Karapatan ng mga bata na umaangkas sa motorsiklo

ni PAO Chief Persida Rueda-Acosta @Magtanong Kay Attorney | May 10, 2026

Madalas tayong makakita ng mga batang nakasakay sa mga motorsiklo, lalo na’t patuloy na nagiging popular ngayon ang motorsiklo bilang isang uri ng transportasyon. Kaya naman naaangkop na ating alamin ang mga umiiral na regulasyon ng Estado sa ganitong uri ng transportasyon.  

Sa ilalim ng Republic Act (R.A.) No. 10666 o ang tinatawag na "Children’s Safety on Motorcycles Act of 2015," ipinahayag ang patakaran ng Estado na pangalagaan ang karapatan ng mga bata sa wastong pag-aaruga, kabilang ang sapat na pangangalaga at nutrisyon, at espesyal na proteksyon laban sa lahat ng anyo ng kapabayaan, pang-aabuso, kalupitan, pagsasamantala, at iba pang mga kondisyon na nakapipinsala sa kanilang pag-unlad. Upang maisakatuparan ito, isinusulong ng Estado ang isang mas proactive at preventive na diskarte upang matiyak ang kaligtasan ng mga pasahero, lalo na ng mga bata, sa pamamagitan ng pagbibigay ng regulasyon sa operasyon ng mga motorsiklo sa mga kalsada at highway.

Sa nabanggit na batas ay ipinagbabawal ang mga sumusunod na akto:

“Section 4. Prohibition. – It shall be unlawful for any person to drive a two (2)-wheeled motorcycle with a child on board on public roads where there is heavy volume of vehicles, there is a high density of fast-moving vehicles or where a speed limit of more than 60/kph is imposed, unless:

1. The child passenger can comfortably reach his/her feet on the standard foot peg of the motorcycle;

2. The child’s arms can reach around and grasp the waist of the motorcycle rider; and

3.  The child is wearing a standard protective helmet referred to under Republic Act No. 10054, otherwise known the "Motorcycle Helmet Act of 2009."

Malinaw sa mga nabanggit na probisyon na labag sa batas para sa sinumang tao na magmaneho ng motorsiklo na may batang sakay sa mga pampublikong kalsada kung saan may mabigat na daloy ng mga sasakyan, may mga mabibilis ang takbo na sasakyan o kung saan ang limitasyon ng bilis ay higit sa 60/kph maliban kung maginhawang maiaabot ng batang pasahero ang kanyang mga paa sa karaniwang foot peg ng motorsiklo; mayapos ng kanyang mga braso ang baywang ng rider ng motorsiklo; at nakasuot siya ng protective helmet na tinutukoy sa ilalim ng Republic Act (R.A.) No. 10054 ("Motorcycle Helmet Act of 2009").

Sinumang tao ang lumabag sa probisyon ng batas na ito ay maparurusahan ayon sa mga sumusunod:

“Section 6. Penalties. – Any person who operates a motorcycle in violation of Section 4 of this Act shall be fined with an amount of three thousand pesos (P3,000.00) for the first offense; five thousand pesos (P5,000.00) for the second offense; and ten thousand pesos (P10,000.00) for the third and succeeding offenses.

Moreover, for the third offense, the driver’s license of the offender shall be suspended for a period of one (1) month.

Violation of these provisions beyond the third time shall result to automatic revocation of the offender’s driver’s license.”