinde, magtanggal, mag-recall, mag-discharge, magtalaga, o magdisiplina ng mga empleyado.

Ang pamamahagi o pagbabayad sa mga angkop na empleyado ng mga nakolektang service charges ay isasagawa sa loob ng hindi bababa sa isang beses kada dalawang linggo o dalawang beses kada buwan at sa pagitan ng hindi lalagpas sa labing-anim na araw. 

Kapag mayroong pagtaas ng minimum wage, ang service charges na ibinayad sa mga empleyado ay hindi maaaring ikonsidera sa pagtanto na sumusunod ang mga angkop na establisimyento sa pagtataas ng minimum na sahod.

Anumang usapin o pagtatalo na magmumula sa pamamahagi o pagbabayad sa mga empleyado ng mga nakolektang service charges ay aayusin sa pamamagitan ng grievance machinery ng sakop na establisimyento o ayon sa collective bargaining agreement (CBA). Kapag walang naitatag na grievance machinery, ang pagtatalo o usapin ay ihahain sa opisina ng Department of Labor and Employment (DOLE) na nakasasakop sa lugar ng trabaho upang isailalim sa conciliation.